Morgunblaðið - 24.10.1991, Blaðsíða 52

EIMSKIP
VIÐ GREIÐUM ÞÉR LEIÐ
TVÖFALDUR1. vinningur
FIMMTUDAGUR 24. OKTÓBER 1991 VERÐ í LAUSASÖLU 110 KR.
Á síldarplani á Seyðisfirði
Síðasta hönd lögð á síld fyrir Finna. Sigurður Magnús Svanbjörnsson sér um að pækla síld á planinu hjá Dvergasteini á Seyðisfirði en þar hefur
verið saltað að undanförnu. í dag klárar fyrirtækið trúlega kvótann og þá er ekkert fyrir fólkið að gera annað en bíða eftir að samið verði um sölu
á meiri síld eða að hægt verði að frysta síldina.
Ovissa með framhald olíuviðskipta við Rússa:
Rússar í vanskilum með 16
þúsund tonna gasolíufarm
Engin svör hafa borist um dagsetningar samningaviðræðna
4,5% hækk-
un á 18 mán-
aða tímabili
VERÐ yfir 40 nauðsynjavara
heimila hækkaði í verði um 4,5%
í verslunum á Eskifirði á 18 mán-
aða timabili frá apríl 1990 til okt-
óber 1991, að því er fram kom í
ræðu Hrafnkels A. Jónssonar
formanns Árvakurs á Eskifirði á
þingi VMSÍ i gær.
Hrafnkell sagði að verkalýðsfélag-
ið Árvakur hefði gert verðkönnun
sem leiddi þetta í ljós og hefði það
komið á óvart. Hann sagðist fullyrða
að meiri hækkanir hefðu orðið í
ýmsum öðrum geirum, til dæmis á
opinberri þjónustu.
Sjá bls. 22.
Jón Baldvin
Hannibalsson
utanríkisráðherra:
Rétt að end-
urskoða nú
samningana
við Færeyinga
JÓN Baldvin Hannibalsson utan-
ríkisráðherra telur að endur-
skoða eigi samninga um veiði-
heimildir Færeyinga í íslenskri
Iandhelgi, í ljósi nýgerðra samn-
inga um evrópskt efnahagssvæði.
I skýrslu um samninga um evr-
ópskt efnahagssvæði, sem utanrík-
isráðherra flutti Alþingi i gær, sagði
hann að íslendingar hefðu gert
samninga við Færeyinga, þar sem
þeir fá árlega heimild til að veiða
í íslenskri landhelgi.
„Eg er reyndar þeirrar skoðunar,
að í ljósi samningsins [um evrópskt
efnahagssvæði] og í ljósi nýgerðra
samninga Færeyinga við Evrópu-
bandalagið, sem að sumu leyti
tryggja þeim þar hagstæðari mark-
aðsaðstöðu en við munum njóta,
þá beri okkur að endurskoða samn-
ingana við þá,” sagði Jón Baldvin.
Sjá frásögn uin skýrslu utan-
ríkisráðherra og umræður um
hana á miðopnu og bls. 30.
MIKIL óvissa ríkir nú um fram-
hald olíuviðskipta við Rússá á
næsta ári þar sem ekki hafa enn
borist svör um dagsetningar á
samningaviðræðum um viðskipt-
in en þær dagsetningar hafa
ávallt legið fyrir á þessum tíma.
16.000 tonna gasolíufarmur er í
vanskilum af hendi Rússa en slík
vanskil hafa ekki komið fyrir
nokkur síðustu misseri. Farmur-
inn átti að koma í byrjun október
en er ekki kominn enn. Hafa olíu-
félögin snúið sér að markaði I
Vestur-Evrópu til að útvega
þessa olíu.
Magnús Ásgeirsson hjá Olíufé-
laginu hf. hefur annast samskiptin
við Rússa fyrir hönd allra olíufélag-
anna. Magnús segir að það sé orðið
knýjandi mál fyrir olíufélögin að fá
dagsetningar frá Rússum um samn-
ingaviðræður en þær hafa ekki
fengist enn þrátt fyrir ítrekaðar
beiðnir. „Það liggur fyrir af hálfu
Rússa að þeir eru tilbúnir til áfram-
haldandi olíuviðskipta á næsta ári,”
segir Magnús. „Þeir bera því hins
vegar við að þeir eigi eftir að semja
við sína framleiðendur og það standi
á því að fá svör frá þeim.”
Með breytingum þeim sem orðið
hafa í Sovétríkjunum hefur olíverst-
unin farið úr höndum Sovésku ríkis-
olíusölunnar og til nokkurra aðila.
Fyrirtækin sem olíufélögin íslensku
hafa einkum rætt við hingað til
heita Ural og Rosvneshtorg. Hjá
hinu fyrrnefnda vinna 75% af
starfsmönnum Sovésku ríkisolíusöl-
unnar en hið síðarnefnda er fyrir-
tæki í eigu níssneska lýðveldisins
og annast saltsíldar-og freðfisk-
kaup fyrir lýðveldið. Seljendur þess-
ara afurða þrýsta mjög á olíufélög-
in að semja við Rosvneshtorg.
I máli Magnúsar kemur fram að
ef ekki berist skýr svör frá þessum
aðilum á allra næstu dögum munu
olíufélögin leita til annarra seljenda
olíu í Sovétríkjunum en um fjóra
aðila er að ræða. „Við erum einkum
á höttunum eftir svartolíunni frá
Rússum enda er hún sú besta á
markaðinum, þunnfljótandi og
gengur á togarana án fyrirhafnar,”
segir Magnús.
Hvað varðar gasolíufarminn sem
nú er í vanskilum frá Rússum segir
Magnús að það hafi dregist í þijár
vikur að hann kæmi til landsins.
Þegar Rússar hafi verið beðnir um
skýringar á þessum drætti hafa
þeir borið við olíuskorti heima fyr-
ir. „Hins vegar hafa þeir gefíð okk-
ur loforð um að samningar fyrir
árið í ár verða haldnir og hafa í
tvígang staðfest það með skeyt-
um,” segir Magnús. „Við höfum
aftur á móti sótt þessa gasolíu á
markað í Vestur-Evrópu til að
standa við okkar skuldbindingar
enda er nóg til af þessari olíu þar.”
Sjá einnig frétt í viðskiptablaði
bls. 3b.
Struku af
leikskóla
TVEIR fimm ára drengir
struku úr leikskóla í Brciðholti
um klukkan 11 í fyrradag með
þvi að klifra yfir grindverk.
Sást til þeirra á hlaupum í átt
að Elliðaárdalnum.
Drengjanna var strax leitað en
ekki spurðist til þeirra fyrr en
þremur tímum síðar þegar lög-
reglubíl var ekið fram á þá við
Austurberg.
Þá gafst annar strax upp en
hinn, sem einnig hafði strokið
daginn áður, tók til fótanna og
veitti lögreglumanninum sem
hljóp hann uppi mótspyrnu í orði
og verki.
Evrópska efnahagssvæðið:
Stór markaður í verktaka-
A
starfsemi að opnast á Mandi
Gæti hentað íslenskum fyrirtækjum, segir
framkvæmdastj óri V erktakasambandsins
STÓR markaður er að opnast á írlandi fyrir verktakastarfsemi. í
ljósi samninga um evrópska efnahagssvæðið eiga íslendingar jafn-
an rétt og aðrar EES-þjóðir að bjóöa í verkefni þar. Pálmi Kristins-
son, framkvæmdastjóri Verktakasambands Islands, segir að írski
verktakamarkaðurinn sé sá markaður innan svæðisins sem henti
íslenskum fyrirtækjum best og þau séu samkeppnishæfust á. írar
munu fá 140 milljarða ísl. kr. úr Þróunarsjóði EB og sjálfir leggja
þeir til 118 milljarða til uppbyggingar á vegakerfi sínu, höfnum
og flugvöllum.
Pálmi sagði að írsk verktakafyr-
irtæki væru lítillega stærri en þau
íslensku og tiltölulega lítil sam-
keppni væri á þeim markaði. „Ég
tel fulla ástæðu til að hafa augun
ppin því þessi markaður er nálægt
íslandi og aðstæður með þeim
hætti að það hentar okkur mun
betur en dýr samkeppni t.d. í aust-
urhluta Þýskalands, þar sem allir
eru nú að berjast um verkefni.”
Hann sagði að verkefnin á Ir-
landi væru mjög umfangsmikil á
mælikvarða íslenskra fyrirtækja.
írar fá 144 milljarða kr. úr þróun-
arsjóðnum á fimm ára tímabili, frá
1989-1993, til þessara verkefna
•til viðbótar við 118 milljarða sem
þeir sjálfir leggja fram. Þeir hefðu
ekki afkastagetu í eigin verktaka-
iðnaði til þess að inna af hendi
þessi verkefni. Þess má geta að
Islendingar greiða í þróunarsjóðinn
árlega 65 milljónir kr. verði samn-
ingarnii’ samþykktir á Alþingi.
„Þetta land er í okkar næsta ná-
grenni og það ættu að vera hæg
heimatökin. Við höfum fyrst og
fremst unnið á Grænlandi og Fær-
eyjum en írland er líka okkar
nærmarkaður og núna eigum við
jafna möguleika. Ég vil því alls
ekki útiloka þetta,” sagði Pálmi.
Sjá fréttir um Evrópska
efnahagssvæðið á
miðopnu og bls. 29.