Fylkir - 15.11.1975, Blaðsíða 1

27. árg.
Vestmannaeyjum. 15. nnvember 1975
9. tbl.
STEFÁN RUNÓLFSSON:
Tlugleiðingar um iþrólíamál
Á síðastliðnu sumri féll meist
araflokkur ÍBV í II. deild, eins
og öllum er kunnugt. Um þetta
áfall hefur að sjálfsögðu verið
mikið rætt og ritað, enda ekki
að ástæðulausu, þar sem þetta
er mjög slæmt fyrir bandalag-
ið, einkum og sér í lagi fjár-
hagslega, þar sem aðsókn að
leikjum II. deildar er mjög
lítil, svo og aðstaða til inn-
heimtu er mjög ábótavant hjá
hinum ýmsu II. deildar liðum
úti á landi.
Pá er ferðakostnaður gífur-
legur, og ekki séð fyrir endann
á því, hvernig ÍBV raunveru-
lega getur komist fram úr því
máli, þar sem mótherjar eru
dreifðir um allt land, þ. e. á
Selfossi, í Reykjavík, á ísafirði,
Akureyri, Húsavík og Árskógs-
strönd.
Þrátt fyrir það verður að
sjálfsögðu barist áfram, og er
það von forráðamanna ÍBV, að
strax á næsta sumri muni
meistaraflokkur ÍBV vinna sig
upp í I. deild að nýju, og ber
þá að hafa í huga, að allflestir
meistaraflokksmenn ÍBV, sem
eru bæði ungir og kraftmiklir
knattspyrnumenn, hyggjast
halda áfram og vinna sinn fyrri
sess í I. deildinni.
Þá hefur, og það ekki að á-
stæðulausu, verið mikið rætt,
hver ástæðan hafi verið fyrir
því, að svona fór, og hafa í því
sambandi verið ýmsar getgát-
ur og fullyrðingar á lofti. Eg
vil í því sambandi taka það
fram, að þar er engum einum
um að kenna, en vil jafnframt
benda á, að meistaraflokkur í.
B. V. sigraði sterkustu liðin í
I. deildinni á sl. sumri.
Um þessar mundir er verið
að vinna að því að ráða þjálf-
ara fyrir næsta ár, og er útlit
fyrir að frá því máli verði geng-
ið innan skamms.
En þó ekki hafi betur tekist
til, en frá hefur verið greint
í sambandi við meistaraflokk
ÍBV, þá varð II. flokkur ÍBV
íslandsmeistari á sl. sumri.
Annar flokkur er skipaður
ungum og efnilegum knatt-
spyrnumönnum, sem örugglega
má binda miklar vonir við í
framtíðinni.
Um aðra flokka ÍBV, sem
þátt tóku í íslandsmóiinu, er
það að segja, að III. flokkur
var ofarlega 'í sínum riðli, IV.
flokkur var sæmilegur, en hjá
V. flokki vantaði ekki nema
herslumuninn á, að þeir yrðu
íslandsmeistarar.
Það má segja, að knattspyrnu
íþróttin hafi verið allráðandi
íþróttagrein hér í Eyjum á
undanförnum árum, og er það
ánægjulegt, en með bættri að-
stöðu og tilkomu sundhallar
og íþróttahúss, verður að gera
ráð fyrir, að fleiri íþróttagrein-
ar hasli sér völl og gefi þá um
leið fleiri aðilum tækifæri til að
stunda íþróttir viö sitt hæfi.
Vekja þarf upp frjálsar í-
þróttir, en þær voru, eins og
menn muna, mjög sterk íþrótta
grein hér fyrr á árum, og hér
voru margir mjög þekktir
frjálsíþróttamenn og áttu Vest-
mannaeyingar íslandsmeistara
í nokkrum greinum í áraraðir.
Þá verður að gera ráð fyrir,
að hér byggist upp sterkt hand-
boltalið ásamt körfubolta,
blaki og badminton. Einnig
verður að gera ráð fyrir, að
með tilkomu sundhallarinnar,
verði innan ekki langs tíma,
kominn upp hópur sundfólks,
sem örugglega lætur að sér
kveða á sundmótum á næstu
árum. í nýju íþróttamannvirkj-
unum í Brimhólalaut er einnig
gert ráð fyrir aðstöðu fyrir lyft
ingar og borðtenms, og ma
einnig búast við því, að þær
greinar verði teknar upp hér.
En með fjölgun íþróttagreina
þarf fleiri starfskrafta, og er
ánægjulegt að fylgjast með,
hve íþróttafélögin hér í bæ,
hafa góðum og áhugasömum
starfskröftum á að skipa, og
vil ég í því sambandi benda á,
hvílíkt öryggi það er fyrir for-
eldra, að vita af börnum sín
um á íþróttaæfingum eða í
keppnum undir forustu þessa
fólks, sem af áhuga og elju-
semi miðlar þeim af þekkingu
sinni, í flestum tilfellum af á-
huga og án endurgjalds.
Stutt svur
ENN UM KASSANN.
í síðasta Fylki ritaði ég smá
greinarstúf um þá miklu ó-
reiðu, sem ríkti í fjármála-
stjórn í tíð fyrrverandi bæjar-
stjóra. Tekið var eitt lítið
dæmi því til sönnunar (200
þús. á Hamarinn?). Um þenn-
an pistil segir M. M. í síðustu
Braut í grein er hann nefnir:
„Skáldleg tilþrif”.
„Sigurður Jónsson heldur á-
fram dylgjum sínum (í anda
Gróu á Leiti) um óstjórn og
óreiðu í fjármálum bæjar-
sjóðs”. — Hér er ekki um nein-
ar dylgjur að ræða í andc
Gróu á Leiti. Það kemur í ljós
síðar í grein M.M., að það var
rétt, sem ég hélt fram í grein-
arstúf mínum. Um peningana,
sem fundust í kassa segir M.
M. orðrétt: „Það var af vangá
minni, að þessir fjármunir
voru ekki áður komnir í hend
ur gjaldkera”.
Það var einmitt þetta, sem
ég var að gagnrýna. Ávísun,
að upphæð 100 þús. kr. er lát-
in liggja í reiðuleysi í 10 mán-
uði ásamt reiðufé. Varla eru
greiddir háir vextir af pening-
um liggjandi í kassa. Margra
mánaða ávísun er verðlaust
plagg, sem bankinn og útgef-
andi geta neitað að greiða. —
Þetta var einmitt lítið dæmi
um þá óstjórn og óreiðu, sem
ríkti hjá fyrrverandi bæjar-
stjóra og hans fjármálaspekú-
löntum.
Fylkir mun halda áfram að
birta dæmi um þá miklu ó-
stjórn og óreiðu, sem ríkti
á fjármálastjórn bæjarins.
Kjósendur eiga fullkominn rétt
á að vita, hvernig þessum mál-
um var háttað.
S. J.
Á komandi ári verður ÍBV
30 ára, og er það von mín og
trú, að um þessi tímamót, stígi
menn á stokk og strengi þess
heit, að gera veg ÍBV sem mest
an, okkur sjálfum og byggðar-
lagi okkar til heilla um ókom-
in ár.
iþróttahöllin í sniíðum. 1. nóv. og 9. nóv.