Dagblaðið Vísir - DV - 12.12.2012, Blaðsíða 14

Dagblaðið Vísir - DV - 12.12.2012, Blaðsíða 14
Áreynslulaus og mikil- fengleg fjölskyldusaga 2 Bækur 12. desember 2012 Miðvikudagur Ormurinn ógnarlangi inn á BUGL n Börn með geðsjúkdóma læra um goðafræði V elferðarsjóður íslenskra barna og Kiwanisklúbburinn Elliði veittu nýverið styrki til Menn- ingarmiðstöðvarinnar Gerðu- bergs og Barna- og unglingadeildar Landspítalans til endurhönnunar og uppsetningar á sýningunni Ormur- inn ógnarlangi – Söguheimur nor- rænnar goðafræði. Sýningin verður sett upp í hús- næði BUGL við Dalbraut. Endur- hönnun sýningarinnar gengur út á að láta sýningargripi og aðra um- gjörð falla að daglegu vinnu- og leik- umhverfi barna sem þar dvelja, for- eldra og starfsfólks á BUGL. Börnin munu geta hreiðrað um sig á afmörkuðum svæðum, leikið sér og lifað sig inn í sögurnar sem vísað er í. Goðafræðin er óþrjótandi efni- viður fyrir starfsfólk til að vinna með börnunum á skapandi og skemmti- legan hátt auk þess sem sýningin skapar hlýleika og stemningu í um- hverfi spítalans sem ekki er vanþörf á. Það var Kristín Ragna Gunnars- dóttir myndlistarkona sem hann- aði sýninguna að beiðni Gerðubergs árið 2010 og gerði sýningin þá mikla lukku meðal sýningargesta og sló öll aðsóknarmet. Líklega hafa langflest verkefni Gerðubergs verið framkvæmd innan veggja stofnunarinnar en með þessu verkefni er gengið skrefinu lengra og reynt að færa menninguna og upp- lifunina til barnanna sjálfra. Upplestur í Álafossi Kaffihúsið Álafossi býður unnend- um bókmennta að njóta kvöld- stunda með upplestri skáldverka og tónlist í bland. Menningar- kvöldin eru í samstarfi við Blek- fjelagið, félag framhaldsnema í ritlist við HÍ, og hafa verið haldin einu sinni í mánuði á liðnu hausti. Miðvikudaginn 12. desember verður fjórða kvöldið í upplestrar- öðinni og hefst það kl. 20.00. Allir eru velkomnir meðan húsrúm le- yfir. Aðgangur er ókeypis Þau sem fram koma að þessu sinni eru: Auður Ava Ólafsdóttir Birgir Svan Símonarson Björk Þorgrímsdóttir Bryndís Emilsdóttir Heiðrún Ólafsdóttir Kristian Guttesen Margrét Lóa Jónsdóttir Úr safni inn á húsnæði BUGL Ormurinn ógnarlangi fær nú nýtt heimili á Dalbraut. Í Ósjálfrátt kynnumst við Eyju, ungri konu í leit að sjálfri sér. Í einhvers konar uppreisn og tilraun til þess að bjarga heiminum, flyst hún í ömur- legar aðstæður til Flateyrar í kjöl- far mannskæðs snjóflóðs. Þar giftist hún sér mörgum árum eldri manni, alkóhólista og frekar ófrýnilegum iðjuleysingja sem hún reynir í meðvirkni sinni að bjarga frá ömurlegum örlögum sínum. Konunum í fjölskyldu Eyju er mikill ami af uppátæki Eyju og þær taka ráðin í sínar eigin hendur og ákveða að bjarga stúlkugreyinu úr meðvirknihjónabandinu sem hún er lent í og hafa sínar leiðir til þess. Sagan er sambland af persónu- legri reynslu Auðar og skáldskap og þar af leiðandi einkar persónu- leg og skilin þar á milli ekki alltaf svo skýr. Sagan er líka fjölskyldu- saga, saga nokkurra ættliða þar sem áfengisneysla er áberandi – hvort sem fólk er ofurselt áfengis- bölinu eða hvernig aðrir líða fyrir neyslu fjölskyldumeðlima. Auður dregur ekkert undan í lýsingum á persónum sínum sem eiga sér vísan í ættingja hennar og skilin milli skáldskapar og alvöru eru þar óskýr. Hún hlífir heldur ekki sjálfri sér en þrátt fyrir að segja frá ábyggilega því allra versta í fari margra sinna nánustu, þar af leiðandi móður sinnar, þá halda persónurnar samt virðingu sinni og reisn og maður upplifir sam- kennd með þeim, því allir eiga sína sögu og harma að bera, mis- jafna þó. Í gegnum sögupersón- urnar upplifir maður breyskleika mannskepnunnar en sættir sig að einhverju leyti við, líkt og Eyja ger- ir, að það sé ekki hægt að breyta neinum. Sagan er þó kannski fyrst og fremst þroskasaga rithöfundar, hvernig hann fær kjarkinn til þess að losa hömlurnar og koma öllum þeim sögum sem búa í höfði hans á blað. Hvernig Auður skrifar sig í gegnum lífið. Til að byrja með átti ég erfitt með að sætta mig við aðalsögu- persónuna. Hún er eitthvað svo brjóstumkennanleg og óþolandi í fyrstu en þegar líða tekur á söguna og maður kynnist henni út frá hennar raunum fer manni að þykja undurvænt um hana og fer að skilja hana og hvað hafi mót- að hennar líf. Í gegnum frásögn af ömurlegri meðvirkni í ömurlegu hjónabandi og sorglegum rauna- sögum alkóhólista þá skín húmor- inn í gegn þannig að bókin er bæði dramatísk og fyndin. Og allt þar á milli á sinn einstaka og áreynslu- lausa hátt. Auður Jónsdóttir hefur fyrir löngu skipað sér í sæti meðal bestu rithöfunda landsins og þessi bók er engin undantekning þar á. Frásagnarstíll Auðar er einkar áreynslulaus en samt svo mikil- fenglegur og myndrænn þannig að í fáum orðum sér lesandinn ljóslifandi fyrir sér sögusviðið – kannski hver á sinn hátt – og það er það sem er svo heillandi við sögur Auðar. Hver og einn upplif- ir þær á sinn hátt. Ég hlakka til að lesa næstu bók. Viktoría Hermannsdóttir viktoria@dv.is Bækur Ósjálfrátt Höfundur: Auður Jónsdóttir Útgefandi: Mál og menning 255 blaðsíður Fjölskyldusaga Fjölskyldusaga nokkurra ættliða þar sem áfengis- neysla er áberandi. Fullkomin aftaka „Dagskráin er tómleg, það verður upplestur úr bókinni, spjall við skáldið og hugsanlega verður eitt lag spilað á kassagítar, en það er ekki víst,“ segir ungskáldið Bragi Páll Sigurðarson aðspurður um út- gáfuteiti í tilefni af fyrstu ljóðabók hans, Fullkomin Ljóðabók: ljóð, eða eitthvað (Til hamingju!). Teitið verður haldið næstkomandi föstu- dag klukkan 18.00 í bókabúðinni Útúrdúr á Hverfisgötu en Bragi segir verslunina vera eins konar „móður- félag“ ÚTÚR, forlagsins sem gefur bókina út. „Það verður ekki boðið upp á nein hugbreytandi efni, aðeins kjöt- súpu, mjólk og lýsi, en fólk er hvatt til þess að koma í mjög slæmu and- legu og líkamlegu ástandi, ef það vill,“ segir Bragi Páll enn fremur. Þessa fyrsta ljóðabók Braga hefur þegar vakið töluverða athygli en í henni má meðal annars finna ljóð þar sem Davíð Oddsson er tekinn af lífi á stórum fótboltavelli ásamt Finni Ingólfssyni, Jóni Ásgeiri Jóhannessyni og fleiri valdamönn- um sem voru áberandi á árunum fyrir hrun. Aðspurður um þessa aftöku og hvort honum þyki mikilvægt að af- lífa valdafólk á táknrænan hátt í bókmenntum segir Bragi Páll: „Á þeim tíma sem ég skrifaði ljóðið, þá já, en ég veit ekki hvort afstaða mín hefur breyst, ég er að minnsta kosti ekki eins upptekinn af aftökum núna og ég var þá, árið 2009.“ Hann segir breytinguna helst vera þá að nú sjái hann skýrar en fyrr að nýja valdastéttin „myndi alltaf arðræna, alveg eins og sú gamla, og þó svo að þetta yrði gott „sjó“, þá myndu alltaf vaxa nýir hausar á skrímslið.“

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.