Víkurfréttir - 13.04.1989, Blaðsíða 1

Bæjarstjórn Keflavíkur:
„Billega sloppið"
Afgreiðsla stjórnar Hita-
veitu Suðurnesja á óskunt
fólks urn skaðabætur vegna
ofnatæringar var til umræðu
á fundi bæjarstjórnar Kefla-
víkur síðasta þriðjudag.
Þótti ntörgum bæjarfulltrú-
um þessi ákvörðun stjórnar
HS vera út í bláinn, þar sem
fyrirtækið væri búið að end-
urgreiða miklar upphæðir
vegna bilunar í ofnum í
Grindavík ©g á Keflavíkur-
flugvelli.
Bentu fundarmenn á að í
þeim tilfellum sem ofnar
hefðu farið nú, væri nánast
eingöngu um að ræða tilfelli
þar sem aðeins heitt vatn frá
HS hefði farið um viðkom-
andi ofna. Þeir sem áður
hefðu verið með olíukynd-
ingu hefðu sloppið. Einn
bæjarfulltrúi orðaði það svo
að þessi ákvörðun stjórnar
HS væri „billeg", svo ekki
væri meira sagt.
Ómar stjörnarformaður H.S.
Við kjörstjórnarformanns
Hitaveitu Suðurnesja á
fyrsta stjórnarfundi eftir að-
alfund fóru leikar þannig að
Ómar Jónsson, oddviti
Vatnsleysustrandarhrepps,
var kjörinn formaður. Hlaut
hann fimm atkvæði. Óiafur
Thordersen, Njarðvík, var
einnig í kjöri en hann hlaut
þrjú atkvæði og einn seðill
var auður.
Varaformaður var kjörinn
Þórarinn St. Sigurðsson,
Höfnum. Þá var ákveðið að
formennskan skiptist fram-
vegis milli sveitarfélaga eins
og áður var viðhaft. Frá því
hafa verið tvær undantekn-
ingar, er Eiríkur Alexanders-
son og nú Finnbogi Björns-
son sátu lengur en eitt ár
hvor í formannssætinu.
Anna til Þroskahjálpar
Framkvæmdastjóraskipti
verða hjá Þroskahjálp á Suð-
urnesjum l.júnínk. Þátekur
Anna Margrét Guðmunds-
dóttir, núverandi forseti bæj-
arstjórnar Keflavíkur, við
stöðu framkvæmdastjóra hjá
félaginu.
Raunar mun hún hefja
störf þar nú 1. mai en fyrsta
mánuðinn mun hún starfa
með fráfarandi framkvæmd-
astjóra, Kristni Hilmarssyni,
sem er á förum til Noregs að
nema talkennslu.
Skemmdarverk á rútum
Farið var inn í fimm rútur
á svæði Sérleyfisbifreiða
Keflavíkur að nóttu til um
síðustu helgi og unnar á þeim
skemmdarverk. Voru ljós
brotin, mælaborð og útvörp
eyðilögð.
Voru krakkar staðnir að
verki í einni rútunni og gátu
þau bent á aðra sem höfðu
tekið þátt í verknaði þessum.
Er blaðið hafði samband við
rannsóknarlögregluna á
mánudag stóð rannsókn
málsins yfir.
Stórbættar
póstsamgöngur
Miklar úrbætur hafa verið
gerðar að undanförnu varð-
andi póstsamgöngur til og frá
Suðurnesjum og innan svæðis-
ins. Að sögn Björgvins Lúth-
erssonar, símstöðvarstjóra,
eru nú farnar póstferðir þrisv-
ar á dag milli Suðurnesjasvæð-
isins og Reykjavíkur. Jafn-
framt eru póstferðir milli allra
staða á Suðurnesjum tvisvar á
dag.
Virkar þetta þannig að bréf
sem sett eru í póst í Reykjavík
eru komin til viðtakanda, hvar
sem er á Suðurnesjum, degi
síðar. Sama á við um póst utan
af landi, hann er kominn til
viðtakenda degi eftir að hann
kom til Reykjavíkur. Bréf sem
sett eru í póst á Suðurnesjum í
dag eru borin út í Reykjavík á
morgun, sé um virkan dag að
ræða. Sama regla gildir um all-
an Suðurnesjapóst, hann er
borinn út degi eftir að hafa
verið póstaður í einhverju
pósthúsanna á svæðinu.
Þá eru ekki síður bættar
samgöngur við Bandaríkin og
Evrópu. Bréf og pakkar, sem
settir eru í eitthvert pósthús-
anna á Suðurnesjum fyrir 12 á
hádegi, fara samdægurs yfir
hafið.
Fyrir þá sem eru með póst-
hólf hafa verið settar upp þær
reglur að sé pósti skilað á eitt-
hvert pósthúsanna á svæðinu
fyrir hádegi er hann kominn í
pósthólf fyrirtækja og stofn-
ana í öðrum sveitarfélögum á
svæðinu eftir hádegi. Tökum
sem dæmi bréf, sem sett er í
póst í Garði fyrir hádegi. Það
er komið í pósthólf, sé viðtak-
andi með slíkt, eftir hádegi t.d.
í Grindavík.
Jafnframt hefur afgreiðslu
gírósendinga og kreditkorta-
sendinga verið flýtt, þannig að
viðkomandi sendingar fara
jafnóðum til viðtakanda.
Sagði Björgvin að nú væru
gírósendingar ekki seinni á
ferðinni, þó þær séu greiddar í
pósthúsum, en t.d. í bönkum.
Sem kunnugt er þá hefur af-
greiðslutíma pósthússins verið
breytt nokkuð. Er hann frá kl.
8:30 til 16:30 alla virka daga.
En pósthólfin eru þó opin frá
kl. 8 að morgni til kl. 20 alla
virka daga.
Nýjar verkamannaíbúðir í Keflavík:
Aðeins 73% af viðmiðunarverði
Fjórar nýjar íbúðir er
Húsagerðin hefur byggt fyrir
stjórn verkamannabústaða í
Keflavík voru afhentar eig-
endum sínum á laugardag.
íbúðir þessar eru að Heiðar-
holti 22 í Keflavík. 1. júlí nk.
er áætlað að Húsagerðin af-
hendi aðrar fjórar sem eru að
Heiðarholti 24. Þá mun 1.
maí nk. verða tekið í notkun
nýtt þriggja íbúða raðhús,
einnig við Heiðarholt.
Kom þetta fram í viðtali
blaðsins við Önnu Margréti
Guðmundsdóttur, formann
stjórnar verkamannabú-
staða, af þessu tilefni. Þessar
fjórar íbúðir, sem nú voru af-
hentar, komu í hlut fjögurra
einstæðra mæðra. Þær eru
Guðrún Bjarnadóttir, Rann-
veig Garðarsdóttir, Guð-
munda Bergvinsdóttir og
Sigríður Ósk Kalmannsdótt-
ir.
í máli Önnu kom enn-
fremur fram að samkvæmt
úttekt Húsnæðisstofnunar
stóðst vinnan öll skilyrði og
vel það, auk þess sem verð
íbúðanna er aðeins 73% af
viðmiðunarverði stofnunar-
innar. Nánar er íjallað um
íbúðir þessar annars staðar í
blaðinu, þar sem rætt er við
Anton Jónsson, fram-
kvæmdastjóra Húsagerðar-
innar.
Handhafar ibúðanna að Heiðarholti 22 ásamt Önnu Margréti Guð-
mundsdóttur, formanni stjórnar verkamannabóstaða í Keflavík. F.v.:
Anna Margrél, Sigríður Osk Kalmannsdóttir, Guðmunda Bergvinsdóttir
og Guðrón Bjarnadóttir. A myndina vantar Rannveigu Garðarsdóttur.