Fjarðarpósturinn - 10.06.1999, Blaðsíða 1

OHAÐ BLAÐ
BLAÐIÐ ÞITT
20. tbl. 17. árg. 1999
Fimmtudagur 10. júní.
Upplag 6.600 eintök. Dreift frítt í Hafnarfirði.
Unglingagengi ganga berserksgang í kofaborgum
Útrúleg skemmdarfýsn og
niðurrifsstarfsemi
Fjölmargir foreldrar og
vegfarendur hafa haft samband
við blaðið að undanfomu og lýst
yfir vanþóknun og hryggð yfir
skemmdarfýsn unglinga í
bænum sem bókstaflega rústi
kofaborgir þær sem börnum
gefst kostur á að byggja á
leikjanámskeiðum sem
Æskulýðs- og tómstundaráð
stendur fyrir. Geir Hallsteinsson
sem er í forsvari fyrir
leikjanámskeiðum segir þetta
ekki nýtt vandamál og
kofaborgir þessar verði á hverju
sumri fyrir aðkasti unglinga, en
nú í sumar hafi algerlega keyrt
um þverbak. Kofaborg í
Norðurbæ sem krakkar höfðu
keppst við að byggja var
spörkuð niður í spýtnarusl af
hópi unglinga sem fundu sér
ekkert betra að gera eitt kvöld í
síðustu viku. Ekki létu þau duga
eina ,yfirreið“ yfir kofana
heldur komu þau í þrígang að
hamast á kofunum eftir að
fullorðið fólk í hverfinu hafði
spurt þau hvað fyrir þeim vekti
og hótað að gera lögreglu
viðvart. Kom til orðaskipta og
hnippinga þar sem unglingamir
hótuðu þeim fullorðnu likams-
meiðingum ef þau hættu ekki
afskiptum af þessum „leik“.
Krakkarnir em að vonum hissa
og hnuggin að koma til verka
sinna dag eftir dag þar allt hefur
verið eyðilagt, og foreldrar
þeirra hafa látið í ljós efasemdir
um réttmæti þess að láta börn
þeirra halda áfram i kofaborg
meðan þetta styrjaldarástand
varir. En nú er spurt; Hvað eru
foreldrar þessara „athafnasömu“
unglinga sem hamast við
eyðilegginarstarfið fram á rauða
nótt?
ÍT iil'
SBerf ■Jm ' 1 jy
Heiðurskarlar Sjómanndagsins í Hafnarfirði 1999, ,frá vinstri Kristján Þórðarson, Sigrún Sigurðardóttii; Helgi Einarsson
skipstjóri heiðraði, Bragi V. Björnsson, Sjöfn Magnúsdóttir, Ingimundur Jónsson, Nikkólína Einarsdóttir, Sigfús Svavarsson.
Vandræði með biðljós
Nýlega voru sett upp
svokölluð biðljós á
gatnamótum Reykjavíkurveg-
ar, Hjallabrautar og Hjalla-
hrauns sem eru þeirrar
náttúru að skynjarar nema
hvort bílar bíði eftir að
komast yfir eða inn á
Reykjavíkurveg, en láta
Reykjanesbraut annars hafa
forgang. Búnaður af þessu
tagi hefur verið settur upp
víða og greitt fyrir umferð við
aðalgötur. Lögreglan í
Hafnarfirði hafði samband
við blaðið og vildi beina .eim
tilmælum til ökumanna að
aka bílum sinum alveg að
stöðvunarlínu við gatnamótin
þannig að skynjararnir nemi
að þar bíði bílar. Nokkur
misbrestur hefur verið á þessu
og ökumenn pirrast á biðinni.
Fréttablað
Hafnarfjarðarbæjar
Fylgir Fjarðarpóstinum í dag.
Hér er að hefja göngu sína
nýtt upplýsingarit sem
Hafnarfjarðarbær gefur út til
upplýsingar um ffamkvæmdir
og þjónustu á vegum
bæjarins. Blaðið er unnið og
skrifað af starfsmönnum
bæjarins en dreyft með
Fjarðarpóstinum.
Næsti Fjarðarpóstur
kemur út miðvikudaginn 16.
júní vegna frídags á
þjóðhátíðadaginn 17.júní.
Skil á efni og aulýsingum
þurfa því að vera í hádegi á
mánudaginn 14. júní.