MORGUNBLAÐIÐ MIDVIKUDAGUR 19. JÚNÍ199G 39 AÐSENDAR GREINAR • FORSETAKJOR Ólafur Ragnar segir ósatt OLAFUR Ragnar Grímsson hefur að und- anförnu alloft verið krafinn svara um trú- arsannfæringu sína og skyldi engan undra. Ekki svo að skilja að undirritaður telji máli skipta hverrar trúar Ól- afur Ragnar er, en það hljóta þó allir að vera sammála um að tölu- verðu skiptir hvort frambjóðandi til forseta segir satt eða hvort hann fer með ósannindi til að auka líkur sínar á að ná kjöri. Því miður er ekki hægt að komast að annarri niðurstöðu en einmitt þeirri að Ólafur Ragnar hafi brugðið á síð- arnefnda ráðið þegar hann hefur ver- ið spurður út í trú sína. í þættinum Þriðja manninum á Rás 2 fimmtánda október síðast liðinn var Ólafur spurður hvort hann væri enn þeirrar skoðunar sem fram hafí kom- ið í viðtali í Helgarpóstinum fyrir fimmtán árum að hann væri „nokkuð sannfærður um að guð væri ekki til". í þættinum staðfesti Ólafur þessa skoðun sína og sagði það eitt hafa breyst síðan þá, að hann hafi í gegn- um ferðalög sín til útlanda lært að bera virðingu fyrir trúarbrögðum, lífssýn, siðum og menningu sem þeim eru tengd. Hann sagði jafnframt að „voðalega erfitt" væri að sannfæra sig um að einn af þeim guðum sem trúað er á, það er sá sem ríki í kirkj- unum hér heima, sé hinn eini rétti. Aðspurður hvað hann trúi á, sagðist hann eiginlega ekki vita það, en hann héldi að hann tryði „svona Haraldur Johannessen einna helst á manninn". En þrátt fyrir þessa skoðun sem hann lét í ljós bæði síðast liðið haust og fyrir fimmtán árum segir hann í þætti á Stöð 2 hinn ellefta þessa mánaðar, að- spurður um það hvort hann trúi á guð: „Auð- vitað er ég kristinn mað- ur eins og þorri þjóðar- innar og hef verið í þjóð- kirkjunni, skírður og fermdur og trúi á þann guð sem að sérstaklega amma mín kenndi mér að trúa á." Hann fer mörgum orðum um mikla trúarlega reynslu sína í æsku og þeir sem á þetta svar hans hlýða geta ekki verið í nokkrum vafa um að hann vill með því taka af allan vafa um að hann sé og hafi alla tíð verið afar trúaður maður. Bæði svör Ólafs á Rás 2 og Stöð 2 eru afskaplega skýr og verða ekki misskilin. Gallinn er hins vegar sá, að þau eru algerlega ósamrýmanleg, hvort sem mönnum líkar betur eða verr. í október 1995 trúði Ólafur Ragnar ekki á guð og hafði að minnsta kosti ekki gert í fimmtán ár. í júni 1996 er Olafur ákaflega trúaður maður og leggur mikla áherslu á sína „persónulegu og nánu trúarlegu reynslu" í æsku. Hafi Ólaf- ur Ragnar ekki frelsast um áramótin fer hann að minnsta kosti í öðru við- talinu með hrein ósannindi. Þetta er dapurleg en einföld og óhrekjanleg staðreynd. Höfundur er háskólanemi. Að gera sér mat úr að nudda sér utan í Krist „EF ALLT þetta fólk fær í gullsölum himn- anna gist sem gerir sér mat úr að nudda sér utan í Krist, þá hlýtur sú spurning að vakna hvort mikils sé misst ef maður að síðustu lendir í annarri vist". - Jón Helgason. Hinir ólíklegustu einstaklingar eiga það til að vilja sýnast að- hyllast kristin trúar- brögð og trúa á Guð, „nudda sér utan í Krist". Nú hefur það gerst þessa vordaga, að einn frambjóðand- inn til forsetaembættisins, sem hingað til hefur að eigin sögn trúað á „manninn" og aðhyllst kenningar sem teljast vart til kenninga kristn- innar, lýsir því yfir að hann sé í þjóðkirkjunni og hafí að því er virð- ist gengið til altaris og þegið önnur sakramenti kristinnar kirkju. Aftur á móti virðist hann eiga fremur erfitt með að svara spurningunni, hvort hann trúi á Guð, og leitast við, í stað beins svars, að drepa öllu á dreif með orðhengilshætti og áferðarfallegum útúrsnúningum. En hann er í þjóðkirkjunni og neyt- Siglaugur Brynleifsson ir sakramentanna við Drottins borð. Þessi tregða og flótti frá afdrátt- arlausu svari við spurningunni eru einkennileg. Sem kunnur að því að geta auðveldlega hagrætt sannleikanum að hentisemi hverju sinni mætti ætla að hann ætti auðvelt með að taka af skarið og lýsa því yfir klárt og kvitt að hann hefði turnast til trúar á Guð og þar með „frelsast". En hann veigrar sér við því. Astæðurnar eru sjálfsagt marg- víslegar, þar á meðal sú, að ef hann tæki af skarið og teldi sig „frelsaðan" myndu væntanlegir kjósendur hans, líklega gjörvallur stuðningsmannahópur Alþýðu- bandalagsins, taka að ókyrrast og hvað þá þeir innan þess hóps, sem skilja og aðhyllast þá kenningu marxista að trúarbrögðin og þar með fyrst og fremst kristnin sé steinlím hins kapítalíska þjóðfélags og þær kenningar beri að rústa sem grundvelli „borgaralegs réttarrík- Sumarnámskeið í glerlist Jónas Bragi, glerlistamaður heldur námskeið, annars vegar í steindu gleri og hins vegar í glerbræðslu. Nánari upplýsingar í símura 562 1924 og 554 6001. is". En frambjóðandinn veit einnig að kristindómurinn er, ef svo má segja, inngróinn íslensku þjóðarþeli - auðvitað að undanskildum kommúnistum - og því verður að fara varlega í kosningabaráttunni, þ.e. að særa ekki þá kristnu kennd meginþorra þjóðarinnar. Hann veit einnig að sýndarkristni alþýðu- bandalagsmanna er fals eitt og sýndarmennska sem flestir lands- menn hafa skömm á. Því verður frambjóðandinn að leika tveim skjöldum, vera í senn sýndarkrist- inn og aðhyllast „vísindalegan sós- íalisma" og almenna félagshyggju. Þessvegna eru öll svör hans með ótal fyrirvörum til inntaks krist- innar trúar, trúarinnar á Guð. Eftir stendur að frambjóðandinn til forseta íslands, Ólafur Ragnar Grímsson, gerir nú tilraun til þess að „gera sér mat úr að nudda sér utan í Krist", og afla sér með því þeirra atkvæðá sem hann telur sér nægja, ekki til þess að gista himna- sali, heldur til þess að fá að gista í sölum Bessastaða. SIGLAUGUR BRYNLEIFSSON. Höfundur er rithöfuadur. MikicS úrval rf fdleguni rúmfatnaái w^ SlcúbvOrSustig II Sirni 551 4050 ReykiaviW Til eigenda spariskírteina sem koma til innlausnar 1. júlí og 10. júlí 1996 Móttaka spariskírteina er hafin hjá Landsbréfum og umboðsmönnum í öllum útibúum Landsbanka Lslands Tryggið ykkur bestu kjörin tímalega! m , LANDSBRÉFHF. Löggilt verðbréfafyrirtæki. Aðili að Verðbréfaþingi íslands. SUÐURLANDSBRAUT 2 4. 108 REYKJAVIK, I 588 9200, BREFASIMI 588 859
Beinir tenglar
