Morgunblaðið - 18.04.1990, Blaðsíða 1

BLAÐ ALLRA LANDSMANNA
f*
1990 ■ MIDVIKUDAGUR 18. APRÍL BLAÐ
ijjiljjjj ' 111
KORFUKNATTLEIKUR
Torfi Magnússon
tekur við landsliðinu
„Viljum fá íslenskan þjálfara," segir Kolbeinn Pálsson, formaður KKÍ.
TORFI Magnússon tekur við
íslenska landsliðinu í körfuknattleik
í vor og leysir af hólmi ungverska
þjálfarann Laszlo Nemeth, sem
stjórnað hefur liðinu undanfarin tvö
ár. Ekki hefur verið gengið frá samn-
ingnum, þar sem Torfi er erlendis,
en samkvæmt heimildum Morgun-
blaðsins verður það gert fljótlega.
Stjórn KKÍ ákvað að endurnýja ekki
samninginn við Nemeth og ganga
til samninga við Torfa en ástæðan
fyrir því var sú að Nemeth þótti of
dýr.
að er mikill vilji hjá stjórninni að fá
íslenskan þjálfara og það hefur mik-
ið að segja. Auk þess að fjárhagsstaða
körfuknattleikssambandsins ekki mjög
góð og Laszlo Nemeth einfaldlega of dýr
fyrir okkur/' sagði Kolbeinn Pálsson, for-
maður KKI. „Þegar við beindum sjónum
okkar að innlendum þjálfurum kom í raun
aðeins Torfi til greina. Hann er menntað-
ur íþróttakennari, hefur þjálfað í úrvals-
deildinni og var einn besti leikmaður okk-
ar.
Laszlo hefur unnið gott starf og við
erum honum þakklátir. En eins og staðan
er í dag höfum við einfaldlega ekki ráð
á því að halda honum,“ sagði Kolbeinn.
Toi-fi tók við þjálfun Hauka í úrvals-
deildinni um áramótin og þjálfaði liðið til
vors. Honum var boðið að halda áfram
með liðið en ákvað þess í stað að taka
við landsliðinu.
„Miklar framfarir“
„Ég hef alltaf litið á mig sem atvinnu-
mann og því get ég ekki annað en tekið
þessu þegjandi. Hinsvegar hefði ég viljað
halda áfram með liðið enda kominn af
stað með ákveðin verkefni," sagði Laszlo
Nemeth. Hann sagðist ekki halda áfram
hjá KR þar sem liðið hefði ekki efni á
erlendum leikmanni og þjálfara.
„Ef ég hefði fengið að ráða hefði Sig-
urður [Hjörleifsson] tekið við liðinu. Hann
hefur verið aðstoðarmaður minn í tvö ár
og veit hvað ég hef verið að gera. Ég er
þó alls ekki að segja að Torfi sé ekki
góður kostur og ég efast ekki um að
hann eigi eftir að ná árangri.
Ég á góðar minningar frá íslandi og
fyrir þjálfara er ísland draumaland.
Ahuginn og metnaðurinn er gífurlegur
og leikmenn leggja mikið á sig til að ná
árangri. Ég hef eignast marga vini og ég
á eftir að fylgjast með landsliðinu í fram-
tíðinni. Það hefur verið gaman að þjálfa
hér og ég tel mig hafa séð miklar framfar-
ir og þarmeð er takmarkinu náð,“ sagði
Laszlo Nemeth.
liðinu af Laszlo Nemeth.
HANDKNATTLEIKUR / LANDSLIÐ
Svíar óska eftir sam-
starfi við íslendinga
bjóðast til að koma til íslands júní í sumar og aftur á næsta ári
BENGT Johansson, þjálfari heims-
meistara Svía í handknattleik, kom
að máli við Þorberg Aðalsteinsson,
nýráðinn landsliðsþjálfara íslands,
í gær og óskaði eftir samstarfi á
breiðum grundvelli. Johansson
sagðist vera tilbúinn að koma með
sænska liðið til íslands í sumar og
einnig í maí á næsta ári og leika
þá þrjá til fjóra leiki auk þess að
æfa með íslenska liðinu.
orbergur sagðist í samtali við Morg-
unblaðið vera mjög ánægður með
boð sænska þjálfarans. „Það eru flestir
þjálfarar í Evrópu sem hafa áhuga á
samstarfi við Svía þar sem þeir eru
heimsmeistarar. Að Johansson skuli
koma til mín og bjóða mér samstarf að
fyrra bragði er stórkostlegt. Ég tel að
við verðum að nýta okkur þetta kosta-
boð,“ sagði Þorbergur.
Johansson hefur einnig sýnt áhuga á
að vera með þjálfaranámskeið á íslandi
í maí á næsta ári.
Þorbergur kemur til íslands um aðra
helgi og mun ræða við stjórn HSÍ um
hugsanlegt samstarf við Svía.
HANDKNATTLEIKUR
„Mjög sáttur
við tilboðiðf<
Dusseldorf vill gera tveggja
ára samning við Héðin Gilsson
Héðinn Gilsson,
landsliðsmaður
í FH, leikur með
vestur-þýska liðinu
Dússeldorf næstu
tvö árin. Félagið
bauð honum tveggja
ára samning og ger-
ir hann ráð fyrir að
ganga frá málunum
innan skamms.
„Ég er mjög sátt-
ur við tilboðið,"
sagði Héðinn við
Morgunblaðið. „Við
ræddum málin, þeir
gerðu mér ákveðið
tilboð og ég tók
samningsdrögin Héðinn Gilsson
með mér heim til að skoða þau betur. Þetta er
mjög hagstætt og í raun betra en ég átti von á,
þannig að ekkert á að vera því til fyrirstöðu að
ég gangi frá málinu fljótlega."
Héðinn var í Dusseldorf frá fimmtudegi til
sunnudags og skoðaði aðstæður. Essen hafði einn-
ig sýnt áhuga, en hann heyrði ekkert frá meistur-
unum og sagðist hafa gefið þá upp á bátinn.
Undanúrslit bikarkeppninnar:
Ólafur og
Þorbjöm aftur
íValsliðið?
Valsmenn íhuguðu lögbann
á leikinn gegn Stjömunni
Þorbjörn Jensson, þjálfari Vals, og Ólafur Bene-
diktsson, fyrrum markvörður liðsins, taka
líklega aftur fram skóna í kvöld og leika með liði
Vals gegn Stjörnunni í Garðabæ í kvöld. Þrír af
lykilmönnum liðsins, Jón Kristjánsson, Einar Þor-
varðarson og Brynjar Harðarson eru í leikbanni
og Vajsmenn verða því að kalla á Þorbjörn og
Ólaf. í hinum leiknum í undanúrslitum mætast
Víkingur og ÍBV í Laugardalshöllinni.
Stjóm handknattleiksdeildar Vals fór fram á
það við aganefnd HSÍ að hún endurskoðaði dóminn
yfír þremenningunum. Valsmenn höfðu bent á 11.
grein laga aganefndar því til stuðnings. Aganefnd
hafnaði þessum rökum og staðfesti dóminn. Valur
og HK höfðu reyndar áður farið fram á að leik
liðanna í deildinni yrði flýtt en því var einnig hafn-
að.
Bjarni Ákason, sem kjörinn var formaður hand-
knattleiksdeildar Vals á aðalfundH gær, sagði að
margar hugmyndir hefðu komið fram. Éin þeirra
hefði verið að fá lögbann á bikarkeppnina þar til
málið hefði verið tekið fyrir að nýju. Hann sagðist
þó ekki eiga von á að svo yrði gert og að Vals-
menn myndi einfaldlega leika án þremenninganna.
KNATTSPYRNA
FH í markmannsleit
Halldór Halldórsson frá í lengri tíma
Halldór Halldórsson, fyrirliði 1. deildar liðs FH
í knattspyrnu, leikur ekki knattspyrnu á
næstunni. Hann fékk högg í æfingaleik í Portúgal
í síðustu viku og kom í Ijós að milta var sprungið.
Halldór er á sjúkrahúsi í Portúgal en er væntanleg-
ur heim fýrir helgi ásamt Viðari Halldórssyni, sem
varð eftir hjá honum.
Þórir Jónsson, formaður knattspymudeildar FH,
sagði við Morgunblaðið í gærkvöldi að enginn vara-
markvörður væri hjá félaginu í meistaraflokki og
því væru menn þegar bytjaðir að svipast um eftir
nýjum markmanni. „Við eigum fyrsta leik í deild-
inni 20. maí og verðum því helst að ganga frá
þessu fyrir helgi."