Bæjarins besta - 18.10.2007, Blaðsíða 2

FIMMTUDAGUR 18. OKTÓBER 20072
Þennan dag árið1914 voru lög um notkun bifreiða stað-
fest. Enginn mátti stýra bifreið nema hann væri „fullra 21
árs að aldri“. Í þéttbýli mátti ökuhraði aldrei vera meira en
15 km á klukkustund en 35 km utan þéttbýlis.
Dagurinn í dag
18. október 2007 –291. dagur ársins
Ekki mikið um flækingsfugla á Vestfjörðum
Ekki hefur verið tilkynnt um fágæta fugla á Vestfjörðum þrátt fyrir að sjaldgæfar erlendar
fuglategundir hafi sést víða um landið undanfarna daga, eins og fram hefur komið í fjölmiðl-
um. „Það eru tvær ástæður fyrir því að flækingar sjást lítið hér fyrir vestan: Önnur er að
lægðirnar koma upp að landinu á SA-SV landi og yfirleitt með fugla frá Evrópu. Hin að það
eru fáir fuglaskoðarar á Vestfjörðum og að ég held enginn sem er að leita að flækingum“,
segir Böðvar Þórisson hjá Náttúrustofu Vestfjarða. Að sögn Böðvars ættu flækingar að sjást á
Reykhólum, Tálknafirði og nágrenni og svo koma tilkynningar frá Þingeyri annað slagið.
Vöruhúsaþjónusta
hjá Eimskip á Ísafirði
Leitað er að ábyrgum einstaklingi til
starfa í afgreiðslu og vöruhúsi Eimskips
á Ísafirði. Fyrir réttan aðila er í boði fjöl-
breytt, áhugavert og krefjandi starf með
margvíslegum tækifærum til faglegs og
persónulegs þroska. Æskilegt er að við-
komandi starfsmaður geti hafið störf sem
fyrst.
Starfs- og ábyrgðarsvið
· Vörumóttaka
· Vöruafgreiðsla
Menntunar- og hæfniskröfur
· Lyftararéttindi
· Meirapróf
· Hæfni í mannlegum samskiptum
· Góð þjónustulund og jákvæðni
· Hreint sakarvottorð
Nánari upplýsingar um starfið veitir Haf-
þór Halldórsson, rekstrarstjóri Eimskips
á Ísafirði í síma 525 7891 og á netfanginu
hrh@eimskip.is.
Öllum umsóknum verður svarað og
farið með þær sem trúnaðarmál.
Lögreglan á Vestfjörðum
hefur nú bæst í hóp þeirra lög-
regluliða sem bjóða brotaþol-
um og sakborningum upp á
málsmeðferð sem nefnist
„sáttamiðlun“. Eins og heiti
úrræðisins ber með sér er hér
um að ræða möguleika þar
sem reynt er að ljúka kæru-
málum með sátt málsaðila. Úr-
ræðið byggir á tilraun sem
hófst erlendis og hefur verið í
þróun í mörgum ríkjum, m.a.
í Evrópu. Dómsmálaráðu-
neytið hefur hrundið af stað
tveggja ára tilraunaverkefni
sem lýtur að því að reyna þessa
málsmeðferð hérlendis, en að
þeim tíma liðnum verður ár-
angur verkefnisins metinn og
ákveðið hvort úrræðið skuli
verða varanlegur hluti refsi-
vörslukerfisins.
Úrræðinu er aðeins beitt ef
brotaþoli og gerandi sam-
þykki þessa málsmeðferð,
gerandi hafi viðurkennt brotið
og að hann hafi ekki áður gerst
sekur um alvarleg eða ítrekuð
hegningarlagabrot. Tilgangur
meðferðarinnar er að fá hinn
brotlega til að skilja þau rang-
indi sem hann hefur viðhaft
og fá hann til að friðmælast
við brotaþola með það fyrir
augum að þeir komist að sam-
komulagi um málalok.
Að baki sáttamiðlun býr sú
grundvallarhugmynd að fólk
sé fært um að leysa sjálft úr
ágreiningsmálum sínum. Hug-
myndafræðin felur í sér að:
Gerandi og brotaþoli geti sjálf-
ir unnið að lausn ágreinings-
mála, náð sáttum og bætt þann
skaða sem brotið hefur valdið.
Hagsmunir brotaþola eru í
fyrirrúmi, en jafnframt hugað
að hagsmunum geranda og
samfélagsins í heild. Leitast
er við að leiða gerendur á rétta
braut og fyrirbyggja frekari
afbrot. Auka öryggi borgar-
anna. Meðferð mála er skjótari
og álagi létt af refsivörslu-
kerfinu.
Með sáttamiðlun er leitað
nýrra leiða til að takast á við
afbrot og afleiðingar þeirra.
Leitast er við að ljúka málum
vegna minniháttar brota á ein-
faldan og fljótlegan hátt og
þannig að sýnileg tengsl séu
milli hins refsiverða verknað-
ar og málaloka. Með því er
stuðlað að því að koma í veg
fyrir frekari afbrot.
Það eru eingöngu sérþjálf-
aðir lögreglumenn sem koma
að þessari vinnu og kallast
þeir „sáttamenn“. Fimm slíkir
lögreglumenn hjá embætti
lögreglustjórans á Vestfjörð-
um sátu námskeið í síðustu
viku, sem lauk með því að eitt
mál var tekið fyrir og lauk því
farsællega, eða með sátt milli
brotaþola og geranda.
Þrír lögreglumenn á starfs-
stöðinni á Ísafirði hafa réttindi
til að ljúka tilteknum málum
með sáttamiðlun, einn lög-
reglumaður á starfsstöðinni á
Hólmavík og einn á starfs-
stöðinni á Patreksfirði. Lög-
reglan á Vestfjörðum ber
miklar væntingar til þessa til-
raunaverkefnis og sér ákveðin
sóknarfæri því tengdu, ekki
síst fyrir samfélagið á Vest-
fjörðum.
– thelma@bb.is
Sáttamiðlun innleidd á Vestfjörðum
Afli Vestfirðinga
dregst saman
Landaður afli á Vest-
fjörðum hefur dregist mikið
saman milli ára. Í tölum
Hagstofunnar kemur fram
að í september í ár komu
land 2.800 tonn. Í septem-
ber í fyrra komu land rúm-
lega 4.000 tonn. Alls var
landað ríflega 1.300 tonn-
um minna af þorski í s.l.
september en fyrir ári.
Skýrir þetta að öllu leyti
þann mikla samdrátt í lönd-
uðum afla. Sem dæmi má
nefna að í fyrra komu 773
tonn á land á Flateyri en
einungis 45 tonn í síðasta
mánuði.
Eins og kunnugt er hætti
fiskvinnslan Kambur starf-
semi í sumar og skýrir það
hrunið á Flateyri. Á tíma-
bilinu dróst afli saman um
tæplega helming á Ísafirði.
1.186 tonnum var landað í
september í fyrra en ein-
ungis 584 tonnum í liðnum
mánuði. Afli dróst saman í
öllum tegundum nema
rækju, steinbít og þykkva-
lúru, en engin rækjuveiði
var stunduð frá Ísafirði í
fyrra.
Afli Bolvíkinga dróst
eitthvað minna saman, var
ríflega 1.000 tonn í fyrra
en tæp 700 tonn í ár. Á
Suðureyri var landað þrem-
ur tonnum meira liðnum
síðasta mánuði en í sept-
ember 2006, eða 333 tonn-
um. Eins og annars staðar
var þar landað mun minna
af þorski, eða 50 tonnum á
móti 140 í fyrra en ríflega
100 tonnum meira af ýsu
komu á land á tímabilinu.
Styttist í framkvæmdir við
olíubirgðastöð í Mávagarði
Senn verður ráðist í fram-
kvæmdir við að reisa olíu-
birgðastöð í Mávagarði við
Sundahöfn á Ísafirði. Að sögn
Guðmundar M. Kristjáns-
sonar, hafnarstjóra Ísafjarðar-
bæjar, verður farið bráðlega í
innkaup á stáli og því næst í
landmótun fyrir hafnargarð.
„Þetta er næsta stórverkefni
hafnarinnar nú þegar endur-
byggingu Ásgeirsbakka er að
ljúka,“ segir Guðmundur.
Siglingastofnun er að undir-
búa útboð á verkinu sem felst
í gerð 60 metra stálþilsbryggju
á 9 metra dýpi og lagnir og
þekju fyrir 1.400 fermetra
svæði. Framtíðarstaðsetning
fyrir olíubirgðastöð hefur ver-
ið í umræðunni í nokkur ár en
málið komst á fullan skrið
þegar olíufélögin sóttu eftir
stækkun á lóð sinni við Suður-
götu upp á 1.130 fermetra.
Mávagarður hefur lengi
verið sigtinu sem ákjósanleg
staðsetning. Vinnuhópur um
framtíðarstaðsetningu lauk
starfi sínu í apríl í fyrra, eftir
að skýrsla sem unnin var fyrir
hópinn af VST var tilbúin. Í
úttekt VST var farið yfir kosti
og galla þeirra þriggja staða
sem til greina komu, en það
voru auk Mávagarðsins.
Núverandi staðsetning olíubirgðastöðvar á Ísafirði er við Suðurgötu.