Austurland - 06.05.1999, Blaðsíða 1

Vinnandi Menn ehf.
kynna starfsemi sína
Auglýsingastofan Vinnandi
Menn ehf. efndi til kynning-
arhófs á Hótel Héraði á föstu-
daginn var. Fyrirtækið var
fyrir nokkru síðan stofnað á
grunni Níutíuogsjö ehf. á
Egilsstöðum og Vinnandi
rnanna sf. á Akureyri og eru
höfuðstöðvar þess á Egils-
stöðum. Jafnframt er öflugt
útibú á Akureyri og verk-
efnaráðnir aðilar starfa í
Reykjavík og víðar.
A kynningunni var farið
yfir starfsemi auglýsingastof-
unnar, sem einkum er grafísk
hönnun, vefsíðusmíð, aug-
lýsingagerð og almanna-
tengsl, hönnun upplýsinga-
efnis og umbrot, ásamt skilta-
gerð, hverskonar merkingum
og stimplagerð. Kynningin
þótti heppnast hið besta og
voru margir lykilaðilar í aust-
firsku athafnalífi og fram-
bjóðendur stjórnmálaflokka
viðstaddir, að ógleymdum
forsætisráðherra og öðru
góðu fólki. (fréttatilkynning)
Sveinn SU kominn
Hið nýja skip SR mjöls,
Sveinn Benediktsson SU-77
kom til Reyðarfjarðar í síð-
ustu viku. Sveinn er 56 metr-
ar að lengd og 11 metrar að
breidd. Hann er búinn RSW
kælikerfi, auk frystibúnaðar
og flokkara, en í 6 frystitækj-
um skipsins má frysta 60 tonn
af loðnu á sólarhring. Skipið
ber um 1200 tonn af afla full-
lestað. Skipið verður gert út
frá Reyðarfirði og mun
Skipaklettur hf. sjá um rekst-
ur þess. Halldór Jónasson
hefur verið ráðinn skipsstjóri
og verður áhöfn skipsins
Reyðfxrsk.
Öldungamót BLI var haldið í Neskaupstað í síðustu viku og var mikið um dýrðir. Spilaðir voru um
200 leikir á mótinu, sem þótti ganga afskaplega vel fyrir sig, enda skipulag ífóstum skorðum. Mikið
fjör var í Egilsbúð öll kvöldin meðan mótið stóð yfir og reyndar varð einhverjum að orði að þarna
vœru sennilega ekki öldungar, heldur öl-dúnkar á ferðinni! Mótið endaði svo á frábœru lokahófi í
Egilsbúð þar sem um 400 gestir átu, drukku og skemmtu sér og hefur sentiilega aldrei verið eins mikil
stemmning í Egilsbúð og á ballinu sem fylgdi á eftir. Það kom því ekki á óvart að margir keppendur
höfðu það á orði að þetta hefði verið besta öldungamótið frá upphafi. Það kemur íhlut Þróttara frá
Reykjavík að reyna að bœta um betur á nœsta ári, en Jónas Traustason var valinn í embœtti
blaköldungs og mun hann því verða einráður um framkvœmd nœsta móts. Ljósm. as
Eignarhaldsfélag Austurlands stofnað
Á síðasta föstudag var Eignar-
haldsfélag Austurlands stofnað
við formlega athöfn á Hótel Hér-
aði á Egilsstöðum. Það eru At-
vinnuþróunarsjóður Austurlands,
Fjárfestingafélag Austurlands og
Byggðastofnun sem eru fyrstu
skráðu hluthafamir í félaginu og
er stofnféð 4 milljónir króna.
Stefnt er að því að auka hlutafé í
100 milljónir á fyrsta starfsárinu
og hefur Byggðastofnun þegar
samþykkt að auka framlag sitt í
40 milljónir króna. Tilgangur
félagsins er að taka þátt í stofnun
og starfsemi annarra félaga sem
uppfylla þrenn skilyrði: Eru
rekin á grundvelli arðsemissjón-
armiða, fela í sér nýmæli í at-
vinnulífi eða eru mikilvægur
þáttur í uppbyggingu atvinnulífs.
Þátttaka Eignarhaldsfélagsins í
öðrum félögum verður í formi
hlutafjárkaupa. Fjárfestingar
verða í samræmi við fyrirfram
mótaða fjárfestingastefnu sem
stjórn félagsins setur því og að
leiðarljósi verða höfð fagleg
vinnubrögð, arðsemi fjárfestinga
og áhættudreifing. Eignarhalds-
félagið er í samvinnu við Byggða-
stofnun, Atvinnuþróunarsjóð
Austurlands, Fjárfestingafélag
Austurlands og Þróunarstofu
Austurlands. Félagið mun leita
eftir samstarfi við banka og
aðrar fjármálastofnanir, fjárfest-
ingasjóði, sveitarfélög og fyrir-
tæki og aðila sem vinna að ný-
sköpun og atvinnuþróun. Stofn-
un Eignarhaldsfélagsins er eitt
mikilvægasta skrefið sem stigið
hefur verið í nýsköpun á Austur-
landi.
Ljóst er að nýstofnað Eigttarhaldsfélag Austurlands mun eiga
þátt í að aðlaga atvinnulíf landshlutans að fyrirsjáanlegum breyt-
ingum á viðskiptaumhverfi, gildismati og tœkni á nýrri öld.
Leikskólagjöld hækka
hjá einstæðum foreldrum
Þessa dagana er verið að vinna
að því að samræma gjaldskrár
leikskólanna í Fjarðabyggð. Þetta
þýðir hækkanir á gjöldum sumra
en lækkanir hjá öðrum. í leik-
skólanum í Neskaupstað þurfa
einstæðir foreldrar t.d. að greiða
talsvert meira fyrir vistun en
áður, en afsláttur þeirra var lækk-
aður úr 50% í 30%. Fyrir átta
tíma vistun þýðir þetta hækkun
úr 5200 kr. á mánuði í 8365 kr,
eða 3165 kr. Ef bömin eru tvö
nemur hækkunin 5538 kr. á
mánuði. Þetta er nokkur hækkun
og því hefur það vakið nokkra
gremju meðal foreldra að gjald-
skrárbreytingin sé auglýst rétt
fyrir mánaðamót. Að sögn Gunn-
laugs Sverrissonar, forstöðu-
manns fræðslumálua- og menn-
ingarsviðs Fjarðabyggðar, eru
þessar gjaldskrárbreytingar liður
í samræmingu á starfsemi leik-
skólanna í sveitarfélaginu og þó
að ljóst sé að gjöld hækki hjá
suinum foreldrunt, sé dagvistun
í sveitarfélaginu enn ódýr ef
miðað er við önnur sveitarfélög.
Gunnlaugur segir að eflaust
hefði mátt auglýsa gjaldskrár-
breytinguna fyrr en gert var, en
eindagi á greiðslu leikskóla-
gjalda sé ekki fyrr en um næstu
mánaðamót og ætti sá tími að
duga fólki til að gera viðeigandi
ráðstafanir.
Flottamennirnir koma
Nú bendir allt til þess að
flóttamenn frá Kosovo komi til
landsins í næstu viku. Guðný
Björg Hauksdóttir, stjómmála-
fræðingur, hefur verið ráðin til
þess að sjá um komu flótta-
mannanna til Fjarðabyggðar og
segir hún að þeir muni hafst við
á Eiðum fyrstu tvær vikumar, en
verði svo smátt og smátt fluttir
til Reyðarfjarðar og Dalvíkur,
og muni það ferli taka ca. tvær
vikur í viðbót. Guðný er nú í
vikunni að kanna þörf atvinnu-
rekenda á Reyðarfirði fyrir
vinnuafl, auk þess sem bygg-
ingafulltrúi er að gera úttekt á
húsnæði sem stendur flótta-
fólkinu til boða.
flllt á grillið
Salalbar
Grillaðir KiúKlingar gox
á töstudogum
Opið á iaugardögum frá 10 til 18
W 477 1301