Fréttir - Eyjafréttir - 01.12.1987, Blaðsíða 1

14. árgangur Vestmannaeyjum, 1. desember 1987 78. tölublað
EFLIÐ YKKAR
HEIMABYGGÐ
Skiptíð við
Sparisjóðim
nSI'AKIS.IOÐl K
\ i:S I MAWAKY.IA
Hvalreki fyrir handknattleiksunnendur:
S-Kóreumenn tíl Eyja?
Að sögn Jóshúa Steinars
Óskarssonar í handknatt-
leiksráði ÍBV, eru miklar
líkur á því að Suður-Kórea
og ísland leiki landsleik í
handknattleik í Eyjum í
kringum 20. desember n.k.
Steinar sagði að Suður-
Kóreumenn myndu leika
tvo landsleiki við íslendinga
í 18. og 19. desember n.k.
og nú væri unnið markvisst
að því að fá þriðja leikinn
hingað út í Eyjar. Þetta
skýrðist allt saman í næstu
viku.
Ekki þarf að tíunda það
hér hve mikill hvalreki koma
Suður-Kóreumanna til Eyja
yrði á fjörur handknattleiks-
unnenda. Suður-Kórea er
nýtt stórveldi í handknatt-
leiksheiminum og þykja
leika einstæðan en jafnframt
einstaklega skemmtilegan
og árangursríkan hand-
knattleik.
Eins og kunnugt er, er
mikil uppsveifla í hand-
knattleik í Eyjum og ekki er
að efa að landsleikurinn yrði
enn meiri lyftistöng fyrir
handknattleikinn hér.
DIMMITERAÐ
Útskriftaraðallinn í Framhaldsskólanum sem setur hvítu
húfuna á kollinn um næstu jól og yfirgefur skólann með
stúdentspróf upp á vasann, dimmiteraði að venju síðasta
föstudaginn fyrir prófin. Stúdentsefnin bráðgáfuðu litu við
á ritstjórn Frétta til að fá birta mynd af sér í blaðinu. Einhver
afföll höfðu verið í hópnum þegar myndin var tekin, en
stúdentsefnin, klædd að þessu sinni í munka- og nunnuklæð-
um voru með hressasta móti nú sem endranær.
Umferðin:
Talsvert um ohöpp
- Ekið á kyrrstæða bifreið, grunur um ölvun.
- Tveir bílar látnir renna stjórnlaust.
Talsvert hefur verið um
óhöpp í umferðinni síðustu
daga. í tveim tilfellum var farið
inn í mannlausar bifreiðar og
þær látnar renna stjórnlaust.
Alvarlegasta tilfellið varð
seinniparts sunnudags þegar
ekið var á kyrrstæða bifreið á
Faxastíg. Talsverðar skemmdir
urðu á bifreiðunum og er öku-
maður grunaður um meinta
ölvun við akstur.
Á föstudagsmorguninn var
ekið á kyrrstæða bifreið við
Áshamar. Skemmdir urðu
óverulegar.
Bæði á aðfararnótt laugar-
dags og sunnudags var farið inn
í kyrrstæðar bifreiðar og þær
látnar renna stjórnlaust. Fyrra
tilfellið var á Boðaslóð og hafn-
aði bifreiðin á umferðarmerki,
skemmdist hún lítið. í seinna
tilfellinu rann bifreiðin frá Fél-
agsheimilinu, út á Heiðarveg.
Nokkrir hafa verið teknir fyr-
ir of hraðan akstur undanfarið
að sögn lögreglu og mun hún
áfram halda uppi ströngu eftir-
liti með ökuhraða í bænum.
Innbrot í íþróttahöllina_
Óskílamun-
um stolið
Á aðfararnótt föstudagsins
var brotist inn í íþróttahöllina.
Farið var inn um glugga og
innbrotsþjófurinn skildi eftir
sig mikinn blóðferil.
Lögreglunni var tilkynnt um
innbrotið um morguninn og við
rannsókn kom í Ijós að rúða
var brotin í glugga og farið þar
inn. Innbrotsþjófurinn hafði
greinilega skorið sig því mikill
blóðferill var á staðnum. Ein-
hverju af óskilamunum var
stolið úrum og fl. en ekki er
Ijóst hvað miklu.
Málið er í rannsókn og biður
lögreglan alla þá sem einhverj-
ar upplýsingar geta gefið að
hafa samband við hana.
Munið staðgreiðslu skatta 1988
Greiðið álögð gjöld ársins og eldri skuldir
Bæjarsjóður Vestmannaeyja ■
■ Bæjarfógetinn í Vestmannaeyjum