Fréttir - Eyjafréttir - 29.12.2011, Blaðsíða 1

Viðgerðir
og smurstöð
-Sími 481 3235
Réttingar
og sprautun
Bílaverkstæði - Flötum 20 -Sími481 1535
38. árg. I 52. tbl. I Vestmannaeyjum 29. desember 2011 I Verð kr. 350 I Sími 481-1300 I www.eyjafrettir.is
VESTMANNAEYJAR í vetrarbúningi. Mynd Sigríður Högnadóttir.
Gætið varúðar í hálkunni
„f tíðarfari eins og verið hefur síð-
ustu daga og vikur er mjög erfitt að
hreinsa bæði götur og gangstéttar
eins og þarf. En það er reynt og
þegar snjóar mikið eru öll tæki í
bænum, bæði sem bærinn á og í eigu
einkafyrirtækja, send út. Eru þá allt
upp í tólf til fjórtán tæki að ryðja
götumar," sagði Guðmundur Þ.B.
Ólafsson, rekstrarstjóri Þjónustu-
miðstöðvar bæjarins.
Nær allan desembermánuð hefur
verið snjór í Vestmannaeyjum með
tilheyrandi ófærð á götum. Hafa
skipst á frost og hláka þannig að oft
er mjög hált og hættulegt að fara um.
Guðmundur vill sérstaklega vara við
þessu. „Þá er mikil slysahætta bæði
fyrir akandi og sérstaklega gangandi.
Best væri að sem fæstir væm á ferð
við þessar aðstæður og enginn hreyfi
farartæki nema að vera á mjög
góðum negldum vetrardekkjum, eða
hreinlega á keðjum. Gangandi er
bent á að notast við „skókeðjur", það
er mannbrodda eða gorma. Þar sem
gangstéttir og gönguleiðir hafa fæst-
ar verið mddar, eftir seinustu ágjöf,
skapast enn meiri hætta fyrir gang-
andi sem þurfa að notast við göturn-
ar og þá er enn meiri hætta af um-
ferðinni ef vanbúnir bfiar em þar á
ferðinni."
Götur em misjafnlega vel hreins-
aðar og segir Guðmundur ástæðuna
vera að erfitt sé að komast að fyrir
bfium sem lagt er meðfram sumum
götum. Nefnir hann í því sambandi
Heiðarveg og Bámstíg. „Það er líka
mjög erfitt að hreinsa Bámstíg niður
í malbik vegna bflastæðanna og þá
myndast klakabunki sem er erfiður
yfirferðar. Við höfum reynt að keyra
snjóinn í burtu eins og hægt er en
stundum emm við uppteknir við að
hjálpa vanbúnum bfium að komast
leiðar sinnar. Núna emm við að salta
götumar en á meðan veðrið breytist
ekki verður þetta erfitt,“ sagði
Guðmundur og bendir fólki á
upplýsingar um hreinsun gatna á
heimasíðu Vestmannaeyjabæjar,
vestmannaeyjar.is.
Leyfi fyrir einni brennu en fjör í flugeldum
Aðeins hefur verið sótt um leyfi
fyrir eina áramótabrennu í ár. ÍBV-
íþróttafélag verður með sína árlegu
áramótabrennu og í kjölfarið mun
Björgunarfélag Vestmannaeyja
halda flugeldasýningu.
Ragnar Baldvinsson, slökkviliðs-
stjóri sagði í samtali við Fréttir að
annað hvort verði aðeins ein
brenna, eða menn séu að flaska á
því að sækja um leyfi. „Þetta er
óskaplega dapurt miðað við
hvemig þetta var áður fyrr. Ég vil
ítreka að það þarf að sækja um leyfi
fyrir allar áramótabrennur, stórar
og smáar,“ sagði Ragnar.
Hann vildi jafnframt benda fólki á
að fara varlega með flugelda, vera
með vettlinga og öryggisgleraugu.
„Börn eiga ekki að meðhöndla
flugelda. Skiparakettur geta verið
stórhættulegar og hafa valdið
bmna.“
Sala flugelda hjá Björgunarfélagi
Vestmannaeyja hófst í gær, mið-
vikudag en Adolf Þórsson, for-
maður félagsins sagði miklar
breytingar á flugeldunum miili ára.
„Það er mikið af breyttum skot-
kökum, sérstaklega í millistærð
sem em vinsælustu kökumar. Fjöl-
skyldupakkamir verða auðvitað á
sínum stað,“ sagði Adolf en opið
verður til klukkan 16.00 á
Gamlársdag í flugeldasölunni í
Skátaheimilinu. Aðspurður sagði
hann verð á flugeldum í Eyjum
vera það sama og annarsstaðar,
jafnvel lægra.
Lúðrasveit Vestmanna-
eyja þakkar fyrir sig:
Tónleikar í
minningu
Oddgeirs
Kristjáns.
í dag, fimmtudaginn, 29. desem-
ber, kl. 18.00 mrn Lúðrasveit
Vestmannaeyja bjóða bæjarbúum
og gestum á stutta tónleika í
Akogeshúsinu við Hilmisgötu.
Tónleikamir em helgaðir minn-
ingu Oddgeirs Kristjánssonar, en
í ár em eins og flestum er orðið
kunnugt 100 ár frá fæðingu hans.
Okkur í Lúðrasveit Vestmanna-
eyja finnst vel við hæfi að enda
þetta ár með tónleikum helguðum
honum. Staðsetning tónleikanna
er engin tilviljun. Oddgeir var
félagi í Akoges um árabil ásamt
því sem Lúðrasveitin okkar, sem
hann ásamt nokkmm félögum
sínum stofnaði, var stofnuð í húsi
Akoges félagsins árið 1939.
Lúðrasveit Vestmannaeyja hefur
starfað óslitið frá stofnun eða í
72 ár.
Það var okkur í sveitinni mikið
ánægjuefni að hlotnast sá heiður
á 100 ára afmælisári Oddgeirs að
vera útnefnd og valin Bæjarlista-
maður Vestmannaeyja. Auk þess
höfum við í Lúðarsveitinni ávallt
fundið fyrir mikilli velvild bæjar-
búa í okkar garð í gegnum tíðina,
sem birtist í góðri aðsókn að tón-
leikum okkar, fjölda styrktar-
félaga og örlæti fyrirtækja sem
styrkja okkur á margan hátt. Með
þetta í huga, viljum við bjóða
öllum sem vilja, að hlýða á tón-
list Oddgeirs flutta af Lúðrasveit
Oddgeirs í uppmnalegu umhverfi
sínu. Tónleikamir verða með
léttu heimilislegu sniði og er
fólki óhætt að mæta bæði of seint
og snemma sem og að yfirgefa
tónleikana á meðan þeim stendur
allt eftir því sem hentar hverjum
og einum. Aðgangur er ókeypis
og kaffi verður i boði gestgjaf-
anna.
Með bestu kveðju.
Lúðrasveit Vestmannaeyja.
SMURSTÖÐ OG ALHLIÐA BÍLAVIÐGEÐIR / ^ ÞJÓNUSTUAÐILI lOVOI'A í EYJUM
VELA- OG BILAVERKSTÆÐI
FLATIR 21 S.481-1216 GSM. 864-4616
VIÐ LÁTUM BÍLINN GANGA...
...SVO ÞÚ ÞURFIR ÞESS EKKI
Eeimskip
ÆtfSnuíIl
VIÐ ERUM DAGLEGA Á FERÐINNI
MEÐ VÖRUR UM ALLT LAND