Norðurslóð - 22.02.2001, Blaðsíða 6

Tímamót
Skírn
Sunnudaginn 11. febrúar var skírður að heimili sínu Öldugötu 6
Arskógssandi Jón Karl Wendel. Foreldrar: Guðbjörg Margrét
Birgisdóttir og Steinþór Wendel. Sr. Gylfi Jónsson Möðruvöllum
skírði. Langamma Jóns Karls, Jóhanna Jónsdóttir, hélt honum
undir skírn, en hún varð lol árs daginn eftir, þann 12. febrúar.
Gifting
Þann 16. desember s.l. voru gefin
saman í Stærri-Árskógskirkju,
Luzviminda Agliday Diongco og
Ingi Steinn Jónsson Litlu-
Hámundarstöðum. Prestur Sr.
Hulda Hrönn.
Afmæli
Þann 7. febrúar
s.l. varð 75 ára,
Helga Jensdóttir,
frá Stærra-
Árskógi, nú til
heimilis að
Vanabyggð 7
Akureyri.
Þann 16. febrúar
s.l. varð 75 ára,
Margrét
Valtýsdóttir,
Selárbakka
Árskógsströnd.
Þann Þann 22.
febrúar n.k.
verður 75 ára,
Hildur
Pétursdóttir
Bessastöðum,
Dalvík.
Þann 9. febrúar s.l. varð 80 ára,
Guðrún Jóhannsdóttir. Efstakoti, Dalvík.
Þann 2o. febrúar s.l. varð 75 ára,
Aðalsteinn Grímsson, Öldugötu 6, Dalvík.
Þann 27. febrúar n.k. verður 8o ára, Jón Guðmundsson frá Litlu
Hámundarstöðum. Hann dvelst nú að Dalbæ, Dalvík.
Andlát
Þann 26. janúar s.l. lést Sveinn Birkir
Sveinsson Krossum Árskógsströnd. For-
eldrar hans eru hjónin Sigurbjörg Snorra-
dóttir og Sveinn Kristinsson á Krossum.
Hann var fæddur 23. apríl 1980. Systkini
Sveins Birkis eru: Linda Björk f.16 apríl 1975
og Kristján Eldjárn f.17. apríl 1991. Maður
Lindu Bjarkar er Þórður Guðlaugsson og
barn þeirra er Andrea Sól f.19. ágúst 1996.
Unnusta Sveins Birkis er Karen Sif
Róbertsdóttir. Minningarathöfn um Svein Birki fór fram í
Stærri-Árskógskirkju laugardaginn 10. febrúar síðast liðinn.
Prestar voru: Sr. Jón Helgi Þórarinsson og sr.Hulda Hrönn.
Snjólaug Hjörleifsdóttir lést á Fjórðungs-
sjúkrahúsinu Akureyri 16. janúar s.l.
Snjólaug var fædd á Knappstöðum í Stíflu 1.
september 1911. Foreldrar hennar voru
Hjörleifur Jóhannsson og Rósa Jóhanns-
dóttir bæði Svarfdælingar bjuggu síðast í
Gullbringu 1922-1928, brugðu þá búi og
fluttu til Dalvíkur.Snjólaug ólst upp á Tjörn
frá 8 eða 9 ára aldri hjá hjónunum þar
Sigrúnu og Þórarni Eldjárn, og átti heimili á
Tjörn þar til hún giftist árið 1933, en 7. október það ár giftist hún
Birni Júlíussyni frá Syðra-Garðshorni. Þau settust að á Akureyri
og bjuggu lengst í Helga-magrastræti 3. Þau eignuðust 9 börn
sem öll eru á lífi og heita, Jóhanna María, Hjörleifur, Rósa,
Sigrún, Júlíus Jón, Jófríður, Daníel Björn,Árni og Ólafur Örn.
Útför Snjólaugar var gerð frá Akureyrarkirkju 8. febrúar s.l.
Minningargrein um Snjólaugu er inni í blaðinu
Gunnar Þorsteinsson frá Mó lést þann 15.febrúar að heimili sínu
á Dalbæ.Hans verður minnst nánar í næsta blaði.
Fréttahorn
Varphænurnar mættar til leiks
Á þessari tölvugerðu mynd má sjá fyrirhugaða sláturliúsbyggingu íslandsfugls.
Ibúum Dalvíkurbyggðar fjölgaði um 3350 á einu
bretti þann 2. feb sl. þegar formleg starfsemi
kjúklingabús íslandsfugls hófst með því að 3000
varphænur og 350 hanar voru flutt úr einangrunar-
stöð í Borgarfirði inn í varpstöð fyrirtækisins að
Fossbrún 6 á Árskógsströnd (gamla Árvershúsið).
Innan árs verður risið annað hliðstætt varphús við
hlið þess sem fyrir er. En ekki er nóg að hænurnar
verpi því þetta er kjúklingabú en ekki eggjabú.
Eftir um 3 mánuði taka hænurnar að verpa og þá
þarf að vera komin í gagnið útungunarstöð með
tilheyrandi vélbúnaði til útungunar og er verið að
finna henni heppilegt húsnæði í byggðinni. Fram-
kvæmdir við eldishús fyrirtækisins eru sem kunn-
ugt er komnar á skrið í landi Ytra-Holts. Búið er að
steypa 3500 m2 grunn en sjálf húsin koma frá
Kanada einhverja næstu daga. Eins og gefur að
skilja þarf eldishúsið að komast í gagnið eigi síðar
en í maí því aðeins tekur 21 dag að unga út eggjun-
um. Þegar ungarnir eru komnir úr eggjum og byrj-
aðir að spígspora á upphituðum gólfunum í eldis-
húsinu bíður þeirra 38-42 sólarhringa eldi þar til
þeir þykja nógu pastursmiklir til slátrunar. Slátur-
hús og kjötvinnsla fyrirtækisins mun rísa við
Hafnabraut á Dalvík og þarf að vera tilbúin í júlí
þegar fyrstu kjúklingarnir mæta þar örlögum sín-
um.Til að sláturlínum og vinnslutækjum verði sem
best fyrir komið þarf að byggja við húsið og brúar
viðbyggingin þá bilið milli gömlu rækjuvinnslunn-
ar og Haraldarhúss eins og meðfylgjandi mynd
sýnir. Að sögn Auðbjörns Kristinssonar fram-
kvæmdastjóra miðast áætlanir íslandsfugls við 600
tonna ársframleiðslu sem nemur um 20% innan-
landsmarkaðarins við núverandi neyslu. Stefnt er
að því að gera eingöngu út á ferskan ófrosinn
kjúkling og því er heilbrigðiseftirlit allt mjög
strangt. Þannig fær alla jafna enginn að stíga fæti
inn í varphúsið nema hænsnahirðirinn og þá að-
eins að undangengnu sturtubaði og fataskiptum
yst sem innst. Urgangur frá kjúklingabúinu verður
sérstaklega meðhöndlaður og síðan dreift á tún í
Dalvíkurbyggð og sláturúrgangur fær sömuleiðis
meðhöndlun áður en hann er unnin í refafóður.
Að sögn Auðbjörns eru vinnubrögð þau sem hér
eru viðhöfð hvergi tíðkuð í kjúklingabúum hér-
lendis og raunar sé heilbrigðiseftirlit allt mun
strangara en reglugerðir krefjist. Vegna þess hve
tæknivætt búið er sé er auðveldara að halda uppi
ströngu eftirliti. Auðbjörn segir að að mörgu leyti
sé Dalvíkurbyggð heppilegri staður til kjúklinga-
búskapar en margir aðrir. Veðurfar er hér hent-
ugra, hita- og rakastig hagstætt og þá sé hér að hafa
mun betri og stabílli starfskraft en víða annars
staðar og það skipti sköpum í svona framleiðslu.
Áætlað er kostnaður við kjúklingabúið verði þegar
upp er staðið á bilinu 250-300 milljónir.
Fiðurfénaðurinn í Árvershúsinu virtist vel á sig kominn
eftir flutninginn og reiðubúinn að hefja milljónafram-
leiðslu á kjúklingum þegar Ijósmyndara bar að garði.
Dalvíkingar og Svarfdælingar sunnan heiða
héldu Þorrablót upp á gamla mátann á
dögunum, þ.e.a.s. tóku matinn með sér á blótið.
Góð mæting var og varð af hinn besta skemmtun.
Hinn bráðefnilegi kór Svarfdælinga söng nokkur
lög undir stjórn Kára Gestssonar við góðar
undirtektir. Árni Hjartarson flutti pistil Hjörleifs
bróður síns úr Svarfaðardal við mikla hrifningu og
þau Anton Angantýsson og Soffía Jakobsdóttir
fluttu minni kvenna og karla. Þá söng kvartett
skipaður systkinunum Kolbrúnu, Stefáni og Einari
úr Ásbyrgi ásamt eiginkonu Stefáns, Guðrúnu
Lóu. Veislunni stjórnaði Júlíus Jónasson af mikilli
röggsemi. Að borðhaldi loknu var að venju stiginn
dans fram eftir nóttu. Formaður Samtaka
Svarfdælinga er Stefán Arngrímsson.
Framkvæmdir við Dalvíkurkirkju eru á áætlun
og er stefnt að því að kirkjan verði endurvígð
að viðgerðunum loknum þann 18. mars. Verður
væntanlega mikið um dýrðir og fjöldi kennimanna
og eflaust boðið upp á kaffi í safnaðarheimilinu að
sögn séra Magnúsar G Gunnarssonar. I tilefni
vígslunnar verða tónleikar í kirkjunni. Þar munu
sameina krafta sína Kór Dalvíkurkirkju og
Kirkjukór Ólafsfjarðar ásamt hljóðfæraleikurum
og einsöngvara og flytja nokkrar af perlum kirkju-
tónbókmenntanna.Stjórnendur kóranna eru þau
Hlín Torfadóttir og Jakob Kolosowsky en einsöng-
vari verður Marta Halldórsdóttir.
Nú á dögunum var haldinn almennur fundur
um menningarmál á Café Menningu á vegum
æskulýðs-íþrótta og menningarnefndar Dalvíkur-
byggðar. Þar voru til umfjöllunar hugmyndir um
menningarstefnu sveitarfélagsins en fyrst og
fremst var þar rætt um menningarmál vítt og
breitt. Komu þar fram ótal hugmyndir smáar og
stórar um menningarmálin. M.a. var reifuð
hugmynd um ljóðaklúbb þar sem fólk gæti komið
saman lesið eigin ljóðasmíðar. Ekki var þar látið
sitja við orðin tóm, heldur þegar blásið til
Ijóðakvölds sl. fimmtudagskvöld þar sem skúffu-
skáld byggðarinnar mættu og fluttu ljóð sín. Mun
verða framhald á slíkum kvöldum. Fleiri hug-
myndir voru reifaðar sem til faramfara horfa fyrir
menningarmál í byggðinni og var greinillegt á
fundarmönnum eð mikill áhugi er fyrir öflugu
menningarlífi í Dalvíkurbyggð.
Og talandi um menninarlíf þá hafa skólar
Dalvíkurbyggðar fengið heldur betur að njóta
heimsmenningarinnar að undanförnu því sl.
þriðjudag var Sinfóníuhljómsveit Norðurlands á
ferðinni í skólum í Dalvíkurbyggð. Þar flutti hún
hið frábæra tónverk „Pétur og úlfurinn“ eftir
Sergei Prokofév og kunnu hinir ungu áheyriendur
svo sannarlega að meta framtakið. Stjórnandi
hljómsveitarinnar er Guðmundur Óli Gunnarsson
á Bakka.
Hafnarframkvæmdum á Árskógssandi er að
ljúka þessa dagana. Búið er að hlaða
sjóvarnargarð norðan við höfnina og sömuleiðis
nýjan grjótgarð sunnan við og er þá hafnaraðstaða
orðin eins og hún á að fera fyrir nýju Hríseyjar-
ferjuna.
Steingrímur Sigfússon alþingismaður og Sveinn Jónsson í
Kálfsskinni voru glaðir í sólinni í Böggvisstaðafjalli sl.
laugardag.