Morgunblaðið - 28.12.1976, Blaðsíða 19

MORGUNBLAÐIÐ, ÞRIÐJUDAGUR 28. DESEMBER 1976
19
Jósef Felzmann
— Kveðja
Fæddur 20.2. 1910.
Dáinn 18.12. 1976.
Nú þegar ég kveð æskuvin
minn, Josef Felzmann, er margs
að minnast.
Kynni okkar hófust í æsku. Við
lékum okkur saman, vorum
saman I barnaskóla og innrituð-
umst samtimis f Konservatorium í
Vinarborg, við vorum heimagang-
ar hvor hjá öðrum.
Strax í barnaskóla byrjuóum
við að spila í skólahljómsveitinni
og hélst samstarf okkar áfram og
fór að taka á sig alvarlegri blæ
eftir því sem árin liðu, enda
unnum við saman í mörg ár.
Minnisstætt er mér er hann einn
sunnudagsmorgun kom heim til
mfn og sagði áður en hann heils-
aði: „Viltu koma til íslands?" Það
var svo afráðið að við lögðum land
undir fót árið 1933 og fórum til
íslands. Við vorum ráðnir til 8
mánaða hjá A. Rosenberg, heið-
virðum eiganda Hótel íslands. En
þessir 8 mánuðir voru svo fram-
lengdir til margra ára, enda urðu
forlögin þau, að vió eignuðumst
hér okkar annað föðurland og
urðum íslenzkir ríkisborgarar.
Árið 1938 fór Josef til Vinar-
borgar ásamt unnustu sinni Ingi-
björgu Júlíusdóttur, og giftu þau
sig þar stuttu seinna.
Ekki leið langur tími þangað til
heimsstyrjöldin skall á og voru
ungu hjónin meira og minna
aðskilin öll stríðsárin þar sem
hann var kvaddur í herinn, og
hún þurfti að vera ein með 2 börn
þeirra, Gunnar og Sigrid. Oft hefi
ég dáðst að kjarki og hetjulund
Ingibjargar, sem hún sýndi svo
vel á þessum árum þrenginga og
erfiðleika.
Börn Josefs, Gunnar og Sigrid,
ásamt tengdabörnum voru fram-
úrskarandi góð föður sínum og
ekki sfður nú eftir að hann veikt-
ist. Það má heldur ekki gleyma
barnabörnunum, sem voru í svo
miklu uppáhaldi afa síns að hann
sá varla sólina fyrir þeim.
Josef var framúrskarandi góður
fiðluleikari og honum var fleira
til lista lagt, t.d. var hann mjög
góður málari og prýða margar
myndir hans heimili okkar hjón-
anna sem við metum mikils. Hann
var sérstaklega vandvirkur við
allt sem hann tók sér fyrir hend-
ur. Eftir strfð fluttist fjölskyldan
til íslands og starfaði Josef í
Sinfónfuhljómsveit íslands frá
upphafi þangað til heilsu hans fór
það hrakandi að hann varð að
hætta störfum um það bil fyrir 2
árum.
Josef Felzmann var sannur
listamaður af Guðs náð, og mikils
virtur hér í sfnu öðru föðurlandi.
Það er jafnan skarð fyrir skildi
þegar slíkir menn falla frá fyrir
aldur fram. En minningin lifir
þótt maðurinn deyi, því orðstir
deyr aldrei.
Við hjónin vottum ástvinum
hans öllum okkar innilegustu
samúð og þökk.
Far þú í friði. Friður Guðs þig
blessi. Haf því þökk fyrir allt og
allt.
Carl Billich.
Hann var fæddur f Vinarborg
þann 20. febrúar 1910. Ungur
lagði hann stund á tónlistarnám,
er síðar varð hans ævistarf bæði í
föðurlandinu og eftir að hann
fluttist til íslands og gerðist fs-
lenskur ríkisborgari. Hann var
einn af fyrstu starfsmönnum Sin-
fóníuhljómsveitar Islands og
starfaði við hana meðan kraftar
entust.
Jósef var fleira til lista lagt en
að leika á fiðlu. Hann var ágætur
málari og bera að mínu mati, sér-
staklega blómamyndir hans ein-
stakan vott um frábæra vand-
virkni og smekkvísi, en
nákvæmni og vandvirkni voru
hans aðalsmerki.
Með þessum fátæklegu orðum
vil ég sérstaklega þakka tengda-
föður mínum hversu góður og ein-
stakur afi hann reyndist elsku
stelpunum sínum, eins og hann
var vanur að kalla þær, og hversu
mikla vinnu og rækt hann lagði
við að kenna þeim ungum lifsvió-
horf fegurðarinnar.
Um vetrarsólhvörf undir stjörn-
um og norðurljósum er hinsta
hvíla hans gjörð i Fossvogskirkju-
garði.
Honum fylgir þökk og virðing
út yfir gröf og dauða.
Tengdadóttir.
Á áratugunum um miðja þessa
öld fluttust allmargir austurríkis-
menn hingað til lands, sem flestir
eða allir komu til að stunda hér
atvinnu sfna sem hljómlistar-
menn. Einn hinn fyrsti þeirra var
Jósef Felzmann, sem við kveðjum
hinztu kveðju f dag, en hann lézt á
Landspítalanum hinn 18. þ.m. eft-
ir langvarandi vanheilsu.
Jósef Felzmann fæddist í Vfnar-
borg hinn 20. febrúar 1910. Hann
nam ungur hljóðfæraleik, aðal-
lega fiðluleik, og stundaði þá at-
vinnu alla ævi. Hann kom til Is-
lands haustið 1933, þá ráðinn til
að skemmta gestum hjá A. Rosen-
berg á Hótel Islandi, en þar með
hófst nýr og áður ókunnur þáttur
i skemmtanalífi höfuðstaðarbúa,
sem ekki verður rakinn hér frek-
ar, en margt fólk af eldri kynslóð-
inni munnú minnast hans og leiks
hans frá þessum árum. Dvaldist
hann hér um sinn til ársins 1938,
en þá hvarf hann heim til sín
aftur ásamt unnustu sinni, Ingi-
björgu Júlíusdóttur, se hann gekk
að eiga skömmu sfðar. Fyrst eftir
heimkomu sina til Austurríkis lék
hann við Volksoper f Vínarborg
og síðan í Graz, en var sfðar kall-
aður til herþjónustu f heims-
styrjöldinni. Að loknum hörm-
ungum styrjaldarinnar fluttust
þau hjónin aftur til íslands ásamt
báðum börnum sfnum, Sigríði og
Gunnari, sem nú eru uppkomin
og búa hér á landi ásamt fjöl-
skyldum sfnum. Tók hann aftur
upp fyrri atvinnu sfna, lék i Sin-
fóníuhljómsveitinni frá upphafi
og þar til að hann lét af störfum
árið 1974 vegna heilsubrests, auk
þess sem hann lék í hljómsveitum
á skemmtistöðum, f kemmer-
músikflokkum og víðar.
Jósef Felzmann var hár maður
vexti, afar látlaus og hlédrægur
og fjarri honum að trana sér fram
eða láta á sér bera, og öll kröfu-
harka fyrir sjálfan sig var honum
fjarri. Hann helgaði sig hljóð-
færaleik alla ævi, eins og áður er
getið, og var það líf hans og yndi.
Sem hljóðfæraleikari var hann
liðtækur, og þar var hann kröfu-
harður, bæói í sjálfs sín garð og
annarra, en ailtaf kom hann þó
fram af sömu ljúfmennskunni.
En hann var listfengur á fleiri
sviðum, og má nefna hér, að hann
var mikill frístundamálari. Hann
var vinur vina sinna og gat verið
hrókur alls fagnaðar i góðum fél-
agsskap. Þótt örlögin höguðu þvf
þannig, að hann ílentist hér á
landi, var hann þó alltaf austur-
rfkismaður í anda og mun ávallt
hafa talið sig austurrikismann.
Nú er hérvist hans lokið, mun
lengi geymast minningin um góð-
an dreng og hugljúfan sa sam-
starfsmann. Við þökkum honum
samfylgdina og vottum hans nán-
ustu samhryggð okkar.
Vinir frá Austurrfki.
Afmælis-
og
minningar-
greinar
ATHYGLI skal vakin á þvf, að
afmælis- og minningargreinar
verða að berast blaðinu með
góðum fyrirvara. Þannig verð-
ur grein, sem birtast á f mið-
vikudagsblaði, að berast f sfð-
asta lagi fyrir hádegi á mánu-
dag og hliðstætt með greinar
aðra daga. Greinar mega ekki
vera í sendibréfsformi eða
bundnu máli. Þær þurfa að
vera vélritaðar og með góðu
línubili.
I I

111

mm
: :
's*s*8s*K^
.. * '
J §mm
STÆR51ATIL ÞESSA,
HEFST í DAC
NOKKUR DÆMI UM VERÐLÆKKUN:
Flauelskjólar . úr: 6.900,- í : 3.995,- Gallabuxur úr: 4.200.- í : 1.995,-
Blússur 1.990,- í 999,- Barnabuxur 2.490.- í 999.-
Sokkabuxur . úr. 498,- í : 199- Nærbuxur úr: 488,- í 299.-
Samfestingar 7.500,- í : 3.995,- Jakkar úr: 2.290,- í 999.-
Rúllukragabolir ... 1.590.- í 499,- Skyrtur úr: 1.979,- í 999.-
Strigaskór 1.080,- í 395.- Peysur úr: 2.200,- í 999,-
EINNIG LÆKKAÐ VERÐ A BUSAHOLDUM MARGSKONAR
OG YMSUM MATVORUM.
í janúar 1977 verður búðin opin
föstudaga til kl. 10 að kvöldi
og lokuð laugardaga.
I IsKEIFUNNI 15l■
YFIR 400 BUASIÆÐI