Morgunblaðið - 20.11.1994, Blaðsíða 2

2 SUNNUDAGUR 20. NÓVEMBER 1994
MORGUNBLAÐIÐ
FRÉTTIR
Morgunblaðið/Sverrir
Flokksráðsfundur Sj álfstæðisflokksins
Á FLOKKSRÁÐSFUNDI Sjálfstæðisflokksins, sem haldinn var í gær, var fjallað um atvinnu, kjara-
og efnahagsmál. Davíð Oddsson forsætisráðherra ávarpaði fundinn og Friðrik Sophusson fjármála-
ráðherra kynnti drög að stjórnmálaályktun. í lok fundarins var stjórnmálaályktun afgreidd.
Hagnaður ISAL stefnir
í 500 milljónir í ár
HAGNAÐUR ÍSAL gæti stefnt í um
500 millj. kr. á þessu ári að óbreyttu,
að sögn Rannveigar Rist, talsmanns
fyrirtækisins. Hagnaður sé þó háður
hækkunum á aðföngum eins og raf-
magni og hvort heimsmarkaðsverð á
áli haldist hátt. Um 6-8 ár taki að
vinna upp taprekstur fyrirtækisins
seinustu þijú ár. Heimsmarkaðsverð
á áli hækkaði á föstudag í 1.975
dali, sem er hið hæsta sem fengist
hefur í fjögur ár.
„Það er erfitt að spá í nákvæmar
tölur um hagnað þegar breytingar á
markaðsverði eru jafn örar og nú,
en ljóst er að miklu bjartara er fram-
undan en verið hefur og við verðum
örugglega með hagnað í ár,“ segir
Rannveig. I fyrra var tap á rekstri
fyrirtækisins. Hún segir að reynsla
ÍSAL sé „því miður“ sú að aðföng
hækki í kjölfar hækkandi markaðs-
verðs á áli.
Fækkað í æðstu stjórn
Verið framleiðir nú um 97 þúsund
tonn á ári með fullum afköstum en
Rannveig segir gælt við að ná 100
þúsund tonna markinu. Ýmis tækni-
leg vandkvæði séu því samfara, svo
sem það að kerskálar eru byggðir
yfir tiltekna stærð af kerum og erf-
itt að stækka þá. Hugsanlega sé þó
hægt að ná aukningu með því að
stækka rafskaut og hækka straum
til að ná meira magni úr hveiju keri.
Skipulagsbreyting verður í stjórn-
unarstöðum hjá ÍSAL um áramótin
og fækkar deildarstjórum úr 6 í 5
en þeir voru 8 til skamms tíma.
Rannveig segir þessar aðgerðir hluta
af hagræðingu í rekstri. Sama gerist
hjá verkamönnum og iðnarmönnum
fyrirtækisins þar sem ekki sé ráðið
í stöður þeirra sem hætta.
Innbrota-
hrina
upplýst
LÖGREGLAN í Hafnarfirði
hefur upplýst fjölda innbrota
sem framin hafa verið í bænum
frá því um síðustu helgi. Sí-
brotamaður, sem var staðinn
að verki við innbrot í vikunni,
hefur játað að hafa borið
ábyrgð á þeim.
Meðal annars hafði maður-
inn, sem fyrir nokkrum miss-
erum hlaut langan fangelsis-
dóm vegna fjölmargra innbrota,
brotist inn í rafbúð við Álfa-
skeið, einbýlishús í bænum,
skóla og nokkur fyrirtæki.
Alls játaði hann sjö innbrot
og hefur mikið af þýfinu komist
til skila, að sögn lögreglu.
Hnífstunga
á Njálsgötu
MAÐUR var stunginn tvívegis
með hnífi í húsi við Njálsgötu
um klukkan 10 í gærmorgun.
Mestu áverkar hans voru á
handlegg. Kona sem kunn er
af óreglu er grunuð um verkn-
aðinn.
Ekki var búið að handsama
konuna um kl. 15 í gær en lög-
reglan í Reykjavík átti von á
að það tækist innan skamms.
Rannsóknarlögreglan fer
með rannsókn málsins og sagði
talsmaður hennar í gær að fórn-
arlambið sem er á sextugsaldri
væri á slysadeild og ekki talinn
hættulega slasaður.
Leggja ekki trú á hrak-
spár um loðnubrest
ÞÓRÐUR Jónsson, rekstrarstjóri SR-mjöls, og Sveinn Hjörtur Hjart-
arson, hagfræðingur LÍÚ, segja of snemmt að segja til um hvort
mælingar Hafrannsóknastofnunar á hryggingarloðnu standist, enda
hafí þær verið stopular vegna veðurs og ekki náð yfír eins stórt leitar-
svæði og ráð var fyrir gert. Fiskifræðingar setji sjálfír fyrirvara við
þær tölur að um helmingi minna sé af loðnu í sjó en áður var talið
og „vægast sagt þykir mér ólíklegt að svo verði,“ segir Þórður.
Morgunblaðið/Valdimar Kristinsson
ALLT bendir til að Muni frá Ketilsstöðum verði seldur úr landi.
Eigandinn, Sveinbjörn Sævar Ragnarsson, situr hestinn.
Gæðingnr líklega
á leið úr landi
Jón Reynir Magnússon, fram-
kvæmdastjóri SR-mjöls, segir Ijóst
að erfíðara verði að ná loðnu ef ver-
tíð styttist, en menn bíði átekta þar
til ný loðnuleit fer fram eftir ára-
mót. Búið hafi verið að fínna mikla
loðnu í fyrri leitum sem standi að
baki ríflega 630 þúsund tonna
bráðabirgðakvóta íslendinga og fyrri
áformum um að hann yrði um millj-
ón tonn, og ósennilegt sé að svo
mikið sé horfið. Jón Reynir segir að
rætist hrakspárnar hins vegar sé
staða fyrirtækisins ágæt vegna veiði
á þes'su ári, og eigi það að geta stað-
ið af sér nokkurn brest ef hann er
ekki langvarandi.
Alvarlegt mál
„Við höfum aflabrest sem mögu-
leika í stöðunni eins og við þurfum
alltaf að gera, því óvissan er söm
við sig, og á þeim forsendum er
ekki hægt að segja að fregnirnar
komi okkur á óvart. Séu spárnar
hins vegar réttar, er það ákaflega
alvarlegt mál sem gjörbreyta myndi
öllum þeim forsendum sem við höf-
um miðað við, þ.e. að veiði verði
mikil,“ segir Þórður. Hann kveðst
telja að fari illa, velti hagur fyrirtæk-
isins meðal annars á verðlagsþróun,
hversu mikið af afla fyrirtækið fái
til vinnslu og hvert verð til skipa
verður. Fyrirtækið muni ekki breyta
áætlunum sínum á þessari stundu
en lögð verði áhersla á loðnufryst-
ingu verði kvótinn takmarkaður.
Gífurlegt tekjutap
Sveinn Hjörtur Hjartarson tekur
undir að mikil óvissa sé samfara
útreikningum Hafrannsóknastofn-
unar eins og fram hafi komið, og
þær séu ekki í samræmi við eldri
niðurstöður. Menn hafí miklar vænt-
ingar um að loðnan bregðist ekki í
þeim þorskbresti sem nú ríkir, og
vilji helst ekki trúa því'fyrr en á
reynir.
„Enn sem komið er tel ég ekki
ástæðu til að örvænta, fyrst rann-
sóknin er ekki fullkomin," segir
Sveinn. Miklir hagsmunir séu í húfí,
eins og sjáist best á að á loðnu velti
um 10% af áætluðu útflutningsverð-
mæti sjávarafurða, eða um 7-8
milljarðar króna. Hvert loðnutonn
upp úr sjó gefi í kringum 4 þúsund
krónur og um 8 þúsund krónur sem
fullunnin afurð, þannig að missir 100
þúsund tonna þýði um 800 milljóna
króna tekjutap fyrir þjóðarbúið.
Verði loðnuafli helmingj minni en
áætlað hefur verið, yrði tekjutap því
um fjórir miiljarðar króna.
MIKLAR líkur eru á að gæðingurinn
landskunni Muni frá Ketilsstöðum
verði innan tíðar seldur úr landi.
Svíinn Göran Montana gerði fyrir
skömmu tilboð í hestinn sem eigand-
inn, Sveinbjörn Sævar Ragnarsson,
sagðist hafa tekið og hefði hesturinn
farið í læknisskoðun þannig að bolt-
inn væri nú hjá Svíanum.
Göran Montana er sá hinn sami
og hafði keypt gæðingnum Gými frá
Vindheimum. Virðist hann því stað-
ráðinn í að eignast úrvals gæðing
en báðir þessir hestar, Gýmir og
Muni, eru af flestum taldir í algerum
sérflokki hvað gæðingskosti varðar.
Sveinbjörn Sævar sagði að hann teldi
hestinn ekki seldan fyrr en búið
væri að ganga frá öllum málum en
það skýrðist væntanlega á næstu
dögum. Ekki vildi hann gefa upp
tilboðsupphæðina.
Korpúlfsstaðir
► Útdráttur úr bókinni Korpúlfs-
staðir-Saga glæsilegasta stórbýlis
á íslandi. Hér segir frá því er
Thor Jensen ræðst í framkvæmd-
irnar á Korpúlfsstöðum./lO
Svindlað í góðærinu
►Fjársvikamálið mikla í Færeyj-
um og skollaleikurinn sem fær-
eyskir og danskir skattgreiðendur
hafa mátt borga brúsann af. /12
Tímamót
►Ríkisendurskoðun stendur um
margt á krossgötum eftir úttekt
hennar á heilbrigðis- ogtrygg-
ingaráðuneytinu og þykir hafa
treyst stöðu sína í stjómsýslunni.
Sigurður Þórðarson ríkisendur-
skoðandi situr fyrir svörum um
starfshætti og hlutverk stofnun-
arinnar. /14
Fráleitt að rányrkja
IMorðmanna komi
þeim til góða
►Rætt við Gunnar Flóvenz, for-
mann stjórnar Síldarútvegsnefnd-
ar, um norsk-íslenska síldarstofn-
inn og fleira./16
í f ótspor feðranna
►Um þessa helgi eru liðin sjötíu
ár frá því að Einar ríki Sigurðs-
son hóf atvinnurekstur í Eyjum.
Rætt er við son hahs Sigurð Ein-
arsson, framkvæmdastjóra ísfé-
lags Vestmannaeyja./18
Galdur í lausu lofti
► Kínverska ríkisfjölleikahúsið er
komið til landsins og strax á
mánudag hefjast sýningar 50
liðamótalausra og orkuhlaðinna
listamanna./20
B
► 1-28
Allir með
►Húsnæðismál fatlaðra eru hér
í brennidepli, en í þeim efnum
hafa ýmsar breytingar átt sér
stað. Nú er talið að miklu skipti
að fatlaðir hafi venjulega íbúð og
fái sem mestan stuðning til að
vera í heimahúsi og utan við
stofnanakerfið./l
Rússneskt reisubók-
arbrot
►Út er komin bókinn Krummi -
Hrafns saga Gunnlaugssonar.
Birtist stuttur kafli úr bókinni þar
sem Hrafn segir frá eftirminni-
legri ferð nokkurra íslendinga á
kvikmyndahátið í gömlu Sovét-
ríkjunum./6
Hoppað, dansað,
sungið
► Sigríður Þ. V algeirsdóttir segir
frá rannsóknum sínum á sögu
dansins hér á landi./14
BÍLAR_____________
► 1-4
Vélhjólakappakstur
►íslendingar á verðlaunapalli í
keppni á Englandi./2
Reynsluakstur
►Opel Vectra, rúmgóður og ríku-
lega búinn./4
FASTIR ÞÆTTIR
Fréttir I/2/4/5/6/8/9/bak Bréftilblaðsins Velvakandi 34 36
Leiðari 24 Fólk i fréttum 38
Helgispjall 24 Bló/dans 40
Reykjavíkurbréf 24 fþróttir 44
Minningar 26 Útvarp/sjónvarp 46
Myndasögur 34 Dagbók/veður 41
Brids 34 Mannlifsstr. 8b
Stjömuspá 34 Kvikmyndir 12b
Skák 34 Dægurtónlist 13b
INNLENDAR FRÉTTIR:
2—4—5—8—9—BAK
ERLENDAR FRÉTTIR:
1-6
1
I
I
I
í
i
1
{
I
I
C
C
i
i
I
<
(
(
(
(
I
(
'I
<
(
I
(