Morgunblaðið - 25.04.1992, Blaðsíða 25
25
Andreotti
segir af sér
GIULIO
Andreotti for-
sætisráðherra
Ítalíu baðst
lausnar fyrir
sig og stjórn
sína í gær.
Stjórnin galt
afhroð í þing-
kosningum 5.
- 6. apríl sl.
en hélt þrátt
fyrir það naumum meirihluta
á þingi. Búist var við að Franc-
esco Cossiga hæfi þegar við-
ræður við leiðtoga flokka á
þingi um hverjum skuli veitt
umboð til stjórnarmyndunar.
Því er spáð að stjórnarmynd-
unarviðræður verði erfíðar.
Perot nær
forsetafram-
boði
ROSS Perot
milljónamær-
ingur frá
Dallas í Texás
er nú nær því
að lýsa yfir
þátttöku í
bandarísku
forsetakosn-
ingunum 3.
nóvember nk. Perot
en áður.
Hann sagði í gær að það hefði
væntanlega lítil áhrif á hugs-
anlegt forsetaframboð þótt
hann yrði ekki í framboði í
New York en flókin kosninga-
löggjöf í ríkinu kann að koma
í veg fyrir að hann geti boðið
sig fram þar. Talið er að hann
myndi taka fylgi bæði frá
Georg Bush forseta og Bill
Clinton sem hefur svo gott
sem tryggt sér úitnefningu
Demókrataflokksins.
Svíar skera
meira niður
SÆNSKA stjórnin boðaði í
gær aukinn niðurskurð á út-
gjöldum hins opinbera og
sagði að þörf væri á að skera
velferðarkerfið niður ef koma
ætti í veg fyrir gífurlegan ijár-
lagahalla á næstu árum. Anne
Wibble fjármálaráðherra sagði
að til viðbótar 27 milljarða
sænskra króna niðurskurði
sem ákveðið hefði verið í
febrúar að grípa til í ár og á
næsta ári væri óhjákvæmilegt
að minnka útjgöld um 30 millj-
arða króna til viðbótar
1994-96. Alls er um að ræða
57 milljarða króna niðurskurð,
jafnvirði 565 milljarða ÍSK.
Anna prins-
essa skilin
ANNA Breta-
prinsessa
fékk lögskiln-
að frá manni
sínum, Mark
Phillips höf-
uðsmanni, á
sumardaginn
fyrsta. Þau
gengu í
hjónaband
fyrir 18 árum
en hafa verið skilin að borði
og sæng á þriðja ár. Sam-
kvæmt reglum er úrskurði um
lögskilnað venjulega fylgt eftir
sex vikum síðar með úrskurði
um að viðkomandi sé fijálst
að ganga að nýju upp að altar-
inu. Anna prinsessa og Mark
Phjllips eiga saman 14 ára
song og 10 ára dóttur.
Anna prinsessa
MORGUNBLAÐIÐ LAUGARDAGUR 25. APRÍL 1992
Færeyjar:
Ahyggjur af stór-
aukinni hassneyslu
Á ÁRUNUM 1987-’89 voru 12% þeirra, sem voru til meðferðar á
afvötnunarstöðvum í Færeyjum, þangað komnir vegna mikillar
hassneyslu og þá yfirleitt samfara drykkjuskap og pillumisnotk-
un. Uppgjörið fyrir 1990 og ’91 liggur ekki fyrir en flest bendir
til, að þetta hlutfall hafi tvöfaldast. Var frá þessu skýrt í fær-
eyska Dagblaðinu fyrir skömmu.
Könnunin fyrir árin 1987, ’88
og ’89 náði til hundrað manns,
þriðjungs þeirra, sem þurftu á
hjálp að halda, og voru þátttak-
endur valdir af handahófi. í ljós
kom, að 35% áttu við áfengis-
vandamál að glíma, 49% við áfeng-
is- og pilluvanda og 12% réðu
ekki við hassneysluna og meðfylgj-
ERLENT
andi áfengis- og pillumisnotkun.
Bráðabirgðatölur fyrir 1990 og ’91
benda svo til, að tala hasssjúkling-
anna hafi tvöfaidast..
Fróði Helmsdal, sém vinnur að
afvötnunarmálum í Færeyjum,
segir í viðtali við Dagblaðið, að
1987-’89 hafi meðalaldur hass-
sjúklinganna verið um þrítugt og
hafi þar aðallega verið um að
ræða „frumheijana í færeyskri
hassneyslu". Nú hafi meðalaldur-
inn aftur á móti lækkað verulega.
Segir hann, að yfirleitt sé auðveld-
ara að fást við áfengissjúklingana
en hassneytendurna. Líðan þeirra
fyrrnefndu batni um leið og þeir
hressist líkamlega en hassneyslan
skilji hins vegar eftir sig skemmd-
ir, sem seint verði bættar.
Hungurvofan heijar á Súdan
Alþjóðlegar hjálparstofnanir eru um þessar mundir að senda
hjálpargögn til suðurhluta Afríkuríkisins Súdans eftir að stjórn
landsins aflétti sex vikna banni við matvælaflutningum þangað.
Talsmenn stofnananna sögðu í gær ekki væri hægt að koma
matvælum til þúsunda manna, sem væru að svelta, vegna stórsókn-
ar stjórnarhersins gegn uppreisnarmönnum. Á myndinni heldur
blind súdönsk kona á barni sínu og skál í biðröð við dreifingarmið-
stöð í bænum Akabo. Hungursneyð geisar einnig í Sómalíu og
fregnir herma að ástandið þar sé jafnvel enn verra en í Súdan
þrátt fyrir tilraunir hjálparstofnana til að draga úr matvælaskortin-
um.
F.W. de Klerk býðst til að leggja starf sitt að veði:
Þriggja til fimm manna ráði
yrði fengið framkvæmdavald
Höfðaborg. Daily Telcgraph.
F.W. de Klerk forseti Suður-
Afríku hefur boðist til þess að
efna senn til kosninga, sem
væru öllum þegnar landsins
opnar, og deila völdum með sig-
urvegurunum. Er það liður í
tilraunum hans til að koma
skriði á viðræður um fullt lýð-
ræði í Suður-Afríku.
Við umræður í suður-afríska
þinginu í fyrradag sagði De Klerk
að áður en samið yrði um skipan
bráðabirgðaþings legði hann til að
kosið yrði til sérstaks ráðs er tæki
við framkvæmdavaldi í Suður-Afr-
íku. Þrír til fimm stærstu stjórn-
málaflokkar landsins fengju full-
trúa í ráðinu og sætu þeir þar sem
jafningjar hvað valdahlutföll
snerti. Skiptust þeir á formennsku
í ráðinu á hálfs árs fresti. „Fram-
kvæmdaráðið leysti forsetann af
hólmi og fengi þau völd sem nú
eru á hendi þjóðhöfðingjans og
leiðtoga ríkisstjórnarinnar. Þetta
er heiðarleg tilraun til þess að
finna lausn á nokkrum lykilatrið-
um,“ sagði forsetinn er hann
kynnti þinginu tillögur sínar.
Stjórnmálaskýrendur sögðust
telja ólíklegt að Afríska þjóðarráð-
ið (ANC), sem lýtur forystu Nel-
sons Mandela, samþykki þessar
tillögur de Klerks. Þær fælu í sér
að ANC fengi ekki áhrif í fram-
kvæmdaráðinu í samræmi við
hugsanlegan stuðning í kosning-
um. Þjóðarráðið hafði þó ekkert
látið frá sér fara um tillögur for-
setans í gær.
í ræðu við annað tækifæri í
fyrradag sagði forsetinn að ill-
mögulegt væri að hrinda pólitísk-
um umbótum í framkvæmd ef of-
beldisverkum í hverfum blökku-
manna linnti ekki. Oháðir aðilar
telja að þau hafi kostað 5.000
manns lífið á síðustu tveimur
árum. Forsetinn sagði að fljótlega
yrði lagt fram frumvarp er fæli í
sér aukin völd lögreglu til þess að
stöðva ofbeldi, herta löggjöf um
meðferð hvers kyns vopna og bann
við einkaheijum.
De Klerk sagði að stund rót-
tækra aðgerða gegn ofbeldisverk-
um væri runnin upp. Héðan í frá
myndu mál aðila sem kærðir hefðu
verið fyrir pólitísk ofbeldisverk
ganga fyrir öðrum málum fyrir
dómstólum landsins. Talið er að
þessi ráðstöfun falli ekki í góðan
jarðveg hjá Afríska þjóðarráðinu
sem hefur jafnan haldið því fram
að rót ofbeldisverkanna liggi í
aðskilnaðarstefnu stjórnar hvítra
manna.
GOODfYEAR
HEKLA
LAUGAVEGI 174
* 695560 & 674363
GOODfYEAR
60 ÁR
Á ÍSLANDI