Morgunblaðið - 28.08.1986, Blaðsíða 42
42
MORGUNBLAÐIÐ, FIMMTUDAGUR 28. ÁGÚST 1986
Guðrún Sveins-
dóttir - Minning
Fædd 27. maí 1901
Dáin 21. ágúst 1986
Eg var svo lánsöm, er ég var í
Kennaraháskóla íslands, að kynn-
ast lítillega Guðrúnu Sveinsdóttur,
sem þá var kennari þar. Þótt ekki
væri ég nemandi hennar komst ég
í snertingu við þá fáguðu listrænu
upphafningu og fórnfysi er ein-
kenndi kennslu hennar og hug til
nemenda.
Sem gestur hennar kynntist ég
ólíkum en óþrjótandi áhugaefnum
hennar, sem henni var þó orðið um
megn að sinna og fann hún til þess
sárt. — Ég dáðist að þeirri fegurð
heimilis hennar, sem aldrei máðist
þótt hendinni forlaðist viðhald þess
með aldrinum. Er mér þar minnis-
stæðust óvenjuleg, djörf og fogur
samsetning lita.
Með Guðrúnu Sveinsdóttur
hverfur enn einn fulltrúi þeirrar
menningar, er fegurð og listir fá
skapað.
Ásgerður Jónsdóttir
Hún Gunna frænka er dáin.
Guðrún Sveinsdóttir hét hún og
var búin að vera lasburða við rúm-
ið síðustu árin sem hún lifði. En
ég sé hana nú í anda, unga stúlku
fulla af lífsgleði og yndisþokka, eins
og ég þekkti hana fyrst á heimili
afa og ömmu í Sigurhæðum.
Guðrún var elsta barnabam séra
Matthíasar Jochumssonar. Hún var
dóttir Mattheu Matthíasdóttur og
Sveins Hallgrímssonar. Þau hjón
slitu samvistir og flutti Matthea þá
til foreldra sinna með tvö böm sín
ung, Guðrúnu og Matthías. Síðar
fluttist móðir mín, þegar hún varð
ekkja, einnig til foreldrahúsa með
okkur þijár dætur sínar. Guðrún
var nokkru eldri en við. Hún fór
snemma að heiman til Reykjavíkur
til móðursystur sinnar Herdísar og
manns hennar, Vigfúsar Einarsson-
ar skrifstofustjóra í stjómarráði
íslands. Guðrún var á heimili þeirra
þegar Herdís dó úr spönsku veik-
inni. Næsta ár fór Guðrún til
Kaupmannahafnar til náms við tón-
listarskólann þar í borg og lagði
stund á söngnám og píanóleik. Síðar
fór hún til frekara tónlistarnáms til
Þýskalands.
Fyrir okkur systrum var hún
frænkan í framandi borg, vafin
töfraljóma. Hún kom heim á sumr-
in í fríum. Við fómm niður á
bryggju til að taka á móti henni.
Þar stóð þá á þilfari skipsins fallega
búin Kaupmannahafnardama með
geislandi bros og persónutöfra, sem
entust henni allt lífið. Með henni
kom jafnan móðursystir okkar,
Halldóra kennslukona frá
Reykjavík, einnig í sumarfrí. Þessar
konur vom fádæma skemmtilegar.
Þær fylltu húsið kátínu og gleði og
ekki dró blessuð mamma úr
skemmtilegheitunum. Afi og amma
vom sæl. Afi var þó alltaf, að mér
fannst, að hálfu leyti í sínum innra
heimi, sem ekkert fékk raskað.
Matthea, sem var létt á fæti, dans-
aði um húsið með okkur stelpunum.
Það var masað og hlegið fram á
nótt og við systumar hlökkuðum
til að vakna næsta morgun og heyra
Gunnu frænku spila og syngja.
Guðrún frænka var á heimili
okkar veturinn áður en hún giftist.
Þá var afi dáinn fyrir þremur ámm
en amma dó í nóvember þann vet-
ur. Guðrún hjúkraði ömmu sinni í
banalegunni af stakri umhyggju.
Gunna frænka var okkur systmm
ómetanleg þennan vetur. Hún
fræddi okkur og hjálpaði okkur með
skólalærdóminn. Hún þýddi og las
fyrir okkur skemmtilegar bækur,
spilaði og söng. Já, sannarlega átt-
um við töfrandi frænku, sem engri
var lík.
Vorið 1924 giftist Guðrún Vig-
fúsi Einarssyni. Þau reistu heimili
á Fjólugötu 5 í Reykjavík og þar
bjó Guðrún til dauðadags en Vigfús
lést árið 1949. Guðrún og Vigfús
eignuðust tvö börn, Herdísi kennara
í Reykjavík, hún er gift Valtý Pét-
urssyni listmálara, og Einar cello-
leikara, sem er látinn. Eftirlifandi
kona hans er Líney Pálsdóttir.
Heimilið á Fjólugötu 5 var merk-
isheimili margra hluta vegna. Það
var griðastaður margra ættingja.
Okkur systrunum stóð það ávallt
opið. Þar vom dyggðimar menning,
mannúð og heiðarleiki í hávegum
hafðar. Það var gestkvæmt á heim-
ilinu á Fjólugötu 5. Margir merkir
listamenn þjóðarinnar vom þar tíðir
gestir, svo og erlendir. Guðrún var
mikil tungumálakona. Var hún
jafnvíg á dönsku, ensku og þýsku.
Talaði einnig og las frönsku. Hún
glæddi gestaboð sín með fjöri og
hlýju viðmóti, miðlaði af gáfum
sínum og viðsýni. Hún var einstök
þegar hún tók á móti gestum. Orð-
in lágu henni létt á tungu, hún var
skemmtin og fáguð í senn.
Guðrún og Vigfús vom bæði
áhugasöm um garðrækt, enda held
ég að sum fegurstu trén í Reykjavík
séu í garðinum þeirra. Þau létu
byggja blómaskála við húsið og
höfðu mikið yndi af blómaræktinni.
Guðrún sagðist hafa lært garð- og
blómarækt af ömmu sinni á Akur-
eyri, þegar hún var unglingur og
hjálpaði henni við garðvinnu.
Það var alltaf krökkt af fuglum
í Fjólugötugarðinum. Vigfús var
mikill fuglavinur. Hann fylgdist
með háttum þeirra, gaf þeim,
blístraði og flautaði til þeirra og
talaði þannig við þá. Umhyggjan
var ríkur þáttur í fari Vigfúsar.
Hann sýndi ekki aðeins fjölskyldu
sinni, eiginkonu og börnum um-
hyggju heldur öllum sem honum
vom tengdir á einhvem hátt. Guð-
rún tók upp þá fögm iðju eigin-
mannsins að annast smáfuglana.
Því hélt hún áfram meðan heilsan
entist og hún hafði fótavist. Eigin-
lega var fuglamaturinn, undir það
síðasta, orðinn mikill hluti af hús-
haldinu hjá henni. Það var orðið
nokkurs konar ritual eða helgisiður
að gefa fuglunum og sjá um að
þeir hefðu eitthvað þegar hart var
í ári hjá þeim.
Næstsíðasta árið sem Vigfús lifði
fóm þau hjónin til Suður-Frakk-
lands og dvöldust árlangt í Nizza.
Þau áttu þar dásamlegan tíma, sem
var þeim báðum mikils virði.
Guðrún hafði góðar tónlistargáf-
ur svo og söngrödd. Hún kom þó
ekki oft opinberlega fram á því
sviði. Henni lét sérlega vel að túíka
þjóðlög og lék þá oft undir á gítar.
Eftir að Vigfús dó fór hún að kenna
söng við Tónlistarskólann og Kenn-
araskóla Islands. Kennslan lét henni
einkar vel. Hún var vel menntuð í
tónlist og gat miðlað nemendum
fróðleik, sem þeim var mikils virði.
t
Móðir okkar,
VALFRÍÐUR FRIÐRIKSDÓTTIR,
andaðist í Landspítalanum 23. ágúst. Útför hennar fer fram frá
Fossvogskirkju.föstudaginn 29. ágúst kl. 10.30. Blóm vinsamleg-
ast afþökkuð en þeim sem vildu minnast hennar er bent á
líknarstofnanir.
Börnin.
t
Eiginmaöur minn og faðir minn,
ÓLAFUR SVEINSSON
frá Stóru-Mörk,
andaðist í Borgarspítalanum 27. ágúst.
Guðrún Auðunsdóttir,
Áslaug Ólafsdóttir.
t
Utför
GUÐRÚNAR SVEINSDÓTTUR,
Fjólugötu 5,
fer fram frá Fossvogskirkju fimmtudaginn 28. þ.m. kl. 10.30.
Þeim sem vildu minnast hennar er bent á líknarstofnanir.
Herdís Vigfúsdóttir,
Valtýr Pétursson,
Líney Pálsdóttir,
Jóhanna Þórarinsdóttir,
Magnús H. Gíslason.
t
Útför,
SIGURBJARGAR B. STEPHENSEN,
Ljósheimum 6,
fer fram frá Dómkirkjunni föstudaginn 29. ágúst kl. 10.30.
Þeim sem vildu minnast hennar er bent á líknarstofnanir.
Sigriður M. Stephensen, Steinunn M. Stephensen,
Guðrún Magnúsdóttir, Haraldur Bergþórsson,
Magnús Þorleifsson, ída S. Daníelsdóttir,
barnabörn og barnabarnabörn.
t
Litla dóttir mín,
ELSA KRISTÍN,
verður jarðsungin frá Dómkirkjunni fimmtudaginn 28. ágúst kl.
13.30. Þeim sem vildu minnast hennar er vinsamlegast bent á
Barnaspítala Hringsins eða Árbæjarkirkju.
Auður Ósk Aradóttir.
t
GUÐMUNDUR J. LUDVIGSSON
forstjóri, Tjarnarstíg 7,
Seltjarnarnesi,
verður jarðsunginn frá Neskirkju föstudaginn 29. ágúst kl. 13.30.
Þeim sem vildu minnast hans er bent á Rauöa Kross íslands.
Guðbjörg K. Guðjónsdóttir,
Ingibjörg S. Guðmundsdóttir, Bergur Felixson,
Rósa Guðmundsdóttir,
Ludvig Guðmundsson,
Maria S. Guðmundsdóttir,
Guðjón Guðmundsson,
Gunnar Þór Guðmundsson,
Jóna Borg Jónsdóttir,
Einar Benediktsson,
Heiða Eli'n Jóhannsdóttir,
Anna Nielsen
og barnabörn.
t
Útför eiginmanns míns, föður okkar, tengdaföður og afa,
HALLDÓRS GÍSLASONAR
frá Kambshól,
Brekkugötu 14,
Hvammstanga,
ferfram frá Hvammstangakirkju laugardaginn 30. ágúst kl. 14.00.
Elínborg Halldórsdóttir,
Jón Halldórsson, Jóhanna Þórarinsdóttir,
Elísabet Halldórsdóttir, Sigfús ívarsson
og barnabörn.
t
Maöurinn minn, faðir, tengdafaðir og afi,
JES FRIÐRIK JESSEN,
Borg, Mosfellssveit,
er lóst 22. ágúst, verður jarðsunginn frá Lágafellskirkju fimmtu-
daginn 28. ágúst kl. 14.00. Þeim sem vildu minnast hans er bent
á vinnuheimiliö að Reykjalundi.
Kristianna Jessen,
Flemming Jessen,
Örlygur Jessen,
Kristin I. Baldursdóttir,
Astrid Bárdesen,
og barnabörn.
t
Innilegar þakkir færum við öllum þeim er sýndu okkur samúö og
vinarhug við andlát og útför
JÓNS BJÖRNSSONAR,
Hjarðarhlíð 5,
Egilsstöðum.
Anna Grímsdóttir,
Áslaug Jónsdóttir, Ragnar Björnsson,
Guðrfður Jónsdóttir, Höskuldur Jónsson,
Auður Jónsdóttir, Helgi Árnason,
Guðný Jónsdóttir, Völundur Jóhannesson,
Sigrfður Jonsdóttir, Þorvaldur Þorsteinsson,
Ásdfs Jónsdóttir, Hallbjörn Jóhannsson,
barnabörn og barnabarnabörn.
t
Innilegar þakkir færum við öllum þeim sem sýndu okkur samúð
og hlýhug við andlát og jarðarför
GUÐMUNDU KRISTJÁNSDÓTTUR,
(safirði.
Guð blessi ykkur öll.
Guðmundur Hermannsson, Herborg Júnfusdóttir,
Ása Hermannsdóttir,
Ingibjörg Hermannsdóttir, Guðmundur Halldórsson,
og aðrir vandamenn.
t
Þökkum innilega hlýhug og hjálp sem okkur var sýnd við andlát
og útför sonar okkar og bróður,
GILBERTS JÚLÍ ÞRÁINSSONAR,
Þórsgötu 1, Patreksfirði.
Guð blessi ykkur öll.
Erla Hermansen,
Þráinn Hjartarson,
Hervör Þráinsdóttir,
Hjörtur Þráinsson,
Jóhann Daníelsson.
Lokað
Skrifstofur Flugmálastjórnar verða lokaðar í dag frá
kl. 14.00, fimmtudaginn 28. ágúst, vegna jarðarfarar
SIGURÐAR JÓNSSONAR flugmanns.
Flugmálastjóri.