Fréttir - Eyjafréttir - 07.02.2002, Blaðsíða 1

29. árg. • 6. tbl. • Vestmannaeyjum 7. febrúar 2002 • Verðkr. 170 • Sími 481 1300 • Fax481 1293 • www.eyjafrettir.is

Opin vika
Nú er í fullum gangi opin vika á
unglingastiginu í Barnaskólan-
um. Margir hópar eru starfandi
og er þema vikunnar friður.
Opnu vikunni lýkur svo í kvöld
með veglegri árshátíð sem byrjar
með kvöldverði.
A eftir er vönduð skemmtidagskrá
og kvöldinu lýkur svo með heljar-
ins dansleik. Þeir hópar sem hafa
starfað í vikunni eru árshátíðar-
hópur. leiklistarhópur sem æfir
leikrit undir stjóm Andrésar Sigur-
vinssonar, fréttahópur sem gefur út
fréttablað og sér um heimasíðu og
framleiðir stuttmynd. Sköpun og
danshópur æfir dansa og fram-
kvæmir aðra gjörninga. Útivis-
tarhópur fer um eyjuna, skoðar m.a.
hella og mælir þá og vinnur sfðan
úr niðurstöðunum. Listahópur
hefur búið til mósaíklistaverk sem
mun prýða veggi skólans.
Loks má nefna sjónvarpsstöðina
Star One sem Stjómfríður opnar og
taka svo hver dagskrárliðurinn við
af öðrum.
Á myndinni eru Hjörleifur
Guðnason, Kristný
Steingrímsdóttir og Helga
Hjartardóttir, nemendur í 8. SB
í Barnaskólanum, að taka veðrið
sem er þáttur í Globeverkefninu
sem skólinn er aðili að.
Fundur samgönguráðherra veldur titringi í bæjarráði:
Hverjum má kenna um
ástandið í samgöngumálum?
Bæjarráð kom saman á niánu-
daginn og fyrsta mál á dagskrá
var fjölmennur borgarafundur
sem haldin var á föstudag og
samgönguráðuneytið boðaði til.
Ekki voru fulltrúar Sjálfstæðis-
flokksins og Vestmannaeyja-
listans sammála uni ágæti yfir-
lýsinga Sturlu. Sjálfstæðismenn
fögnuðu þeim en Ragnar Oskars-
son fulltrúi Vestmannaeyjalistans
gaf b'tið fyrir þær og fannst sjálf-
sagt að Sturla bætti fvrir það sem
miður hefur farið í samgöngu-
málum Vestmannaeyja.
„Bæjarráð lýsir yfir ánægju sinni
með borgarafund er Sturla Böðvars-
son samgönguráðherra hélt sl.
föstudag hér í Eyjum og fagnar yfir-
lýsingu ráðherrans m.a. um fjölgun
á ferðum Herjólfs milli lands og
Eyja og rannsóknum tengdum
möguleikum á ferjuaðstöðu í
Bakkafjöru. Þá fagnar bæjarráð
þeirri ákvörðun samgönguráðherra
að skipa sérstakan starfshóp þar
sem heimamenn fái fulltrúa í, en
starfshópurinn á að kanna alla þætti
í samgöngum á sjó á ntilli lands og
Eyja. Einnig þeirri ákvörðun
ráðherrans að við útboð á strand-
stöðvum verði það gert að skilyrði
að Vestmannaeyjaradíó starfi a.m.k.
áfram með svipuðum hætti og verið
hefur. Samgöngumál og samgöngu-
öryggi er eitt brýnasta mál okkar
Eyjamanna. Hinn geysifjölmenni
fundur þar sem mættir voru þrjú til
fjögur hundruð manns auk þess sem
fundinum var sjónvarpað beint á
Fjölsýn sýnir mikilvægi þessa
málaflokks fyrir okkur Eyjamenn í
nútíð og framtíð. Bæjarráð felur
bæjarstjóra að vinna áfram í þeim
hagsmunamálum sem að ofan
greinir og öðrum þeim málum er
tengjast samgöngum við Vest-
mannaeyjar.“
Ragnar Oskarsson var ekki alveg
sáttur við þetta og óskaði eftir að
bóka. „Ég tel nauðsynlegt að halda
almennan borgarafund um brýn
hagsmunamál Vestmannaeyinga
sérstaklega þegar vegið er að þess-
um hagsmunum eins og nú er gert í
samgöngumálum. Ég bendi sér-
staklega á að Sturla Böðvarsson
hafði forgöngu um að taka forræði
Herjólfs úr höndum Vestmanna-
eyinga og tel því skyldu hans að
bæta nú þegar úr því ástandi sem
við það skapaðist."
Élsa Valgeirsdóttir og Guðjón
Hjörleifsson óskuðu þá eftir að
bóka: „Við viljum benda Ragnari
Oskarssyni bæjarfulltrúa V-listans,
sem var eini bæjarfulltrúinn sem
ekki mætti á fjölmennan og mál-
efnalegan borgarafund um sam-
göngumál okkar Eyjamanna, að
hann getur nálgast upptöku af fund-
inum á Fjölsýn, þar kemur m.a.
fram að fjölga á ferðum Herjólfs
milli lands og Eyja enn frekar og
aðrar upplýsingar sem að ofan er
getið.
Bókun okkar byggir eingöngu á
því að við höfum fengið skýr svör
við ýmsum hagsmunamálum okkar
og í hvaða farvegi þau eigi að fara.
Bókun Ragnars er því eingöngu
gerð til þess að reyna að skapa nei-
kvæð viðhorf viðsemjenda okkar
gagnvart framangreindum málum.“
Ragnar svaraði. „Ég ítreka þá
kröfu að samgönguráðherra bæti úr
því ástandi sem hann skapaði þegar
hann hafði forgöngu um að taka for-
ræði Herjólfs úr böndum Vest-
mannaeyinga. Útúrsnúningum í
bókun Guðjóns og Elsu hirði ég
ekki um að svara.“
Þá kom önnur bókun frá sjálf-
stæðismönnum. „Við viljum benda
Ragnari Óskarssyni, bæjarfulltrúa
V-listans, á að ef Steingrímur Sig-
fússon fyrrverandi samgönguráð-
herra og flokksbróðir Ragnars hefði
ekki í krafti embættis sins látið
stytta Herjólf um átta metra þá
værum við í betri stöðu en við erum
í dag þar sem stærra skip hefði m.a.
gengið hraðar og rekstrarkostnaður
hefði verið minni.“
Ragnar átti svo síðustu bókun
varðandi þetta mál. „I bókuninni
fara Guðjón og Elsa vísvitandi með
rangt mál. Þeir sem stóðu fyrst og
fremst á móti nýsmíði Herjólfs voru
sjálfstæðismenn. Steingrímur J.
Sigfússon á auðvitað annað skilið
en slíkar þakkir fyrir að hafa beitt
sér af miklum dugnaði að smíði nýs
Herjólfs.“
Sjá bls. 14 og 15.
TM-ÖRYGGI
fýrir fjölskylduna
sameinar öll tryggingamálin
á einfaldan og hagkvæman hátt
Viðgerðir og smurstöð
Sími 4S1 3235
Réttingar og sprautun
Sími 481 1535
Skip og bill
EIMSKIP Œffim-n
sími:481 3500
sími: 481 3445