Morgunblaðið - 10.12.1982, Blaðsíða 1
72 SÍÐUR
277. tbl. 69. árg.
FÖSTUDAGUR 10. DESEMBER 1982
Prentsmiðja Morgunblaðsins
Konald reagan Bandaríkjaforseti og Mohammed Zia, forseti Pakistans ræða saman í Hvíta húsinu í Washing-
ton í gær. (AP-símamynd.)
Treystir á stuðning
Bandaríkjamanna
Opinberri heimsókn Zia í USA lokið
Wa.shington, 9. desember. AP.
MOHAMMED Zia Ul-Haq, forseti Pakistans, sem nú er í opinberri heira-
sókn í Bandaríkjunum, sagði á fundi með fréttamönnum í dag, að þess sæust
engin merki hvað þá heldur sönnun fyrir því, að Sovétríkin hygðust kalla
her sinn á brott frá Afganistan. Slíkt mætti þó ekki útiloka.
Zia var einn af örfáum erlend-
um stjórnmálaleiðtogum, sem
Yuri Andropov, leiðtogi kommún-
istaflokks Sovétríkjanna, ræddi
við einslega við jarðarför Brehzn-
evs forseta í síðasta mánuði og
vakti það strax getspár um, að
Sovétríkin hyggðust breyta af-
stöðu sinni til Afganistan.
Við lok hinnar opinberu heim-
sóknar í dag lýsti Zia yfir þeirri
sannfæringu sinni, að Bandaríkja-
þihg myndi samþykkja tillögur
Reagans forseta um hernaðar- og
efnahagsaðstoð til Pakistans sem
liggur að Afganistan. Frá
Washington fer Zia til New York,
þar sem hann flytur ávarp hjá
Sameinuðu þjóðunum og hittir að
máli Richard Nixon, fyrrverandi
Bandaríkjaforseta og Henry Kiss-
inger, fyrrverandi utanríkisráð-
herra. Frá New York fer Zia til
Houston, Sacramento og San
Francisco.
Hafréttar-
sáttmálinn
undirritaður
Montego Bay, Jamaira, 9. desember. AP.
í DAG höfðu 131 ríki tilkynnt,
að þau myndu undirrita hafrétt-
arsáttmála Sameinuðu þjóðanna
við hátíðlega athöfn í Montego
Bay á Jamaica á morgtin, föstu-
dag, er hafréttarráðstefnu sam-
takanna lýkur.
Mörg aðildarriki Sameinuðu
þjóðanna hafa þó lýst því yfir,
að þau muni ekki undirrita
sáttmálann. Þeirra á meðal
eru Bandaríkin og Bretland.
Reagan Bandaríkjaforseti
sagði í júlí sl. að hann væri
andvígur þeim ákvæðum í
sáttmálanum, þar sem sett
væru takmörk við námugreftri
á hafsbotni.
(AP-símamynd).
Sorgardagur á Norður-írlandi. Lögreglumaður heilsar við útfor eins
fórnarlambanna úr sprengingunni í Ballykelly, er útförin fór fram í
Belfast í gær.
Utanríkisráöherrafundur NATO:
Hvika ekki frá meðaldrægum
eldflaugum í Vestur-Evrópu
Bríissel, 9. desember. AP.
BANDARÍKIN og bandalagsríki þeirra í NATO samþykktu í dag ályktun
þess efnis, að í engu skyldi hvikað frá fyrri áætlun þeirra um að koma fyrir
eldflaugum í Vestur-Evrópu á næsta ári, nema því aðeins að Sovétríkin fallizt
á samkomulag um raunverulegt eftirlit með vigbúnaði í viðræðum þeim, sem
fram fara um það efni í Genf. I ályktuninni var jafnframt ítrekaður stuðning-
ur við tillögur Reagans Bandaríkjaforseta — svokallaða „núll-núll“-áætlun
— um að allar eldflaugar verði fluttar burt frá Evrópu, jafnt frá Austur-
Evrópu sem Vestur-Evrópu og lögð á það áherzla, að það væri besti samn-
ingsgrundvöllurinn í afvopnunarviðræðunum í Genf.
Ályktun þessi var samþykkt á
fundi utanríkisráðherra NATO,
sem hófst í Brússel í dag og mun
standa í tvo daga, en þar fór
sendinefnd Bandaríkjanna undir
forystu George P. Schultz utanrík-
isráðherra fram á stuðningsyfir-
lýsingu að nýju við fyrirhugaða
eldflaugaáætlun bandálagsins.
Ályktunin kemur ekki á óvart,
heldur endurspeglar hún einbeitt-
an ásetning Atlantshafsbanda-
lagsríkjanna um að breyta ekki
varnaráætlunum þeirra í Vestur-
Evrópu þrátt fyrir úrslit atkvæða-
greiðslu þeirrar, sem fram fór í
fulltrúadeild Bandaríkjaþings á
miðvikudag, en þar var felld fjár-
veiting til fyrstu fimm svonefndra
MX-eldflauga, sem komið skal
fyrir í sjálfum Bandaríkjunum.
Genfar-viðræðurnar hafa nú
staðið yfir í ár. Þeim er ætlað að
finna samkomulagsgrundvöll fyrir
Bandarikin og Sovétríkin um
takmörkun á vígbúnaði, svo að
ekki þurfi til þess að koma, að
settar verði upp meðaldrægar
eldflaugar í Vestur-Evrópu.
Samtímis því, sem samþykktur
var að nýju stuðningur við tillögur
Reagans foresta, þá var jafnframt
samþykkt að bjóða Sovétríkjunum
að leggja fram þeirra eigin tillög-
ur. — Við erum fúsir til þess að
kanna allar einlægar tillögur frá
Sovétríkjunum. Markmið okkar
er, að hvorki sovéskar né banda-
rískar eldflaugar verði í Austur-
eða Vestur-Evrópu, segir í álykt-
uninni.
Claude Cheysson, utanríkisráð-
herra Frakklands lýsti því yfir, að
I það væri einnig skoðun frönsku
stjórnarinnar, að „það væri afar
nauðsynlegt að halda áfram fyrri
áætlunum um að koma fyrir með-
I aldrægum eldflaugum".
Lítil framför í efiia-
hagslífi Póllands
Herlög hafa lítið bætt úr ástandinu frá í fyrra
Varsjá, 9. desember. AP.
ÞRÁTT fyrir yfírlýsingar pólskra stjórnvalda um jákvæða þróun í efnahagslifí
landsins, einkum námugreftri og byggingariðnaði, þá hefur pólskt efnahagslíf
sýnt lítil merki um framför á því ári, sem senn er liðið, frá því að herlög voru
sett hinn 13. desember i fyrra. Stöðnun einkennir efnahagslífíð í heild og það er
aöeins kolaframleiðslan í landinu, sem tekið hefur verulegum framförum.
Aukning kolaframleiðslunnar
skiptir þó verulegu máli fyrir efna-
hag landsins, því að hún aflar Pól-
verjum mests erlends gjaldeyris. í
fyrra nam kolaframleiðslan aðeins
161 millj. tonnum en er áætluð um
190 millj. tonn á þessu ári. Það er
hins vegar samdóma álit jafnt
pólskra sem erlendra sérfræðinga,
að þessi framleiðsluaukning hafi
aðeins náðst með því að taka að
nýju upp vinnu á laugardögum og
þannig sex daga vinnuviku. Á sín-
um tíma hafði Samstaða, samtök
óháðu verkalýðsfélaganna, fengið
því framgengt, að laugardagur yrði
felldur niður sem vinnudagur.
Framleiðsla á hverja vinnustund
hefur hins vegar ekki vaxið. Þetta
vekur þeim mun meiri athygli sök-
um þess, að pólsk stjórnvöld hafa
haldið því fram, að verkföll ættu
mestan þátt í því hve kolafram-
leiðslan var lítil á sl. ári. Þannig
hafa herlög í raun ekki orðið til
þess að bæta á neinn hátt úr því
slaka ástandi í kolaframleiðslunni,
sem ríkti á árinu 1981.
Þrátt fyrir það að framboð hafi
aukizt á matvælum, þá hafa þau
hækkað samtímis um 300—400%
frá 13. desember í fyrra. — Það er
þó að því leyti betra, var haft eftir
einni húsmóður á götu í Varsjá í
þessari viku, — að nú er þó hægt að
kaupa eitthvað.
Þá skal þess getið, að bensín og
skófatnaður eru enn skömmtunar-
vara í landinu.