Morgunblaðið - 02.10.1977, Blaðsíða 7
MORGUNBLAÐIÐ, SUNNUDAGUR 2. OKTÓBER 1977
7
I 9 kap. Jóhannesarguð-
spjalls segirfrá manni, sem
blindur var frá fæðingu og á
vegi Jesú verður.
Blindurfrá fæðingu, —
hvílíkörlög, hvílík raun! Un-
að vorsins, blómfegurð sum-
ars, litadýrð haustsins, dá-
semd sólarupprásar og sólar-
falls, frá öllu þessu og mörgu
öðru hafði blindfædda mann-
inum verið sagt, en hann
hafði aldrei séð það sjálfur.
Yfir blindf.æddu barni hafði
móðirin vakað og vonað, en
vonirnar höfðu hver af ann-
arri dáið. Þá hafði hún tekið
að segja drengnum sinum frá
ýmsu því, sem hún vissi að
hann myndi aldrei sjá. Tár
hennar hafði hann aldrei séð
en undrast stundum, að
vangi hennar var votur þegar
hún vafði hann að sér Hann
vissi það þá ekki enn, að
hann var tárasonurinn henn-
ar, en þegar hann tók að
skilja það, komu erfiðari. ár.
Nú var hann orðinn fulltiða
maður, sat við veginn og rétti
fram ölmususkálina, þegar
hann heyrði mannamál.
Siðla dags mundi móðir hans
koma og sækja hann.
En nú gerist undrið
óvænta. Eftirveginum kemur
ungur maður og hann gefur
blindfædda manninum sjón.
Aðrar sögur herma, að
Jesú hafi gefið blindum sýn,
en blindfæddum aðeins
þessum eina. Og merkilegust
er þessi saga fyrir það að i
sambandi við þessa lækn-
ingu leiðir Jesús orð beint að
hinni miklu ráðgát um bölið,
þjáninguna
„Hvor hefur syndgað þessi
maður eða foreldrar hans, að
hann skyldi fæðast blindur?"
spyrja lærisveinarnir og trúa
því, sem ótrúlega lífseigt hef
ur orðið innan kristninnar, að
allt böl, öll þjáning sé refsing
frá Guði fyrir drýgðar syndir
„Hvað hefur þessi maður
drýgt, að þetta skuli á hann
lagt?" spyrja menn, spyrja
upphátt eða með sjálfum sér
í hljóði. „Hvað hef ég drýgt,
að ég skuli þurfa að verða
fyrir þessu?"
Jesús vísar þeirri hugmynd
algerlega á bug, að böl blind-
fædda mannsins sé afleiðing
synda hans, — nema þá ef
trúað er á endurholdgun og
hann sé að gjalda fyrir syndir
í fyrra, jarðlífi, þótt sú trú sé
veikum rökum, veikum en
ekki engum, studd i N testa-
menti.
Hugsaðu um slysin,
dauðaslysin, sem óhugnan-
lega mörg hafa orðið hér á
landi á þessu ári. Eru þau
refsing Guðs fyrir syndir
þeirra, sem fyrir þeim hafa
orðið? Ekki trúi ég því, hvað
sem gamlar, frumstæðar
kenningar segja. Hitt er mér
Ijóst, að vegna þess að innan
vissra marka hefurGuð gefið
manninum viljafrelsi hlýtur
margt að gerast, sem hann
leyfir, þótt hann vilji það
ekki. Hvernig ættu menn að
þroskast ef þeir hefði ekki
innan einhverra marka frelsi
til að velja sinn veg, góðan
eða illan, viturlegan eða
heimskulegan? En valfrelsi
ófullkomins manns hlýtur að
fæða af sér margföld efni
harms og tára.
Eldfornar trúarhugmyndir
telja að mislyndar vættir og
goðmögn valdi náttúruham-
förum. Yfir þá heimsku hófu
sig margir í heiðnum sið.
Alkur.n er sagan frá kristni-
tökunni á Alþingi árið 1 000.
Meðan menn deildu á Al-
þingi um trúskiptin kom
maður á Þingvöll með þá
fregn, að upp væri kominn
jarðeldur hjá Hjalla í Ölfusi,
bæ Þórodds goða, sem mjög
varorðinn hallurað kristinni
trú. Það töldu heiðnir menn
auðsæja refsingu guðanna,
en Snorri goði sagði: „Um
hvað reiddust goðin þá, er
hér brann hraunit, er vér nú
stöndum á?". Mönnum varð
svarafátt, Þingvallahraun
hafði brunnið fyrr en nokkur
maður var á íslandi til að
reiðast og refsa með eldgosi.
Enn úir og grúir í kristnum
guðrækniritum, sálmum
mörgum og þá einnig í bless-
uðum Passíusálmunum, af
þeirri hugmynd um böl og
refsingu hins reiða Guðs,
sem Kristur andmælir í sög-
unni af blindfædda mannin-
um.
Á dögum Jesú urðu 1 8
menn fyrir dauðaslysi þegar
turn við Silóamlaugina
hrundi á þá. Þegar hann
heyrði skýringu manna á því
slysi, sagði hann: „Haldið þéi
að þessir menn hafi verið
syndugri en aðrir þeir, sem
búa í Jerúsalem?" Svo frá-
leitt þótti honum að þar hafi
refsing Guðs fyrir syndir
þessara manna verið að
verki.
Blindfæddi maðurinn hlaui
bót á sínu böli, en sú líkn er
ekki öllum lögð Ævilangt böl
verða margir bótalaust að
bera. Við þá gátu er hið vitra
skáld, E. Ben. að glíma í
Ijóðinu um gáfaða óláns-
manninn Starkað, sem segir
frá í Gautrekssögu. Lausnina
fann hann þessa:
„En mundu, þótt veröld
sé hjartahörð,
þótt hrokinn sigri og
rétturinn víki,
að bölið, sem aldrei fékk
uppreisn á jörð,
var auðlegð á vöxtum
í guðanna ríki"
Að bölið geti „lagt gull í
lófa framtíðar", að sorgin geti
verið „auðlegð á vöxtum" í
heiminum handan við hel og
fár, kemur greinilega fram i
sögu af Lasarusi, manninum
sem hlaut blessun i ríki himn-
anna af böli, sem hann hafði
enga bót fengið á á jörðu.
„Hvorki syndgaði hann né
foreldrar hans" sagði Jesús
við lærisveinana, þegar þeir
spurðu hann um orsök þess,
að maðurinn hafði fæðzt
blindur.
Mér fer enn svo, að um
þessa gátu bið ég um sam-
fylgd þeirra, sem þessar
greinar lesa, á næsta sunnu-
degi, og verður þó fátt eitt
sagt um mál, sem mörgum
er mikil en áleitin ráðgáta.
Blindfœddur
böl hans?
PATONS GARN
ný sending
London, dömudeild, Austurstræti
Svipmyndir
á svipstundu
Svipmyndir í hvert skírteini
Svipmyndir sf.
Hverfisgötu 18 ■ Gegnt Þjódleikhúsinu
Tjarnarbúð
tilkynnir
Eftirleiðis verða salir okkar leigðir alla daga vikunnar fyrir:
EINKASAMKVÆMI OG FUNDARHÖLD,
VEIZLUR OG MANNFAGNAÐI.
Þeir, sem hafa i huga að fá leigða sali fyrir árshátíðir,
jólatré og bingó, eru beðnir að panta timanlega
Utbúum og sendum út heitan og kaldan mat í heimahús
og til fyrirtækja. Allar upplýsingar á venjulegum skrif-
stofutíma sím 19100
Á morgun hefst hin árlega
á gólfteppum og bútum
AFSLATTUR
Við erum
aðeins að rvma
fyrir nýjum birgðum
STENDUR I NOKKRA DAGA
(áður Innréttingabúðin)
GRENSÁSVEGI 13.
Símar 83577 og 83430