Morgunblaðið - 25.04.1992, Blaðsíða 23
MORGUNBLAÐIÐ LAUGARDAGUR 25. APRÍL 1992
23
í sýningarhléi var Hnallþóruveisla í Þjóðleikhúskjallaranuin.
Ölafur G. Einarsson, menntamálaráðherra, Stefán Baldursson, þjóð-
leikhússtjóri, Vigdís Finnbogadóttir, forseti Islands, og Sigríður
Hagalín, leikari, voru meðal gesta.
Herdís Þorvaldsdóttir, leikari,
les Vorvísu eftir Halldór Lax-
ness.
allt sem íslenskt er og veitir okkur
þrótt til að takast á við þá ögrun
sem í samtímanum býr,“ sagði Olaf-
ur er hann færði afmælisbarninu
og eiginkonu hans sínar bestu árn-
aðaróskir og setti hátíðina.
Hátiðardagskráin var með afar
fjölbreyttum hætti. Þar léku leikar-
ar Þjóðleikhússins nokkur atriði úr
verkum Halldórs, lesinn var upp
bundinn og óbundinn texti, og
nokkur Ijóð sungin. Dagskránni
lauk með því að leikarar, Þjóðleik-
húskór og hópur barna sungu Maí-
stjörnu Halldórs Laxness við lag
Jóns Asgeirssonar. Þórhallur Sig-
urðsson hafði umsjón með hátíðar-
dagskránni.
Hátíðarhöld í Þjóðleikhúsinu í til-
efni af afmæli Halldórs Laxness
halda áfram um helginaT Hnallþóru-
veisla verður í Leikhúskjallaranum
kl. 15 í dag og Veiðitúr í óbyggðum
leiklesinn á sama stað hálftíma síð-
ar. Sviðsettur leiklestur verður á
stóra sviðinu kl. 20 (Pijónastofan
sólin) og á smíðaverkstæðinu kl.
20. 30 (Strompleikur). Sviðsettur
leiklestur verður á stóra sviðinu á
morgun kl. 16.30 (Straumrof) og
hátíðardagskrá endurflutt kl. 20 um
kvöldið.
Ljóð Kristjáns Karlssonar
sýnd að Kjarvalsstöðum
SÝNING á ljóðum Kristjáns
Karlssonar verður opnuð að
Kjarvalsstöðum í dag kl. 17.
yið opnunina mun Kristján
Arnason skáld og bókmennta-
fræðingur flytja ávarp og Arn-
ar Jónsson leikari lesa úr ljóð-
um Kristjáns. Sex ljóðasýning-
ar hafa verið haldnar að Kjarv-
alsstöðum í vetur og er þetta
sú síðasta. Sýningin stendur til
10. maí og er opin daglega frá
kl. 10 til 18.
Að sögn Eysteins Þorvaldsson-
ar bókmenntafræðings, sem sæti
á í ljóðasýninganefnd, á Kristján
Karlsson sér óvenjulegan feril í
íslenskri ljóðagerð. Hann var
kominn á sextugsaldur þegar
fyrsta ljóðabók hans kom út 1976
en hann var þá löngu kunnur fyr-
ir bókmenntafræðistörf sín. Krist-
ján hefur gefið út sex ljóðabækur.
Hann sækir margt til engilsax-
neskrar ljóðagerðar en hann
dvaldist Iengi vestanhafs við nám
og önnur störf og er því mjög
kunnugur henni. „Kristján er hins
vegar einnig þjóðlegur og nýtir
sér eiginleika íslenskrar ljóðahefð-
ar,“ segir Eysteinn.
Ljóðin sem sýnd verða á sýn-
ingunni hefur Kristján valið úr
flestum bókum sínum og gefa þau
góða yfirsýn yfir feril hans,að
sögn Eysteins.
Undanfarna mánuði hafa
Kjarvalsstaðir og ríkisútvarpið
staðið sameiginlega að kynning-
um á ljóðum islenskra skálda.
Ljóðin á sýningunum hafa verið
prentuð og stækkuð upp, límd á
veggi og glugga, alveg eins og
um myndlistarsýningu væri að
ræða. Sýning á ljóðum Kristjáns
er sjöunda og jafnframt síðasta
sýningin í bili.
Birgir Andrésson myndlistarmaður stillir upp ljóðum Kristjáns
Laxness-dag-
ur í Tiibingen
Zttrich. Frá Önnu Bjnrnadóttur, fréttaritara Morgunblaðsins.
NORRÆNUDEILD háskólans í Tiibingen í Þýskalandi hélt „Laxness-
dag“ á níræðisafmæli íslenska Nóbelsskáldsins á fimmtudag. Tæplega
60 manns - nemendur, Islandsvinir og íslendingar í Tiibingen og
Stuttgart - hlýddu á fyrirlestra og horfðu á sjónvarpsmynd um
Halldór. Dr. Jiirg Glauser, sem tók við prófessorsstöðu Dr. Wilhelms
Friese við norrænudeildina í vetur, var ánægður með daginn en harm-
aði að Dr. Peter Hallberg, prófessor í Gautaborg, gat ekki flutt erindi,
eins og til stóð, vegna alvarlegra veikinda.
Háskólinn í Túbingen sæmdi
Halldór Laxness heiðursdoktors-
nafnbót á áttræðisafmæli hans fyrir
10 árum. Dr. Friese, sem lét af pró-
fessorsembættinu i vetur vegna ald-
urs, skrifaði doktorsritgerð um ís-
lenskar bókmenntir á 20. öld á sín-
um tíma og kynntist Halldóri og
störfum hans ungur. Hann hefur
rannsakað og skrifað mikið um verk
Halldórs æ síðan og þar með stuðl-
að að tengslum háskólans við ís-
lenska rithöfundinn.
Dr. Friese fyllti í skarðið fyrir
Dr. Hallberg i fyrradag og hélt fyr-
irlestur um Kristnihald undir Jökli.
Margrét Eggertsdóttir, starfsmaður
Ámastofnunar sem kynnir sér þýsk-
ar barokkbókmenntir við háskólann
í Túbingen um þessar mundir, hélt
erindi um Vefarann mikla og Dr.
Hubert Seelow, prófessor í Erlang-
en-Núrnberg, fjallaði um viðtökur
og þýðingar á verkum Halldórs Lax-
ness í Þýskalandi.
Auglýsingakostnaður heilbrigðis—
ráðuneytis 1990:
Hæsta raðauglýsmga-
verð í Alþýðublaðinu
Auglýsingakostnaður heilbrigðisráðuneytisins nam um 5,1 milljón
króna árið 1990 og um 190 þúsund krónum fyrstu fjóra mánuði árs-
ins 1991. í nokkrum tilfellum greiddi ráðuneytið hæsta verð fyrir
raðauglýsingar í Alþýðublaðinu en lægsta verð fyrir samvarandi
auglýsingar í Morgunblaðinu.
Þessar upplýsingar koma fram í
svari heilbrigðisráðherra við fyrir-
spum Áma M. Mathíesens á Al-
þingi um auglýsinga og kynningar-
kostnað ráðuneytisins árið 1990 og
fyrri hluta 1991 en þá var Guð-
mundur Bjarnason heilbrigðisráð-
herra.
Stærstan hluta heildarupphæðar,
eða rúmar 3 milljónir fékk auglýs-
ingastofan Gott fólk greiddan vegna
hönnunar, vinnu og prentunar upp-
lýsingabæklings um mataræði. Þá
fengu stjórnartíðindi greidda 1,1
milljón vegna auglýsingabirtinga.
í svarinu kemur fram að í dag-
blöðum voru birtar nokkrar auglýs-
ingar um lausar stöður, lyfsöluleyfi
og styrki Evrópuráðs. Verð auglýs-
inganna var nokkuð misjafnt eftir
blöðum. Þannig kostaði auglýsing
um styrki Evrópuráðs, sem birtist
einu sinni í hvetju dagblaði í febr-
úar 1990; 18.077 krónur í Morgun-
blaðinu, I Degi kostaði auglýsingin
20.543 krónur, í Tímanum kostaði
auglýsingin 21.364 krónur, í DV
22.189 krónur, í Þjóðviljanum
23.829 krónur og í Alþýðublaðinu
24.651 krónu. Svipað hlutfall kemur
fram í öðmm auglýsingabirtingum
þar sem um sömu auglýsingu virð-
ist að ræða í öllum dagblöðunum.
Ein auglýsing birtist í öllum dag-
blöðum í janúar-febrúar árið 1991
og var dýmst í Tímanum en ódýr-
ust í DV.
-----♦ ♦ ♦-----
Kórsöngur á
Kjarvalsstöðum
KÓR Tónlistarskólans í Reykjavík
syngur á Kjarvalssstöðum sunnu-
daginn 26. apríl kl. 15,30 undir
stjórn Marteins H. Friðrikssonar.
Einnig syngja og stjórna nemendur
úr tónmenntakennaradeild skólans.
Blásarakvintett Reykjavíkur heldur tónleika í Listasafni íslands mánu-
daginn 27. apríl.
Blásarakvintett Reykja-
víkur heldur tónleika
BLÁSARAKVINTETT Reykja-
víkur heldur sína fjórðu og síð-
ustu tónleika á starfsárinu mánu-
daginn 27. apríl í Listasafni Is-
lands í tónleikaröð vegna 10 ára
starfsafmæli hópsins.
Tónleikamir hefjast á kvintett
eftir samtímamann Mozarts, Franz
Danzi. Síðan verða leikin þrjú verk
frá þessari öld: „Kleine Kammer-
musik“ eftir Paul Hindemith,
„Bergabesk“ eftir Þorkel Sigur-
björnsson og „Mládí“ (æska) eftir
Leos Janacek. Gestur Blásarakvint-
etts Reykjavíkur að þessu sinni er
Kjartan Oskarsson, sem leikur á
klarínett og bassaklarínett í tveimur
síðasttöldu verkanna.