SÍBS fréttir - 01.12.1999, Blaðsíða 18

Listakonurnar
ÁSRÚN KRISTJÁNSDÓTTIR
Ásrún hannaði tvær gerðir af treflum þeim sem
prýða munu vinningaskrá happdrættis SÍBS á
nýju happdrættisári.
Hún er fædd 7. aprfl 1949 í Reykjavík. Ásrún
stundaði nám 1967-1971 í myndlistarkennaradeild
Myndlista- og handíðaskóla Islands, tók síðan
akademiskt ár við textfldeild sama skóla og fór
loks til Stokkhólms þar sem hún nam textflhönnun
við Konstfackskolan. Hún hefur kennt myndlist
við Fjölbrautaskólann í Breiðholti, verið yfirkenn-
ari hönnunardeildar Myndlista- og handíðaskóla
íslands og frá 1986 yfirkennari í textíldeild sama
skóla.
Ásrún hefur setið í ótal nefndum m.a. varðandi
innra og ytra útlit Hallgnmskirkju, nefnd á vegum
menntamálaráðuneytis til mótunar hönnunarnáms,
verið formaður nefndar á vegum forsætisráðu-
neytis til könnunar stöðu heimilisiðnaðar og upp-
byggingar smáiðnaðar á Islandi. Hún hefur verið
tengiliður Islands í samnonænu vinnuverkefni
Varde, m.a. varðandi vistvæna textflhönnun og
stjórnað fyrir Varde vali verka á norræna sýningu,
sem síðan fór víða um lönd.
Formaður Textflfélagsins var hún um þriggja
ára skeið og í átta ár í stjórn Listvinafélags Hall-
grímskirkju. Á ánmum 1995-1998 var Ásrún for-
maður Form Island, sem er félag menntaðra hönn-
uða. Form fsland hefur haft umsjón með farand-
18 • SÍBS-fréttir
sýningum á íslenskii hönnun erlendis, staðið fyrir
samkeppni á sviði hönnunar og hefur þessi
kynning oft leitt til þess að listamenn hafa getað
selt hönnun sína á erlendri grundu.
Ásamt öðrum listamönnum stofnaði hún Gallerí
Sólon íslandus en það var fyrsta galleríið á íslandi
sem rekið var af listamönnum sjálfum. Ásrún hefur
svo víða lagt hönd á plóg að það yrði allt of langt
upp að telja. Hún hefur hannað jólafrímerki, mynd-
skreytt barnabók, séð um myndlist og hönnun í
íslenskum kirkjum, lagt drög að hönnunamámi,
haldið erindi heima og erlendis, ásamt öðrum
unnið að þýðingu orða og hugtaka sem varða
handverk, átt sæti í dómnefnd sem mat tillögur að
hátíðabúningi íslenskra karla, skipulagt fjölda
verkefna sem fulltrúi íslands og verið útnefnd
heiðursfélagi Svensk form. Ásrún kemur líka að
verkefninu Reykjavík - menningarborg Evrópu
árið 2000. Hún hefur haldið einkasýningar og tekið
þátt í samsýningum og er höfundur verka í
opinberri eigu.
Fróðlegt væri að vita hvort þessi kjarnakona
tekur yfirleitt nokkur vítamín!
Ásrún hreifst af hringakenningu Páls Berg-
þórssonar, sem hann setur fram í bók sinni
Vínlandsgátunni varðandi siglingatækni norrænna
manna og má sjá þess merki á öðrum treflinum
sem Ásrún vann. Sá trefill sýnir hið mikla haf og
óræð blá rönd vekur spurningu um landssýn eða
er það kannski aðeins himinn og áfram endalaust
haf?
Hinn trefilinn, þann símynstraða, byggir lista-
konan á skreytingu úr gömlu handriti. Ef grannt er
skoðað getur þessi gamla handritslýsing fyrir
skemmtilega tilviljun minnt á siglingatæki seinni
tíma. Þessi trefill er unninn með ætingaraðferð.
H.F.
ÍSLANDSBANKI
Stórhöfða 17