Tķmarit.is
Leita | Titlar | Greinar | Um vefinn | Algengar spurningar |
skrį inn | Íslenska | Føroyskt | Kalaallisut | Dansk | English |

Dagblašiš Vķsir - DV

og  
S M Þ M F F L
. . . 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 .
PDF  | JPG  | TXT  |
Skoša ķ nżjum glugga:
PDF  | JPG  | TXT  |


Ašlaga hęš


Vafrinn žinn styšur ekki PDF skjöl
Smelltu hér til aš skoša blašsķšuna sem JPG
Dagblašiš Vķsir - DV

						22 | Viðtal 20. desember 2010  Mánudagur 
Ó
skar Hrafn Þorvaldsson  skaust fyrst 
fram á sjónarsviðið sem gríðarlega 
efnilegur knattspyrnumaður í KR en 
meiðsli hindruðu feril hans. Hann 
er þrjátíu og sjö ára í dag en eftir 
að knattspyrnuferlinum lauk hóf hann störf 
sem íþróttafréttamaður. Það kom snemma í 
ljós að blaðamennskan lá vel fyrir honum og 
var hann fljótlega kominn í almennar frétt-
ir og orðinn fréttastjóri á DV. Hann reif síðan 
Vísi upp þegar hann gerðist fréttastjóri þar 
og bjargaði fréttastofu Stöðvar 2 úr söguleg-
um lægðum. Þessi jólin hefur þjóðin þó feng-
ið að kynnast honum sem rithöfundi en hann 
er með eina af bókunum í jólabókaflóðinu, 
glæpasöguna Martröð millanna, sem fjallar 
um morð í útrásinni.
?Að skrifa bók snýst um að hafa tíma og 
hann hafði ég ekki áður,? segir Óskar aðspurð-
ur um af hverju hann hafi ákveðið að setjast 
niður og skrifa skáldsögu. ?Eftir að ég hætti 
á stöð 2 hafði ég helling af tíma. Ég, eins og 
margir blaðamenn og aðrir Íslendingar ef-
laust, hafði lengi gengið með þá hugmynd að 
skrifa bók. Núna var einhvern veginn staður-
inn og stundin. Ef þú ert í blaðamennskunni 
af lífi og sál hefur þú ekkert sérstaklega mik-
inn tíma aflögu til að gera aðra hluti. Ég hef 
aldrei skilið menn sem geta það. Fyrst ég er 
byrjaður aftur að vinna veit ég sjálfur ekkert 
hvernig framhaldið verður,? segir Óskar, en af 
hverju krimmi?
?Ég er búinn að vera blaðamaður í tíu ár. 
Fyrst íþróttafréttamaður og síðan í glæpum og 
viðskiptalífi. Sá skáldskapur höfðar meira til 
mín en annar. Maður leitar alltaf í áhugasvið 
sitt þegar maður byrjar að skrifa.?
Fréttirnar sem ekki voru sagðar
Í bókadómi DV um Martröð millanna var ritað 
að þarna væru fréttirnar sem ekki höfðu verið 
sagðar í hruninu. Margar af þeim sögum sem 
hafa spunnist í kringum útrásina, kókaínpartí 
og fleira, sé þarna komið á prent. Eins má sjá 
strax á fyrstu síðu ritstíl eins íslensks útrásar-
víkings í bréfi sem ein sögupersónan skrifar. 
?Ég held að það sé fullmikil einföldun að 
segja að eitthvað sem mátti ekki fara á prent 
eða í loftið sé í bókinni. Blaðamennskan væri 
létt starf ef við gætum fyllt fjölmiðlana af því 
sem við heyrum og létum ekki sannleikann 
spilla góðri sögu. Að einhverju leyti sækir 
maður efniviðinn í það umhverfi sem maður 
lifir í. Maður tekur upp hluti hér og þar þannig 
klárlega kannast einhverjir aðilar við sig í bók-
inni. Ég væri hissa ef svo væri ekki. Ég get samt 
ekkert sagt hverjir eru hvað því þetta er nátt-
úrulega skáldsaga,? segir Óskar og bætir við: 
?Þegar ég var til dæmis að skrifa um blaða-
menn í bókinni notaði ég mikið persónur sem 
ég vann sjálfur með. Þegar ég skrifa um útrás-
arvíkinga var eðlilegt að leita fyrirmynda hjá 
þeim sem voru mest áberandi í útrásinni en 
ekki einhvern gaur í heildverslun í Garðabæ. 
Það væri ekkert köld vatnsgusa ef þessir menn 
myndu kannast við sig í sumum af persónum 
bókarinnar.?
Kominn með útgáfusamning við þýskt 
forlag
Stjörnunum hefur ekkert rignt yfir Martröð 
millanna af höndum gagnrýnenda en þrír 
dómar hafa birst um bókina. ?Ég tók strax 
þá ákvörðun að nálgast þetta af æðruleysi. 
Ég er óþekktur rithöfundur að gefa út mína 
fyrstu bók í samkeppni sem á sér örugglega 
enga hliðstæðu,? segir Óskar, en hvernig hafa 
viðtökurnar verið? ?Þær hafa verið blendnar. 
Fólk hefur komið að máli við mig og hringt í 
mig til að hrósa mér. Gagnrýnendur eru þó 
ekkert sérstaklega ánægðir með hana. Það 
er ekkert skemmtilegt en aftur á móti ekk-
ert sem ég get gert í. Sumu verður maður sár 
yfir en annað verður maður bara að sætta 
sig við. Ég skrifa ekki fyrir gagnrýnendur en 
sumt af því sem komið hefur fram hjá þeim 
er réttmætt og ég mun reyna að nýta mér það 
ef ég skrifa aðra bók,? segir hann og heldur 
áfram: ?Það er samt gleðilegt, þrátt fyrir mis-
jafna gagnrýni, að nú þegar er komið eitt út-
gáfufyrirtæki í Þýskalandi sem ætlar að gefa 
bókina út. Sex útgáfur börðust um réttinn og 
hið virta Aufbau Verlag bauð hæst. Þetta seg-
ir manni að það er áhugi erlendis á þessum 
blessuðu útrásarvíkingum og lifnaðarhátt-
um þeirra. Bókin verður ein af aðalbókum 
Aufbau vorið 2012 sem er mikill heiður fyr-
ir mig.?
Langaði að öskra á viðkomandi
Á sínum tíu árum í blaðamennskunni hefur 
Óskar oft skrifað gagnrýnar greinar og dæmt 
fjölda manns fyrir frammistöðu þeirra í knatt-
spyrnuleikjum á dögum sínum sem íþrótta-
blaðamaður. Hvernig er núna að sitja hin-
um megin við borðið og lesa dóma um verk 
sín? ?Suma dóma kaupi ég alveg. Maður get-
ur samt orðið svolítið sár yfir gagnrýni sem 
er persónuleg þar sem smáatriði eru gerð að 
aðalatriðum eins og í dómi Arnar Arnarson-
ar í Mogganum. Langaði mig að taka upp sím-
ann og öskra á hann? Já, kannski í svona tíu 
mínútur eftir að ég las dóminn. Þetta er samt 
bara persónuleg skoðun hans og ég get ekk-
ert breytt upplifun hans á þessari bók. Ég hélt 
samt að ég myndi eiga erfiðara með að taka 
þessu,? segir hann, en mun koma önnur bók?
?Auðvitað kitlar hugmyndin um að skrifa 
aðra bók því ég lærði heilmikið á að gera 
þessa. Það freistar að athuga hversu mikið 
komst inn í hausinn á mér af því sem hið góða 
fólk sem ég vann með var að reyna kenna mér. 
Síðan breytir þessi samningur í Þýskalandi 
auðvitað miklu. Hann gefur manni byr und-
ir báða vængi. Ef ég skrifa aðra bók hugsa ég 
að það verði aftur krimmi. Ég finn fyrir því að 
 útgefandi minn vill fá aðra bók en það er bara 
spurning um hvort og hvernig manni tekst að 
samræma bókarskrif og vinnu,? segir Óskar 
Hrafn.
Stöð 2 eins og jólaboð allan ársins hring
Eftir að Óskar Hrafn hafði gert góða hluti sem 
fréttastjóri Vísis, sem undir hans stjórn varð 
töluvert beittari, fékk hann eina stærstu stöðu 
nokkurra fjölmiðlamanna á landinu. Hann 
var gerður að fréttastjóra Stöðvar 2 og Vísis, 
sá því bæði um sjónvarpsfréttirnar og næst-
stærsta vef landsins. Óskar verður seint þekkt-
ur sem einhver jakkafatatýpa. Stuttermabol-
urinn, hettupeysan og strigaskórnir eru hans 
auðkenni. Hvernig voru viðbrögðin þegar 
hann var settur yfir sjónvarpsstjörnurnar?
?Eldra liðið var skeptískt. Þarna var ein-
hver gaur í stuttermabol og strigaskóm mætt-
ur til að segja þeim hvernig þau áttu að gera 
þetta. Það var pottþétt einhver sem myndaði 
sér fyrirfram skoðun á mér. Þetta er náttúru-
lega tuttugu ára gömul fréttastofa þar sem 
sama liðið er búið að stýra og sama fólkið búið 
að vinna þarna lengi. Þetta var svolítið eins 
og jólaboð alla daga ársins, stór fjölskylda 
sem hafði komið sér þægilega fyrir á frétta-
stofunni. Kannski of þægilega. Þannig þegar 
einhver pönkfrændi kemur inn í svona partí 
þá bregður einhverjum. Ég kom líka inn með 
mína fortíð á DV og svo Vísi sem við hresstum 
og gerðum beittari og grimmari. Þá held ég að 
fólk hafi nú hugsað aðeins út í hvað það var 
komið. Það tók mig samt bara klukkutíma að 
snúa liðinu,? segir Óskar Hrafn.
Ekki má vanmeta reynslu þeirra eldri
Þegar Óskar tók við fréttastofu Stöðvar 2 var 
hún búin að ganga í gegnum mikinn öldudal 
og áhorfið var ansi lítið. Undir forystu Óskars 
unnu fréttir Stöðvar 2 sig upp og voru komn-
ar með mjög gott áhorf á tiltölulega skömmum 
tíma. En hver var galdurinn? ?Meiri metnaður 
og sterkari sjálfsímynd,? segir Óskar. ?Kannski 
kom maður líka inn með einhverja þekkingu á 
því sem seldi. Það þarf að selja allt í dag. Það 
virðast bara vera Fréttablaðið og RÚV sem eru 
hafin yfir það að þurfa selja nokkurn skapað-
an hlut. Það lesa allir eða horfa á það sem þær 
fréttastofur hafa upp á að bjóða,? segir Óskar en 
viðurkennir að hrunið hafi hjálpað mikið til.
?Hrunið hjálpaði auðvitað til. Ég var búinn 
að vera tvær vikur á Stöð 2 þegar Glitnir var 
þjóðnýttur. Það er alveg klárlega hægt að finna 
verri tíma til að taka við sjónvarpsfréttastofu. 
En síðan vann fólk líka mjög mikið. Það var 
ótrúlegur metnaður í gangi,? segir hann en eins 
og góður knattspyrnuþjálfari yngdi Óskar mik-
ið upp á Stöð 2 og gaf mörgum ungum frétta-
mönnum á borð við Andra Ólafsson, Breka 
Logason og Sigríði Mogensen tækifæri.
?Þú þarft ákveðna blöndu í þetta,? segir 
hann. ,,Þú þarft ungt og metnaðarfullt fólk en 
þú þarft líka að vera með eldra og reyndara 
fólk. Í allri æskudýrkuninni má ekki gleyma að 
bera virðingu fyrir þeim sem eldri og reyndari 
eru. En vissulega gaf ég ungu fólki tækifæri og 
það stóð sig svo sannarlega.?
Sjónvarpsfólk er prímadonnur
Þó að Óskar Hrafn hafi stýrt fréttastofu Stöðvar 
2 og Vísis á stuttermabolnum geta sjónvarps-
fréttamenn ekki leyft sér þann munað. Óskar 
segir töluverðan mun á blaðamönnum og svo 
sjónvarpsfréttafólki. ?Blaðamenn geta mætt í 
vinnuna án þess að hafa sig eitthvað sérstak-
lega til. Sjónvarpsfólk býr ekki við þann lúxus. 
Það er alltaf vel til fara og þarf í raun að vera 
tiltölulega upptekið af útliti sínu. Ef þú ert með 
bólu á kinninni eru allar líkur á fólkið hætti að 
hlusta á fréttina og horfi bara á bóluna. Það eru 
því miklar kröfur gerðar varðandi útlit. Sjón-
varp er einfaldlega hégómlegur bransi hvort 
sem um er að ræða fréttatíma eða skemmti-
dagskrá,? segir hann.
?Sjónvarpsfólkið er einnig öðruvísi að því 
leyti að það er prímadonnur. Mín tilfinning er 
sú að það gerist eitthvað hjá fólki þegar einhver 
fer að horfa á þig úti í búð og fer að pískra eitt-
hvað vegna þess að þú ert þekktur úr sjónvarpi. 
Þá verður fólk mun meðvitaðra um sjálft sig. 
Sumir leiða þetta hjá sér en aðrir verða alltaf 
uppteknari af sjálfum sér,? segir Óskar en það 
er fleira ólíkt með blaða- og sjónvarpsfrétta-
mönnum.
?Þetta er allt harðduglegt fólk en vinnu-
mórallinn er öðruvísi á fréttastofum sjónvarps 
en hjá blaðamönnum á dagblöðum því það 
hefur alltaf verið fylgt betur eftir kjarasamn-
ingum hjá sjónvarpsfólki. Níu til níu vaktir, sjö 
daga í röð, þekkjast ekki í sjónvarpi. Allir sem 
hafa unnið á blöðum sem heita ekki Morgun-
blaðið þekkja samt þær vaktir,? segir Óskar en 
tekur samt fram að það hafi ekki verið neitt mál 
að stýra hans fólki og margt af hans besta sam-
starfsfólki  innan Stöðvar 2 hafi verið reyndustu 
sjónvarpsfréttamennirnir.
Togstreita vegna eigandans
Í gegnum allt hrunið flutti Stöð 2 fréttir, eins og 
aðrir miðlar, af alls kyns vafasömum viðskipta-
háttum útrásarvíkinganna. Óskar Hrafn var þó 
í erfiðari stöðu en margir fréttastjórar því eig-
andi Stöðvar 2 er Ingibjörg Pálmadóttir, eig-
inkona Jóns Ásgeir Jóhannessonar. Óskar seg-
ir að frétt hjá sér hafi þó aldrei verið stöðvuð. 
?Aldrei.? 
En var það reynt? ?Nei, aldrei. Menn höfðu 
samt skoðanir á því hvort fréttir ættu rétt á því 
að fara í loftið,? segir hann en viðurkennir að 
það hafi verið lýjandi hversu mikil togstreita 
myndaðist á milli sín og yfirmanna fyrirtækis-
ins vegna frétta af eigandanum. 
?Það er klárlega þannig þegar maður er með 
eiganda sem er með mikil umsvif og er mjög 
áberandi og tiltölulega stór gerandi í mörgum 
af viðkvæmustu málum hér á landi eftir hrun. 
Hann ræður náttúrulega fólk í efstu lög fyrir-
tækisins sem er hans fólk. Slíkt hefur tilhneig-
ingu til að skapa togstreitu á milli miðlanna og 
þeirra sem að eiga miðlanna,? segir Óskar og 
heldur áfram:
?Það sem var lýjandi var að maður fann 
hressilega fyrir óánægjunni þegar eigandinn 
átti í hlut. Þá fann ég meira fyrir því en aðrir. 
Það er togstreitan. Menn reyndu samt aldrei 
að beita valdi sínu til að stoppa fréttir eða hafa 
áhrif á fréttamenn. Ég hef ekkert út á eignar-
hald Jóns Ásgeirs að setja þannig séð. Hann 
sem eigandinn hegðaði sér ekkert ósæmilega. 
Honum sem eiganda er frjálst að frekjast og 
djöflast eins mikið og hann vill. Það er alveg 
eins hjá Glitni. Það er ekkert óeðlilegt að reyna 
ná sínu fram og reyna að skera sem stærstan 
bita af eigin köku. Það veltur bara á þeim sem 
stýrir dæminu hverju sinni að standa í lappirn-
ar. Ég veit að ég gerði það, alveg járngrimmur.?
Gerði mistök, axlaði ábyrgð og hætti
Það var þó ekki vegna þessarar togstreitu sem 
Óskar Hrafn sagði upp sem fréttastjóri Stöðvar 
2 og Vísis. ?Ég hefði alveg getað haldið áfram 
í átta ár þess vegna í svona togstreitu. Þetta er 
bara hluti af starfinu og partur af því sem mað-
ur verður að takast á við. Þetta er ágætlega vel 
launað starf og því fylgir ábyrgð og þú þarft að 
taka einhverja slagi. Eina ástæðan fyrir því að 
ég sagði upp er að ég gerði mistök,? segir Óskar. 
Mistökin sem hann ræðir um tengjast frétt sem 
Stöð 2 birti 27. júlí 2009 um millifærslur Björg-
 ólfsfeðga, Magnúsar Þorsteinssonar og Karls 
Wernerssonar á peningum í skattaskjól. Eft-
ir að fréttin birtist hringdu þeir allir og heimt-
uðu leiðréttingu. Óskar og hans fólk þráaðist 
við og taldi sig hafa lögmæta frétt í höndunum. 
Eftir að mennirnir sem áttu hlut að máli í frétt-
inni stefndu Stöð 2 fóru þó hlutirnir að snúast í 
höndunum á Óskari.
?Þá kom í ljós að heimildarmaður okkar 
mátti ekki bera vitni í lokuðum dómsal og hann 
treysti sér ekki til að koma fram undir nafni. Þá 
vorum við komnir í mjög skrýtna stöðu. Við 
vorum ekki með nein gögn og heimildarmaður 
okkar gat ekki talað. Þetta var eins og að ganga 
inn á stríðssvæði með vatnsbyssu. Sönnunar-
byrðin lá hjá okkur því það kom aldrei til greina 
Hárrétt ákvörðun 
að hætta á Stöð 2
Óskar Hrafn Þorvaldsson sagði upp störfum 
sem fréttastjóri Stöðvar 2 og Vísis fyrr á árinu vegna 
fréttar um peningaflutninga í skattaskjól sem frétta-
stofan þurfti síðan að draga til baka. Í viðtali við 
Tómas Þór Þórðarson viðurkennir Óskar að tog-
streita hafi myndast á milli sín og yfirboðara sinna 
vegna frétta af eiganda stöðvarinnar, Jóni Ásgeiri 
Jóhannessyni. Fyrir jólin gaf hann út glæpasöguna 
Martröð millanna en hann er nú kominn með út-
gáfusamning við þýskt forlag. Óskar segir einnig frá 
því hvernig blaðamannsstarfið getur heltekið mann 
og að einu sinni hafi sonur hans beðið spenntur eftir 
afmælisgjöf sem kom seint því pabbi var í símanum 
vegna vinnunnar.

					
Fela smįmyndir
Blašsķša 1
Blašsķša 1
Blašsķša 2
Blašsķša 2
Blašsķša 3
Blašsķša 3
Blašsķša 4
Blašsķša 4
Blašsķša 5
Blašsķša 5
Blašsķša 6
Blašsķša 6
Blašsķša 7
Blašsķša 7
Blašsķša 8
Blašsķša 8
Blašsķša 9
Blašsķša 9
Blašsķša 10
Blašsķša 10
Blašsķša 11
Blašsķša 11
Blašsķša 12
Blašsķša 12
Blašsķša 13
Blašsķša 13
Blašsķša 14
Blašsķša 14
Blašsķša 15
Blašsķša 15
Blašsķša 16
Blašsķša 16
Blašsķša 17
Blašsķša 17
Blašsķša 18
Blašsķša 18
Blašsķša 19
Blašsķša 19
Blašsķša 20
Blašsķša 20
Blašsķša 21
Blašsķša 21
Blašsķša 22
Blašsķša 22
Blašsķša 23
Blašsķša 23
Blašsķša 24
Blašsķša 24
Blašsķša 25
Blašsķša 25
Blašsķša 26
Blašsķša 26
Blašsķša 27
Blašsķša 27
Blašsķša 28
Blašsķša 28
Blašsķša 29
Blašsķša 29
Blašsķša 30
Blašsķša 30
Blašsķša 31
Blašsķša 31
Blašsķša 32
Blašsķša 32