Morgunblaðið - 04.02.1986, Blaðsíða 4

4
MORGUNBLAÐIÐ, ÞRIÐJUDAGUR 4. FEBRÚAR1986
Prófkjör Alþýðuflokksins:
Bjarni P. og
Bryndís örugg-
ir sigurvegarar
BJARNI P. Magnússon og Bryndís Schram unnu sigur í prófkjöri
Alþýðuflokksins í Reykjavík um helgina. Niðurstöður prófkjörsins
voru bindandi og skipar Bjarni þvi fyrsta sæti og Bryndís annað
sæti framboðslista flokksins við borgarstjórnarkosningarnar í vor.
Sigurður E. Guðmundsson, borgarfulltrúi flokksins, náði ekki kjöri
í fyrsta sætið.
Bjami P. Magnússon hlaut alls
1.025 atkvæði í fyrsta sætið, en
Sigurður E. Guðmundsson 827.
Bryndís Schram hlaut 1.246 at-
kvæði í annað sætið, en aðeins var
kosið um þessi tvö sæti. Frambjóð-
endur í prófkjörinu vom 7 alls.
Atkvæði annarra frambjóðenda en
áður er getið voru eftirfarandi:
Viðar Scheving 352, Jón Baldur
Lorange 209, Skjöldur Þorgrímsson
129 og Öm Karlsson 87. Alls kusu
2.048 í prófkjörinu, auðir seðlar og
ógildir voru 111. Tæplega 2.300
manns kusu í síðasta prófkjöri
Alþýðuflokksins í Reykjavík.
Bryndís Schram:
Úrslitin eins og ég
hafði óskað mér
„ÉG ER auðvitað mjög ánægð
með þessa útkomu og hún varð
alveg eins og ég hafði óskað mér
með Bjarna í fyrsta sætið. Mér
fannst kominn tími til að breyta
til þarna, þvi flokkurinn var
kominn það neðarlega i fylgi, að
það gat ekki versnað. Þvi finnst
mér að Sigurður E. Guðmunds-
son hefði átt að draga sig í hlé,
Frá prófkjöri Alþýðuflokksins, rúmlega 2.000 manns tóku þátt i þvi.
Morgunblaðið/Bjarri
en það gerði hann ekki,“ sagði
Bryndís Schram í samtali við
Morgunblaðið.
„Mér finnst þannig komið í þjóð-
félaginu, að allir þurfí að vera virk-
ir,“ sagði Bryndís. „Ég gat því ekki
lengur staðið aðgerðarlaus hjá og
vilji fólk leita til mín, finnst mér
það skylda mín að gerast virk. Ég
lít á þetta sem eins konar þegn-
skylduvinnu. Ég nýt þess náttúr-
lega nú, að ég er eini kvenmaðurinn
í framboði og er þar að auki þekkt
andlit. Mér finnst mjög spennandi
að vera komin út í pólitíkina og
Davíð er ósköp sætur strákur, en ég
hræðist hann ekkert. Það er lítið
að marka niðurstöðu skoðanakönn-
unar DV um daginn. Þá var Davíð
nýbúinn að brillera í sjónvarpsþætti
og að auki var Sjálfstæðisfiokkur-
inn sá eini, sem var búinn að hafa
prófkjör, þannig að eðlilegt er að
hann hafi fengið mikið fylgi í könn-
uninni. Hann nýtur þess að vera í
sterkri stöðu, en það er ekki allt
eins gott og sýnist. Ég veit það og
það eru mál, sem ég mun draga
fram í dagsljósið, þegar þar að
kemur. Það eru fyrst og fremst
mannúðarmálin, sem ég mun beita
mér fyrir," sagði Bryndís Schram.
Bjarni P.
Magnússon:
Er mjög ánægður
með úrslitin
„ÉG ER mjög ánægður með þessi
úrslit. Ég hef á einn eða annan
hátt verið þátttakandi i öllum
prófkjörum flokksins til þessa
og ekkert þeirra hefur farið
fram með jafnmiklum sóma og
litlu skítkasti og þetta. Þvi er
engin ástæða til annars en að
gleðjast,“ sagði Bjarni P. Magn-

Forval Alþýðubandalagsins í Reykjavík:
Verkalýðsforinginn varð
útundan í skotgrafahemaði
— segir Ásmundur Stefánsson forseti ASÍ
SIGURJÓN Pétursson borgarfulltrúi Alþýðubandalagsins í Reykja-
vík varð í fyrsta sæti í forvali flokksins um helgina fyrir næstu
borgarstjórnarkosningar. í öðru sæti varð Kristín Á. Ólafsdóttir
varaformaður Alþýðubandalagsins, í þriðja sæti varð Guðrún Agústs-
dóttir borgarfulltrúi og í fjórða sæti Össur Skarphéðinsson ritstjóri
Þjóðviljans. Sigurður G. Tómasson varaborgarfulltrúi lenti í ellefta
sæti og Guðmundur Þ. Jónsson borgarfulltrúi í tólfta sæti. Alls kusu
877 flokksmenn, þar af voru 863 atkvæði gild og samkvæmt upplýs-
ingum frá skrifstofu Alþýðubandalagsins þá voru milli átta og níu-
hundruð skráðir félagsmenn í Alþýðubandalaginu en um 450 nýir
félagar gengu í flokkinn fyrir forvalið.
Siguijón Pétursson fékk 372
atkvæði í 1. sæti og 490 atkvæði
samtals. Kristín Á. Olafsdóttir fékk
356 í 1. sæti og munaði 16 atkvæð-
um á henni og Sigurjóni. í annað
sæti fékk hún 79 atkvæði eða
samtals 435 atkvæði í það sæti.
Guðrún Ágústsdóttir hlaut 448
atkvæði í 1. til 3. sæti, þar af 70
atkvæði í 3. sæti og munaði 19
atkvæðum á henni og Kristínu í
annað sæti. Össur Skarphéðinsson
varð í 4. sæti með 396 atkvæði,
þar af 60 atkvæði í 1. sæti. Næstur
kom Tryggvi Þór Aðalsteinsson í
5. sæti með 307 atkvæði í 3. til 5.
sæti, Skúli Thoroddsen í 6. sæti
með 340 atkvæði í 1. til 6. sæti,
Þorbjörn Broddason í 7. sæti með
316 atkvæði, Anna Hildur Hildi-
brandsdóttir í 8. sæti með 296
atkvæði, Helga Siguijónsdóttir í 9.
sæti með 282 atkvæði og Björk
Vilhelmsdóttir í 10. sæti með 282
atkvæði. Sigurður G. Tómasson
hlaut 266 atkvæði í 11. sæti og
Guðmundur Þ. Jónsson 256 atkvæði
Í12. sæti.
Guðrún Ágústsdóttir hlaut flest
atkvæði frambjóðenda ! forvalinu
samtals 591. Kristín Á. Ólafsdóttir
hlaut samtals 579 atkvæði, Össur
Skarphéðinsson 499 atkvæði sam-
tals og Siguijón Pétursson 490
atkvæði samtals. Morgunblaðið leit-
aði álits nokkurra frambjóðenda og
auk þeirra Svavars Gestssonar for-
mans Alþýðubandalagsins, Ás-
mundar Stefánssonar forseta ASI
og Guðmundar J. Guðmundssonar
formanns Dagsbrúnar, á niðurstöð-
um forvalsins.
Ekki endanlegur
framboðslisti
„Ég held að úr þessu forvali hafí
komið og muni koma sterkur fram-
boðslisti," sagði Siguijón Pétursson
borgarfulltrúi. „En ég vil vekja
athygli á því að þetta er ekki endan-
legur framboðslisti heldur forval og
kjömefnd á eftir að fara yfir hann
og raða upp endanlegum lista.
Samkvæmt reynslu er ekki að
vænta mikilla breytinga og því tel
ég að þama komi fram sigurstrang-
legur listi eins og hann er sam-
kvæmt forvali.
Þá vil ég vekja athygli á að út
úr forvalinu kemur næsta gott jafn-
vægi milli kynja eins og jafnan
áður, hvort sem litið er til efstu
sætanna, sem em líkleg til að lenda
í hópi borgarfulltrúa eða ef litið er
á fyrstu 10 sætin sem er okkar
borgarmálaráð. Þar eiga 5 konur
sæti og 5 karlar."
Ánægð með úrslitin
„Ég er mjög ánægð með þessi
úrslit," sagði Kristín Á. Ólafsdóttir.
„Ég heid að þama fari vel saman
reynslan, sem flokkurinn hefur og
margir lögðu mikið upp úr að væri
á listanum og sjónarmið þeirra, sem
ég og fleiri höfðum uppi, um að
þama þyrfti líka nýtt blóð með
nýjar áherslur, þau sjónarmið fengu
góðar undirtektir í þessum kosning-
um. Og ég á von á því að það verði
auðvelt að bretta upp ermamar
sameiginlega og fara í „borgar-
stjómarslaginn".
Félagar í Alþýðubandalaginu
helgina.
Þá koma konur vel út úr forval-
inu. í þremur efstu sætunum em
tvær konur og síðan em konur að
vísu talsvert neðar á listanum. í tíu
manna borgarmálaráði er jöfn
skipti kynja og aldursdreifing og
þar eiga sæti gamalt og nýtt fólk
sem margt hefur ágæta reynslu af
borgarmálum."
— Nú fékk Össur 60 atkvæði í
fyrsta sæti en þig vantaði 16 at-
kvæði til að fella Siguijón úr 1.
sæti, hvað villtu segja um það ?
„Auðvitað vom fyrstu viðbrögðin
ergelsi yfir því að þama munaði
16 atkvæðum en það má líta á þessi
60 atkvæði Össurar, sem atkvæði
þeirra sem vilja breytingar og þar
af leiðandi hefði ekki verið óeðlilegt
að einhver þeirra atkvæða hefðu
komið í minn hlut. Seinna, eftir að
hafa legið yfir tölunum þa'varð ég
eiginlega ánægð með að þessi 16
atkvæði skilja á milli okkar Sigur-
jóns. Þau sjónarmið, sem ég og
ákveðið fólk barðist fyrir komu það
sterk út úr kosningunum að það
er fjarri því að um þau hafi verið
bæld niður."
Morgnnblaðið/Bjami
greiða atkvæði í forvalinu um
Fékk góðan stuðning
„Ég er ánægð með mína út-
komu," sagði Guðrún Ágústsdóttir,
„Ég fékk góðan stuðning félaga
minna og ég tel listann sigurstrang-
legan eins og hann kom út úr forval-
inu. Það veldur mér hins vegar
vonbrigðum að ungt fólk skyldi
ekki komast í sæti ofar á listanum,
sérstaklega þar sem nú á að færa
kosningaaldur niður í 18 ár. Við
eigum í flokknum fjöldan allan af
harðduglegu ungu fólki í Æskulýðs-
fylkingunni, sem hefði svo sannar-
lega þurft að lenda í efri sætum.
Þá finnst mér hlutur kvenna í for-
valinu ekki nægilega góður. í síð-
asta forvali voru fjögur af sex efstu
sætunum skipuð konum. Nú erum
við tvær.“
Fólk vill breyta
áherslum
„Ég túlka niðurstöðumar sem
staðfestingu um þann vilja til breyt-
inga sem kom fram á landsfundi
flokksins í hausL" sagði Össur
Skarphéðinsson. „Ég tel að margir
vilji breyta áherslum og starfsað-
ferðum og koma nýju fólki að. Þá
held ég að þessi listi eins og hann
kemur út sé mun sigurstranglegri
fyrir Alþýðubandalagið heldur en
sá listi sem gefinn var út af ýmsum
fyrir forvalið. Þetta er umtalsverður
sigur fyrir Kristínu Ólafsdóttur,
sem að áeggjan margra kvenna lét
hafa sig út í forvalið og hlaut fynr
mjög bágt hjá ýmsum í flokknum-
Niðurstöðumar staðfesta að það er
hópur innan flokksins sem hefur
viljað færa hann inn í samtímann
og þessi hópur hefur mikið fylgi >
flokknum. Þrátt fyrir ólík sjónarmið
þeirra sem hlutu flest atkvæði þá
er ég sannfærður um að okkur mun
ganga vel að vinna saman.“ i
/ ni ' .
Tvær fylkingar
í forvalinu
„Mér sýnast þama hafi verið
tvær fylkingar í forvalinu og ég
tilheyrði hvorugri," sagði Sigurður
G. Tómasson. „Ég beitti mér ekki
í þessu forvali því mér finnst heldur
ógeðfellt að ota sjálfum sér fram
með þessum hætti, þannig að mér
finnst ekki ástæða tii að kvarta
miðað við þá gífurlegu smölun sem
fór frám. Éðli kosninga er að sumir
eru kosnir aðrir ekki og ég vona
að fram komi sterkur listi. Það er
hinsvegar ljóst að mínum afskiptum
af borgarmálum er lokið í bili.“
Nýtt fólk réð úrslitum
„Gagnvart mér eru úrslitin svo
ótvíræð að það tekur því nánast
ekki að verða fúll,“ sagði Guðmund-
ur Þ. Jónsson. „Ég sé það fyrir
mér að það sem ráðið hefur úrslitum
er nýja fólkið sem er komið í flokk-
inn. Ég vona einungis að það eigi
eftir að vinna flokknum gagn og
verði honum styrkur en ég óttast
að það hafi komið til þess eins að
greiða atkvæði og hafa með því
áhrif á forvalið.
Ég túlka úrslitin þannig að
verkalýðshreyfingunni sé gefið
langt nef. Á þessum lista er engin
frá verkalýðsforystunni eða einhver
sem hefur þar forystuhlutverki að
gegna. Það má vera að fólki finnist
ágætt að hafa það þannig og þá
er að taka þvi. Mínum afskiptum
af borgarmálefnum lýkur með yfir-
standandi kjörtímabili."
i
Mikil þátttaka
í forvalinu
„Þátttakan í forvalinu vekur
athygli og sá áhugi fyrir flokknum