Austurland - 17.11.1994, Blaðsíða 1

44. árgangur.
Neskaupstað, 17. nóvember 1994.
41. tölublað.
Framlög sveitarfélaga á Austurlandi í
Atvinnuleysistryggingasjóð skila sér ekki til baka
AUSTURLAND
Á þessu og síðasta
ári greiddu 27 sveitarfélög á
Austurlandi rúmlega 52 milljón-
ir króna í Atvinnuleysistrygg-
ingasjóð en fengu aðeins til
baka tæplega tíu milljónir.
Átján sveitarfélög þar á meðal
þau sem greiddu mest í sjóðinn
hafa ekki fengið krónu til baka
í atvinnuskapandi verkefni.
Hornafjörður, Neskaupstað-
ur og Egilsstaðabær eru hæstu
greiðendur á Austurlandi í sjóð-
inn og nemur framlag þessara
sveitarfélaga tæplega 23 millj-
ónum króna en til baka hefur
komið til Egilsstaðabæjar og
Hornafjarðar rúmlega 900.000
krónur til hvors sveitarfélags, en
ekki ein króna til Neskaupstað-
ar.
Margir sveitarstjómarmenn
fullyrða að framlagið í Atvinnu-
leysistryggingasjóðinn sé ekkert
annað en nýtt nafn á „löggu-
skattinum1'. Framlög miðast við
höfðatölu og t. d. greiðir sveit-
arfélag með yfir 300 íbúa 2.312
krónur á íbúa 1994, en 1.950.
fyrir síðasta ár. Þarna er um
18.5% hækkun milli ára sem er
ekki í neinu samræmi við aðrar
hækkanir í landinu.
Ljóst er að framlög sveitarfé-
laganna á Austurlandi í sjóðinn
skila sér ekki til baka í atvinnu-
skapandi verkefni eins og
áformað var. Þá má benda á að
sveitarfélögin verða að leggja
fram sömu upphæð og fæst úr
sjóðnum og því er þarna nánast
um tvísköttun að ræða.
Sveitarfélögin í landinu hafa
að undanfömu mótmælt fram-
Haraldur Jörgensen með nokkrar vænar síldir fullar af hrognum
og sviljum. Ljósm. EG
Síldin full af
hrognum og sviljum
NESKAUPSTAÐUR
Mikið af hrogn-
um og sviljum var í síldinni sem
Þórshamar landaði í Neskaup-
stað á sunnudaginn. Eins og
kunnugt er voru nokkrar deilur
um það fyrr á síldarvertíðinni
hvort síldarmerkin sem fundust
í’ loðnubræðslu SVN væru úr
síld af heimamiðum eða hvort
þau væru úr síldinni sem veidd-
ist í sumar í „síldarsmugunni"
svonfendu. Haraldur Jörgensen
sem verið hefur verkstjóri í síld-
arverkun hjá SVN um árabil
segir það sitt álit að hér sé um
síld úr Norsk-íslenska stofnin-
um að ræða. Hvað sem fiski-
fræðingar segja, sagði Harald-
ur, þá þekkja menn hér muninn
á hrognum og sviljum annars
vegar og mör hinsvegar.
Síldarfarmurinn sem þessi
sýnishorn voru fengin úr fékkst
á Papagrunni og var mun síldin
stærri en verið hefur undanfarna
daga.
haldi þessarar skattheimtu en
samkvæmt samningi um verka-
skiptingu ríkis og sveitarfélaga
á þessi skattur að falla niður um
næstu áramót, en í fjárlögum
næsta árs er gert ráð fyrir
honum. Sveitarfélögin á Aust-
urlandi gætu áorkað þó nokkru
heima fyrir, til atvinnusköpun-
ar, fyrir þær rúmlega 50.000.000
sem þau hafa greitt suður.
Ungloðna um allan sjó
Félagsvist
verður haldin
í Sigfúsarhúsinu
laugardagin
19. nóvember kl. 1500
Allir velkomnir.
Félag eldri borgara
3 Rannsóknaskip-
in Bjarni Sæmundsson og Árni
Friðriksson voru í höfn í Nes-
kaupstað á mánudaginn og voru
fiskifræðingarnir Sveinn Svein-
björnsson og Hjálmar Vil-
hjálmsson að bera saman bækur
sínar.
Stór loðna fannst um helgina
austur af Langanesi og fóru þrj ú
skip á miðin til frekari leitar, en
árangur ekki kunnur þegar
þetta er skrifað.
Að sögn Sveins Sveinbjörns-
sonar er mikið af ungloðnu um
allan sjó en stór ioðna utan
þeirrar sem fannst austur af
Langanesi, hefur ekki fundist
ennþá í neinu umtalsverðu
magni.
Sveinn sagðist þó ekki vera
orðinn hræddur ennþá um að
loðnan skilaði sér ekki, hún hafi
hegðað sér svona fyrr.
Árni Friðriksson er nú að fara
í smásíldarleiðangur vestur og
norður fyrir land og endar hér
fyrir austan þar sem stórsíldin
verður mæld.
Bjarni Sæmundsson verður
áfram fyrir austan og ætla leið-
angursmenn að koma við á
„Rauða torginu" í næstu viku
og skoða síldina þar.
Norðfirðingar
hittast
Aðalfundur Norð-
firðingafélagsins í Reykjavík og
nágrenni verður haldinn í Safn-
aðarheimili Bústaðarkirkju
sunnudaginn 20. nóvember nk.
oghefst hann klukkan fimmtán.
Auk venjulegra aðalfundar-
starfa verður boðið upp á
myndasýningu „að heiman" og
norðfirskir tónslitarmcnn
skemmta. Að venju verður boð-
ið upp á kaffi og meðlæti.
Verður reist stóriðja í frystingu
sjávarafurða á Austfjörðum?
AUSTURLAND
___________ Á stjórnarfundi
Sambands sveitarfélaga í Aust-
urlandskjördæmi sem haldinn
var á Reyðarfirði sl. föstudag
var lögð fram beiðni um þátt-
töku í hagkvæmnisathugun á
staðsetningu eða reksturs „stór-
iðju“ í frystingu sjávarafurða á
Austfjörðum.
Það var Gunnlaugur Ingvars-
son frá fyrirtækinu ICEMAC
sem lagði beiðnina fram og
gerði um leið ítarlega grein fyrir
hugmyndum sínum. Gunnlaug-
ur er að leita eftir fjárstuðningi
úr ýmsum sjóðum til að fjár-
magna framgreint verkefni. Um
er að ræða mjög stórt og full-
komið frystihús, staðsett á
Austfjörðum, með álíka af-
kastagetu á sólarhring og öll
frystihúsin í fjórðungnum.
Áætluð afkastageta hússin
yrði 400 - 600 tonn á sólarhring
og veitti það um 100 manns
vinnu. Vinnsludagar á ári yrðu
120- 180 dagar. Samhliða frysti-
húsinu þyrfti að reisa um 5.000
m2 frystigeymslu þ. e. fyrir hálfs
mánaðar framleiðslu. Orkuþörf
slíks frystihúss yrði 3.5 - 4
megavött og landrými um 1.5
hektarar. Þá þyrfti hafnarað-
staða að vera mjög góð, þannig
að 130 metra löng, sex til átta
þúsund lesta skip gætu lagst að
bryggju.
Gunnlaugur gat þess á fund-
inum að rætt hafi verið við aðra
aðila um hugsanlega þátttöku í
hagkvæmnisathuguninni. Leit-
að væri eftir fjármagni úr
austfirskum sjóðum að upphæð
2 milljónir króna.
Niðurstaöa fundarins var sú að
ICEMAC vinni einskonar áfanga-
skýrslu og komi henni á framfæri
við stjómina, sem fjalli síðan um
málið á grundvelli hennar.
Samkvæmt heimildum Austur-
lands eru í dag aðeins þrír staðir
í fjórðungnum sem gætu fullnægt
orkuþörfinni og tæplega kemur
annar staður en Reyðarfjörður til
greina fyrir stóriðju sem þessa
landfræðilega séð.
N
Opið frá 10°° til 1900
ALLA DAGA
KAUPFÉLAGIÐ FRAM
NESKAUPSTAÐ