Neisti - 24.12.1952, Blaðsíða 1

\
Siglufjarðarprentsmiðja h.f. 9* tbl. Miðvikudagur 24. des. 1952
20. árgangur.
„Sjá, Mannsins sonur kemur!“ Kallið ómar,
að konungurinn fæddur sé á jörð,
og yfir mönnum heyrast englahljómar
um helga náð og bæn og þakkargjörð.
1 fátækt kemur hann, sem heimi öllum
af himins auðlegð gefur dýrust hnoss.
Hann þekktist ekki í háum dýrðarhöllum,
— 1 hreysi borinn var til frelsis oss.
Vér minnumst barnsins blessaða og hreina,
í Betlehem sem fyrr í jötu lá.
En allra barna minnumst, — meyja og sveina,
en mest samt þeirra, er böl og sorgir þjá.
„Það. sem þér mínumminnstu bræðrum gefið,
að mér er rétt,“ svo kvað hann sjálfur fyr.
Ef æ við syngjum sama barlómsstefið,
vér sjáum aldrei lífsins fögru dyr.
Hann kom að boða réttlætisins ríki, —
það ríki er f jarlægt enn í dag, sem þá.
En gætum þess, að ei oss sjálfa sv'iki
það singirninnar víl, er aldrei má
úr fjarska beina að Zíon augum sínum
og sjá þann ljóma, er yfir henni skín,
— þau fyrirheit í hennar ljósu línum,
sem lofa fyliing- óskum þín og mín.
„Guðsríki er nálægt!“ Aííbragðsmenn það eygja
um alda höf í bjartri dýrðarsýn.
„Guðs ríki er fjarlægt!" fræði heimsins segja,
„og fullkomnunin draumalöngun þin“. —
En heldur lát oss með drottni dreyma,
að draumsins framkvæmd vinna í starfi og þrá,
en æðri sjón í g-laumi heimsins gleyma
og glata því, sem fegurst verða má. —
Já, fögnum allir drottins dýru heitum,
þótt dveljist enn um hr'ið sú uppfylling,
sem megum vænta. — Ofar öllum sveitum
fer óljós von um þöglan fjallahring.
Guðs ríki kemur yfir alla jörðu,
og andans heimar birtast mönnum skjótt;
hið blíða vinnur bug á öllu hörðu,
og bráðum dagar eftir langa nótt.
Jakob Jóh. Smári

t
S
X
„Og jólin viljum við verkfallsmenn geta haldið
við lækkaða dýrtið og aukiim kaupmátt iauna
hins vinnandi fólks“.
Þannig fórust Hannibal Valde-
marssyni, formanni samninga-
nefndar verkalýðsfélaganna, orð í
Alþýðublaðinu tveimur dögum
áður en hinu 20 daga verkfalli
lauk.
Með þeim heildarsamningum,
sem tókust þann 19. des. s.l. fser
íslenzkur verkalýður jól „við
lækkaða dýrtíð og aukinn kaup-
mátt launa“ sinna.
I) 1. Mjólk lækkar úr kr. 3,25
í 2,71:
2. Kartöflur lækka úr kr.
2,45 í 1,75.
3. Kaffi lækkar úr kr. 45,20
í 40,80 kg.
4. Sykur lækkar úr kr. 4,14
kg. í 3,70.
5. SaltfiSkur lækkar úr kr.
5,60 í 5,20 kg.
6. Lækkun á kolum o.fl.
7. Brennsluolía lækki um 4
aura á l'íter.
Þessar ráðstafanir mundu
lækka vísitöluna strax um 5,18
stig. Ennfremur beitir ríkisstjórn-
in sér fyrir eftirfarandi verðlækk-
unum:
II) Benzín lækki um 4 aura á
líter.
III) Flutningsgjöld til landsins
lækki um 5%.
IV) Verðlækkun á ýmsum nauð
synjavörum almennings, svo sem
kornvöru, ýmsar tegundir vefn-
aðarvöru o,fl„ og skuldbindur
ríkisstjórnin sig til að hafa eftir-
lit með álagningunni.
Fjölskyldubætur verði auknar,
þannig að á 1. verðlagssvæði verði
greiddar fyrir annað bam að
meðtalinni vísitölu kr. 612,00 og
fyrir þriðja barn kr. 912,00, miðað
við vísitölu 153. Á öðru verðlags-
svæði verði bætur greiddar hlut-
fallslega við þetta. Ekkjur og
ógiftar mæður skulu njóta sömu
fjölskyldubóta.
Lækkun vísitölu skal ekki hafa
áhrif á kaupgjald til lækkunar
fyrr en lækkunin nemur samtals
meira en 10 stigum, og þá ein-
ungis að því leyti, sem lækkun-
in kann að verða umfram 10 stig.
Ríkisstjórnin skuldbindur sig til
að leggja ekki á aukna skatta
og tolla vegna þess kostnaðar
ríkissjóðs, er af framangreindúm
ráðstöfunum leiðir.
VII) Þá hefur niðurjöfnunar-
ytyeisti cskai 'ótbiwi tesenda/n sínnnt, naiz 0$
nefnd Reykjavíkur og iborgar-
stjórinn, að beiðni ríkisstjórnar-
innar, fallizt á að hækka persónu-
frádrátt við útsvarsálagningu á
næsta ári um 50%. Ennfremur, að
lágmark nettótekna til útsvars
skuli vera kr. 15.000,00 i stað kr.
7.000,00, svo og að útsvör af
tekjum frá 15 þús. til 30 þús.
lækki verulega. — Samskonar
lækkun á útsvarsstiganum hlýtur
að koma einnig til framkvæmda
utan Reykjavíkur. Allt annað
væri að skapa misræmi á kjörum
manna þar og úti á landsbyggð-
inni. En til þess var ábyggilega
ekki ætlast með þessum heildar-
samningum.
VIII) Vegha ýmissa þeirra ráð-
stafana, sem að framan greinir,
lækkar bæði kaupgjalds- og verð-
lagsvísitala um 5 stig, niður i
148 og 158 stig. Skal sú lækkun
ekki hafa áhrif á kaupgjald. —
Hækki eða lækki framfærsluvísi-
talan úr 158 stigum, greiðist kaup
samkvæmt kaupgjaldsvísitölu með
5 stiga álagi á grunnlaun, sem
eigi eru hærri en kr. 9,24 á klst.,
kr. 423,00 á viku eða kr. 1830,00
á mánuði greiðist þó v'isitöluupp-
bót samkvæmt kaupgjaldsvísitölu
að viðbættum 10 stigum (þ.e. 158
stig). Fari kaup á þennan hátt
upp fyrir kaup i hærri kaupgjalds
flokki sama félags, hækkar kaup
þess flokks upp í sömu upphæð.
Á grunnlaun, sem eigi eru
hærri en r. 11,11 á klst., íkr. 508
á viku eða kr. 2200,00 á mánuði,
skal greiða fulla vísitölu-uppbót
(153 stig). Á þann hluta grunn-
kaups, sem umfram kann að vera,
greiðist sama vísitöluálag og
áður (123 stig). Orlof verði 15
virkir dagar, eða 5% af kaupi.
Samningurinn gildir til 1. júní
n.fc., en framlengist þá um sex
mánuði, hafi honum ekki verið
sagt upp með mánaðar fyrirvara.
Þessi samningur verður að kall-
ast stórsigur fyrir 'íslenzkt verka-
fólk. Það hefur með honum knúið
valdhafana inn á nýjar brautir,
sem vísar þjóðinni fram á vsg í
stað öryggisleysis. Þessi sigur hef
ur ekki unnizt án fórna af hálfu
verkfallsmanna, en allt um það
var sigurinn þeirra.
Góður málstaður hlýtur alltaf
að sigra. Og nú heldur íslenzkur
verkalýður jól við lækkaða dýrtíð
og aukinn kaupmátt launa sinna.
En framundan er barátta al-
þýðunnar fyrir betra og réttlát-
ara þjóðflélagi. Þjóðfélagi, þar
sem hvorki ríkir fátækt eða neyð,
og allir geta veitt sér brýnustu
lífsnauðsynjar frá vöggu til graf-
ar.
Látum boðskap jólanna og
fagnaðarerindi kristindómsins
vera okkur þar leiðarv'ísir, þá
mun þjóðunum vel vegna.
GLEÐILEG JÓL!
pteðitepia jóla
y