Morgunblaðið - 23.10.1987, Blaðsíða 12

Morgunblaðið - 23.10.1987, Blaðsíða 12
12 MORGUNBLAÐIÐ, PÖSTUDAGUR 23. OKTÓBER 1987 "j Outi Heiskanen Myndllst Valtýr Pétursson í Norrœna húsinu hefur finnska listakonan Outi Heiskanen komið fyrir sýningu á grafikverkum sínum, sem eru aðallega ætingar sem felldar eru á nokkuð sérstakan hátt að sýningarrýminu bæði í and- dyri og í bókasafninu. Heiskanen er okkur að góðu kunn sem grafíker. Hún hefur áður verið á ferð með verk sín I Nor- ræna húsinu og í Galierí Langbrók. Ennfremur var hún ein af þeim, sem þátt tóku f grafíkhátíðinni á Kjarvalsstöðum, Graphica Atl- antica, á sínum tíma. Af þessu má sjá, að hún er nokkuð hagvön hér í borg, ef svo mætti að orði kveða. Sú sýning, sem nú er á ferðinni, er rpjög framúrstefnuleg í allri uppsetningu og hefur listakonan byggt eftirlíkingu af ísjaka á miðju sýningarsvæðinu og á fsjakann er sfðan þrykkt ætingum. Aðeins ein- staka myndir hanga á veggjum, svo að ísjakinn hlýtur að vera hugsaður sem þungamiðja þess, sem sýnt er. í bókasafni eru svo myndraðir, sem kallast grunnfíötur fsjakans og þverskurður fsjakans. Ég skal fús- lega játa, að mér er ekki ljóst, hvert listakonan er að fara með slíku fyrirkomulagi, en það hljóta að vera gildar ástæður fyrir slfkri uppákomu frá hendi jafn reyndrar listakonu. Um ætingar Heiskanen er ekkert nema gott að segja. Þær eru kunnáttulega gerðar, sumar unnar á handgerðan japanskan pappfr, aðrar á 1000 ára handgerð- an pappfr frá Vfetnam. Af þessu má sjá að mjög er vandað til verks og ekki meir um það. Það er ætfð nokkurt gaman að því að skoða óvenjulega hluti og ekki hvað sízt, þegar myndlist á í hlut. Áhorfandinn á það jafnan á hættu, að verið sé að gera svolítið gys að honum og listamenn eiga það til að bregða á glens, eins og hér virðist á ferð. Það er hressilegt að sjá þessa nýstárlegu uppsetn- ingu á grafíksýningu og aðalatriðið að skemmta sér sem bezt. KRISTJAN STEINGRIMUR í Vestursalnum á Kjarvalsstöðum hefur Kristján Steingrímur Jónsson efiit til sýning- ar á nýjum verkum sínum. Kristján Steingrímur er nýkom- inn frá framhaldsnámi í Þýzkalandi, nánar til tekið frá listaskóla í Hamborg. Hann stund- aði nám hér heima á órólegu árunum, ef svo má til orða taka, og er hann tók þátt í sýningu hér síðast með nokkrum vinum sfnum báru verk hans nokkuð annan svip en nú er. Þetta sannar, að hann hefur fellt sig að nokkrum aga hjá þeim þýzku, og árang- urinn er eftir því. Sérstaklega er það eft- irtektarvert, hve mjög Kristján Steingrímur þreifar fyrir sér á nýjum slóðum, hvað stíl snert- ir. Mætti segja mér, að hér væri einkum um þýzk áhrif að ræða, og ekkert eðlilegra. En stíll í myndgerð er hinn margvísiegasti og breytist oft í takt við þá tízku, sem drottnar í augnablikinu. Það fyrsta, sem blas- ir við á sýningu Krist- jáns Steingríms er Eförþanid, 1987. myndrænn frískleiki og leit listamannsins í margar áttir. Hann þreifar fyrir sér hér og þar og gerir margar tilraunir. í þessu umróti eru afar hressilegir sprettir, sem gefa góða hugmynd um þá hæfíleika, sem í þessum unga manni búa. Hann hefur þegar þróað með sér nokkuð sjálfstæða lita- meðferð, sem honum tekst stundum að koma til skila með þeim ágæt- um, að maður sannfæ- rist um tilgang verksins. Formið aftur á móti er ekki eins ákveðið í verkum Krist- jáns Steingríms. Enda þótt hann tefli því fram af dirfsku og nokkru öryggi vantar svolitla hnitmiðun á köflum. Þetta eru engar stórar yfirsjónir, en algengar hjá byijendum í faginu. Það er skoðun mín, að slíkt muni breytast í verkum Kristjáns Steingríms á komandi tímum og að það ör- yggi, sem felst í verkum hans nú, eigi eftir að taka á sig enn sterkari svip þegar hann hefur öðlast meiri reynslu og þroska. Það kennir margra grasa í þeim 29 olíumál- verkum, sem eru á þessari sýningu, og ekki eru grafíkmyndimar og akrýlmyndimar Síðri. I heild er þetta mjög snotur sýning og rit það, sem Kristján Steingrímur hefur gert með myndum af verk- um sfnum, er honum til mikils sóma. Sem sagt — eftirtektarverð sýning sem er full af góðum áform- um, gerð af miklum dugnaði og lofar góðu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.