Fréttablaðið - 15.05.2014, Blaðsíða 44

15. maí 2014 FIMMTUDAGUR| MENNING BÍÓ | 28
sérfræðinga okkar aðstoða þig
Hringhellu 2
221 Hafnarfjörður
Hrísmýri 8
800 Selfoss
Malarhöfða 10
110 Reykjavík
Berghólabraut 9
230 Reykjanesbær
Sími 4 400 400
www.steypustodin.is
Steypustöðin býður upp á mikið úrval af
fallegum hellum og mynstursteypu fyrir
heimili, garða, göngustíga og bílaplön. 20
YFIR
TEGUNDIR AF HELLUM
Allar hellur Steypustöðvarinnar eru framleiddar
samkvæmt viðurkenndum stöðlum.
BÍÓFRÉTTIR
Leikkonan Jamie-Lynn Sigler er 33
ára í dag.
Hún er þekktust fyrir leik í sjónvarps-
seríunni The Sopranos.
Afmælisbarn dagsins
Sænski kvikmyndaleikstjórinn Malik
Bendjelloul lést í Stokkhólmi á þriðju-
dag. Hann var 36 ára og
vann kvikmynd hans,
Searching for Sugar
Man, Óskarsverðlaunin
í fyrra sem besta heim-
ildarmyndin.
Bróðir hans, Johar,
staðfesti í gær að
hann hafi framið
sjálfsmorð. „Lífið
er ekki alltaf
einfalt. Ég veit
ekki hvernig ég
á að takast á við
þetta.“
ANDLÁT
Channing Tatum mun leika í næstu
X-Men-kvikmynd. Framleiðandi
myndarinnar, Lauren Shuler Donner,
greindi frá þessu á frum-
sýningu X-Men: Days of
Future Past á þriðjudag
en leikarinn mun fara
með hlutverk Gambit.
„Hann er harður
ærslabelgur,
alveg eins og
Remy LeBeau,
og hann
getur höndlað
hasarinn,“
segir Donner.
Leikur Gambit
Paramount og Skydance eru búin að
staðfesta að Roberto Orci leikstýri Star
Trek 3. Ekki er ljóst hver söguþráður
myndarinnar verður að svo stöddu.
LEIKSTÝRIR
STAR TREK 3
Hin árlega kvikmyndahátíð í Cannes
hófst í gær og hefur Guardian tekið
saman lista yfir helstu kvikmyndir sem
vert er að fylgjast með á hátíðinni.
Grace of Monaco
Myndin fjallar um líf og störf Grace
Kelly og veltir upp ýmsum spurning-
um, til dæmis um hjónaband hennar
og Rainiers prins. Í aðalhlutverkum
eru Nicole Kidman, Tim Roth, Robert
Lindsay og Frank Langella.
Foxcatcher
Myndin er byggð á sannri sögu John
DuPont, íþróttaáhugamanns sem
myrti vin sinn, glímukappa sem vann
til að mynda til Ólympíuverðlauna.
Steve Carrell leikur DuPont og hefur
verið orðaður við Óskarinn. Í öðrum
hlutverkum eru Mark Ruffalo, Van-
essa Redgrave og Channing Tatum.
Lost River
Hér sest leikarinn Ryan Gosling í
leikstjórasætið og býður áhorfendum
upp á dökkt fantasíudrama sem bar
vinnutitilinn How to Catch a Mons-
ter. Í aðalhlutverkum eru Matt Smith,
Saoirse Ronan, Christina Hendricks
og Eva Mendes.
Maps to the Stars
Julianne Moore leikur stjörnu
sem má muna sinn fífil fegri, Mia
Wasikowska er aðstoðarkona hennar
sem nýverið losnaði af geðveikra-
hæli, John Cusack fer með hlutverk
skringilegs geðlæknis og Robert
Pattinson er limmósínuökumaður í
nýjustu mynd Davids Cronenberg.
Winter Sleep
Nýjasta mynd hins tyrkneska Nuri
Bilge Ceylon. Hún er tæplega fjórir
klukkutímar að lengd og er talin lík-
legust til að hreppa Gullpálmann í ár.
KVIKMYNDAVEISLA
Í CANNES
Godzilla hasar
Aðalhlutverk: Bryan Cranston, Aaron
Taylor-Johnson, Elizabeth Olsen,
Andy Serkis, Juliette Binoche.
Aldurstakmark: 12 ára
FRUMSÝNING
9,0/10
63/100
89/100
Íslenska bíómyndin Vonarstræti
er frumsýnd á morgun en það er
Baldvin Z sem leikstýrir myndinni
og skrifaði handritið ásamt Birgi
Erni Steinarssyni.
Myndin gerist árið 2006 þegar
svokallað góðæri var á Íslandi og
er myndin innblásin af sönnum
atburðum.
Í myndinni samtvinnast sögur
þriggja ólíkra einstaklinga sem
allir búa yfir leyndarmáli og reyna
að fóta sig í íslensku samfélagi á
árunum rétt fyrir hrun.
Unga leikkonan Hera Hilmars-
dóttir leikur eitt af aðalhlutverk-
unum í myndinni – konu sem lifir
tvöföldu lífi.
„Þessi karakter kemur úr fjöl-
skyldu sem út á við virkar sem
hin fullkomna fjölskylda og þar
sem áhersla er lögð á að lifa
eftir ákveðnum standard. Mynd-
in gerist árið 2006 þar sem var
kannski sérlega mikil pressa á að
lifa á ákveðinn hátt og eiga hitt
og þetta. Þessi stúlka stundar
vændi á Íslandi og lifir tvöföldu
lífi. Við notuðum sögu íslenskrar
konu sem er til í raun og veru og
ég veit ekki enn þann dag í dag
hvort fjölskylda hennar veit að
hún stundaði vændi um tíma,“
sagði Hera í viðtali við Frétta-
blaðið í byrjun janúar. Leik-
stjórinn, Baldvin Z, segir þessa
tilteknu konu hafa verið í sinni
fjölskyldu.
„Það er gömul saga úr minni ætt
sem liggur að baki hennar sögu.
Mig hafði oft langað til að fjalla
um það mál og sá tækifæri til að
flétta hana inn í framvinduna í
Vonarstræti. Ég vil ekki fara neitt
nánar út í upphaflegu söguna, það
eiga allar fjölskyldur fjölskyldu-
leyndarmál og við erum einmitt
að velta því upp í myndinni hvern-
ig þöggun innan fjölskyldna virk-
ar og hvað hún getur verið öflug
og ógeðsleg,“ sagði hann í viðtali
við helgarblað Fréttablaðsins um
síðustu helgi.
Ásamt Heru fara þau Þorvaldur
Davíð Kristjánsson og Þorsteinn
Bachmann með aðalhlutverkin í
myndinni en sá síðarnefndi þykir
eiga stórleik sem rithöfundur sem
var einu sinni stórstjarna en er nú
fylliraftur.
liljakatrin@frettabladid.is
Útrásarvíkingar og vændis-
konur í Vonarstræti
Íslenska kvikmyndin Vonarstræti verður frumsýnd á föstudag. Leikstjóri myndarinnar er Baldvin Z en
í myndinni eru sagðar sögur þriggja ólíkra einstaklinga sem samtvinnast. Leikkonan Hera Hilmarsdóttir
leikur stúlku sem stundar vændi í kvikmyndinni en hún er innblásin af sönnum atburðum.
Það vakti mikla athygli í síðustu viku þegar aðstandendur myndarinnar
sögðu frá því að hringt hefði verið í þá og lögbanni hótað á myndina. Talið
er að ein persónan í myndinni hafi farið fyrir brjóstið á þeim sem hótaði
kæru fyrir ærumeiðingar og lögbanni á myndina. Á þá sú persóna að hafa
verið iðin við að skaffa fíkniefni og vændiskonur í gleðskap sem fram fór
um borð í glæsilegri snekkju.
„Myndin er ekki að taka á neinum sérstökum einstaklingum á þessum
góðæristímum en það var ýmislegt í gangi á þessum tíma. Það getur verið
að margir kannist við sjálfa sig þarna og vorum við beðnir um að klippa
ákveðin atriði úr myndinni,“ sagði Ingvar H. Þórðarson, einn af framleið-
endum myndarinnar, í samtali við Fréttablaðið. Bætti hann við að hótanir
sem þessar hefðu engin áhrif og að myndin yrði frumsýnd 16. maí.
Þekktur einstaklingur hótaði lögbanni
TVEIR GÓÐIR Þorvaldur Davíð og Þorsteinn Bachmann leika einnig í myndinni. TVÖFALT LÍF Hera leikur unga konu sem býr yfir leyndarmáli.
Ég vil ekki fara neitt
nánar út í upphaflegu
söguna, það eiga allar
fjölskyldur fjölskyldu-
leyndarmál og við erum
einmitt að velta því upp í
myndinni hvernig þöggun
innan fjölskyldna virkar.
Baldvin Z, leikstjóri