Morgunblaðið - 07.04.1994, Blaðsíða 10

10
MORGUNBLAÐIÐ FIMMTUDAGUR 7. APRIL 1994
Karlakórinn Stefnir
Tónlist
Jón Ásgeirsson
Karlakórinn Stefnir hélt tón-
ieika fyrir páska (30. mars) í Bú-
staðakirkju, undir stjórn Lárusar
Sveinssonar en hann hafði sér til
aðstoðar Ingibjörgu Marteinsdótt-
ur sópransöngkonu og Sigurð
Marteinsson píanóieikara en auk
þeirra léku á harmoníkur nokkrir
úr Félagi harmoníkuunnenda og
slagverksmenn úr Skólahljómsveit
Mosfellsbæjar. Á efnisskránni
voru íslensk og erlend karlakórs-
lög, kórþættir úr óperum og söng-
leikjum og síðast rússnesk þjóð-
lagasyrpa fyrir karlakór og harm-
oníkuhijómsveit.
Meðal hefðbundinna karlakórs-
laga má nefna ágætt lag eftir
Karl 0. Runólfsson, Syng þú gleð-
innar óð, þá íslenska þjóðlagið
Undir bláum sólarsali, sænsku
þjóðlögin Ríðum sveinar senn og
Til austurheims vil ég halda og
eitt af ágætum lögum Sigvalda
Kaldalóns, Ég gleymi því aldrei.
Kórinn söng þessi lög smekklega
en ekki var ávallt gott jafnvægi á
milli raddanna og tónstaðan á
stundum svolítið reikul. Tenórana
vantaði að styðja betur við tóninn,
einkum á efra tónsviðinu í veikum
söng, sem vel er hægt að bæta
með kennslu í raddbeitingu, en
slíkt tekur þó nokkurn tíma að
þjálfa.
Ingibjörg Marteinsdóttir söng
Augun þín eftir Gunnar Thorodd-
sen og Vieni sul mar og var söng-
ur hennar mjög vel framfærður
og naut hún sín raddlega mjög vel
í ítalska þjóðlaginu. Á efnisskránni
voru tveir kórar eftir Wagner, sem
hefur verið kjörinn sem Lýðveldis-
afmælistónskáld íslendinga, er þar
um að ræða Pílagrímakórinn úr
Tannhauser og kór norsku háset-
anna, sem er hluti af 8. leikatriði
óperunnar Hollendingurinn fljúg-
andi. Pílagrímakórinn er erfitt
söngverk, einkum miðþátturinn,
sem er krómatískur, og var tón-
staðan þar oft nokkuð tæp. Auk
þess var píanóleikurinn um of ein-
faldaður, svo að þar glataðist
nokkuð af svip verksins. Háseta-
kórinn var hressilega sunginn,
með fullum rómi og góðri tón-
stöðu.
Eftir hlé var slegið á léttari
strengi og meðal laga var Vókalísa
eftir Chenoweth, sem Ingibjörg
Marteinsdóttir söng vel, en bestur
var þó söngur hennar í aukalagi,
sem var Viljaljóðið úr Kátu ekkj-
unni eftir Léhár. Þar var Ingibjörg
í essinu sínu og söng þetta
skemmtilega lag mjög vel.
Á milli Don og Volgu heitir la-
gaflokkur, ágætlega unninn af
Adolf Götz, sérstaklega fyrir Félag
harmoníkuunnenda, og mátti þar
heyra mörg stef, sem sungin eru
um allan heim, lög eins og Svörtu
augun og Söng feijumanna á
Volgu. Harmoníkan er fallega
hljómandi hljóðfæri og var leikur
harmoníkufélaganna í heild góður
en á stundum nokkuð óstyrkur.
Það var góð skemmtan að þessu
tiltæki og vei mættu íslenskir
karlakórar sækja sér meira efni
að austan, því þar blómstraði
karlakóramenntin með miklum
glæsibrag.
Karlakórinn Stefnir, undir
stjórn Lárusar Sveinssonar, er
vaxandi söngflokkur og með meiri
söngþjálfun gæti kórinn náð því
sem á vantar í raddstuðningi og
þar með getu manna til að halda
í við tónstöðuna í vandmeðförnu
tónferli.
Adalbert Skocic
Norræna húsið
Helmut Hödl
Tónleikar Klarínettu-
tríós Vínarborgar
Nýjar bækur
■ Út er komið ritið Páll Jóns-
son Skálholtsbiskup. Nokkrar
athuganir á sögu hans og kirkju-
stjórn eftir Sveinbjörn Rafnsson,
prófessor í sagnfræði við Háskóla
Islands. Það er 33. bindi í ritröð-
inni Ritsafn Sagnfræðistofnunar
sem Sagnfræðistofnun Háskóla
Islands gefur út, en ritstjóri henn-
ar er Guðmundur Hálfdánarson
dósent. Páll Jónsson var biskup í
Skálholti á árunum 1195-1211 og
er í fyrsta og lengsta kafla ritsins
er fjallað um sögu hans, heimildir
hennar, ritunartíma, höfund og til-
efni. Sagan sjálf, Páls saga bisk-
ups, er þar gefin út með íslenskri
nútímastafsetningu. í öðrum kafla
ritsins er fjallað um skrá sem Páll
biskup lét gera um kirkjur í Skál-
holtsbiskupsdæmi laust eftir 1200.
Þá er í ritinu þýðing á páfabréfi
til íslands frá árinu 1198 í biskups-
tíð Páls og loks stuttur kafli um
bagal Páls biskups eða biskupsstaf
sem fannst í gröf hans við forn-
leifarannsóknir 1954.
Ritið er 137 bls. að stærð,
myndskreytt og með útdrætti á
ensku.
■ íslenski kiljuklúbburinn hef-
ur sent frá sér fjórar nýjar bækur:
Raddir í garðinum er endur-
minningabók eftir Thor Vil-
hjálmsson. Þar bregður hann upp
myndum af fólki sem að honum
stendur og stóð honum næst. Bók-
in er 193 bls.
Hús andanna eftir chilesku
skáldkonuna Isabel Allende fór
sigurför um heiminn þegar hún
kom fyrst út fyrir rúmum áratug.
Bille August hefur gert kvikmynd
eftir sögunni sem vakið hefur
mikla athygli og er nú sýnd hér á
landi. Thor Vilhjálmsson þýddi
bókina sem er 427 bls.
Póstjarnan er spennusaga eftir
Martin Cruz Smith. Fyrrum
rannsókarlögreglumaður frá
Moskvu, hefur misst flokksskír-
teinið sitt og gerir að fiski í so-
vésku verksmiðjuskipi í Berings-
hafí. Eina nóttina gerast uggvæn-
legir atburðir. Matthías Magnús-
son þýddi bókina sem er 354 bls.
Pan er ein fraégasta skáldsaga
norska rithöfundarins Knuts
Hamsuns, en á þessu ári eru liðin
hundrað ár frá frumútgáfu henn-
ar. Bókin er að forminu til minnis-
blöð Glahns liðsforingja sem býr
einn úti í skógi með hundinum
sínum. Jón Sigurðsson frá Kald-
aðarnesi þýddi bókina sem er 230
bls.
Bækurnar kosta 799 krónur
hver.
■ Út er komin bókin Að skoða
málverkið - 100 meistaraverk
myndlistarsögunnar eftir Jean-
Christophe Bailly. Þar er boðið
í gegnúm sögu málaralistarinnar
með eitt hundrað áningarstöðum
allt frá myndum í Lascaux-hellum
til strangflatarlistar Mondrians.
„Það er sem sagt byijað á þeirri
myndlist sem fjærst okkur er í
tíma og endað á morgni nútíma-
listar, skömmu fyrir okkar samt-
íð,“ segir í kynningu útgefanda.
Andspænis hverri mynd er at-
hugagrein sem ætlað er að varpa
fram spurningum og benda á
ýmis atriði sem staðsetja viðkom-
andi mynd í myndlistarsögunni.
Útgefandi er Mál og menn-
ing. Sigurður Pálsson þýddi
bókina, sem er rúmar 200 bls.,
litprentuð í stóru broti. Bókin
er bók mánaðarins í apríl og
kostar þá 3.980 krónur en eftir
það 5.640 krónur.
KLARÍNETTUTRÍÓ Vínarborgar
heldur tónleika í Norræna húsinu
föstudaginn 8. apríl kl. 20.30.
Klarínettutríóið kemur hingað til
lands í tilefni þýskukennaradaga
sem haldnir eru í fyrsta sinn í
Reykjavík 8. og 9. apríl. Tríóið
kemur hingað í boði austurríska
menntamálaráðuneytisins.
I fréttatilkynningu segir: „Tríóið
var stofnað árið 1989 af þremurtón-
listarmönnum, sem allir eiga rætur
sínar að rekja til hefðbundinnar vín-
artóniistar. Aliir hafa þeir getið sér
góðs orðs á ulþjóðlegum vettvangi,
sem kammertónlistarmenn og ein-
leikarar. Verkin sem þeir flytja eru
jafnt sígild vínartónlist sem tónlist
20. aldar.
Á efnisskrá eru verk eftir Johann-
es Brahms: Sónata fyrir selló og
píanó í e-moll op. 38, Sónata fyrir
klarínett og píanó í es-dúr op. 120
og Tríó fyrir klarínett, selló og píanó
í a-moll op. 114.
Píanóleikarinn Adrian Cox er
fæddur í London. Hann lauk námi
frá Ríkisakademíunni í Vínarborg
með fyrstu ágætiseinkunn. Frá 1978
hefur hann kennt píanóleik við Ríkis-
akademíuna. Einnig hefur hann hald-
ið meistaranámskeið í kammertónlist
og píanóleik í Evrópu og Japan.
Sellóleikarinn Adalbert Skocic er
fæddur í Mannheim. Hann lærði við
Ríkisakademíuna í Vínarborg þar
sem hanr. lauk prófi með fyrstu
ágætiseinkunn. Að því loknu hélt
hann áfram námi-í sellóleik hjá Main-
ardi og Navarra. Hann hefur verið
selióleikari í 20 ár við Ríkisóperuna
Adrian Cox
í Vínarborg og við Fílharmóníusveit-
ina í Vínarborg. Nú kennir hann
sellóleik við Tónlistarskólann í Vínar-
borg. Adalbert Skocic hefur einnig
haldið mörg námskeið í sellóleik og
kammertónlist í Austurríki og Japan.
Klarínettuleikarinn Helmut Hödl
er fæddur í Austurríki og stundaði
nám vi_ð Ríkisakademíuna í Vínar-
borg. Árið 1988 hlaut hann fyrstu
verðlaun Alban Berg stofnunarinnar
og vann til fyrstu verðlauna í sam-
keppni Fílharmóníuhljómsveitar Vín-'
arborgar. Auk þess að vera einn af
meðlimum Klarínettutríósins leikur
hann með Vínarkvintettnum. Árið
1993 varð hann einleikari við Þjóð-
aróperuna í Vínarborg.
Áðgangur að tónleikunum er
ókeypis.
Hjallabraut - Hafnarfirði
Til sölu falleg 3ja-4ra herb. íbúð á 1. hæð. Húsið er
nýklætt að utan á varanlegan hátt. Gott innra skipulag.
Nýslípað parket. Nýinnréttað baðherb. Yfirbyggðar sval-
ir. Eignin er laus nú þegar. Verð aðeins 6,5-6,7 millj.
Upplýsingar í síma 682904 og hjá
Valhús, fasteignasölu, sími 651122.
DAGBÓK
FÉLAGSSTARF aldraðra
Hraunbæ 105. Á morgun kl. 9
bútasaumur og hárgreiðsla. Kl.
14 félagsvist, kaffiveitingar og
verðlaun.
KVENFÉLAGIÐ Bylgjan heldur
fund í kvöid í Borgartúni 18 kl.
20.30. Spilað verður bingó.
FÉLAG eldri borgara í Reykja-
vík og nágrenni Bridskeppni,
tvímenningur kl. 13 í dag í Ris-
inu, Hverfisgötu 105.
FÉLAGSSTARF aldraðra
Hafnarfirði. Opið hús verður í
dag kl. 14 í íþróttahúsinu Hafnar-
firði, Strandgötu 14. Dagskrá í
umsjón JC Hafnarfjörður.
REIKI-HEILUN. Opið hús í
kvöld kl. 20 í Bolholti 4.
FLÓAMARKAÐSBÚÐIN,
Garðastræti 2, er opin þriðju-
daga, fimmtudaga og föstudaga
frá kl. 13-18._________
JC HAFNARFJÖRÐUR heldur
félagsfund í Dalshrauni 5, 2.
hæð, kl. 20.15. Gestur fundarins
er Magnús Skarphéðinsson og
flytur erindi um gesti utan úr
geimnum. Allir velkomnir.
KIRKJUSTARF
ÁSKIRKJA: Opið hús fyrir alla
aldurshópa í dag kl. 14-17.
BÚSTAÐAKIRKJA: Mömmu-
morgunn kl. 10.30.
HÁTEIGSKIRKJA: Starf fyrir
10-12 ára börn kl. 17. Kvöldsöng-
ur með Taizé-tónlist kl. 21. Kyrrð,
íhugun, endurnæring.
LANGHOLTSKIRKJA: Vina-
fundur kl. 14-15.30 í safnaðar-
heimilinu. Umfjöllunarefni: Efri
árin og þær breytingar sem verða
á högum fólks þegar aldurinn
færist yfir. Leiðbeinandi Sigrún
Gísladóttir, framkvæmdastj. Elli-
málaráðs. Aftansöngur kl. 18.
LAUGARNESKIRKJA: Kyrrð-
arstund kl. 12. Orgelleikur, altar-
isganga, fyrirbænir. Léttur máls-
verður í safnaðarheimili að stund-
inni lokinni. Starf fyrir 10-12 ára
í dag kl. 17. __________
BREIÐHOLTSKIRKJA:
Mömmumorgunn föstudag kl.
10-12.
FELLA- og Hólakirkja: Æsku-
lýðsfundur 10-12 ára kl. 17 í dag.
KÁRSNESSÓKN: Starf með
eldri borgurum í safnaðarheimil-
inu Borgum í dag kl. 14-16.30.
SELJAKIRKJA: Frímerkja-
klúbbur í dag kl. 17.
HJALLAKIRKJA: Opið hús fyrir
eldra sóknarfólk í dag kl. 14-17.
Umsjón: Anna Sigurkarlsdóttir.
GRAFARyOGSKIRKJA: Dr.
Siguijón Árni Egilsson, héraðs-
prestur, flytur erindi í kvöid kl.
20.30 er hann nefnir: Siðferðileg-
ur grundvöllur fjölskyldu og
hjónabands. Kaffi og veitingar.
Allir velkomnir.
SKIPIN__________________
REYKJAVÍKURHÖFN:
í fyrradag komu Brúarfoss,
Óbolon, Helgafell og Mekka
Artica sem fór aftur samdægurs.
Frithjof fór og einig Kyndill og
Arni Friðriksson. í gær kom
Viðey og fór aftur samdægurs.
Bakkafoss og Herkúles 1 komu
og einnig Tinka Artica sem kom
með sjúkan farþega og fór aftur
samdægurs. Von var á að Rex
og Múlafoss færu í gær og að
Brúarfoss og Örfirisey kæmu
af veiðum. Herkúles fór í gær. í
dag er von á Víði RE og Metta
Klipper.
HAFNARFJARÐARHÖFN:
í fyrradag fóru Strong Icelander
og Kyndill sem fór á strönd. í
gær kom Lagafoss að utan.