Dagblaðið Vísir - DV - 11.12.2009, Blaðsíða 30

Dagblaðið Vísir - DV - 11.12.2009, Blaðsíða 30
um helgina ljóð, skáldsaga, ævisaga Góðir gestir koma í stofuna á Gljúfrasteini á sunnudag. Lesin verða ljóð, brot úr ævisögu og skáldsögu. Eyþór Árnason les úr ljóðabók sinni Hundgá úr annarri sveit, Vilborg Davíðsdóttir les úr Auði, bók sinni um Auði djúpúðgu, Sigurður Pálsson úr Ljóðorkuþörf og loks leyfir Sólveig Arnardóttir gestum að heyra brot úr skáldsögu Steinunnar Sigurðardóttur, Góða elskhuganum. Aðgang- ur er ókeypis og allir velkomnir. Upplestrarnir hefjast klukkan 16. jólafagnaður kimi records Kimi Records heldur árlegan útgáfu- og jólafagnað sinn á Sódómu á laug- ardagskvöld. Þar stíga á svið fimm kynngi- og rafmagnaðar hljómsveit- ir sem allar hafa gefið út plötu hjá Kimi á árinu. Þetta eru þær Sudden Weather Change, Retrön, Me, The Slumbering Napoleon, Morðingj- arnir og Kimono. Miðaverð er 1000 krónur. Í tilefni af tónleikunum og degi íslenskrar tónlistar á laugar- daginn ætlar Kimi Records að gefa áhugasömum jólasafnskífu á raf- rænu formi. Hún nefnist Jólasteik Kimi Records 2009 og inniheldur tvö lög frá þeim hljómsveitum sem gáfu út plötu hjá Kimi Records á árinu. Skífuna má nálgast á kimirecords. net og kimi.grapewire.net. jólatónleikar í langholts- kirkju Hinir árlegu jólatónleikar Gradu- ale Nobili verða haldnir í Lang- holtskirkju á sunnudagskvöldið klukkan 22. Flutt verða verkin Dancing Day eftir John Rutter og Ceremony of Carols eftir Benja- min Britten en þeir Britten og Rutter eru meðal fremstu tón- skálda okkar tíma. Graduale No- bili var stofnaður árið 2000 og er skipaður 24 stúlkum völdum úr hópi þeirra sem sungið hafa með Gradualekór Langholtskirkju. Kórinn hefur hlotið hástemmt lof gagnrýnenda, unnið til verðlauna í alþjóðlegum kórakeppnum og verið tilnefndur til Íslensku tón- listarverðlaunanna og Menning- arverðlauna DV. Stjórnandi er Jón Stefánsson. falsað eða ófalsað? Falsað eða ófalsað - sérðu muninn? Listasafn Íslands býður gestum að skyggnast á bak við tjöldin á laugar- daginn þegar Ólafur Ingi Jónsson, forvörður safnsins, mun fræða gesti um falsanir og fjalla um þær í tengsl- um við það sem kennt hefur verið við „stóra málverkafölsunarmálið.“ Enn fremur mun rithöfundurinn og listgagnrýnandinn Ragna Sigurð- ardóttir kynna skáldsögu sína Hið fullkomna landslag sem fjallar um hvaða atburðarás fer af stað þegar falsað verk ratar inn á gólf í virtu safni. Nú stendur yfir sýning á verk- um listmálarans Svavars Guðna- sonar í safninu og mun Ólafur Ingi skoða höfundarverk hans í þessu samhengi. Aukasýning verður á gamanleiknum Heilsugæslunni eftir Lýð Árnason: Heilsugæslan á Café Catalinu 30 föstudagur 11. desember 2009 fókus Aukasýning á Heilsugæslunni verður á Café Catalinu í Kópavogi í kvöld, föstudagskvöld. Leikurinn hefur verið sýndur í leikhúsi í Arn- ardal síðustu mánuði en var svo sýndur fyrir skömmu á Catalinu fyrir troðfullu húsi og því hefur ver- ið bætt við aukasýningu. Við hrósum okkur af háum með- alaldri, þjónustu í hæsta gæðaflokki og frábærum læknum. En er kerfið eins gott og af er látið? Er það hugs- anlega farið að vinna gegn tilgangi sínum? Er aukinni eftirspurn sjúk- dóma svarað með meira framboði? Hvaða tilgangi þjónar góð heilsa? Metum við líf í magni eða gæðum? Leikritið er samið og því er leik- stýrt af Lýð Árnasyni lækni og gef- ur áhorfandanum sýn inn í þetta völundarhús og það sem býr að tjaldabaki. Heilsugæslan er gaman- leikur og um leið hápólitískt leikrit og umfjöllunarefnið brennur á ís- lensku þjóðfélagi, ekki síst núna í skugga niðurskurðar. Öll hlutverk, tíu talsins, eru í höndum tveggja leikara, þeirra Elf- ars Loga Hannessonar og Margrét- ar Sverrisdóttur. Margir kannast vafalítið við Elfar Loga vegna Kóm- edíuleikhússins sem hann setti á laggirnar árið 1997. Hann er með- al annars maðurinn á bak við Act Alone-einleikjahátíðina sem hald- in hefur verið á Vestfjörðum síð- ustu ár. Heilsugæslan tekur klukkustund í sýningu. Miðasala er á Café Catal- inu og er miðaverð 1900 krónur. Elfar Logi Hannesson Leikur fimm hlutverk í Heilsugæslunni. Mótleikkona hans, Margrét Sverrisdóttir, gerir annað eins. Ísfirðingurinn Eiríkur Örn Norð- dahl hefur að mestu haldið sig fjarri Íslands ströndum síðustu þrjú ár og missti því meðal annars af bús- áhaldabyltingunni fyrir utan það að hann fylgdist með Austurvelli brenna á internetinu. Efnahagshrunið og af- leiðingar þess eru honum þó engu að síður yrkisefni í Gæsku, þriðju skáld- sögunni sem þessi rúmlega þrítugi ólátabelgur sendir frá sér. „Málið með bókina er að ég byrj- aði á henni töluvert áður en hrunið varð. Allur fyrri hlutinn er skrifað- ur fyrir hrun,“ segir Eiríkur en í þeim hluta skáldsögunnar verður afdrifa- ríkt krónufall sem síðar varð að bitr- um raunveruleika. Þótt krónan falli í bók Eiríks og æstir mótmælend- ur fylli Austurvöll fer höfundurinn að vissu leyti með þessa atburði út í fantasíu þar sem Esjan logar og þykk- an mökkinn leggur yfir Reykjavík auk þess sem skæðir sandstormar geisa á Skerinu. Eiríkur segir fantasíuna að vissu leyti hafa verið viðbragð við því þegar raunveruleikinn fór að líkja eftir skáldskap hans. „Ég lagði upp með að skrifa pólit- íska hysteríu og svo dansaði veruleik- inn bara einhvern veginn upp í fang- ið á mér einhvers staðar um miðja bók. Þetta var enginn raunveruleiki þegar ég byrjaði að skrifa bókina. Það sem átti að vera myndlíkingar og hafa einhvern symbólískan kraft, eins og krónufallið eða eitthvað, breyttist á einhverjum tímapunkti í asnaleg- ar tíðarandaveiðar. Þetta var ágæt- is ástæða til að sitja í taugaáfalli úti í Finnlandi yfir því að það væri bara búið að eyðileggja bókina mína.“ Lof og last Gæska hefur fengið misjafna dóma og eiginlega má segja að þar sé ým- ist í ökkla eða eyra. Bókmenntafræð- ingurinn Jón Yngvi Jóhannsson gef- ur bókinni fjórar stjörnur á vefnum pressan.is og segir að Eiríkur sé „fá- dæma stílisti“ og sýni mikil tilþrif í bókinni. Þá gaf Hrund Ólafsdóttir bókinni einnig fjórar stjörnur í Morg- unblaðinu en þau Páll Baldvin Bald- vinsson og Kolbrún Bergþórsdóttir, sem koma saman vikulega í Kilju Eg- ils Helgasonar til þess ýmist að gefa höfundum líf eða slá þá af, voru ekki jafn hrifin. En hvernig fara svona köflóttir bókadómar með sálarlíf rithöfundar í miðju jólabókaflóði? „Langar mann ekki alltaf til að drepa alla sem tala illa um mann?“ spyr Eiríkur og skellir upp úr. „Ég veit það ekki. Svo kemur alltaf fólk líka og klappar á bakið á manni og segir að það sé svo gott að vera umdeild- ur, þá sé eins og maður hafi eitthvað að segja. Ég held að þetta hafi minnst með bækurnar mínar að gera. Ég fæ það á tilfinninguna. Ég sé ekki hvern- ig fólk ætti að geta verið svona pirr- að út í bækurnar mínar og þá sér- staklega ljóðabækurnar. Hver verður pirraður út í ljóðabækur? En það gerist nú samt. Eins og Páll Baldvin kom inn á í Kiljunni þá hefur stund- um verið svolítill gassagangur á mér. Ég hef verið með dálítið mikil læti og það held ég að hafi pirrað fólk. Miklu frekar en það sem ég hef skrifað.“ Spurning um að halda í sér Páll Baldvin sagði í áðurnefndum Kiljuþætti að þeim ungu höfundum að Eiríki meðtöldum, sem nú kæmu fram með hrunsbækur sínar, væri mikið mál en þeir hefðu ekki nokk- urn skapaðan hlut að segja. Þess- ir ungu menn ættu því að íhuga að halda í sér í nokkur ár þangað til þeir geti sagt fólki eitthvað nýtt um það sem gerðist. „Jú, jú. Hann sagði það,“ segir Eiríkur þegar meiningar Páls ber á góma. „Páll les náttúrlega svo mik- ið að hann tekur kannski ekki alveg eftir öllu. Aftast í bókinni er sem sagt tekið fram hver ritunartími bókar- innar er. Þessi bók átti upphaflega Veruleikaflótti Íslendinga Eftir hrun minna Íslendingar á úlfinn Wile E. Coyote úr Looney Tunes sem hleypur óhikað fram af hengiflugi og heldur ótrauður áfram svo lengi sem hann gerir sér ekki grein fyrir að hann er í lausu lofti. Rithöfundurinn Eiríkur Örn Norðdahl flutti til Finnlands fyrir þremur árum og ætlar að búa í Svíþjóð næstu tvö ár með sænskri eiginkonu sinni og nýfæddum syni þeirra. Á meðan eiginkonan stundar nám í Svíþjóð ætlar Eiríkur að halda áfram að „harka“. Skrifa, þýða og reyna að krækja sér í einhverjar evrur með því að sækja ljóðahátíðir. Hann er nýbúinn að senda frá sér sína þriðju skáldsögu, Gæsku, sem fjallar um upplausnarástand á Ís- landi í kjölfar efnahagshruns. Hann var byrjaður á bókinni fyrir hrun en þurfti að hugsa sinn gang þegar heimurinn breyttist og veruleikinn varð skrýtnari en skáldskapurinn. Gat ekki haldið í sér lengur
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.