Dagblaðið Vísir - DV - 22.08.2007, Blaðsíða 4
miðvikudagur 22. ágúst 20074 Fréttir DV
InnlendarFréttIr
ritstjorn@dv.is
Fimmtungi færri Þingeyingar vinna
hjá fyrirtækjum og stofnunum í eigu
heimamanna nú en á síðastliðnum
áratug, eftir því sem fram kemur í nýrri
könnun skrifstofu stéttarfélaganna á
svæðinu.
Nú um stundir starfar 61 prósent
aðildarmanna að stéttarfélögunum
hjá félögum í eigu Þingeyinga. Aðal-
steinn Baldursson, formaður Verka-
lýðsfélags Húsavíkur, lýsir áhyggjum af
þessari þróun. „Við sjáum það að veru-
leg breyting hefur orðið á eignarhaldi
fyrirtækjanna, það er að færast héðan
af svæðinu og það er ekkert í kortun-
um sem bendir til annars en að sú þró-
un haldi áfram.“
Sem dæmi um breytingu á eign-
arhaldi fyrirtækja sem starfa á svæð-
inu nefnir Aðalsteinn að Fiskiðjusam-
lag Húsavíkur er nú í eigu Vísis hf. í
Grindavík en var áður í eigu heima-
manna.
„Þessar breytingar á eignarhaldi
fyrirtækjanna hafa jákvæðar og nei-
kvæðar afleiðingar. Við sem störfum í
stéttarfélögum á svæðinu höfum fund-
ið það mikið síðustu ár að styrkbeiðn-
ir íþróttafélaga og annarrar æskulýðs-
starfsemi hafa í auknum mæli borist
til okkar. Áður fyrr voru það fyrirtækin
á staðnum sem styrktu þessa starfsemi
frekar. Það er þess vegna mjög slæmt
að eignarhaldið færist til aðila sem
hafa ekki taugar til svæðisins.“
Þrjátíu prósent heimamanna starfa
hjá fyrirtækjum og stofnunum sem
reka starfsemi á svæðinu en eru í eigu
aðila utan Þingeyjarsýslna. Aðalsteinn
telur að þessi þróun snúist ekki við
nema álver verði reist á Húsavík. „Ég
hef ofsatrú á því að ef við fáum álver
skapist mikil starfsemi í kringum það
og að miklir möguleikar muni felast í
því fyrir framtakssama Þingeyinga.“
valgeir@dv.is
Færri Þingeyingar vinna hjá fyrirtækjum í eigu heimamanna:
Álver á Húsavík myndi snúa þróuninni við
Húsavík Eignarhald
fyrirtækja færist hratt
í burtu frá svæðinu.
85 ára skuldar
meðlagsgreiðslur
Hjá Innheimtustofnun sveit-
arfélaga eru ríflega 30 öldung-
ar, einstaklingar yfir sjötugu, á
skuldalista yfir meðlagsgreiðend-
ur. Þetta kemur fram í yfirliti frá
stofnuninni.
Skuldir þessa hóps nema 40
milljónum króna. Þær reglur
gilda um meðlagsskuldir að þær
fyrnast aldrei og færast jafnvel
yfir í dánarbú skuldara. Það vekur
einnig athygli að 44 öldungar fá
greiddar meðlagsgreiðslur í þeim
tilvikum sem börnum hefur verið
komið í umsjá ömmu og afa.
Byrjaðir að leita
að Þjóðverjunum
Formleg leit að þýsku ferða-
mönnunum tveimur sem saknað
hefur verið síðan 17. ágúst síð-
astliðinn hófst í gær. Þá áttu þeir
bókað flug aftur til Þýskalands en
skiluðu sér ekki.
Formleg leit er hafin og hef-
ur verið komið upp stjórnstöð
í Skaftafelli. Vitað er að ferða-
mennirnir móttóku SMS-skila-
boð þar nærri 30. júlí og höfðu
keypt kort af Skaftafelli í þýskri
verslun fyrir för sína. Fyrir vikið
mun leitin beinast fyrst að þeim
slóðum og er áætlað að þyrla
Landhelgisgæslunnar taki þátt í
leitinni í dag.
Meta gæði
skólastarfs
Ástæða þykir til að meta gæði
skólastarfs í borginni að mati
menntaráðs Reykjavíkurborg-
ar. Talin er þörf á að skapa betri
yfirsýn yfir alla þætti skólastarfs-
ins, efla starfsemi grunnskólanna
og greina hvernig menntastefnu
borgarinnar er framfylgt.
Gæði skólastarfs í sex til sjö
grunnskólum verða metin á
komandi skólaári til að tryggja að
þau uppfylli ákveðnar gæðakröf-
ur þannig að börnum og foreldr-
um sé veitt besta möguleg þjón-
usta í skólum borgarinnar.
Keyrði gröfu
utan í brú
Lögreglan á höfuðborgar-
svæðinu handtók karlmann á
fimmtugsaldri í fyrradag eftir
að hann hafði ölvaður ekið
hjólagröfu. Ók hann gröfunni
utan í Elliðaárbrúna á mótum
Sæbrautar og Reykjanesbraut-
ar og við það kvarnaðist úr
brúnni. Brot úr brúnni lentu
á aðvífandi bíl sem rispaðist
eitthvað fyrir vikið. Ökumaður
stakk af frá vettvangi og síðar
kom í ljós að hann hafði bæði
ekið undir áhrifum áfengis og
án ökuleyfis.
Jón Gunnar Jónsson, faðir Davíðs Jónssonar sem slasaðist í flugslysi í skóglendi í
Kanada, segir Elliot Mallman, farþega flugvélarinnar, hafa unnið þrekvirki og bjargað
lífi sonar hans. Flugmaðurinn, Guðni Rúnar Kristinsson, lést í slysinu. Elliot dró far-
þegana út úr vélinni og gerði að sárum þeirra í níu klukkustundir áður en hjálp barst.
Davíð slapp með lærbrot og skurði á líkamanum og verður útskrifaður af spítala í dag.
GERÐI AÐ MEIÐSLUM
DAVÍÐS JÓNSSONAR Í
NÍU KLUKKUSTUNDIR
Jón Gunnar Jónsson, faðir Davíðs
Jónssonar sem slasaðist þegar lítil
Cesna 172-flugvél brotlenti skammt
frá borginni Whistler í Kanada um
helgina, segir það mikla mildi að
meiðsli sonar hans hafi ekki verið
alvarlegri en raun bar vitni. Davíð
slapp ótrúlega vel, hann lærbrotn-
aði en verður útskrifaður af sjúkra-
húsi í dag.
Flugmaður vélarinnar, Guðni
Rúnar Kristinsson, vinur Davíðs,
lést í slysinu. Aðrir farþegar vél-
arinnar, Elliot Mallman og Lena
kærasta hans, sluppu einnig með
minniháttar meiðsli, Elliot hefur
verið hampað sem hetju í fjölmiðl-
um vestanhafs fyrir að hafa bjargað
lífi hinna tveggja.
Farþegi bjargaði lífi Davíðs
„Það virðist sem Davíð sonur
minn muni ná sér til fulls, það er í
raun og veru kraftaverk því flugvélin
er mikið skemmd. Það er hins vegar
hræðilegt áfall að Guðni hafi látist
því þetta var afar myndarlegur og
efnilegur maður,“ segir Jón Gunnar
sem býr með fjölskyldu sinni í Van-
couver.
Elliot Mallman, farþegi vélar-
innar, vann mikið þrekvirki við að
bjarga félögum sínum út úr vélinni.
Níu klukkustundir liðu frá því hún
hrapaði til jarðar í bröttum fjalladal
í þéttu skóglendi á svæðinu, þar til
fólkinu var bjargað. Elliot dró Dav-
íð, sem hékk á hvolfi í öryggisbelti,
út úr vélinni og bar hann niður að
á sem rennur um hundrað metrum
frá slysstaðnum. Til að komast nið-
ur þurftu þeir að klifra niður bratta
kletta, en Davíð var alblóðugur og
með marga opna skurði á líkam-
anum. Elliot kom Davíð fyrir við ár-
bakkann og batt um sár hans, því
næst sneri hann til baka og braut
rúðu á flugvélinni til að ná kærustu
sinni út. Hún var handleggsbrot-
in og gegnblaut í bensíni sem lekið
hafði úr skrokki vélarinnar. Í þriðju
ferðinni reyndi Elliot að ná Guðna
Rúnari út úr vélinni, en tókst ekki.
Þegar Elliot sneri aftur niður
að ánni þar sem félagar hans lágu,
hlúði hann að þeim og gerði til-
raunir til að veifa björgunarsveit-
arþyrlum sem leituðu þeirra. Sjö
klukkustundum eftir að vélin hrap-
aði fundust þau, en tvo klukkutíma
til viðbótar tók að ná þeim heilum á
húfi upp í þyrluna. Mjög þétt skóg-
lendi er á svæðinu og þurftu björg-
unarmenn að síga niður úr þyrlu til
þess að komast til þeirra.
Mátti ekki tæpara standa
Það er mat björgunarsveitar-
manna að ekki hefði lengri tími mátt
líða áður en þeim var bjargað. Slys-
staðurinn er í mikilli hæð og svo kalt
var í veðri að hætta á ofkælingu var
mikil. „Elliot gerði allt hárrétt, hann
vafði teppi utan um þau og gerði
að sárum þeirra. Hann bjargaði lífi
sonar míns,“ segir Jón Gunnar.
Það sem varð hópnum til happs
var að fjölmenn björgunarsveitaæf-
ing var á svæðinu. „Davíð og Lena
voru bæði lögð inn á sama sjúkra-
hús og Elliot hefur komið að heim-
sækja þau, það er mikill kærleikur
meðal þeirra og gleði yfir því að vera
á lífi, á sama tíma eru þau harmi
slegin yfir fráfalli Guðna Rúnars.“
Tildrög slyssins eru enn óljós, en
vitað er að þau höfðu nýverið hækk-
að flugið til þess að forðast óveðurs-
ský í nágrenninu. Guðni Rúnar var
reyndur flugmaður og hafði dvalið
í Kanada í þrjá mánuði til að safna
flugtímum. Þetta átti að verða síð-
asta flugferð hans áður en hann
sneri aftur til Íslands.
ValGEiR ÖRn RaGnaRsson
blaðamaður skrifar: valgeir@dv.is
Jón Gunnar Jónsson og Davíð Jónsson Farþegi flugvélarinnar bjargaði lífi davíðs með hárréttum viðbrögðum.
skóglendi Þétt skóglendi gerði það
að verkum að leit stóð yfir að fólkinu í
sjö klukkustundir.
„elliot gerði allt hár-
rétt, hann vafði teppi
utan um þau og gerði
að sárum þeirra.
Hann bjargaði lífi son-
ar míns.“