MORGUNBLAÐIÐ FIMMTUDAGUR 9. DESEMBER 1993 55 Guðbjartur Magna- son - Minning Þegar ég frétti að ég ætti ekki oftar eftir að sjá vin minn Bjart í þessu jarðlífi, birtust minningarn- ar um samveru okkar svo skýrar og ljóslifandi. Kynni okkar hófust þegar Bjart- ur og Þórey komu að austan og hófu nám í Flensborg. Það fyrsta sem ég hugsaði er ég sá þau var að mikið hlyti að búa gott fólk í Neskaupstað. Bjartur hafði mikla persónutöfra, alltaf glaður og hress og bjó yfir þeim dýrmætu mannkostum að líka vel við allt og alla. Það var alltaf gaman að setjast niður og spjalla við Bjart, oftar en ekki snerust umræðurnar um knattspyrnu. Á því sviði sem og fleirum stóð hann framarlega. Gjarnan þegar mótherjar voru að lýsa honum sem knattspyrnu- manni var talað um þennan litla dökkhærða, rosalega sprettharða. Ég var alltaf feginn að þurfa ekki að leika í vörn á móti honum því að hann var svo fljótur og leikinn. Hvers vegna svo góður drengur í blóma lífsins er tekinn frá yndis- legum lífsförunaut sínum og fjöl- skyldu er með öllu óskiljanlegt. En lífið heldur áfram og minning- in um glaðværa strákinn að austan mun lifa ofarlega í hugum þeirra sem fengu að kynnast honum á lífsleiðinni. Brosið, hláturinn og lífsgleðin voru hans einkenni og ég veit að hann vill að þannig lif- um við hin áfram. Elsku Þórey, ég votta þér inni- lega samúð mína og vqna að Guð styrki þig og styðji. Ég veit að harmur þinn og fjölskyldunnar er mikill. Bjartur minn, megir þú hvíla í friði. Birgir Össurarson. Minning Hlöðver Hlöðversson, Björgum, Köldukinn Það var haustið 1987 að ég fór austur á Hérað með nokkrum fé- lögum til að ræða stöðu félagsins „Samtaka um jafnrétti milli lands- hluta" (síðar Útvörð) og framtíð þess. Skuldir voru miklar og fram- tíðin óviss. Því hittist nýkjörin stjórn þarna um haustið til að ráða ráðum sínum undir stjórn nýkjör- ins formanns, Hlöðvers á Björgum. Þarna hitti ég Hlöðver í fyrsta sinn, og áttum við eftir að sýsla margt saman á komandi árum. Hlöðver vakti á ýmsan hátt eftir- tekt mína á þessum fundi. Yfir honum var ákveðin reisn og hann hafði ákaflega fallegt og stundum sérstakt tungutak. Á þessum fundi okkar þarna austur á Héraði í septemberbyrjun 1987 var ákveðið að hefjast handa um að endurreisa fjárhag félagsins og efla starfsemi þess. Þar var Hlöðver fremstur í flokki. Hann gekk ótrauður á fund forstjóra stærstu fyrirtækja landsins og óskaði eftir fjárstuðningi við starf- semi félagsins. Hann lagði einarð- lega fyrir þá röksemdafærslu um nauðsyn þess að breyta stjórnskip- un landsins til að efla landsbyggð- ina og ná á þann veg betra og nauðsynlegu jafnvægi í byggð landsins. Það væri forsenda fyrir því að hérlendis gæti þrifist traust og farsælt þjóðfélag. Kjarnyrt málfar og rökfesta hins þrekvaxna þingeyska bónda var á þann veg að sjaldan fór hann bónleiður til búðar úr slíkri för, enda var fjár- hagur félagsins réttur við á undra- skömmum tíma. Undir forystu Hlöðvers efldist starfsemi þess og urðu áhrif þess veruleg í almennri umræðu um byggðamál og þróun þeirra mála almennt í þjóðfélag- inu. Félagið kom á fót viðræðum við hóp alþingismánna til að flytja mál sitt. Einng var á þess vegum unnið að samantekt á fyrirkomu- lagi stjórnskipunar á hinum Norð- urlöndunum sem gefin var út í sérstakri bók. Tímaritið Útvörður var eflt og sá Hlöðver að mestu um efnisöflun í tvö tölublöð á ári hverju, ásamt því að safna í þau auglýsingum. Maður undraðist oft hverju hann áorkaði og hvað und- an honum gekk, þegar af stað var farið. Sú umræða sem átt hefur sér stað að udanförnu um nauðsyn þess að færa völd og áhrif frá miðstýrðu ríkisvaldi út til byggð- anna er án efa að hluta eftirtekja af þessu starfi, enda þótt ekki hafi það verið fyrirferðarmikið í fjölmiðlum. Eftir nokkurra ára forystu fyrir samtökin kaus Hlöðver að láta af forystu fyrir þau, enda tekinn að lýjast eftir langt dagsverk. Hlut- verki hans var þó síður en svo lokið í félagslegu samhengi. Þegar umræðan um hið Evrópska efna- hagssvæði fór að láta á sér kræla var athygli hans strax vakin og verkin látin tala. Hann varaði sterklega við því að íslensk stjórn- völd tækju þátt í þessum viðræðum og taldi þátttöku í hinu Evrópska efnahagssvæði vera andstætt hagsmunum íslands sem fullvalda ríkis. Hann varð þegar í upphafi einn af styrkustu stuðningsmönnum samtakanna „Samtök um óháð ísland", sem stofnuð^ voru til að berjast gegn því að ísland gengi hinu evrópska samfélagi á hönd. Hann gekk þegar í upphafi í farar- broddi fýrir undirskriftasöfnun um að krefjast þjóðaratkvæðagreiðslu um EES-samninginn. Arangur hans á þeim vettvangi vakti at- hygli fjölmiðla, enda vel og rösk- lega unnið. Hlöðver sat í stjórn samtakanna til dauðadags, og var ráðhollur í því starfi, enda þótt hann ætti ekki hægt umvik að sækja stjórnarfundi. Eg hitti hann síðast á aðalfundi samtakanna síðastliðið vor. Þá var greinilegt að heilsunni hafði hrakað, en krafturinn og andinn var óbilaður. Hann stappaði í fundarmenn stál- inu um að láta ekki deigan síga, enda þótt stjórnvöld hefðu hunsað kröfu 35.000 íslendinga um þjóð- aratkvæði um EES-samningana. Þrátt fyrir mikil vonbrigði um málsmeðferð alla varðandi undir- búning samninganna og endan- lega afgreiðslu þeirra, þá hvatti hann menn ótrauður til dáða. Kjarnmikið og hreint málfar hans gerði það að verkum að ræður hans vógu þyngra en ella. Það er einn af kostum þess að taka þátt í félagsstörfum, að þar kynnist maður svo ólíku og oft og tíðum gefandi fólki. Ég tel það persónulega mikinn feng að hafa kynnst Hlöðveri í Björgum á þess- um félaglega vettvangi. Kraftur hans, þrautseigja og málafylgja var á þann veg að til eftirbreytni er öðrum. Ég sendi eftirlifandi konu hans og öðrum aðstandendum bestu samúðarkveðjur. Gunnlaugur Júlíusson. + Ástkær eiginkona mín, móðir okkar, tengdamóðir og amma, TORFHILDUR ÞORVALDSDÓTTIR, Stigahlíð 41, Reykjavík, verður jarðsungin frá Fossvogskirkju föstudaginn 10. desember kl. 10.30. Þeim sem vildu minnast hinnar látnu er bent á Félag nýrnasjúkra. Ragnar Guömundsson, Þorvaldur Ragnarsson, Fanney Einarsdóttir, Jakob Ragnarsson, Guðrún Birgisdóttir, Sigurrós Ragnarsdóttir, Stefán Á. Einarsson, Svandís Ragnarsdóttir, Sigurður Sigurjónsson og barnabörn. t Móðir okkar, tengdamóðir, amma og langamma, RAGNHEIÐUR G. BACHMAIMN frá Siglufirði, sem lést á Hrafnistu 4. desember sl., verður jarðsungin frá Borgarnes- kirkju laugardaginn 11. desember nk. kl. .14.00. Þeim, sem vildu minnast hennar, er bent á Heilsugæslusjóð Hrafnistuheimil- anna. Helga S. Bachmann, Haraldur Hjartarson, Gunnar Bachmann, Bára Ragnarsdóttir, barnabörn og barnabarnabörn. + Þökkum auðsýnda samúð og vináttu vegna andláts móður okkar, AÐALHEIÐAR HALLDÓRSDÓTTUR frá Siglufirði. Jarðað var í kyrrþey að ósk hinnar látnu. Jónfna Jóhannsdóttir, Stefani'a María Jóhannsdóttir, Jóhann Heiðar Jóhannsson. ¦ FERÐAMALANEFND Reykjavíkurborgar hefur ákveð- ið að halda fimmtu ráðstefnuna í Ráðhúsi Reykjavíkur í. dag, fimmtudaginn 9. desember, kl. 15 til 19. Ráðstefnan ber yfirskriftina: Ferðamálaráðstefna Reykjavík- ur 1993: Markviss sókn - Meiri árangur. Á ráðstefnunni flytja erindi Sigurður Helgason, for- stjóri Flugleiða hf., sem ræðir um framtíðarhorfur á erlendum mörk- uðum, Arngrímur Hermannsson, eigandi Ferðaskrifstofunnar Addís hf., sem fjalla mun um ævintýra- ferðir á Islandi, og Norman C. Chumley, framkvæmdastjóri markaðssviðs Scottish Tourist Bo- ard í Skotlandi, sem fjallar um mikilvægi ferðamannaiðnaðarins þar í landi. Júlíus Hafstein, borg- arfulltrúi ogformaður ferðamála- nefndar Reykjavíkur, setur ráð- stefnuna pg að því loknu flytur Markús Örn Antonsson borgar- stjóri ávarp. Að loknum framsög- um ávarpar Davíð Oddsson for- sætisráðherra ráðstefnugesti. Ráð- stefnustjóri verður Júlíus Hafstein. ¦ LISTMARKAÐUR Hlað- varpans, sem er stærsti markaður með íslenskan listvarning, býður upp á mikið úrval af jólavörum. Opnunartími í Hlaðvarpanum verður eins og við Laugaveginn. Betri stofan er kaffihús í Hlað- varpanum. Nýir eigendur haf a tek- ið við rekstrinum. Búið er að breyta og bæta Betri stofuna. Þar er boðið upp á súpu, salatbar, pasta og osta í hádeginu og heima- bakað góðgæti með kaffinu. Verði á veitingum er mjög stillt í hóf. -Á laugardögum í desember verður á boðstólum lítið jólahlaðborð á 950 krónur. í kjallara Hlaðvarpans er jólabókamarkaður með bókum frá Bókaútgáfunni Bjarti, Smekk- leysu, Orlaginu, Birtingi, Rauða húsinu, Skýjum og Goðorði, auk bóka eftir Elísabetu Jökulsdóttur, Önnu S. Björnsdóttur, Eyvind Ei: ríksson, Hrafn Jökulsson o.fl. I porti Hlaðvarpans eru seld barr- heldin jólatré, norðmannsþinur, greinar og jólatrésfætur. ¦ SAMFOK, samband for- eldrafélaga í grunnskólum Reykjavíkur, stendur fyrir fundi í Alftamýrarskóla í kvöld, fimmtudaginn 9. desember, kl. 20.30-22. Þar verður m.a.' fjallað um foreldravaktina, skipulagðar vettvangsferðir foreldra um hverfi borgarinnar og í miðbæinn um helgar. Einnig verður rætt um útivistartíma barna og hvernig hægt sé að færa þau mál til betri vegar. + Elskuleg móðir okkar, tengdamóðir, amma og langamma, HELGA EYÞÓRSDÓTTIR, Suðurgötu 25, Sandgerði, verður jarðsungin frá Útskálakirkju föstudaginn 10. desember kl. 14.00. Jón Erlingsson, Margrét Erlingsdóttir, Ólafía Þ. Erlingsdóttir, Stefam'a Lóry Erlingsdóttir, Ingibjörg Erlingsdóttir, Sjöfn Erlingsdóttir, Jóhanna Sigurjónsdóttir, Hannes Þ. Sigurðsson, Eiríkur J. Helgason, Sigurður Einarsson, Bjarni Einarsson, Oddný S. Gestsdóttir, barnabörn og barnabarnabörn. + Eiginmaður minn, faðir okkar, tengda- faðir, afi og langafi, JÓN GUÐJÓNSSON fyrrv. brunavörður, Brúnalandi 9, verður jarðsunginn frá Bústaðakirkju föstudaginn 10. desember kl. 10.30. Blóm og kransar vinsamlegast afþakk- aðir, en þeim, sem vildu minnast hans, er bent á líknarstofnanir. Guðrún H. Karlsdóttir, Kristín Gyða Jónsdóttir, Sigrún Hulda Jónsdóttir, Bjarni Björnsson, Inga Dóra Jónsdóttir, Valur Valtýsson, Guðjón Már Jónsson, Ólafía Þ. Stefánsdóttir, barnabörn og bárnabarnabörn. + Innilegar þakkir fyrir auðsýnda samúð og hlýhug við andlát og útför móður minnar, tengdamóður og ömmu, ELÍNAR guðrúnar EINARSDÓTTUR, Goðabyggð 9, Akureyri. Sérstakar þakkir til starfsfólks í Seli, Fjórðungssjúkrahúsinu á Akureyri, fyrir frábæra umönnun. Ólöf Stefanía Arngrímsdóttir, Baldur Jónsson, Arngrímur Baldursson. Þetta er minningarkort Slysavarnafélags íslands Skrifstofan sendir þau bæði innanlands og utan. Þau fást með enskum, dönskum eða þýskum texta. SímiSVFÍer 627000. Gjaldið er innheimt með gíró.
Beinir tenglar
