Morgunblaðið - 26.01.1984, Blaðsíða 18
18
MORGUNBLAÐIÐ, FIMMTUDAGUR 26. JANÚAR 1984
Úað og dúað: Sverrir Guðjónsson, Björgvin Halldórsson og Páll Þorsteins-
son.
Erla Traustadóttir liflr sig inn í lög
úr My Fair Lady.
Guðbergur Auðunsson rennir í gegnum gamalt degurlag: í grænum Edens
garði ...
Ný söngskemmtun í Broadway:
Vinsælustu dægurflugur
síðustu ára og aratuga
- og ný rokkhátíð frumsýnd í febrúar
„STEFNAN er að vera með tvær sýningar í gangi
í einu. Nú frumsýnum við „í gegnum tíðina -
Manstu lagið?“ á fóstudagskvöldið og í næstu
viku er ætlunin að byrja æfingar á nýrri rokkhátíð.
Þessar tvær skemmtanir verða svo til skiptis hér í
Broadway,“ sagði Björgvin Halldórsson tónlistar-
maður, sem skipulagt hefur og skapað vinsælar
söngskemmtanir í veitingahúsinu Broadway í vet-
ur og fyrravetur.
Þar verður frumsýnd annað kvöld söng-
skemmtun/sýning, þar sem margir af þekkt-
ustu dægurlagasöngvurum landsins undanfar-
in ár og áratugi leiða saman hesta sína og
flytja vinsæl dægurlög frá liðnum árum. Sér-
stakir heiðursgestir verða kynntir á hverri
skemmtun — gesturinn annað kvöld verður
Jónas Jónasson, forstöðumaður Akureyrar-
deildar RUV, sem í gegnum tíðina hefur sungið
nokkur eftirminnileg lög inn á hljómplötur og
fór á kostum í áramótaglensi útvarpsins á ný-
ársnótt.
Söngvararnir, sem koma fram á „Manstu
lagið?“, eru: Erla Traustadóttir, Þuríður Sig-
urðardóttir, Ragnar Bjarnason, Skapti Ólafs-
son, Einar Júlíusson, Guðbergur Auðunsson,
Sigurður ólafsson, Sigurður Johnnie, Harald
G. Haralds, ómar Ragnarsson, Sverrir Guð-
jónsson, Pálmi Gunnarsson, Þorgeir Ástvalds-
son og Björgvin Halldórsson. Þeir Björgvin,
Sverrir og Páll Þorsteinsson aðstoða söngvar-
ana í ýmsum lögum auk þess sem þeir Páll og
Björgvin annast kynningar. Hljómsveit Gunn-
ars Þórðarsonar annast undiríeik en Gunnar
hefur annast útsetningar.
Morgunblaðsmenn litu inn á æfingu í Broad-
way sl. mánudagskvöld og tóku þar tali tvo
söngvaranna, Sigurð Ólafsson og Skapta
Ólafsson.
Sigurður Johnnie kyrjar rokk — en
sýnir á sér óvænU hlið í ballöðum í
næstu andrá.
Þeir eru víst með útsölu á
skemmdum eggjum núna...
*
— stálinu stappað í Sigurð Olafsson
„GUÐ MINN almáttugur — ætli ég verði bara ekki borinn út á undan
eins og þeir segja. Jæja, það er útsala á skemmdum eggjum, ég verð að
vera undir það búinn að fá eitthvað af þeim yfir mig.“
Þannig lýsir Sigurður Olafs-
son söngvari líðan sinni fyrir
frumsýningu á Broadway-
skemmtuninni annað kvöld. „Eg
hef alltaf verið taugaóstyrkur
áður en ég kem fram,“ sagði
hann í spjalli við blm. „Jafnvel
þótt ég syngi við þrjár jarðarfar-
ir á dag, þá er ég óstyrkur fyrir
hverja og eina. Þær voru að
segja við mig um daginn konurn-
ar í Dómkirkjukórnum: Hvers
vegna ertu svona nervös, maður,
þetta er þriðja jarðarförin þín í
dag! Ég gat náttúrlega ekki svar-
að öðru en því, að ég syngi bara
einu sinni við hverja jarðarför."
— Syngurðu alltaf jafn mik-
ið?
„Nei, nei, þetta er orðið lítið.
Við sungum saman á nokkrum
skemmtunum í fyrra við Þura
dóttir mín. Svo er ég að fara að
syngja í kvöld — var reyndar að
koma af æfingu á því. Sumt af
þeim lögum hef ég ekki sungið í
marga áratugi ..."
— Hvað ætlarðu að syngja á
Broadway-skemmtuninni?
„Ja, það eru tvö lög á mann.
Mín lög verða „Mig dreymir
heim“ eftir 12. september og svo
óperettulag, „Jörðin snýst".
Sigurður ólafsson varð 67 ára
í byrjun desember sl. Hann er
búinn að syngja í liðlega hálfa
öld, byrjaði 13 ára gamall að
syngja opinberlega. Gekk til liðs
við Karlakór Reykjavíkur 1936
og fór að syngja með hljómsveit
Bjarna Böðvarssonar upp úr
1940. Hann hefur alltaf unnið
fulla vinnu með söngnum: verið í
fiskflökun, við akstur, í áhalda-
húsi Reykjavíkurborgar og um
margra ára skeið var hann að-
stoðarmaður á rannsóknarstofu
Háskóla Islands.
„Það vildu allir nota mann en
ekki allir hafa í vinnu," sagði
hann. „Það gat stundum verið
erfitt að fá frí til að syngja við
jarðarfarir eða eitthvað þvíum-
Sigurður Ólafsson: Alltaf jafn
óstyrkur, jafnvel þótt ég syngi við
þrjár jarðarfarir á dag.
Morgunbladið/Friðþjófur Helgason.
líkt. Einn daginn setti ég hnef-
ann í borðið — þú mátt ekki
gleyma því, að ég var með stórt
heimili. Eftir það söng ég hvað
sem var, allt frá sálmum við
jarðarfarir til gamanvísna á
árshátíðum."
— Þú hefur líka verið frægur
hestamaður — ertu enn að ríða
út?
„Ekki í svona kulda — fyrst
ekki þarf að sækja ljósmóður eða
lækni. Ég hef alltaf verið á móti
þessari skammdegisreið, sem ég
kalla svo. En þegar kemur fram í
mars fer mig að kitla í rassinn
og þá fer ég að fara á bak. Fram
í júlílok er besti tíminn fyrir
mig. En annars er þetta engin
hestamennska orðin hjá mér, ég
er með tvo hesta. Það er nú allt
og sumt.“
— Jæja, þú ætlar samt að
mæta á skemmtunina og syngja
fullum hálsi?
„Já, já, ég rembist við það eins
og rjúpan við staurinn. Annars
var ég að hugsa það í nótt hvort
ég væri ekki eini ellilífeyrisþeg-
inn, sem hefur troðið upp á
svona stórskemmtun eins og þeir
eru að halda í Broadway. En þeir
eru víst með útsölu á skemmdum
eggjum ..."
- ÓV.
Aldrei haft áhuga
á að vera söngvari
— segir Skapti Ólafsson, sem syngur
beint frá hjartanu
ÞAÐ ERU RÉTT þrjú ár síðan Skapti Ólafsson ákvað að hætta að fást við
hljóðfæraleik. Að loknu þorrablóti íslendingafélagsins í London í byrjun
febrúar 1981 stakk hann trommukjuðunum í pokann sinn og sagðist vera
hættur.
I ár eru liðin fjörutíu ár síðan
hann byrjaði að stunda hljóð-
færaleik. 27 ár eru síðan hann
söng fyrst lögin tvö, sem hann
ætlar að syngja í veitingahúsinu
Broadway, sem annað kvöld
frumsýnir nýja söngskemmtun
undir heitinu „I gegnum tíðina
— Manstu lagið?“. Lögin eru
auðvitað „Allt á floti alls staðar“
og „Mikið var gaman að því“.
„Blessaður vertu, þetta leggst
bara vel í mig,“ sagði Skapti að
lokinni æfingu með hljómsveit
Gunnars Þórðarsonar í Broad-
way á mánudagskvöldið. „En það
er að vísu orðið mjög langt síðan
ég söng þetta fyrst... “
Það var Tommy Steele, „svar
Breta við Elvis Presley", sem á
sínum tíma tryllti ungdóm Evr-
ópu með fyrrnefnda laginu,
„Water Water Everywhere". Jón
Sigurðsson í bankanum sneri því
og kallaði „Allt á floti". Það varð
feiknarlega vinsælt hér fyrir
aldarfjórðungi eða svo. — allt-
jent man hálffertugur blaða-
maður vel eftir laginu og rámar
í að hafa heyrt og séð Skapta
syngja það fullum hálsi af úti-
sviði í Tívolí sáluga. „Það lag sló
líkast til öll met hér í vinsældum
— ekki síst ef maður segir miðað
við grammifóneign lands-
manna,“ jánkaði Skapti. Hann
er prentari að atvinnu eins og
alla tíð — en af Tommy Steele er
Skapti Ólafsson: Hættur eftir 37
ára spilamennsku.
það að frétta nýjast, að hann
slær í gegn í hverjum söngleikn-
um á fætur öðrum í London.
Skapti hefur sjálfur alltaf
haldið meira upp á „Mikið var
gaman að því“, og segist aldrei
hafa átt í erfiðleikum með að
muna texta þess. „Það hefur allt-
af komið beint út úr hjartanu á
mér. Texta hins lagsins hefur
verið meiri vandi að muna.“
— Hvaðan kemur það lag upp-
haflega í þínar hendur?
„Ja, það var nú eiginlega til-
viljun. Ég vann með Carl Billich
og fleirum i hljómsveit í Góð-
templarahúsinu, þar sem dans-
lagakeppnir SKT voru haldnar.
Þetta lag, „Mikið var gaman að
því“, hafði borist í keppnina frá
Steingrími heitnum Sigfússyni,
sem þá var organisti á Patreks-
firði. Einhvernveginn æxlaðist
það svo, að enginn söngvaranna
vildi syngja lagið en Billich vildi
endilega hafa það með og lagði
að mér að syngja það. Þar heyrð-
ist það fyrst."
— Og sló rækilega í gegn?
„Jú, það féll unga fólkinu vel í
geð. En það var sett á plötu fyrr
en seinna og þá í útsetningu
Gunnars Reynis Sveinssonar,
sem þá var kornungur maður.
Þetta var tekið upp í útvarpinu í
gamla Landssímahúsinu við
Austurvöll. Menn skutust þang-
að inn í hádeginu og eftir hálfan
annan tíma var búið að taka upp
tvö lög og ég farinn að prenta
aftur. Enda var það nú svo, að
maður hafði ekkert með þetta að
gera sjálfur — útgefendurnir
réðu þessu alveg á þeim tima.“
— Þú hefur alltaf verið í
prentverki, eins og raunar marg-
ir aðrir hljómlistarmenn.
„Já, músík hefur aldrei verið
mín aðalatvinna. Og ég hef aldr-
ei haft neinn sérstakan áhuga á
að vera söngvari. Mest hef ég
gert af því að spila — gerði það
raunar í 37 ár meira og minna,
allar tegundir tónlistar. Mitt
mál var mest að sitja á bak við
trommusettið. Þetta voru meira
tilviljanir í hverju maður lenti í
músíkinni, enda hafði ég alltaf
mitt lifibrauð af öðru. Og sann-
leikurinn er nú sá, að ég hef ekki
sungið nein ósköp um ævina, ég
held að ég hafi ekki sungið nema
sex lög inn á plötur og á þær
ekki einu sinni sjálfur."
— Heldurðu að þú sláir ekki
til eftir þetta prógramm í Broad-
way og byrjir aftur af fullum
krafti?
„Nei, andskotinn! Það held ég
ekki. Ég er bara með í þessu að
gamni — fyrst kollegar mínir
frá þessum árum vildu vera með,
því skyldi ég þá ekki gera það
líka? Eg hef sloppið óskaddaður
frá þessum tíma og reyni bara
að hafa gaman af... “ — ÓV.