Morgunblaðið - 22.07.1999, Blaðsíða 20

20 FIMMTUDAGUR 22. JÚLÍ 1999
MORGUNBLAÐIÐ
LANDIÐ
Breskur
hermaður
vitjar Víkur
Fagradal - fbúum í Mýrdal hlotn-
aðist sú ánægja nýverið að fá í
heimsókn breskan hermann sem
dvaldi hér í Vík í lok seinna
stríðs. Þetta þótti merkur við-
burður því ekki hefur Vík áður
verið heimsótt af fyrrverandi
hermanni svo vitað sé.
Upplýsingamiðstöð ferðamála í
Vík barst skeyti frá Eric Webst-
er, gömlum hermanni, sem hafði
hug á því að sækja heim fornar
slóðir. Hann hafði rekist á heima-
síðu Mýrdalshrepps, www.vik.is
á veraldarvefnum og kveikti það
m.a. áhuga hans á að sækja stað-
inn heim. Var honum boðin gist-
ing og fæði meðan á dvöl hans
stóð í boði Reynisbrekku og Vík-
urskála. Hann lét einstaklega vel
af dvöl sinni þessa tvo daga og
hafði mikla ánægju af. Meðferðis
hafði hann fjölda mynda frá Vík
frá stríðsárunum og afhenti
Brydebúð að gjöf. Þessar myndir
eru ómetanlegar heimildir um
stríðsárin í Vík en ekki er vitað
um mikið af ljósmyndum frá
þeim tíma og kann Brydebúð
honum bestu þakkir fyrir.
Bretar og Bandarikjamenn
ráku lóransstöð uppi á Reynis-
Ijalli á stríðsárunum og eftir
stríð var sú stöð starfrækt allt til
ársins 1977 af Alþjóða póstmála-
stofnuninni. Eric starfaði sem
loftskeytamaður á lóransstöðinni
veturinn 1945-1946 og bjó fyrst í
braggabyggð sem var uppi á
fjalli en síðar á „kampinum á
bökkunum í Vík“ en nú eru öll
hermannvirki þessa tíma að
mestu horfín. Eftir standa rústir
á bökkunum og sér enn móta fyr-
ir braggarúst uppi á Reynisfjalli.
Eric segir að mikil leynd hafi
hvflt yfir störfum þeirra á lórans-
stöðinni, svo mikil að menn
máttu hvorki ræða um starf sitt
við fjölskyldur sínar, né sam-
starfsmenn af ótta við njósnara.
Jafnvel eftir að stríði lauk ríkti
mikil leynd yfir þessum störfum,
allt fram á síðustu ár en þá var
farið að safna saman heimildum
frá starfsmönnum úr hernum
sem eftir lifðu.
Á héðan góðar minningar
Eric kvaðst eiga góðar minn-
ingar héðan enda feginn að þurfa
ekki að þjóna á átakasvæði. Hér
hafi verið friðsælt, þrátt fyrir
veðurfar sem honum þótti leiði-
gjarnt enda dvaldi hann hér yfir
veturinn. Því miður rigndi eldi
og brennisteini báða dagana sem
hann dvaldi hér, en kom ekki á
óvart, að hans sögn. Þó fannst
þeim félögum merkilegt á si'num
tíma að geta keypt vöru eins og
nælonsokka og aðra munaðar-
ERIC Webster hjá hermannabragganum árið 1945.
Morgunblaðið/Jónas Erlendsson
ALDRAÐUR Eric á sama stað nú í júlí 1999.
ERIC afhenti Sigrúnu Lilju myndirnar sem hann tók í Vík
á stríðsárunum.
vöru í gamla Kaupfélaginu og í
Halldórsbúð en slíkt var ófáan-
legt í Bretlandi.
Aðspurður kvaðst Eric lítil
samskipti hafa haft við heima-
menn og hafí það átt við um
flesta sem voru honum samtíða
hér. Taldi hann samskiptin við
heimamenn hafa farið friðsam-
lega fram í „kurteisislegri fjar-
lægð“. Þó voru nokkur nöfn sem
hann mundi eftir, þ.á.m. Hákon
Einarsson í Vík og Finnbogi Ein-
arsson í Presthúsum.
Eric eyddi dögunum tveimur í
að skoða sig um í Vík og ná-
grenni og fór meðal annars uppi
á Reynisfjall til að vitja um sinn
gamla vinnustað. Kvað hann
miklar breytingar hafa orðið á
Vfldnni á þessum rúmlega fímm-
tíu árum sem liðin eru frá veru
hans hér, en þó taldi hann yfir-
bragð og andrúmsloft staðarins
lítið hafa breyst, þrátt fyrir sam-
félagslegar og efnahagslegar
breytingar.
Fjöldi manns sótti
sæluhelgi á Suðureyri
Suðureyri - Hin árlega sæluhelgi á
Suðureyri stóð yfir dagana 15.-18.
júlí. Að vanda mættu fjölmargir
gestir til staðarins til þess að taka
þátt í hátíðarhöldunum. Brottfluttir
Súgfirðingar fjölmenntu að vanda
ásamt öðrum gestum. Var því troð-
fullt út að dyrum í hverju húsi og
komust færri að en vildu. Veðrið
setti aðeins strik í reikninginn, en
dagskráin gekk þó að mestu eftir.
Dagskrá sæluhelgarinnar var
mjög fjölbreytt, þótt eflaust hafi
„mansakeppnin“, sem fram fór á
laugardeginum, staðið upp úr hjá
yngri kynslóðinni. Þar kepptu vel á
annað hundrað krakkar á aldrinum
0-12 ára. Aflakóngurinn í ár var
Smári Karvel Guðmundsson. Af öðr-
um dagskrárliðum sæluhelgarinnar
má nefna leiksýningu, fjallgöngu,
hjólarall, sandkastalakeppni, kassa-
bílarall, gjarðaskopp, kleinukeppni,
harðfiskkeppni, söngvarakeppni, auk
ýmissa kraftakeppna, svo sem
sleggjukast, karadrátt og rusla-
tunnuhlaup svo eitthvað sé nefnt.
Húsmæður á skotskónum
Þátttaka í þessum greinum var
mjög almenn og kepptu jafnt full-
orðnir, unglingar og börn. Ýmsir
voru til kallaðir, og mátti m.a. þekkja
þingmanninn Kristin Á. Gunnarsson
í sleggjukasti. Hann stóð sig nokkuð
vel af byrjanda að vera, en það var
Sturla Gunnar Eðvarðsson sem sigr-
aði þessa keppnisgrein með glæsi-
legu kasti.
Þá vakti mikla lukku „húsmæðra-
fótboltinn", sem verið hefur árviss
viðburður á sæluhelgi. Þar mættu til
leiks á knattspyrnuvellinum heima-
húsmæður (búsettar á Suðureyri) og
aðkomuhúsmæður. Eftir mikinn bar-
áttuleik voru það aðkomuhúsmæður
sem fóru með sigur af hólmi, 2-0,
undir frækilegri stjórn Sveinbjargar
Hermannsdóttur. En Sveinbjörg
hefur farið fyrir liði aðkomuhús-
mæðra síðastliðin ár. Fyrir allar
keppnisgreinar eru veitt vegleg
verðlaun, þ.e. bikarar og aðrar
medalíur. Auk þess hljóta sigurveg-
Bíldshöfða 16 • sími 587 7666 • fax 587 7665
netfang: geiriehf@centrum.is
ZODIAC
yHr 100 ár
HGEIRI
frá upphafi
Morgunblaðið/Sturla Páll
HLUTI keppenda í „mansaveiðinni" ásamt Guðna og Ævari Einars-
sonum, sem stóðu að keppninni.
arar hina ýmsu titla, svo sem krafta-
strumpur og kraftastrympa, gull-,
silfur- og bronsbarkar, svo fátt eitt
sé nefnt.
Grillað, sungið og dansað
Sameiginlegt útigrill með söng,
glensi og gleði var á föstudagskvöld-
inu en á laugardagskvöldið var byrj-
að á eldfjörugu barnaballi en síðan
tóku þeir eldri við og dönsuðu langt
fram á nótt á stórdansleik með Geir-
fuglunum. Á sunnudeginum var úti-
markaður í gangi. Þar var ýmislegt á
boðstólum, m.a. vestfirskt handverk,
harðfiskur, rauðmagi, bækur, fatn-
aður, tælenskur matur og fleira.
Þá seldu kvenfélagskonur kaffi og
vöfflur í stóru sölutjaldi á svæðinu
við góðar undirtektir. Dagskránni
lauk svo á sunnudagskvöldið með
veitingu viðurkenninga og bikara,
sem allir eru gefnir af útgerðar-
mönnum á Suðureyri.
Að sögn Ævars Einarssonar
„Sælustrumps nr. 1“ fjölgaði íbúum
Suðureyrar vel yfir 100% um
sæluhelgina og alltaf fjölgar þeim
brottfluttu Súgfirðingum sem sækja
heim í fjörðinn um þessa helgi. Að-
spurður segir hann að hátíðin verði
veglegri á næsta ári, og því rétt að
fara að tryggja sér gistingu fyrir
næsta sumar.
GESTIR sæluhelgarinnar fylgjast af áhuga með söngvarakeppninni.