Morgunblaðið - 25.04.1992, Blaðsíða 18

18
MORGUNBLAÐIÐ LAUGARDAGUR 25. APRÍL 1992
Fegurðardrottningarnar að lokinni krýningn. Morgunbiaðið/Sverrír viiheimsson
Fegurðardrottningin
var krýnd í sumarbyxjun
SUMRI var fagnað með kjöri fegurðardrottningar Islands á Hótel
íslandi sl. miðvikudagskvöld. Kjör hennar var tilkynnt á miðnætti, í
þann mund er sumarið gékk í garð. 18 stúlkur tóku þátt í keppninni
á aldrinum 18 til 28 ára.
Fegurðardrottning íslands 1992:
Vona að viðhorf til
mín breytist ekki
MARÍA RÚN Hafliðadóttir, Fegurðardrottning íslands 1992, er 19 ára
gömul og lýkur stúdentsprófi frá Menntaskólanum við Hamrahlíð nú
í vor.
María Rún Hafliðadóttir var kjör-
in fegurðardrottning íslands 1992,
og ljósmyndafyrirsæta íslands 1992,
en hún var einnig kjörin ljósmynda-
fyrirsæta Reykjavíkur í keppninni
um fegurðardrottningu Reykjavíkur
sem fram fór í vetur. í öðru sæti
varð Heiðrún Anna Björnsdóttir, vin-
sælasta stúlkan í keppninni um feg-
urðardrottningu Reykjavíkur, og í
þriðja sæti Þórunn Lárusdóttir.
Ragnhildur Sif Reynisdóttir, fegurð-
ardrottning Reykjavíkur, hafnaði í
fjórða sæti, og Jóhanna Dögg Stef-
ánsdóttir í því fimmta. Keppendur
völdu vinsælustu stúlkuna úr hópn-
um og varð Erla Dögg Ingjaldsdótt-
ir hlutskörpust.
í hófinu á Hótel íslandi komu
stúlkurnar þrisvar sinnum fram,
fyrst í loðfeldum frá Eggerti feld-
skera, síðan í sundbolum og að lok-
um í samkvæmiskjólum, sem hver
og ein hafði valið sér. Fjórréttuð
máltíð var á borð borin og sýndu
matreiðslumenn staðarins listir sínar
á sviðinu þar sem nautalundir voru
glóðaðar við mikla viðhöfn. Skemmt-
ikraftar, tískusýningarfólk og lista-
menn komu fram og voru skemmti-
atriðin fjölbreytt. Að öðrum ólöstuð-
um, unnu þau Daníel og Hrefna
Rósa frá Dansskóla Hermanns
Ragnars hug og hjörtu viðstaddra.
Þau eru aðeins tólf ára gömul, en
hafa þó dansað saman í sjö ár.
Dómnefndina skipuðu Sigtryggur
Sigtryggsson, fréttastjóri sem var
formaður, Bryndís Ólafsdóttir fyrir-
sæta, Kristjana Geirsdóttir veitinga-
maður, Matthildur Guðmundsdóttir
fyrrverandi Ungfrú ísland, Stefán
Hiimarsson tónlistarmaður, og Sig-
urður Kolbeinsson framkvæmda-
stjóri. Framkvæmdastjóri keppninn-
ar var Gróa Ásgeirsdóttir.
Gjafirnar
Allir keppendur voru leystir út
með gjöfum, en fegurðardrottning
íslands hlaut þó veglegustu gjafirn-
ar; loðfeld frá Eggerti feldskera,
samkvæmiskjól frá Maríu Lovísu,
Raymond Weil armbandsúr frá
versluninni Meba, dragt frá verslun-
inni CM, Canon myndavél frá Hans
Petersen, andlitsbað og hancisnyrt-
ingu frá Snyrtistofunni Ágústu,
Mont Blanc pennasett frá sam-
nefndu umboði á Islandi, gullhúðað
handsnyrtisett, Carol Wior sundbol
og Mey undirfatnað frá íslensk-
Austurlenska.
Allar stúlkurnar fengu eftirtaldar
gjafir: Guerlain snyrtivörur frá Th.
Stefánsson, Chanel snyrtivörur frá
Davíð Pitt & Co, Oroblu sokkabuxur
frá Íslensk-Austurlenska, Warner
undirfatnað frá heildverslun BB,
Gucci ilmvatn frá heildverslun Nico,
æfingagalla og töskur frá Júlíusi
P. Guðjónssyni, Babyliss hárblásara
frá Halldóri Jónssyni/Vogafell hf.,
Matinbleu sundboli frá Sportís, Krit-
er kampavín frá Kriter umboðinu,
blómvönd frá Stefánsblómum og
þriggja mánaða kort í líkamsrækt
frá World Class.
BT.
Hún hefur starfað með Model 79
í fimm ár og hefur undanfarin fjögur
ár tekið þátt í tískusýningum við
kjör fegurðardrottninga. „I fjögur
ár hef ég fylgst spennt með úrslitum
í þessari keppni að loknum tískusýn-
ingunum og því fannst mér kannski
enn sérkennilegra en ella að vera
sjálf þátttakandi núna,“ sagði hún í
samtali við Morgunblaðið. María Rún
hefur töluverða reynslu af fyrirsætu-
störfum því í þijú ár hefur hún haft
þann starfa í sumarvinnu. Lengst
af hefur hún starfað í Mílanó á ítal-
íu, en einnig hefur hún unnið í Þýska-
landi og Japan. „Eg kann best við
Ítalíu af þessum löndum," segir hún.
„Ég er reyndar ósátt við stöðu
kvenna í landinu, en ítalir eru glað-
lyndir og þægilegir í samstarfi."
„Eftir prófin fer ég tii Mílanó. Ég
er svo heppin að ég get unnið þar
þegar ég vil og hef þess vegna getað
getað unnið við þetta í sumarleyfum
frá skólanum." Hún lýkur nú námi
af nýmálabraut MH og segist hafa
mjög gaman af því að læra erlend
tungumál og kynnast menningu og
lífsháttum í öðrum löndum. Hún
fæddist í Luxemburg og bjó þar til
tólf ára aldurs. Hún hefur gott vald
á mörgum tungumálum, ensku,
dönsku og þýsku auk luxemborgísku.
„Ég kann undirstöðuna í frönsku,
en þarf að æfa mig í talmálinu. Fran-
skan hjálpar mér að skilja ítölsku,
sem ég hef þó ekki ennþá vald á,“
segir hún hæversk.
María Rún er fædd 19. október
1972 og er því í vogarmerkinu. Hún
er ólofuð og er dóttir Maju Guð-
mundsdóttur og Hafliða Arnar
Bjömssonar. Hún segist vilja leggja
stund á frekara tungumálanám í
háskóla í framtíðinni, en þó ekki
strax. „Meðan ég get vil ég ferðast
um heiminn. Mér er sýndur mikill
heiður með titlinum Fegurðardrottn-
ing íslands og mér finnst gaman að
geta keppt fyrir íslands hönd á er-
lendri grundu og kynnt landið." Þess
má geta að kvöldið sem keppnin fór
fram klæddist María Rún kjól í eigu
Guðrúnar Möller, sem kjörin var
Ungfrú ísland fyrir tíu árum. „Þetta
er yndislegt. Hún gaf mér þetta í
afmælisgjöf, stelpan," sagði Guðrún
er úrslitin voru ljós.
María Rún segir að útlitið skipti
hana ekki sérlega miklu máli. „Ég
fer ekki í megrun og stunda líkams-
rækt eingöngu þegar ég er í skapi
til þess,“ segir hún. „í augnabiikinu
skiptir mig mestu máli að viðhorf
fólks til mín breytist ekki þrátt fyrir
þátttöku og sigur í þessari keppni.
Ég breytist ekkert við þetta, lífsvið-
horf mín eru nákvæmlega þau sömu
og áður. Ég er ennþá ég!“
María Rún ásamt móður sinni, Maju Guðmundsdóttur og ömmu,
Maríu Hafliðadóttur. Faðir Maríu Rúnar, Ilafliði Örn Björnsson var
staddur á námskeiði í Bandaríkjunum er keppnin fór fram.
Stefnir á toppinn
Heiðrún Anna Bjömsdóttir varð í
öðru sæti. Hún hefur mikinn áhuga
á söng og leiklist og segist einfald-
lega stefna á toppinn. Hún er 18
ára gömul, fædd 1. júní 1973 og
er því í tvíburamerkinu. Hún er
nemandi í Fjölbrautarskólanum við
Ármúla, á félagsfræðibraut, og
hefur tekið virkan þátt í félagslífi
skólans. Heiðrún Anna var kjörin
vinsælasta stúlkan í keppninni um
fegurðardrottningu Reykjavíkur.
Hún tók þátt í uppfærslu skólans
á „Snæfríði og bræðrunum fjórum"
í vetur þar sem hún var í hlutverki
Snæfríðar. „Ég er metnaðargjöm
og vil gera vel það sem ég tek mér
fyrir hendur,“ segir hún. Ferðalög
eru meðal áhugamála Heiðrúnar
Önnu og hefur hún ferðast töluvert
bæði innan lands og utan. Hún
segir framtíðina óráðna, þó ljóst
sé að hún vilji vinna fjölbreytt starf.
Leiklist og fréttamennska við sjón-
varp em meðal þess sem henni
finnst koma til greina.
Náttúran heillar
Þórunn Lárusdóttir hafnaði í
þriðja sæti. Hún er 19 ára, fædd
6. janúar 1973 og er því í steingeit-
armerkinu. Þórunn lýkur stúdents-
prófum frá raungreinadeild
Menntaskólans við Hamrahlíð nú í
vor og í sumar kemur hún til með
að vinna í veiðihúsi við Grímsá. „Ég
er heilluð af náttúru íslands og nýt
þess að ferðast um landið," segir
hún. Þórunn á jeppa, sem henni
þykir mjög gaman að ferðast á.
Hún hyggur á framhaldsnám í
framtíðinni, en vill taka sér ársfrí
frá námi að loknum stúdentspróf-
Heiðrún Anna Björnsdóttir ásamt móður sinni,
Guðrúnu Einarsdóttur, fósturföður, Má Gunnars-
syni og systur sinni, Vigdísi.
Þórunn Lárusdóttir ásamt unnusta sínum, Georg
Bergþóri Friðrikssyni, móður sinni, Sigríði Þor-
valdsdóttur, og systrunum Ingibjörgu og Hjör-
dísi Elínu. Faðir hennar, Lárus Sveinsson var
að vinna þegar keppnin fór fram.
Ragnhildur Sif Reynisdóttir ásamt fjölskyldu
sinni. Með henni á myndinni eru móðir hennar,
Auður Jóhanna Bergsveinsdóttir, faðir hennar,
Reynir Guðlaugsson, bróðirinn Ásgeir, systurnar
Nína María og Kristín Erna, og litli frændinn
Reynir Már Ásgeirsson.
Jóhanna Dögg Stefánsdóttir ásamt unnusta sín-
um, Halldórí Björnssyni, föður sínum, Stefáni
Sveinbjörnssyni, móður sinni, Sigríði Jónsdóttur
og systurinni, Hörpu Hrönn.
um. Til greina kemur nám í leiklist náminu kemur í ljós hvort listin eða hún. Unnusti hennar er Georg
eða læknisfræði. „Eftir ársfrí frá raunvísindin verða ofan á,“ segir Bergþór Friðriksson.
Vill eignast
mörg börn
Fegurðardrottning Reykjavíkur,
Ragnhildur Sif Reynisdóttir, varð
í fjórða sæti. Hún er fædd í krabba-
merkinu, 20. júní 1969 og er því
22 ára. Hún er gullsmiður, en starf-
ar auk þess á LA café. Hún á fjögur
systkini og segist í framtíðinni vilja
eignast mörg börn, sem geti haft
félagasskap hvert af öðru, eins og
hún kynntist sjálf á uppvaxtarárum
sínum. „Það er stórkostlegt að sjá
börn fæðast, vaxa og þroskast,"
segir hún. Hana langar að mennta
sig meira í gullsmíðum og helst
vildi hún komast í nám á Ítalíu.
„Bæði landið og tungumálið heillar
mig,“ segir hún, en auk vinnunnar
.stundar hún nám í ítölsku. Hún er
ólofuð og áður en hún eignast
mann og börn langar hana að ferð-
ast um heiminn þveran og endi-
langan.
Spennt fyrir sálfræði
Jóhanna Dögg Stefánsdóttir 18 ára
varð í fimmta sæti. Hún stundar
nám á félagsfræðibraut við Fjöl-
brautarskólann í Garðabæ og seg-
ist vera spennt fyrir sálfræði sem
hún getur vel hugsað sér að læra
í framtíðinni. Þó segist hún ekki
enn hafa ákveðið hvað hún ætlar
að gera að loknu stúdentsprófi.
Unnusti hennar er Halldór Bjöms-
son, en þau kynntust er hún var
við nám við Verkmenntaskólann á
Akureyri. Hún er fædd 21. október
1973 og er því í vogarmerkinu.
Hún segist gjarnan vilja vinna við
fyrirsætustörf ef tækifæri gefast,
en eitt af áhugamálum hennar er
námið.