Morgunblaðið - 04.01.1994, Blaðsíða 59

MORGUNBLAÐIÐ ÞRIÐJUDAGUR 4. JANÚAR 1994
59
Anna Kristín Bjöms-
dóttír — Minning
Fædd 23. ágúst 1908
Dáin 25. desember 1993
A jóladagsmorgun fékk Anna
Björns að kveðja þennan heim.
Eftir löng og erfið veikindi er hvíld-
in kærkomin og hvað er fallegra
en að kveðja á sjálfum jólunum.
Önnu Kristínu Björnsdóttur,
Önnu Björns, hef ég þekkt í þau
23 ár sem ég hef, liðað. Og þó að
þetta sé ekki langur tími, þá fékk
ég að kynnast því hve góð kona
hún var. Þegar ég var lítil og var
hjá Dísu ömmu á Bökkunum, þá
kom Anna þar daglega með handa-
vinnuna sína sem hún skildi aldrei
við sig. Enda Iiggja eftir hana ótelj-
andi hlutir sem hún saumaði,
ptjónaði eða heklaði — og gaf svo.
Mörg eru þau dúkkuföt sem lítil
stúlka fékk, innkaupapokar til að
hafa í sendiferðum fyrir ömmu og
óteljandi smáhlutir sem gaukað var
að manni.
Ég man að mér fannst það skrít-
ið þá, að þær Anna og amma sögð-
ust vera vinkonur. Mér fannst að
bara litlar stelpur væru vinkonur,
en ekki gamlar konur. En betri
vinkonur hef ég aldrei vitað og
traustur er sá vinskapur sem end-
ist frá æsku til elli.
Elsku Anna, það er svo margs
að minnast en svo að koma því
niður á blað. Þú gafst mér svo
mikið með því að vera hluti af
æsku minni á Bökkunum. Síðust
árin, þegar þú áttir svo erfitt, hefði
ég getað verið miklu duglegri að
heimsækja þig og gefa þér eitthvað
af tíma mínum, sem ég gat alltaf
fengið áður hjá þér.
Eg get ekki tíundað ævi Önnu
Bjöms, en hún var sértök kona sem
allt sitt líf hugsaði mest um aðra,
en minnst um sig sjálfa. Mér er
það mikils virði að hafa fengið að
kynnast þessum óeigingjarna
hugsunarhætti, sem við getum
lært svo mikið af í dag.
Kæri Daníel, þú sem hefur ekki
vikið frá systur þinni frá því hún
veiktist. Nú er stórt skarð í þínu
lífí. Guð geymi þig og aðra ætt-
ingja ykkar. Við getum öll verið
viss um að loksins fær Anna Björns
þann frið sem þá hvíld sem hún á
inni að lokinni langri ævi.
Dýrmæta andans auðlegð þú
áttir, sem pð þér ljeði.
Ég sá hana skína í sælli trú
síðast á dánar beði.
Af öllu hjarta ég ann þér nú
hinnar eilífu jólagleði.
(Ólína Andrésdóttir.)
Anna Málfríður.
þjós hefur slokknað. Ljós, sem
áður skein bjart og veitti gleði og
ánægju. Ljós, sem alla tíð hafði
öðru fremur það hlutverk að lýsa
öðrum. Ljós, sem síðustu árin dofn-
aði en veitti þó birtu á sinn hátt.
Ljós, sem slökknaði að morgni síð-
astliðins jóladags. Þetta ljós var
hún Anna Kristín Björnsdóttir, sem
þá kvaddþ okkur eftir langvarandi
veikindi. Ég vil við leiðarlok minn-
ast hennar með nokkrum orðum.
Anna var fædd á Hólum í Reyk-
hólasveit og var næstyngst 14
systkina._ Foreldrar hennar voru
hjónin Ástríður Brandsdóttir úr
Reykhólasveit og Björn Björnsson
frá Klúku, en þau bjuggu alla sína
tíð á Hólum. Af systkinunum 14
dóu fjögur ung, tíu komust á legg
og í dag lifir aðeins eitt þeirra,
þ.e. það yngsta, Sæmundur. Heim-
ilið á Hólum í þá daga mun hafa
verið dæmigert sveitaheimili þar
sem allir lögðust á eitt við að afla
nauðsynja og tókst vel, með dugn-
aði og þrautseigju. Ástríður
Brandsdóttir var eitt fjögurra
systkina og voru miklir kærleikar
með henni og systkinum hennar.
Bróðir hennar, Sigmundur Brands-
son, jámsmiður, bjó þá á ísafirði
ásamt konu sinni, Júlíönu Óladótt-
ur og voru þau hjónin barnlaus.
Það varð úr, að Sigmundur og
Júlíana tóku Önnu í fóstur og sex
mánaða gömul kom hún með fóstra
sínum til nýrra heimkynna við
Tangagötu 20 á ísafirði. Aðstæður
á heimilinu áttu aldeilis eftir að
breytast því árið 1916 fæddust
hjónunum tvíburarnir Óli og Daní-
el og árið 1917 dóttirin Ásta. Enn
breyttust aðstæður, því 30. mars
árið 1919 féll Sigmundur frá á
besta aldri og stóð þá Júlíana ein
uppi með þijú lítil börn auk Önnu.
Mun Önnu þá hafa staðið til boða
að snúa til baka til síns uppruna-
lega heimilis en ekki tekið í mál
að yfirgefa fóstru sína við þessar
aðstæður. Bjó hún eftir þetta með
fóstru sinni og var hennar stoð og
stytta við uppeldi yngri barnanna
og eiga systkinin henni mikið að
þakka frá þessum árum. Júlíana
lést árið 1951. Árin 1945-6 höfðu
bræðurnir Óli og Daníel, sem báð-
ir voru lærðir trésmiðir, byggt
nýtt hús við Eyrargötu 3, en þang-
að hafði fjölskyldan flutt árið 1946.
Eftir lát Júlíönu hélt Anna heimili
með bræðrunum þar til þeir festu
ráð sitt, en átti sitt heimili engu
að síður eftir það einnig að Eyrar-
götu 3. Eftir að Daníel missti konu
sína árið 1971, héldu þau Anna
saman heimili meðan henni entist
heilsa, en Anna giftist ekki og átti
ekki börn. Anna stundaði ýmis
störf, sem til féllu á sínum yngri
árum. Um margra ára skeið vann
hún við saumaskap, m.a. hjá
saumastofu Einars og Kristjáns á
ísafirði. Hún var snillingur í hönd-
unum og bera ýmsar hannyrðir,
sem eftir hana liggja, því fagurt
vitni. Á yngri árum þótti hún mjög
liðtæk í íþróttum, m.a. fimleikum,
og þá hafði hún einnig yndi af
hjólreiðum og fór víða — stundum
langar vegalengdir — á hjólinu
sínu. Hún starfaði mikið að slysa-
varnamálum og var heiðursfélagi
Kvennadeildar Slysavarnafélags-
ins á ísafirði. Anna var alla tíð
heilsuhraust þar til hún varð fyrir
áfalli árið 1984, sem hún með
dugnaði náði sér að nokkru eftir,
en í maí 1988 dundi annað og sýnu
verra áfall yfir. Eftir ])að dvaldi
hún á Sjúkrahúsinu á Isafirði (að
undanskildum nokkrum vikum á
Grensásdeild í Reykjavík) allt þar
til yfir lauk. Naut hún þar af-
bragðsgóðrar aðhlynningar og
hlýju og er hjúkrunarfólki, læknum
og öðrum, er vitjuðu hennar hér
færðar bestu þakkir fyrir alla
umönnun hennar. Þá hefur Daníel
bróðir hennar með einstakri alúð
og hlýju heimsótt hana nánast
daglega og ástundað í öllum henn-
ar veikindum, svo að eftir hefur
verið tekið. Þáttur Daníels verður
enn mikilvægari þegar litið er til
þess að þau Anna voru ein eftir
af fjölskyldunni búsett á ísafirði,
þegar Anna veiktist.
Mín fyrstu kynni af Önnu voru
árið 1977, er ég kom í fyrsta sinn
í heimsókn til þessara „uppáhalds-
frænku“ konu minnar, sem reynar
ber nafn hennar. Móttökurnar voru
hlýjar og ég átti síðar eftir að
kynnast ýmsum eiginleikum í
hennar fari. Gjafmildi hennar,
einkum gagnvart börnum, var ein-
stök. Hún hafði nokkuð sérstakan
húmor og gat tekið hlutunum létt
jafnframt því að vera nokkuð dóm-
hörð, ef henni fannst við eiga.
Öðru fremur er mér þó minnisstæð
hin sífellda viðleitni hennar til að
gjöra öðrum gott.
Guð blessi minningu Önnu Krist-
ínar Björnsdóttur.
Guðmundur Jóelsson.
lleykjavík
Bókabúðin Grafarvogi,
Hverafold 1 - 3.
Bókabúð Máls og menningar,
Laugavegi 18.
Bókabúð Máls og menningar,
Sfðumúla 7 - 9.
Bókabúð Æskunnar
Laugavegi 56.
Bókahomið
Laugavegi 100.
Penninn, Austurstrœti.
Penninn, Hallarmúla.
Prentsmiðjan Oddi, söludeild,
Höjðabakka 3 - 7.
Skólavörubúðin,
Laugavegi 166.
Versl. Björn Kristjánsson,
Vesturgötu 4.
Akranes
Bókaskemman,
Stekkjarholti 8 -10.
Bókaverslunin Andrés
Nielsson.
Bíldudalur
Verslunin Edinborg hf.
Grindavík
Bókabúð Grindavíkur,
Víkurbraut 62.
Egilsstaðir
Bókabúðin Hlöðum, Fellabœ.
Eskifjörður
Pöntunarfélag Eskfirðinga,
Strandgötu 50.
S0Í
EGLA bréfabindi
SÖLUAÐILAR
Grundarfjörður
Hrannarbúð, Hrannarstíg 5.
Ilellissandur
Verslunin Gimli,
Snafellsási 1.
Húsavík
Örk, offsetstofa
Héðinsgötu 13.
ísafjörður
Bókaverslun Jónasár
Tómassonar, Hqfnarstrœti 2.
Keflavík
Bókabúð Keilavíkur,
Sólvallagötu 2.
Nesbók, bóka og
ritfangaverslunin
Hafnargötu 36.
Neskaupstaður
Nesprent, Nesgötu 7a.
Itaufarhöf'n.
Bókabúðin Urð,
Tjarnarholti 9.
Sauðárkrókur
Bókabúð Brynjars,
Skagfirðingabraut.
Sigfufjörður
Verslun Sig. Fanndal,
Eyrargötu 2.
Stöðvarfjörður
Bókaverslun Guðmundar
Bjömssonar, Vengi.
Kópavogur
Hvellur hf. Smiðjuvegi 4c.
Múlalundur
Vinnustofa SÍBS
Símar: 628450 688420 688459
Fax 28819
Creiöslujöfnun alll áriö:
Ailt frá blaðaáskrift til
greiðslu húsnœðislána
HEIMILISLINAN
®BUNAOARBANKI
ÍSLANDS