Morgunblaðið - 09.01.1992, Blaðsíða 2

2
MORGUNBLAÐIÐ FIMMTUDAGUR 9. JANÚAR 1992
Útgáfu Þjóðviljans
verður hætt um
næstu mánaðamót
Flokksformenn leita nýrra hluthafa í Nýmæli
ÚTGÁFUSTJÓRN Þjóðviljans, Bjarki hf., hefur ákveðið að hætta
útgáfu Þjóðviljans um næstu mánaðamót, en greiðslustöðvun blaðs-
ins rennur út 19. þessa mánaðar. Helgi Guðmundsson ritsljóri
blaðsins sagði að unnið væri að því að leita aðila til að leggja fé
í nýtt dagblað á vegum undirbúningsfélagsins Nýmælis. Undirbún-
ingsvinna liggur, að sögn Gunnars Steins Pálssonar talsmanns
hópsins, að mestu niðri meðan leitað er að nýju hlutafé til að hleypa
dagblaðinu af stokkunum.
Gunnar Steinn sagði að enn
skorti 45-50 milljóna kr. hlutafé,
eða þann hlut sem áform voru
uppi um að íslenska sjónvarpsfé-
lagið léti af hendi rakna, en það
dró sig út úr fyrirhuguðu sam-
starfi í síðasta mánuði. Gunnar
sagði að hans vinnu væri að mestu
lokið að sinni og það væri nú
meðal annars í höndum flokks-
formanna Alþýðubandalags og
Framsóknarflokks, Ólafs Ragnars
Grímssonar og Steingríms Her-
mannssonar, að leita að nýjum
samstarfsaðilum. „Þeir hafa alltaf
fylgst mjög vel með Nýmælishópn-
um, Ólafur Ragnar og Steingrím-
ur. Nú kemur til þeirra kasta með
sín tengsl út í þjóðfélagið. Það er
klókara að þeir sem aðstandendur
Þjóðviljans og Tímans svitni dálítið
meira undan þessu en aðrir í hópn-
um,“ sagði Gunnar Steinn.
Hann sagði að undirbúningsfé-
lagið yrði að líkindum lagt niður
um næstu mánaðamót ef ekki
fyndust nýir hluthafar að rekstri
dagblaðs fyrir þann tíma. Hann
kvaðst þó sannfærður um að nýtt
dagblað á þeim nótum sem drög
hefðu verið lögð að liti dagsins ljós
á þessu ári og enn væri miðað við
að það kæmi út í byijun mars.
Fréttatilkynning Veraldar:
Fyrirtækið hætt-
ir starfsemi í dag
HER FER á eftir í heild fréttatil-
kynning sem Flugleiðum hf.
barst í gær frá Ferðamiðstöðinni
Veröld hf:
Fimmtudaginn 9. janúar 1992
mun Ferðamiðstöðin Veröld hf.
óska eftir gjaldþrotaskiptum. Fyrir-
tækið hættir starfsemi sama dag.
Þetta er mikið áfall fyrir starfs-
fólk fyrirtækisins og fjölda við-
skiptavina þess. Ljóst er því að
Veröld getur ekki staðið við skuld-
bindingar sínar við farþega á leið
til Kanaríeyja.
Veröld hefur greint samgöngu-
ráðuneytinu frá stöðu mála og einn-
ig Flugleiðum en Veröld hafði pant-
að sæti fyrir Kanaríeyjafarþega
sína með Flugleiðum. Fyrirtækinu
er ókleift að standa við samninga
sína við Flugleiðir og hótelhaldara
á Kanaríeyjum.
Ferðamiðstöðinni Veröld er
kunnugt um að Flugleiðir hyggjast
reyna að firra þá tjóni sem keypt
hafa og greitt inná Kanaríeyjaferð-
ir með Veröld og tryggja að farþeg-
ar fái þá þjónustu sem fyrir hefur
verið greitt.
Ferðamiðstöðin Veröld er þakk-
lát Flugleiðum fyrir þess aðstoð og
bendir farþegum sínum á að hafa
samband við skrifstofur Flugleiða.
Reykjavík 8. janúar ’92,
Svavar Egilsson (sign.).
Morgunblaðið/Þorkell
Þrír ættliðir í brúnni á Skógarfossi í gærkvöldi, Ragnar Ágústsson, Ágúst Ragnarsson og afastrák-
urinn Ragnar Ágústsson.
Lýkur 44 ára gifturíkum ferli hjá Eimskip:
Strauk til að komast á sjó
segir Ragnar Agústsson skipstjóri á Skógarfossi
RAGNAR Ágústsson, skipstjóri á Skógarfossi, lauk 44 ára gifturík-
um ferli hjá Eimskip er hann sigldi skipi sínu í siðasta sinn að landi,
í Sundahöfn um kvöldmatarleytið í gærkvöldi. Ragnar er nú 65 ára
gamall, en hefur verið sjómaður frá því hann strauk að heiman 15
ára gamall til að komast á sjóinn. Hann réðst fyrst til starfa hjá
Eimskip árið 1947, þá sem viðvaningur á gufuskipið Fjallfoss, en
fastur skipstjóri hjá félaginu varð hann 1970.
„Ég er fæddur og uppalinn í
Dýrafirði og þar hafði maður ekk-
ert nema fjöruna og sjóinn fyrir
augum alla daga,“ segir Ragnar.
„Það hefur sennilega alltaf legið
fyrir að ég yrði sjómaður því ég
strauk að heiman 15 ára gamall
og réði mig á dragnótarbát frá
Patreksfirði. Síðan var ég á fleiri
bátum þaðan og einnig bátum
frá_ Þingeyri næstu árin.“
í máli Ragnars kemur fram
að hugur hans hafi um stund
legið í þá átt að verða kokkur
en kona hans, Guðný Pétursdótt-
ir, vildi að hann færi í Stýri-
mannaskólann og varð það úr,
eftir að hann hafði sótt þrisvar
um inngöngu. Útskrifaðist
Ragnar með skipstjórnarréttindi
frá skólanum 1951.
„Það er margs að minnast frá
þessum ferli mínum en ég varð
skipstjóri þegar blómaskeið var
í siglingum hérlendis, margir um
borð og maður ekki í vandræðum
með félagsskap,“ segir Ragnar. „Á
þessum árum voru um 30 manns
um borð að jafnaði en eru nú ekki
nema 11. Skipstjórastarfið er einu
sinni þannig að maður einangrast
meir og minna en ég sé ekki eftir
neinu í mínu lífshlaupi og er þræl-
ánægður með lífið og tilveruna og
hlakka til að komast í land.“
Ragnar og kona hans Guðný
eignuðust fjóra syni og þótt Ragn-
ar sé-orðinn 65 ára gamall hefur
hann ekki hug á að setjast í helgan
stein alveg strax enda heilsa hans
í góðu lagi. „Ég hafði hugsað mér
að leita að starfi í landi enda ófært
að vera atvinnulaus meðan heilsan
er í lagi,“ segir hann.
Mögulegt að selja eignir Rík-
isstópa og hætta rekstrinuni
ÞRIÐJI fundur samgönguráð-
herra með undirbúningsnefnd
um stofnun hlutafélags til rekstr-
ar Skipaútgerðar rikisins var
haldinn í gær. Þórhallur Jóseps-
son, deildarstjóri í samgönguráð-
uneytinu, sagði i samtali við
Morgunblaðið í gærkvöldi að
nefndarmönnum hefði á fundin-
um verið gerð grein fyrir kaup-
tilboði Samskipa hf. í Esju, eitt
af þremur skipum Ríkisskipa.
Hann sagði að á fundinum hefði
það einnig komið fram af hálfu
ráðuneytisins að norskir aðilar
hefðu sýnt áhuga á öðru skipi
félagsins, Öskju. Þórhallur kveð-
ur ráðuneytinu einnig hafa borist
fregnir um að þriðji aðili hafi
áhuga á þriðja og síðasta skip-
inu, sem fyrirtækið á.
Til greina kemur að að selja
Ríkissjóður lækkar ekki
vexti spariskírteina núna
RÍKISSJÓÐUR raun ekki lækka vexti á spariskírteinum að sinni
þó Seðlabanki íslands hafi lækkað ávöxtunarkröfu á Verðbréfa-
þingi um 0,1%, úr 8,25% í 8,15%, að sögn Friðriks Sophussonar,
fjármálaráðaherra. Ríkissjóður er nú að gefa út nýjan flokk spari-
skírteina meðal annars til að mæta innlausn eldri skírteina sem
hefst 10. janúar. Þau bera 6% nafnvexti eins og fyrri skírteini en
verða boðin almennum kaupendum með 7,9% ávöxtunarkröfu og
áskrifendum með 8,1% ávöxtunarkröfu óbreytt frá því sem verið
hefur. Ávöxtunarkröfunni er hægt að breyta með skömrnum fyrir-
vara og segist Friðrik hafa trú á að raunvextir eigi eftir að lækka
á næstu vikum.
„Það er ánægjulegt að Seðlabank-
inn skuli meta stöðuna á lánsfjár-
markaðnum þannig að skilyrði sé til
raunvaxtalækkunar á Verðbréfa-
þinginu," sagði Friðrik Sophusson í
samtali við Morgunblaðið.
„Fjárlög voru afgreidd fyrir jól
og lánsfjárlög eru í burðarliðnum.
Ljóst er að lánsfjárþörf ríkisins mun
minnka verulega á þessu ári miðað
við síðasliðið ár. Að því er stefnt að
lánsfjárþörf opinberra aðila verði
allt að því helmingi minni í ár en í
fyrra. Stefna ríkisstjórnarinnar leiðir
þess vegna til stöðugleika og ákvörð-
un Seðlabankans felur í sér trú á
að stöðugleikinn sé varanlegur. Ef
þessi þróun heldur áfram á næstu
vikum og ávöxtunarkrafan lækkar
á markaðnum almennt, einnig á
húsbréfum, er alveg ljóst að vextir
á spariskírteinum munu lækka,“
sagði Friðrik ennfremur.
Hann sagði að lækkun á kauptil-
boði á Verðbréfaþinginu væri vís-
bending um að raunvextir gætu
lækkað á næstunni. Ekki væru þó
efni til lækkunar á vöxtum spariskír-
teina nú 10. janúar þegar innlausn
ætti sér stað. Hann teldi hins vegar
að lækkun myndi eiga sér stað á
næstu vikum. Aðalatriðið væri að
ganga ekki gegn lögmálum markað-
arins og besta aðgerðin til að lækka
vexti væri að draga úr eftirspurn
ríkissjóðs eftir fjármagni.
þannig eignir Skipaútgerðarinnar í
stað rekstursins í heild, að sögn
Þórhalls. Hann segir Samskipa-
menn hafa verið í viðræðum við
ráðuneytið í gær, og væntanlega
muni það skýrast í dag hvort af
kaupunum getur orðið.
Hjörtur Emilsson, varaformaður
undirbúningsnefndarinnar, sagði í
samtali við Morgunblaðið í gær-
kvöldi að nefndin liti svo á að enn
væri fyrir hendi raunhæfur mögu-
leiki á að safna tilskildu hlutafé.
„Okkur var gefið Ioforð um það
þann 30. desember að næstu tvær
vikurnar yrði ekki samið við aðra
aðila,“ sagði Hjörtur. Hann kvað
það orðið ljóst með bréfi samgöngu-
ráðherra að ekkert yrði af ríkis-
studdum rekstri, hvorki við hið nýja
hlutafélag eða aðra aðila sem kynnu
að taka að sér flutningsverkefni,
en enn ætti eftir að finna lausn á
málum er vörðuðu greiðslutrygg-
ingar sem ráðuneytið krefst. „Við
erum að endurskoða okkar tilboð í
ljósi breyttra forsenda, og teljum
víst að við fáum í það minnsta þenn-
an tveggja vikna frest,“ sagði
Hjörtur.
„Það er alveg ljóst, að ef um það
semst að Samskip kaupi skipið, er
allt önnur staða uppi á teningnum,“
sagði Þórhallur. Sagði hann að þá
væri í raun ekki lengur um það að
ræða að selja reksturinn, heldur
væri í raun verið að leysa fyrirtæk-
ið upp.
Norski skipamiðlarinn, sem hefur
sýnt áhuga á að festa kaup á Öskju,
hefur tjáð ráðuneytinu að í kjölfar
þreifinganna muni fylgja kauptilboð
síðar í þessari viku, að sögn Þór-
halls.
Ragnar Sch. Arnfinnsson
Lést í um-
ferðarslysi
MAÐURINN sem lést í umferðar-
slysi við Akranes í fyrradag hét
Ragnar Scheving Arnfinnsson, 59
ára gamall.
Ragnar var til heimilis í Bakkatúni
14, Akranesi. Hann var fæddur 9.
júní 1932, starfaði sem verkamaður
og lætur eftir sig uppkomna dóttur.