#2 MORGUNBLAÐIÐ FIMMTUDAGUR 9. DESEMBER 1993 ttwnfcm mm& I ,,@rú$ans\/L-tavL. erbbkub i naesty ZO minútur." Ast er \UP^ 6-zz morgunkall unga fólksins TM Reg. u.s Pal Oft.—all ríghts reserved e 1993 Los Angeles Times Syndicate Og nú kemur aðalatriðið: sóló. HOGNI HREKKVISI ,ttAMKi rdiOl i FYf?STA5lNN A pESSU H3ÓU." BREF TIL BLAÐSINS Kringlan 1 103 Reykjavík - Sími 691100 - Símbréf 691329 Kripalujóga - leið til betri heilsu Frá Ásmundi Gunnlaugssyni: Það hefur varla farið framhjá neinum sú vakning sem orðið hef- ur á síðari árum í heilsu- og lík- amsrækt af ýmsu tagi. Fólk hefur í vaxandi mæli farið að temja sér hollari lífshætti og stundað íþrótt- ir og er þetta vissulega ánægjuleg þróun. Þó er það svo að mörgum sem þetta stunda fínnst eitthvað vanta. Þeim finnst þeir ekki ná fullkom- lega að losna við innri streitu og óróleika, hversu mikið sem þeir æfa og borða holla fæðu. Samkvæmt kenningum Yogi Amrit Desai (Gurudev) sem er höfundur og upphafsmaður krip- alujóga, er órjúfanlegt samband milli hugar og líkama. Ýmislegt sem við verðum fyrir á lífsleiðinni vérður til þess að trufla orkuflæði líkamans. Þetta leiðir smám sam- an til þess að í huga okkar og lík- amá myndast fyrirstöður eða hindranir sem trufla „eðlilegt" orkustreymi um líkamann. Ástundun kripalujóga stuðlar að því að fjarlægja þessar tak- markanir hugar og líkama, við það lagast orkustreymið um líkamann sem stuðlar að heilbrigði og vellíð- an. Góð líkamleg heilsa og vellíðan eru hins vegar engan veginn loka- punktur í kripalujóga, heldur bara byrjunin, því með staðfastri ástundun leysist þvílík orka úr læðingi í líkamanum að það opnar þér ótakmarkaða möguleika. Yogi Amrit Desai segir: „Falinn í huga okkar og líkama er ægikraftur lífsorkunnar, (prana á sanskrít). Þegar þessi orka hefur verið vakin getur hún gerbreytt lífi þínu. Hún er öllum jafn að- gengileg, þó hafa mjög fáir kom- ist að leyndardómnum, hvernig á að vekja og virkja þessa orku. Flestir sem hafa notað þessa orku hafa fundið hana með innsæi og einungis örfáir notað hana á með- vitaðan hátt. Þar til nýlega var þekkingin til að vekja og beisla þessa orku leyndarmál, sem aðeins örfáir meistarar Indlands þekktu. Kripalujóga sameinar þessa æva- fornu vitneskju í auðveldu kerfi sem miðar að því að vekja þessa orku innra með þér og hjálpa þér að nýta þína æðstu möguleika." Jafnvel á fyrstu stigum í krip- alujóga byrjar fólk að fínna fyrir miklum orkubreytingum. Það hef- ur betri heilsu, meiri líkamsstyrk og úthald, meiri sköpunarhæfi- leika ásamt samkennd og kær- leika. ÁSMUNDUR GUNNLAUGSSON, lærisveinn Yogi Amrit Desai og félagi i Heimsljósi, félagi áhuga- fólks um kripalujóga. Biðlund leigu- bílsíjóra á þrotum Frá Jóni Stefánssyni: Leigubílstjórar hafa verið í deilum við nokkra greiðabílstjóra í nokkur ár, en nú er sinnuleysi stjórnvalda að koma fram í þessum málum. Nú er hinn almenni borgari farinn að stunda leiguakstur, án tilskilinna réttinda. Afleiðingin er að koma í ljós, t.d. atburðinn í Lækjargötu þann 21. nóvember, þar sem tveir voru stungnir með hnífi þegar sló í brýnu milli farþega og bílstjóra er stunda ólöglegan leiguakstur. Þar hefði getað farið verr. Er þetta frjálsræðið sem fólk vill hafa hér á landi? Þú veist ekki hvaða uppákomum þú átt von á eða hvort þú komist lifandi úr ökuferð. Þetta er þróunin í öðrum löngum þar sem leigubílaakstur er gefinn frjáls, þótt sumir vilji ekki viðurkenna það. Hvað þarf til að opna augu ráða- manna, mannslát eða einhvern voðaatburð? Er mannslíf ekki meira metið en þetta hjá ráðamönnum þjóðarinnar? Leigubílstjórar hafa kvartað mik- ið við lögregluna og benda á þessa þróun, en það er ekki við hana að sakast, þar sem hún er búin að taka margar lögregluskýrslur um þessi mál, en það hefur bara ekkert komið út úr þessum skýrslum. Hvar ætli allar þessar skýrslur séu stað- settar í kerfinu nú? Lögreglan vísar á dómsmálaráðuneytið. Ekki veit ég hvort dómsmálaráðuneytið hafi skilað úrskurði í þessum málum, en leigubílar tilheyra samgöngu- ráðuneytinu og ef ágreiningur kem- ur upp á samgönguráðuneytið að skera úr um það. Það skyldi þó ekki vera ágreiningur á milli ráðu- neytanna sem koma sér ekki saman um niðurstöðu (þ.e; samgöngu- og dómsmálaráðuneyti)? Eru leigubíl- stjórar bitbein ráðamanna þar sem fram fara póljtísk hrossakaup? Á meðan aka greiðbílstjórar og aðrir fólki gegn gjaldi í skjóli stjórnvalda sem eiga að sjá til þess að lög þessa lands séu virt. . Það er á fleiri stöðum sem sótt er í vinnu okkar leigubílstjóra, t.d. bílaleigurnar, rúturnar og hótelin sem hafa farin inn á verksvið leigu- bíla. Þetta vita stjórnvöld og er bið- lund leigubílstjóra á leiðréttingu á þessum málum senn á þrotum. Er verið að drepa niður leigubíl- stjórastéttina í þeirri mynd sem hún er í dag? JÓN STEFÁNSSON, leigubílstjóri. Víkverji skrifar Reykjavík er ung borg í saman- burði við flestar aðrar höfuð- borgir Evrópu. Hún er jafnframt höfuðborg lítillar þjóðar sem ekki hafði úr neinum þjóðarauði að ráði að spila fyrr en á síðari hluta þess- arar aldar. Reykjavík státar því ekki af neinum fornum, glæsilegum byggingum, miðaldakirkjum eða höllum líkt og flestar aðrar borgir Evrópu. Þau hús sem endurspegla hina gömlu Reykjavík eru litlar, lágreistar byggingar, oft úr timbri, á borð við Fógetahúsið, Viðeyjar- stofu, Torfuna og Dómkirkjuna. En þetta eru hús með sögu, hjarta og sjarma ólíkt mörgum síðari tíma byggingum. Það viðhorf virðist eiga ríkan hljómgrunn meðal ákveðinna kyn- slóða að gamlar byggingar, ekki síst byggingar úr tímbri, séu lýti á Reykjavík. Haugur danskra fúa- spýtna sem ekki sé íslensku þjóð- inni bjóðandi eftir að hún komst í álnir og gat byrjað að byggja sér híbýli úr steinsteypu. Keimlíkt við- horf var ríkjandi í Austur-Evrópú sósíalismans og náði líklega há- marki hjá þeim Stalín í Sovétríkjun- um og Ceaucescu í Rúmeníu. Báðir létu þeir jafna gamlar byggingar við jörðu, sem voru ekki samboðnar hinni nýju þjóðfélags- gerð, og létu reisa nýjar „glæsihall- ir" í staðinn. Víkverji þriðjudagsins virðist hafa svipaðar skoðanir. Það að Ingólfstorg (Hallærisplanið) hafi verið hellulagt telur hann eiga eftir að verða til þess að „kröfur um niðurrif gamalla timburhúsa og bygging nýrra húsa við Ingólfstorg [hljóti] að fá byr undir báða vængi". Væntanlega er þarna átt við sögu- fræg hús á borð við Hótel Vík. Hvar værum við eiginlega stödd ef þessi sjónarmið fengju að ráða ferðinni? Líklega hefði vestur- og miðbær Reykjavíkur auk Þing- holtanna fyrir löngu orðið fórnar- lamb jarðýtna og í staðinn verið byggð eins konar eftirlíking af Ár- múlanum eða Breiðholti. Miðbærinn væri orðinn að einum allsherjar Kópavogi! Við megum ekki gleyma því að þó að mörg hús í gamla bænum hafi verið byggð af litlum efnum og þeim ekki verið haldið við sem skyldi geyma þau sögu borgar okkar. Sögu sem okkur ber skylda til að varðveita fyrir börn okkar og barnabörn. Raunar lýsa sum þeirra stórhug síns tíma er ráðist var í að reisa fallega skreytt- ar byggingar þó ekki væri miklum fjármunum fyrir að fara. Auðvitað hafa verið gerð mörg byggingarmistök í gamla bænum líkt og annars staðar. Fallegar byggingar hafa verið eyðilagðar með hörmulegum viðbyggingum eða mislukkuðum breytingum. Reykjavík yrði fallegri borg fyrir vikið ef gerð yrði gangskör að því að grisja miðbæinn, rífa draslið þannig að hinar gömlu og fallegu byggingar fái að njóta sín. Bendir Víkverji réttilega á húsaröðina á milli Austurstrætis og Austurvallar sem dæmi um byggingar er vel mættu missa sín og vissulega eru ekki allar byggingar við Ingólfstorg augnayndi, að minnsta kosti ekki í núverandi mynd. Grjótaþorpið er hins vegar lýsandi dæmi um hvern- ig samsafni „ónýtra" kumbalda og kofa hefur verið breytt í eina skemmtilegustu húsaþyrpingu borgarinnar. Hann er hins vegar á villigötum er hann segir mörg gömlu húsin nánast ónothæf fyrir verslanir „þar sem fúkkalyktin tekur á móti þeim sem inn koma, og ekki líkleg til að vekja áhuga á viðskiptum". Vík- verja þriðjudagsins skal bent á að fúkkalykt segir oftast meira um húsráðendur en húsið sjálft þó svo að óhaggað standi að lykt af þessu tagi verði varla til að örva áhuga á viðskiptum. Breytingarnar á Ingólfstorgi, sem um margt eru ágætlega heppn- aðar, ættu ekki að verða hvati til niðurrifs heldur uppbyggingar þannig að myndist vin í hjarta mið- bæjarins þar sem borgarbúar jafnt sem ferðamenn geta notið þess að vera. .
Beinir tenglar
