Morgunblaðið - 03.01.2014, Blaðsíða 16
16 | MORGUNBLAÐIÐ
Fæst í Fjarðakaup og helstu apótekum
brokkoli.is
Fæst í helstu apótekum
brokkoli.is
15. stk. freyðitöflur í stauk – skellt út í vatnsglas – þegar þér hentar
C VÍTAMÍN/1000 mg
+ BROKKOLÍ
+ GRÆNT TE
+ BIOFLAVONOIDS
+ ZINK
Drekktu í þig hollustuna!
Bragðgóður og frískandi heilsudrykkur
– fyrir alla daga !
Jarðaberjabragð Grape og sítrónubragð
C-VITA +
STYRKIR ÓNÆMISKERFIÐ
Fjölþætt viðurkennd innihaldsefni
fyrir heilsubætandi áhrif.
V
ið leggjum mikla áherslu á
að gera æfingarnar að leik
og að gera æfingarnar
skemmtilegar fyrir bæði
börn og fullorðna,“ segir
Guðjón. „Það eru alls staðar tækifæri
og aðstæður til þess að taka stutta
æfingu og fá svolitla hreyfingu út úr
því. Málið er bara að hafa augun opin
og stökkva á tækifærin þegar þau
gefast.“
Guðjón og Vala eiga sjálf fjóra
stráka og segir hann þau hjónin hafa
æft talsvert með þeim í gegnum tíð-
ina. „Það hefur einhvern veginn bara
komið af sjálfu sér og í framhaldinu
hefur þetta námskeið verið að taka á
sig mynd í kollinum á okkur, enda er
þetta okkur hjartans mál, að fjöl-
skyldan öll fái svolitla hreyfingu.“
Foreldrar taki meiri ábyrgð
Guðjón heldur áfram. „Í kringum
allar þessar fréttir frá því á síðasta
ári um að heilbrigðiskerfið væri í
rúst, meiri pening þyrfti í málaflokk-
inn og enginn stæði sig á þeim vett-
vangi, þá fórum við að hugsa um
ábyrgðina í þessum efnum. Að okkar
mati er ábyrgðin vitanlega okkar for-
eldranna hvað börnin varðar. For-
eldrar eru fyrirmyndir barna sinna
og það að æfa saman er besta leiðin til
að hvetja börnin til þess að hreyfa sig
og verða hraust og heilbrigð,“ segir
Guðjón. „Foreldrar og forráðamenn
verða að taka meiri ábyrgð á sinni
heilsu og heilsu barnanna í stað þess
að velta henni yfir á skóla, íþrótta-
félög og svo framvegis. Við erum svo-
lítið dugleg að finna einhvern annan
sökudólg.“
Námskeiðið er miðað að foreldrum
barna og unglinga og gengur út á að
kenna þeim aðferðir og æfingar sem
öll fjölskyldan getur gert saman.
Fjölskyldan og forvarnir
„Í framhaldi af þessum hugleið-
ingum fórum við hjónin að hugsa um
hvað við gætum sjálf gert, hvað gæt-
um við lagt af mörkum til að bæta
samfélagið. Það var hugmyndin í
upphafi, að finna eitthvað skemmti-
legt sem myndi virka sem forvörn. Ef
allir sjá um sjálfa sig og sína, halda
sér í góðu formi og við góða heilsu, þá
þarf í kjölfarið eðli máls samkvæmt
minni peninga í heilbrigðiskerfið,“ út-
skýrir Guðjón. „Með því að æfa með
krökkunum erum við ekki bara að
sinna okkar hlutverki sem fyr-
irmyndir og stuðla þannig að hreysti
barnanna okkar, heldur fáum við sjálf
fína hreyfingu og erum um leið að
halda okkur sjálfum í æfingu.“
Guðjón bendir á að þó kostirnir
blasi við sé það sjaldgæft að foreldrar
hreyfi sig með börnunum sínum. „Við
sendum börnin á æfingu og förum svo
sjálf í ræktina, út að hlaupa eða hvað
sem vera skal. Það er gott og blessað
út af fyrir sig en þá förum við á mis
við þessar dýrmætu sameiginlegu
stundir sem fást þegar fjölskyldan fer
saman út að hreyfa sig. Auðvitað geta
börnin farið á sínar æfingar eftir sem
áður og við foreldrarnir stundað okk-
ar líkamsrækt en samvera af þessu
tagi, kannski tvisvar í viku, gefur al-
veg geysimikið. Það hefur líka miklu
meira að segja að vera lifandi fyr-
irmynd heldur en að vera að predika
fyrir börnunum. Þau taka frekar
mark á því sem þau sjá en því sem
þau heyra bara.“
Fjölbreyttar æfingar
Ketilbjöllur eru ær og kýr Guðjóns
og Völu Markar þegar kemur að lík-
amsrækt en hann segir æfingarnar á
námskeiðinu talsvert fjölbreyttari en
sem nemur bjöllunum eingöngu.
„Ketilbjöllurnar koma við sögu en
eru alls ekki í aðalhlutverki á nám-
skeiðinu,“ útskýrir Guðjón. „Frekar
erum við að nýta okkur umhverfið og
það sem á vegi okkar verður, stokka
og steina, stiga og hóla, drumba, okk-
ar eigin þyngd og hvað sem er. Þann-
ig má búa til skemmtilega hreyfingu
fyrirvaralaust. Sem dæmi má nefna
að þegar maður er á ferðalagi á leið-
inni norður í land er kjörið að stoppa
við Grábrók og hlaupa þar upp tröpp-
urnar. Það tekur kannski fimm mín-
útur, þú tekur vel á því og æfingin er
ferlega skemmtileg. Allskonar lítil at-
riði á borð við þetta eru fyrir augum
okkar hvarvetna. Það er hugsunin
með námskeiðinu, að opna augu fólks
fyrir tækifærum á borð við þetta til
að fá lauflétta æfingu og kenna þá lík-
amsbeitingu þar sem hennar er þörf.“
Guðjón útskýrir að endingu hvern-
ig námskeiðið verður uppbyggt.
„Annars vegar förum við yfir grunn-
styrktaræfingar á borð við hnébeygj-
ur, pressur, upphífingar og annað í
þeim dúr, brotið niður í æfingar sem
allir geta gert. Hins vegar erum við
að fara yfir umhverfið, finna æfing-
arnar þar sem þær liggja og bíða þess
að einhver komi og taki á því. Við för-
um á röltið og búum til æfingar sem
má heimfæra upp á umhverfið hvar
sem er. Loks fá foreldrar bækling til
að taka með sér heim sem inniheldur
grunnleiðbeiningar fyrir þau til að
styðjast við að námskeiði loknu.
Þannig eiga allir að vera klárir í fjöl-
skylduæfingar hvar og hvenær sem
er,“ segir Guðjón að endingu.
Nánari upplýsingar má finna á
heimasíðunni Kettlebells.is.
jonagnar@mbl.is
Fjölskyldan hreyfir sig saman
Æfingar „Við erum að nýta okkur umhverfið og það sem á vegi okkar
verður,“ segir Guðjón Svansson, ketilbjöllukennari um námskeiðið.
Morgunblaðið/Rósa Braga
Grunnnámskeið í fjöl-
skylduæfingum er nýtt
námskeið sem hjónin Guð-
jón Svansson og Vala Mörk
hjá Kettlebells Iceland
bjóða upp á nú eftir ára-
mótin. Námskeiðið byggist
á margra ára reynslu þeirra
af æfingum og hreyfingu
með þeirra eigin börnum,
eins og Guðjón segir frá.
Heilsa „Með því að æfa með krökkunum erum við ekki bara að sinna okkar hlutverki sem fyrirmyndir og stuðla þannig að hreysti barnanna okkar,
heldur fáum við sjálf fína hreyfingu og erum um leið að halda okkur sjálfum í æfingu,“ segir Guðjón sem er hér ásamt syni sínum.