Morgunblaðið - 08.11.1984, Blaðsíða 1

64 SÍÐUR
STOFNAÐ 1913
217. tbl. 71. árg.________________________________FIMMTUDAGUR 8. NÓVEMBER 1984________________________________Prentsmiðja Morgunblaðsins
„Urslitin eru afdráttarlaus
stuðningur við stefnu vora“
Los Angeles, 7. nóvember. AP.
RONALD Reagan sagði bandaríska kjósendur hafa lýst „afdráttar-
lausum stuðningi“ við stefnu stjórnar sinnar og ef stjórnin fengi
ekki vilja sínum framgengt í fulltrúadeild þingsins, þar sem
repúblikanar eru í minnihluta, „munum við bera málið upp við
þjóðina". „Hér í Bandaríkjunum er það þjóðin sem ræður,“ sagði
Reagan eftir kosningasigurinn, sem var sögulegur, þar sem enginn
frambjóðandi hefur fengið jafnmarga kjörmenn og hann. Sigraði
Reagan í 49 ríkjum og hlaut 525 kjörmenn af 538. Mondale sigraði í
heimaríkinu, Minnesota, og í höfuðborginni. Kosningaþáttaka var
56% og meiri en nokkru sinni fyrr. Rúmar 89 milljónir kusu, 52,8
milljónir studdu Reagan, eða 59%, og 36,6 Mondale, eða 41 %.
Repúblikum tókst þó ekki að
færa sér vinsældir forsetans í
nyt til að ná meirihluta í full-
trúadeild þingsins. Hafði flokk-
urinn hlotið 178 sæti í kvöld mið-
að við 250 sæti demókrata. Átti
eftir að úrskurða um sjö sæti og
koma fjögur þeirra líklega í hlut
repúblikana. Síðast hlutu demó-
kratar 267 sæti en repúblikanar
168. f kosningum um 33 öldunga-
deildarsæti hlutu demókratar 16
og unnu tvö sæti af repúblikun-
um. Meirihluti repúblikana í
deildinni hefur því minnkað í
53-47.
Reagan sagðist eftir sigurinn
hafa áhuga á að stuðla að betri
sambúð stórveldanna, m.a. með
leiðtogafundi þeirra Chernenko
forseta Sovétríkjanna. Hann
sagði að með því að efla styrk
þjóðarinnar að nýju mundi sá
dagur nálgast er allar þjóðir
byrjuðu að fækka kjarnorku-
vopnum og ef til vill útiloka þau
algerlega frá jörðinni. Reagan
sagði þjóðina hafa lýst ótvíræð-
um stuðningi við stefnu sína, en
Mondale sagði persónu Reagans
hafa sigrað en ekki málefnið.
Spáði Mondale því að Reagan
myndi fyrr en seinna neyðast til
að hækka skatta svo og leggja til
niðurskurð til félagsmála.
Sigri Reagans var vel tekið í
lýðræðisríkjum og Sovétmenn
kváðust vænta þess að breyting
til hins betra í samskiptum þjóð-
anna yrði á komandi árum. „Það
yrði báðum þjóðunum til fram-
dráttar svo og heimsfriði," sagði
í skeytinu.
Bandaríkjadollar snarlækkaði
í verði í Evrópu þegar sigur
Reagans var vís, og einnig vegna
spádóma um að slakað yrði á eft-
irliti með bankavöxtum í Banda-
ríkjunum. Annar stærsti banki
landsins, Citibank, lækkaði for-
vexti í 11,75% og er búist við að
fleiri bankar fylgi í kjölfarið.
Verðbréf féllu í New York.
Sjá nánar fréttir af kosning-
unum á bls. 28, 29, 32 og 33.
AP/Símamynd
Á sigurstundu. Nancy og Ronald Reagan fagna niðurstöðum bandarísku forsetakosninganna eftir að Ijóst varð að forsetinn héldi velli með sögulegum sigri.
Jaruzelski yfir
leynilögregluna
Varsjá, 7. nóvember. AP.
STJORNLAGANEFND pólska kommúnistaflokksins hefur ákveðið
að Jaruzelski hershöfðingi taki við stjórn innanríkisráðuneytisins í
framhaldi af morðinu á prestinum Jerzy Popieluszko, og segja vest-
rænir sendifulltrúar þetta til marks um að meiriháttar hreinsanir
séu í uppsiglingu í flokknum og leyniþjónustunni.
Færeyingar
að kjörborði
l*órHh«fn, Færeyjum. Frá Jogvan Arge,
frétUriUra Mbi.
F/KREYSKIK kjósendur ganga að
kjörborðinu í dag til að velja sér nýtt
lögþing. Síðustu fjögur árin hafa borg-
araflokkarnir haldið um stjórnvölinn
en samstarfið einkennst af innbyrðis
togstreitu.
Skoðanakannanir síðustu daga
benda til, að þrátt fyrir óeininguna
í stjórninni muni tveir flokkanna,
Fólkaflokkurinn og Sjálfstýriflokk-
urinn, bæta við sig fylgi í kosning-
unum, en sá þriðji, Sambandsflokk-
urinn, muni tapa. Hvað stjórnar-
andstöðuna varðar þá mun Þjóð-
veldisflokkurinn vinna á en jafnað-
armenn standa í stað og Kristilegi
þjóöarflokkurinn tapa.
Jaruzelski.
Auk morðingja Popieluszko
hafa tveir háttsettir menn í ráðu-
neytinu verið leystir frá störfum
og ofursti í Varsjárlögreglunni á
yfir höfði sér refsingu. Staða
harðlínumanns í stjórnlaganefnd-
inni, Miroslaws Milewski, er vafa-
söm í kjölfar prestmorðsins. Dipl-
ómatar segja Jaruzelski nú í að-
stöðu til að losa sig við helztu and-
stæðinga sina í flokknum og herða
tökin á öryggislögreglunni.
Formælandi herstjórnarinnar
staðfesti í dag að ræningjar Popi-
eluszko hefðu pyntað hann áður en
þeir myrtu hann. Áverkar hefðu
verið á höfði og hálsi til marks um
að beitt hefði verið hörðum hlut.
Mondale
snýr sér að
lögfræðinni
St Paul, 7. nóvember. AP.
WALTER Mondale tilkynnti í
kvöld að hann hefði ákveðið að
leggja stjórnmál á hilluna og
snúa sér að lögfræðistörfum að
nýju. Hér væri þó ekki um að
ræða uppgjöf við stefnu þá sem
hann hefði barist fyrir.
Við þetta tækifæri rétt-
lætti Mondale þá ákvörðun
sína að velja Geraldine Fer-
raro sem varaforsetaefni, en
kannanir meðal kjósenda
benda til þess að sú ráðstöf-
un hafi dregið úr sigurmögu-
leikum Mondale.
Sagði Mondale sigur Reag-
ans byggjast á persónulegum
vinsældum forsetans en ekki
málefnum. Dró hann á ný í
efa ágæti stefnu stjórnar
Reagans í efnahagsmálum og
afvopnunar- og utanríkis-
málum, en kvaðst vona að
hann reyndist ekki sannspár.
Mondale