Morgunblaðið - 23.05.1981, Blaðsíða 28

28 MORGUNBLAÐIÐ, LAUGARDAGUR 23. MAÍ1981
TONLEIKAR
KórÁ tthagafélags
Strandamanna
í Fóstbrœðra-
heimilinu
í dag heldur kór Átthagafé-
lags Strandamanna tónleika í
Fóstbræðraheimilinu við Lang-
holtsveg og hefjast þeir kl. 17.
Á efnisskránni eru innlend og
erlend lög. Söngstjóri kórsins er
Magnús Jónsson.
Kór Átthagafélags Strandamanna ásamt stjórnanda sinum, Magnúsi
Jónssyni.
LISTASAFNI ALÞÝDU
Jakob Jónsson.
Jakob
Jóns-
son
sýnir í
Nú stendur yfir sýn-
ing Jakobs Jónssonar í
Listasafni alþýðu að
Grensásvegi 16. Þar sýn-
ir hann 69 myndir,
teikningar, olíupastel og
vatnslitamyndir.
Sýningin er opin frá
kl. 14—22 daglega og
stendur til mánaðamóta.
KJARVALSSTAÐIR
Hafsteinn Austmann
opnar sýningu í dag
í dag opnar Hafsteinn Austmann
málverkasýningu í vestursal Kjar-
valsstaða. Nú eru 25 ár liðin frá
fyrstu einkasýningu Hafsteins, sem
var í Listamannaskálanum gamla
við Austurvöll 1956.
Á þessari sýningu er um það bil
90 myndir, olíumyndir, vatnslita-
myndir og einnig nokkrar með
blandaðri tækni. Að sögn Hafsteins
eru á sýningunni eingöngu ab-
straktmyndir eða óhlutstæðar
myndir, myndir sem væru alveg
óháðar nokkurri fyrirmynd. „Það
væri helst að menn sæju eitthvað
náttúrulegt við myndirnar eftir að
búið væri að mála þær,“ sagði
Hafsteinn ma. er blm. innti hann
álits á myndforminu. „Það kæmi þó
frekar ósjálfrátt og nöfn á myndun-
um kæmu ekki fyrir en eftir á, eins
og þessi til dæmis“, sagði hann og
benti á eitt málverkið. „Þessa get-
um við t.d. nefnt „Á móti straumn-
um“ eða eitthvað í þá áttina.
Nei, ég kúvendi ekki. Eg hef
málað svona myndir alla mína tíð
og geri ekki ráð fyrir að það
breytist nokkuð héðan af, nema þá
helst bara smátt og smátt,“ sagði
Hafsteinn er hann var spurður um
hvort að hann málaði annars konar
myndir.
Frá því að Hafsteinn hélt sína
fyrstu sýningu hefur hann helgað
sig eingöngu málaralistinni. Hefur
hann haldið um 10 einkasýningar
hér á landi og tekið auk þess þátt í
nokkrum samsýningum bæði hér-
lendis og erlendis.
Árin 1968—69 dvaldi Hafsteinn í
Árósum í Danmörku og vann með
hópi ungra danskra málara. Sýndi
hann með þeim vítt og breitt um
Danmörku og á nú myndir bæði á
einkasöfnun og opinberum stöðum
þarlendis. Myndir Hafsteins eru
einnig á söfnum í Ameríku og víða í
Evrópu.
Sýning Hafsteins verður opin til
7. júní næstkomandi.
Hafsteinn Austmann
Nemendaleikhúsið sýnir
„Morðið á Marat“ í Lindarbœ
Annað kvöld sýnir Nemenda-
leikhúsið „Morðið á Marat" í
Lindarbæ og hefst sýningin kl.
20.
Leikritið heitir fullu nafni
„Ofsóknin og morðið á Jean Paul
Marat sýnt af vistmönnum
Charenton-geðveikrahælisins
undir stjórn de Sade mark-
greifa", en þekktast er það ef-
laust undir nafninu Marat/Sade.
Höfundur þess er Þjóðverjinn
Peter Weiss.
Leikurinn gerist á Charenton
geðveikrahælinu í París árið
1808, þar sem markgreifinn ill-
ræmdi, de Sade (sá sem sadismi
er kenndur við), er vistmaður.
Hann hefur samið leikrit um
morðið á byltingarmanninum
Jean Paul Marat og æft það með
sjúklingum hælisins. Inn i leik-
ritið fléttast síðan umræða milli
Sadés sjálfs og Marats um ýms-
ar grundvallarspurningar mann-
legrar tilveru: dauða og líf,
hugsjónir, en fyrst og fremst
spurninguna um réttmæti bylt-
ingarinnar. Nærri má geta að
sýning sjúklinganna gengur ekki
snurðulaust fyrir sig og eitt og
annað kemur upp á sem Sade
hafði ekki gert ráð fyrir.
„Morðið á Marat“ er þriðja og
síðasta verkefni Nemendaleik-
hússins í vetur og með því
útskrifast þeir 7 nemendur sem
þátt taka í sýningunni. Auk
nemendanna fer Pétur Einars-
son skólastjóri með eitt hlutverk
í „Marat“, hlutverk hælisstjór-
ans. Leikstjóri er Hallmar Sig-
urðsson, leikmynd gerði Grétar
Reynisson, búninga gerðu þau
Grétar Reynisson og Anna Jóns-
dóttir. Tónlist samdi Eggert
Þorleifsson.
Aðsókn hefur verið góð það
sem af er, en líklegt er að
sýningar verði ekki margar.
„Morðið á Marat“: Guðbjörg
Thoroddsen (Corday), Jóhann
Sigurðsson (Marat,) Pétur Ein-
arsson (Coulmiere), Karl Ágúst
Úlfsson (de Sade), Guðjón Ped-
ersen (kallarinn), Sigrún Edda
Björnsdóttir (Simonne) og Guð-
mundur Ólafsson (Jaques Roux).
GALLERÍ DJÚPIÐ
Sigurður
Orlygsson
sýnir
20 myndverk
I dag opnar Sigurður Örlygsson sýn-
ingu í Gallerí Djúpinu við Hafnarstræti.
Þar sýnir hann 20 myndverk sem unnin
eru með blandaðri tækni, akríllit,
sprautum, skapalónum, silkiprenti,
ljósmyndum o.fl.
— Þetta er myndaflokkur sem ég sýni,
sagði Sigurður, og er temað hjól á
utanhússlyftu. Hugmyndin er fengin úr
mynd, sem ég tók út um glugga er ég
hafði vinnustofu með Tryggva Olafssyni
í gömlu Kaupmannahöfn. Konan min,
Hrefna Steinþórsdóttir, málaði litina í
nokkrar myndanna, sem unnar eru með
skapalónum.
Sigurður örlygsson
við eina mynda sinna
i Galleri Djúpinu.
LEIKFÉLAG AKUREYRAR
Sýnir œrslaleikinn
„Viö gerum verkfall“
- í Kópavogsleikhúsinu
Nú um helgina gerir Leikfélag Akureyrar innrás á höfuðborg-
arsvæðið með leiksýninguna „Við gerum verkfall" að vopni. LA
setur upp búðir sínar í Kópavogsleikhúsinu og sýnir þar
mánudagskvöldið 25. og þriðjudagskvöldið 26. maí og hefjast
sýningarnar kl. 20.30.
Leikfélag Akureyrar var síðast í heimsókn sl. vor á Listahátíð
með sýninguna „Beðið eftir Godot“ en sú sýning fékk lofsamlega
dóma og nú síðast Menningarverðlaun Dagblaðsins. Fólki gefst
nú tækifæri til að sjá leikarana takast á við annars konar
verkefni, þ.e.a.s. ærslaleik, en það er Verkfallið svo sannarlega.
Leikarar eru: Marinó Þorsteinsson, Þórey Aðalsteinsdóttir,
Guðrún Alfreðsdóttir, Gestur E. Jónasson, Theodór Júlíusson,
Kristjana Jónsdóttir og Sunna Borg. Leikstjóri er Svanhildur
Jóhannesdóttir. Hallmundur Kristinsson hefur gert leikmynd og
búninga og Ingvar Björnsson lýsingu.
-Við gerum verkfall": Gestur E. Jónsson,
Theodór Júliusson og Marinó Þorsteinsson i
hlutverkum sinum.