14 MORGUNBLAÐIÐ FIMMTUDAGUR 9. DESEMBER 1993 Sigurbjörn Jónsson: Panoramablús. Sigurbjörn Jónsson Listhönnun Eiríkur Þorláksson Ungt listafólk sækir misjafn- lega fljótt inn á vettvang mynd- listarinnar eftir að námi er lokið. Flestir fá sér önnur störf til að eiga fyrir salti í grautinn, og stunda myndlistina aðeins í stop- ulum frístundum; sýningarhald dregst að sama skapi, og getur liðið langur tími milli sýninga. Nokkrir verða þó til þess að hella sér út í listsköpunina af fullum krafti sem aðalstarf, og sýna af- raksturinn með myndarlegum hætti, þannig að viðkomandi verða fljótlega þekktir meðal list- unnenda sem meðlimir upprenn- andi kynslóðar myndlistarfólks. Sigurbjöm Jónsson listmálari tilheyrir síðarnefnda hópnum. Eftir að hafa lokið námi við Mynd- lista- og handíðaskóla íslands fór hann til framhaldsnáms í New York, og þar hélt hann sína fyrstu einkasýningu 1988, en fyrsta sýn- ing hans hér heima var haldin í listasalnum Nýhöfn árið 1990; hann hefur haldið sýningar árlega síðan, og nú hefur verið opnuð sýning á tæplega þrjátíu málverk- um hans í Gallerí Borg við Póst- hússtræti, en þau eru öll unnin á þessu ári. Áður hefur verið bent á að verk Sigurbjörns bera nokkurn keim af kynnum hans af myndlist Lou- isu Matthíasdóttur og Leland Bell, einkum hvað varðar meðhöndlun litanna, en myndefni Sigurbjörns eru nokkuð önnur. Að þessu sinni eru mest áberandi myndefni sem tengjast m.a. jassheiminum, þ.e. myndir af hjóðfæraleikurum á sviði. Önnur myndefni og gjörólík tengjast munúðarfullri veröld austurlenskra . kvennabúra eða laxveiðimönnum á íslandi, og með þeim kemur í ljós, að vinnulag Sigurbjörns getur hentað ólíkum viðfangsefnum jafnvel. Uppbygging verkanna er oft þannig að í forgrunni, sem liggur ef til vill skáhallt inn í myndina, eru heitir litir, en síðan lokast myndin- áð baki persónanna með heilum litfleti, - svo efninu er þréngt fram í rýminu. Myndirnar eru misstórar, þannig að þessi „þrengsli" eru ekki ætíð áber- andi, en í sumum tilvikum eiga þau mestan þátt í að skapa það jafnvægi, semmyndin byggirupp, eins ogt.d. sést í „Panoramablús" (nr. 2), þar sem hin lárétta áhersla skapar afar sterka myndbygg- ingu. Það sem einkennir myndir Sig- urbjörn <jo%u fremur er þannig tilfinning hans fyrir litum og rými í fletinum, en þessi atriði ráða mestu um útkomuna hverju sinni. Sigurbjörn vinnur með grófum pensilförum, og byggir litinn upp méð þunnum lögum; ólíkir litir skapa fjölbreytta dýpt í fletinum, eins og sést vel ef borin eru sam- an verk" eins og „Miðnæturblús" (nr. 4), „Take five" (nr. 7) og „Loksins" (nr. 11), þar sem mynd- unum er hverri fyrir sig lokað með einum lit, sem er þó samsetn- ing fjölmargra tóna við nánari athugun. Fígúrur myndanna eru aðeins mótaðar með fáeinum pensildrátt- um hverju sinni, og eru því frem- um einn þáttur af mörgum í myndskipun listamannsins en meginviðfangsefnið. Engu að síð- ur er þetta kveikja sem hentar listamanninum vei við listsköpun- ina, en það sést einna best þegar skoðuð éru önnur verk sýníngar- innar. Þar verður liturinn nokkru flatari, og nær ekki upp sama krafti og kemur fram við þær andstæður, sem sjást t.d. í „Blá- tónn" (nr. 4). Einna best gengur efnið þó upp í „Viltu bera?" (nr. 15), þar sem hin lausmótaða fíg- úra skapar gott mótvægi í fletin- um. Sigurbjörn hefur um nokkurt skeið unnið út frá þeim mynd- vaka, sem hljómlistarmenn eru. Efnið hentar listamanninum vel; honum tekst einna best upp með litinn þegar myndefnið er þröngt og afmarkað. Hins vegar er engin ástæða til að efast um að vinnu- brögð hans geta einnig skilað góðum árangri í glímunni við önn- ur viðfangsefni, og þær tilraunir sem getur að líta hér eru væntan- lega aðeins fyrstu skrefin á þeirri braut. Sýning Sigurbjörns Jónssonar í Gallerí Borg við Pósthússtræti stendurtil fimmtudagsins 16. des^ ember. Leikfélag Norð- fjarðar endurvakið Neskaupstað. LEIKFÉLAG Norðfjarðar sýndi nýlega leikritið Blessað barnalán eftir Kjartan Ragnarsson undir leikstjórn Jóns Júlíussonar. Leikfélagið var endurvakið nú í ár en undanfarin sex ár hefur það ekki sett upp neina sýningu. Fjórar sýningar voru á leikritinu og komu á sjötta hundrað áhorfendur á þær, eða nálægt 30% íbúa hér. Sýningar þóttu takast mjög vel en leikararn- ir voru allir kornungt fólk sem lítið sem ekkert hefur komið nálægt leiklist áður. Formaður Leikfélags Norðfjarð- ar er Lilja Sólný Gunnlaugsdóttir. - Agúst. Morgunblaðið/Ágúst Blöndal Frá einni sýningu á leikverkinu Blessað barnalán sem Leikféíag Norðfjarðar sýndi. Búkolla sýnir Stútungasögu NÚ eru hafnar æfingar á Stút- ungasögu hjá Leikfélaginu Bú- kollu í S-Þingeyjarsýslu. Það er Orn Ingi Gíslason frá Akureyri sem leikstýrir verkinu. Alls taka um 27 leikarar þátt í sýning- unni, auk hljómsveitar. Stútungasaga er „léttgeggjaður" gamanleikur með fornu ívafi. Sýn- ingin kitlaði hláturtaugar þeirra sem lögðu leið sína í Tjarnarbíó sl. vetur, en þá setti Hugleikur verkið á svið undir stjórn Sigrúnar Val- bergsdóttur. Það voru félagar úr Hugleik, sem sömdu Stútungasögu, þau Hjördís Hjartardóttir, Ármann Guðmunds- son, Þorgeir Tryggvason og Sævar Sigurgeirsson. Sýningar verða í Félagsheimilinu Ýdölum í Aðaldal, en þar er aðsetur Búkollu. Frumsýning er áætluð þann 15. jánúar 1994. Leikhópurinn Búkolla, aðstandendur Stútungasögu. MENNING/LISTIR Myndlist Samsýning Ómars og Arnar Samsýning þeirra Ómars Stefáns- sonar og Arnar Ingólfssonar verður opnuð í dag, fimmtudag, á Kaffi Sautj- án á Laugavegi 91. í fréttatilkynningu segir: Ómar út- skrifaðist úr Nýlistadeild MHÍ 1981 og seinna úr málaradeild HDK í Vest- ur-Be'rlín sálugu 1986. Ómar hefur haldið nokkrar einkasýningar auk fjölda samsýninga og verða málverk til sýnis eftir hann. Örn Ingólfsson hefur verið starfandi listiðnaðarmaður síðastliðna tvo áratugi og vinnur aðal- lega í leður og sýnir hann verk unnin úr leðri og ýmsum öðrum efnum. Þetta er sölusýning og stendur hún til 9. janúar 1994. Ingunn og Kjartan sýna á Hvolsvelli Nú stendur yfír málverka- og hús- gagnasýning í Bólstrun Kjartans á Hvolsvelli. Það er Ingunn Jensdóttir sem sýnir 30 vatnslita- og olíumyndir en Kjartan Einarsson bólstrari, sem er eigandi Bólstrunar Kjartans, sýnir húsgögn sem hann hefur smíðað. Sýn- ingin er í nýju húsnæði bólstrunarinnar við Ormsvöíl og mun standa fram að jólum. - SÓK Gunnar J. Guðjónsson sýnir í Grensásbæ Gunnar J. Guðjónsson sýnir nú mál- verk í Grensásbæ, Grensásvegi 12 í Reykjavík. A sýningunni eru 20 olíumálverk Ein mynda Gunnars á sýning- unni í Grensásbæ. Hér er mynd- efnið Nigel Kenndy, fiðluleik- arinn breski. sem sýna m.a. Iandslag frá Snæfells- nesi, Hellnum og Arnarstapa. Sýningin er opin frá kl. 19.30 til 21 mánudaga til fimmtudaga. Föstudaga Ömar Stefánsson og Örn Ing- ólfsson. og laugardaga er opið frá kl. 9 að morgni til kl. 3 að nóttu. Lokað er á sunnudögum. Sýningin stendur út des- embermánuð. Leiklist Týnda teskeiðin á Suðurlandi Leikfélag Þorlákshafnar frumsýndi á heimaslóðum um síðustu helgi gam- anleikinn Týndu teskeiðina eftir Kjart- an Ragnarsson í leiksjótn Signýjar Pálsdóttur. Um þessa helgi verður far- in leikferð um Suðurland og verða sýningar í Þingborg í dag fimmtudag, Gunnarshólma föstudag og Leikskál- um í Vík í Mýrdal á laugardag. Sýning- ar á leikferð hefjast kl. 21. Um 30 manns hafa unnið að undir- búningi þessarar sýningar undafarið en leikarar eru þau Sigríður Garðars- dóttir, Stefán Pétursson, Gunnuar Hafsteinsdóttir, Jón Ingi Jónsson, Elín Jónasdóttir, Vignir Arnarson, Jóhanna Sveihsdóttir, Gunnar Sigurðsson, Sæv- ar Geirsson og Hlynur Hilmarsson. Leikstjórinn, Signý Pálsdóttir ber jafnframt ábyrgð á útliti leikmyndar en Ijósahönnuður er Benedikt Þór Ax- elsson. Formaður Leikfélags Þorláks- hafnar er nú Jón Ingi Jónsson. Tónlist Jólahátíð í Bústaðakirkju Söngsmiðjan heldur jólahátíð í Bú- staðakirkju í dag fimmtudaginn 9. desember kl. 20. Þar koma fram byrj- endur og framhaldshópar Söngsmjðj- unnar. Dagskráin er fjölbreytt, m.a.: íslensk jólalög, Jólakantata eftri D. Buxtehude, negrasálmar og jólarokk. Aðgangur er ókeypis. Þá munu söngleikjahópar Söng- smiðjunnar halda sýningu í Tjarnarbíói laugardaginn 11. desember kl. 16 og þriðjudaginn 14. desember kl. 20.30. Þar verður sungið, leikið og dansað. Miðaverð er 500 krónur. Nýjar bækur ¦ I flokknum Skemmtilegar til- raunir koma nú út tvær bækur. Önnur um tilraunir til að kanna breytingar á eiginleikum efna við mismunandi hitastig og hin um ein- faldar tilraunir með ræktun. í bók- unum eru hugmyndir að fjölmörgum viðfangsefnum og eru allar leiðbein- ingar skýrðar með Ijósmyndum. Bækurnar eru ætlaðar sex til tíu ára börnum. Hildur Hermóðsdóttir þýddi. Utgefandi er Mál og menning. Hvor bók er 30 bls. og kostar 875 krónur. ¦ Helnauð, bók um afreksverk og hetjudáðir sjómanna og björgun- armanna, er komin út. Höfundur er Eiríkur S. Eiríksson. í bókinni eru níu þættir um einstæða hrakninga, sem íslenskir sjómenn hafa lent í, og um frækileg björgunarafrek við Island þar sem björgunarmenn lögðu líf sitt í sölurnar til þess að koma nauðstöddum mönnum til hjálpar. Útgefandi er Fróði. Bókin Hel- nauð er prentunnin hjá G.Ben. prentstofu hf. Kápuhönnun ann- aðist Hugverkasmiðjan, Helgi Sig- urðsson. Verð bókarinnar er 2.980 krónur. ¦ Út er komin bókin Ævintýri af Eyrinni eftir Sigrúnu Birnu Birnisdóttur. Ævmtýri af Eyrinni er stutt skáld- saga. í henni er að sögn höfundar velt upp spurningunni: Hvað gerist þegar ævintýri verða í raunveruleik- anum? Þegar ung stúlka sest að á æskustöðvum sínum á Eyrinni verður veruleikinn að draumi eða draumur- inn að veruleika. Bókin er 42 blaðsíður unnin hjá Odda. Hún er gefin út af höfundi og kostar 1.254 krónur.
Beinir tenglar
