Morgunblaðið - 13.07.1978, Blaðsíða 3
MORGUNBLAÐIÐ, FIMMTUDAGUR 13. JÚLÍ 1978
3
„Hœkkunin hvet-
ur menn til
að brugga”
Davíð Árnasoni
— Eg veit nú ekki hvað skal
segja. Vissulega er þessi hækkun
mjög slæm, á því er enginn vafi.
— Ekki geri ég nú ráð fyrir því
að ég minnki nokkuð neyslu á
þessum vörum, né heldur að fólk
geri það almennt. Ætli seðlunum
í buddum fólksins fækki ekki bara
meira í staðinn. Þessi hækkun
verður eflaust til að hvetja menn
ennþá meira til að brugga sjálfir.
„Ætl'ég minnki
ekki neftóbaks-
neysluna
eitthvað”
Guðlaugur Guðmundssoni
— Mér er alveg sama um
áfengið, verðið á því mætti fara
upp í tugi þúsunda fyrir fíöskuna
fyrir mér. Mér finnst þó verra með
tóbakið. Ég nota þó ekki mikið
tóbak, aðeins svolítið neftóbak.
— Ég hugsa að ég minnki
neftóbaksneysluna að einhverju
leyti. Ætli ég minnki ekki það við
mig sem hækkuninni nemur og
það er eflaust bara betra fyrir
heilsuna. Ég get ekki ímyndað mér
annað en að fólk minnki eitthvað
reykingar og drykkju. Það getur
varla haft efni á þessu. Allavega
kvartar það nóg yfir peningaleysi.
„ Vorkenni þeim
sem nota áfengi
og tóbak”
Sigrún Kjerúlfi
— Ég hef engar áhyggjur ai
þessari hækkun, því ég nota
hvorugt. Hitt er annað mál að ég
vorkenni þeim sem nota áfengi og
tóbak. Mér finnst aftur verra með
smjörið, það var alveg nógu dýrt
áður. Annars þýðir ekki að deila
við dómarann, maður verður bara
að taka þessu eins og öllu öðru.
— Ég býst nú við að fólk minnki
áfengis- og tóbaksneysluna eitt-
hvað svona fyrsta kastið, en síðan
eykst hún ábyggilega aftur. Fólki
finnst það þurfa á þessu að halda
og þá kaupir það þetta án tillits til
hvað það kostar.
„Hlýtur að
minnka neysl-
una eitthvað”
Þóroddur Ragnarssont
— Þetta er alls ekki nógu gott,
það er búið að hækka þessar vörur
svo mikið áður. Er ekki alltaf verið
að hækka þetta?
— Ég geri fastlega ráð fyrir því
að minnka neysluna eitthvað, það
er víst nóg annað sem þarf að
borga. Ég held að fólk hljóti
almennt að hugsa sig um og
minnki neysluna eitthvað, annars
er ekki gott að segja til um það.
Ætli bruggið komi ekki að ein-
hverju leyti í staðinn?
„Fólk setur
verðið yfir-
leitt ekki
fyrir sig”
Þórður Skúlasoni
— Þessi hækkun kemur sér vel
fyrir ríkissjóð, og þar sem reynsl-
an hefur sýnt að fólk setur verðið
yfirleitt ekki fyrir sig er allt í lagi
að hækka áfengi og tóbak.
— Ég gæti vel trúað því að
neyslan minnkaði eitthvað fyrst
en þegar fram í sækir breytir þessi
hækkun ekki miklu. Ég hef enga
trú á því að fólk fari meira út í
brugg en áður, það er svo mikið
bruggað í heimahúsum fyrir.
„Breytir engu
,hjá fólki”
Guðbjörg Ragnarsdóttiri
— Hækkunin er ágæt út af fyrir
sig. Tóbakið og sterku vínin máttu
alveg hækka, en það er aftur verra
með léttu vínin.
— Ég drekk nú svo lítið og reyki
ekki að persónulega skiptir þessi
hækkun mig litlu máli. Ég hef
heldur ekki trú á því að þetta
breyti neinu hjá fólki, það hefur
allavega ekki gert það hingað til.
Ég gæti þó vel trúað því að
heimabruggið muni eitthvað auk-
ast, annars er það ábyggilega í
fullum gangi í dag.
Hafrannsóknarstofnun:
Ráðinn nýr
aðstoðarmaður
forstjóra
SAMKVÆMT ákvörðun sjávarút-
vegsráðherra hefur Jakob
Magnússon, fiskifræðingur, verið
ráðinn aðstoðarmaður forstjóra
Ilafrannsóknastofnunarinnar og
verða aðstoðarmennirnir nú
tveir, því að áður hafði Jakob
Jakobsson, fiskifræðingur, verið
ráðinn með sama hætti.
Að sögn Jóns Arnalds, ráðu-
neytisstjóra í sjávarútvegsráðu-
neytinu, var talin eðlileg ráðstöfun
að ráða annan aðstoðarmann
forstjóra, því að kvartað hefði
verið undan því að ekki hefði verið
unnt að finna neinn forsvarsmann
stofnunarinnar í þeim tilfellum er
hvorki Jón Jónsson, forstjóri, né
Jakob Jakobsson hefðu verið við,
eins og komið hefði fyrir. Hins
vegar hefði ráðuneytið ekki á
neinn hátt viljað blanda sér inn í
innri stjórnun stofnunarinnar,
enda væri forstjóra hennar í
sjálfsvald sett hvernig hann skipti
verkum með þessum tveimur
aðstoðarmönnum sínum.
Að sögn Jóns Jónssonar, for-
stjóra Hafrannsóknastofnunar-
Framhald á bls. 20.
13.70 kr.
greiðast
fyrir kg. af
kolmunna
YFIRNEFND verðlagsráðs
sjávarútvegsins ákvað í gær nýtt
lágmarksverð á kolmunna og
spærlingi til bræðslu á tímabilinu
16. júlí til 31. des. n.k. Fyrir hvert
kg af kolmunna á að greiða kr.
13.70 og fyrir hvert kag af
spærlingi kr. 13.20.
Verðið er miðað við 7% fituinni-
hald og 19% fitufrítt þurrefni.
Verðið breytist um 93 aura til
hækkunar eða lækkunar fyrir
hvert 1%, sem fituinnihald breyt-
ist frá viðmiðun og hlutfallslega
fyrir hvert 0.1%. Verðið breytist
um 91 aura til hækkunar eða
lækkunar fyrir hvert 1% sem
þurrefnismagn breytist frá
viðmiðun og hlutfallslega fyrir
hvert 0.1%.
í fréttatilkynningu frá Verð-
lagsráði sjávarútvegsins segir að
verðið sé uppsegjanlegt frá og með
1. september n.k. og síðan með
Framhald á bls. 21
Halldór Sigfússon
skattstjóri
til júlíloka
í MORGUNBLAÐINU í gær
var rangt farið með nafn
skattstjórans í Reykjavík í
sambandi við frásögn af út-
komu skattskrárinnar í júlílok.
Sagt var að Gestur Stein-
þórsson skattstjóri hefði gefið
upplýsingarnar, en það var
Halldór Sigfússon skattstjóri
sem gegnir starfinu til 1. ágúst
n.k. er Gestur tekur við. Eru
viðkomandi beðnir velvirðingar
á þessum mistökum.
® KENWOOD
^ EIGN SEM \^RIR
KT-5500 útvarp, stereo FM/AM,
næmleiki FM 1,9 jvV/AM 20 p'V,
merki/suð hlutfall 72 dB mono
68 dB stereo, aðgreining-
arhæfni 60 dB, stereo
aðgreining 35 dB
frá 50-15,000 Hz.
Verð kr 76.110.-
KA-5700 magnari,
2x40 RMS wött, 8 ohm,
20-20,000 Hz, bjögun minni
en 0,04%, merki/suð hlutfall
76 dB við 2,5 pV.
Verð kr. 83.860.-
KX-520 kassettutæki, Dolby,
rásaflökt minna en 0,09%
(WRMS), tíðnisvörun
30-16,000 Hz (CrOz),
merki/suð hlutfall 61 dB
(Dolby/CrCte).
Verð kr. 116.345.-
■
Háþróað Hi-Fi er sérgrein hjá Kenwood. Þess vegna er Kenwood einn færasti
hljómtækjasmiður sem fagtímarit geta um.
Kenwood er fyrir fagfólk sem af eigin dómgreind veit hvað háþróað Hi-Fi er.
Tökum sem dæmi tæki þau sem sýnd eru hér að ofan.
Tæknilýsingin á þeim skýrir verðleika þeirra svo ekki verður um villst.
fKENWOOD EIGN SEM VARIR
FÁLKIN N
SUÐURLANDSBRAUT 8, SÍMI 84670