Morgunblaðið - 31.01.1984, Blaðsíða 29

MORGUNBLAÐIÐ, ÞRIÐJUDAGUR 31. JANÚAR 1984
37
Minning:
Stefán Stefánsson
— Móskógum
Stefán Stefánsson frá Móskóg-
um, fyrrv. forstjóri Sjúkrasam-
lags Siglufjarðar, lézt í Borgar-
spítalanum í Reykjavík 24. janúar
sl.
Hann var yngstur sjö barna
hjónanna í Móskógum í Fljótum
norður, Margrétar Kjartansdóttur
og Stefáns Jóhannssonar, sem
lengi var formaður þar meðan sjór
var sóttur úr Fljótum og oddviti
Fljótamanna um árabil. Stefán
Stefánsson fæddist 5. desember
1905 og var því 78 ára er hann lézt.
Eftir lifa tvö systkinanna frá
Móskógum: Jóhann Stefánsson,
fyrrv. togaraskipstjóri, búsettur í
Reykjavík, og Sigríður Stefáns-
dóttir, ekkja Friðbjarnar Níels-
sonar, kaupmanns og síðar bæj-
argjaldkera í Siglufirði.
Margrét, móðir Stefáns, var
Kjartansdóttir Jónssonar, bónda
að Hraunum í Sléttuhlíð, en kona
hans og móðir Margrétar hét Sig-
ríður Stefánsdóttir, ættuð úr
Svarfaðardal í Eyjafirði. Stefán,
faðir hans, var Jóhannsson Jóns-
sonar, sem bjó að Ulugastöðum í
Flókadal og viðar í Fljótum, en
kona hans og móðir Stefáns var
Soffía Jónsdóttir, ættuð frá Þor-
valdsstöðum í Svarfaðardal.
Stefán Stefánsson ólst upp í for-
eldrahúsum, Móskógum í Fljótum,
sem hann og systkini hans sum
kenndu sig gjarnan við, til 15 ára
aldurs. Þá fluttist hann í Siglu-
fjörð til systur sinnar, Sigríðar, og
manns hennar, Friðbjarnar Ní-
elssonar, sem þá rak umfangs-
mikla verzlun þar á staðnum. Þar
var og til húsa fósturdóttir Sigríð-
ar og Friðbjarnar, Kristrún Jó-
hannsdótir, sem síðar varð eigin-
kona Stefáns. Stefán og Dúdú,
eins hún var alltaf kölluð, gengu í
hjónaband 10. júní 1934. Dúdú lézt
30. ágúst 1982. Þeim varð tveggja
barna auðið, Skjaldar og Brynju,
sem síðar verður getið.
Stefán frá Móskógum var góð-
um gáfum gæddur, bókelskur og
víðlesinn, og aflaði sér víðfeðmrar
þekkingar og menntunar, þó ekki
væri langskólagenginn, sem settu
mark sitt á hann til enda ævidags.
Hann hóf ungur störf við verzlun
mágs síns og systur, sem raunar
voru honum sem fósturforeldrar
frá því hann kom á þeirra heimili.
Verzlunar- og skrifstofustörf urðu
síðan hans starfsvettvangur, en
lengst starfaði hann sem forstjóri
Sjúkrasamlags Siglufjarðar.
Kunnastur er Stefán frá Mó-
skógum þó sem hagyrðingur. Vís-
ur hans urðu snemma landfleygar
og báru vitni skáldæð, sem í
brjósti hans bjó. Þær spegluðu allt
í senn næmt skyn á skoplegar
hliðar tilverunnar, kímnigáfu,
bragfimi og hlýtt hjarta. Þær
munu lifa á vörum fólks um lang-
an aldur.
Stefán frá Móskógum var bund-
inn Skagafirði og Siglufirði sterk-
um böndum. Fyrr á tíð fór hann
títt um Skagafjörð og þar átti
hann víða vini. Hann var hesta-
maður góður, átti lengi góðhesta,
sem báru hann um sveitir, sem
hann unni, og hálendið, sem heill-
aði hann. Heimili þeirra Dúdúar
og Stefáns var og einkar hlýlegt,
enda húsmóðirin listræn og
smekkvís, og húsbóndinn fjölfróð-
ur og skemmtilegur. Þangað var
gott að koma og þaðan fóru flestir
bjartsýnni á tilveruna.
Dúdú og Stefán störfuðu bæði af
lífi og sál í samtökum sjálfstæðis-
fólks í Siglufirði. Það var aldrei
svo annasamt í þeirra ranni að
ekki gæfist tóm til að leggja
Sjálfstæðisflokknum lið. Og fáar
vóru þær kosningar fyrr á tíð sem
þau hjón komu ekki við sögu und-
irbúnings og framkvæmdar. Þá
starfaði Stefán lengi og vel í Rot-
aryklúbbi Siglufjarðar.
Dúdú og Stefán eignuðust tvö
börn, sem fyrr segir, Skjöld og
Brynju. Skjöldur er bankaútibús-
stjóri í Búðardal, kvæntur Sigríði
Kristínu Árnadóttur. Þeirra börn
eru Pálína, hjúkrunarfræðingur,
gift Hafliða Kritinssyni kennara í
Reykjavík; Stefán lögfræðingur og
fulltrúi skattstjóra i Reykjavík,
maki Ingibjörg Eggertsdóttir frá
Kvennabrekku; Árni óttarr,
mjólkurfræðingur í Búðardal,
ókvæntur; og Skjöldur Orri, í
heimahúsum. Brynja er gift
Kjartani Einarssyni, skattend-
urskoðanda í Siglufirði, þau eiga
þrjár dætur: Herdísi, hjúkrunar-
fræðing, gifta Guðmundi Þór Ax-
elssyni lækni í Reykjavík; Krist-
rúnu, hjúkrunarnema í Reykjavík,
og Ásu Fríðu í heimahúsum.
Þegar ég kveð Stefán móður-
bróður minn er margs að minnast
og margt að þakka. Það var einkar
kært með móður minni, Sigríði, og
þeim hjónum, Dúdú og Stefáni,
sem hún tók ung undir sinn vernd-
arvæng. Sá kærleikur náði til
okkar, mín og systkina minna. Nú
hafa þau bæði, Dúdú og Stefán
lagt upp í þá ferð, sem okkur er
öllum gert að fara. Megi þau hafa
góða ferð og heimkomu.
Stefán Friðbjarnarson
Gunnar Gunnarsson, Ijósmyndari,
og Pétur Melsteð, útgefandi og Ijós-
myndari, í hinni nýju aðstöðu sinni.
Tímaritið
„Hár og fegurð“
opnar stúdíó
„TÍMARITIÐ „Hár og fegurð"
hefur opnað studíó að Skúlagötu
54, til að geta sinnt verkum sín-
um betur,“ segir í frétt frá fyrir-
tækinu. Stúdíóið verður nefnt
Stúdíó 54 og verður jafnframt
leigt út.
MetsöhiHadá hverjwn degi!
NOKKUR DÆMI UM VERÐ:
Herraskyrtur 199 Kvenúlpur . 1995" 1595
Peysur 395 Kvenúlpur . J365~ 995
Flannel buxur herra .... 495 Drengjaúlpur .1495- 945
Denim-buxur herra .... £9r 399 Bama -flauelsbuxur ..299- 199
Kuldajakkar herra ... J69er 995 Bama-blússur ..^279' 199
Skídasamfestingar ... 0590- 990 Ungbamanáttfatnaður .... ..^99^ 129
Skíöavesti ^ocr 690 Handklæði ....Æ5- 39
Æfingagallar J69T 395 Dúkar .. 29a 299
Kven-kuldaskór ... 1290" 790 Hillu-lampar ....^9r 59
Inniskór 175 Mini Spot lampar ..yær 120
Götuskór herra J895^ 495 Vegglampar ..^350T 199
Bama-skíðasett ... J75eri090 Pendant-lampar,4litir .... 299
Vetrar-sokkabuxur .... jzœ' 169 Polytex málning 10 Hr. dós . 4955“ 844
Kven -nærbuxur.
bómull og lycra 39 Höfum fengið tölvuúr á frábæm verði:
Samfestingarkvenna ... ...>495- 845 Dömuúr Verðfrá 150
Gallabuxur kvenna ^755"“ 495 Herraúr Verð frá 190
þeqar við seqjum útsaki
- pá meinum við útsala
Leikföng
Hljómpiötur
Búsáhöld ýmiskonar
Verkfærí
alk ad 40% afsláttur.
alft að 50% afsláttur.
allt að 40% afsláttur.
alft að 40% afsláttur.
V/SA
AUKLIG4RDUR
MARKAÐUR VIÐSUND