Skírnir - 01.08.1907, Blaðsíða 43
Hvi hefir þii yfirgefið mig?
(Kafli úr sögu).
Et'tir Sigurjón Friðjónsson.
Októbermánuður var allur kaldur, fram yfir vetur-
nætur; oftast norðanátt og hríðar með köflum, en þó al-
drei stórfeldar eftir fyrsta bylinn. En í honum fórst fé
víða og urðu margir fyrir stórsköðum, af þeim sökum.
Þórður í Hlið raisti þó ekki nema fáar kindur. Flest fé
hans hafði leitað skjóls undir börðum og i smá-giljadrög-
nm, þar sem svo hagaði til, að ekki lagði stórfenni.
Nokkrar kindur hafði fent í lækjargili og þær kindurnar
kafnað, er fjarst stóðu gilbarðinu; en hinar, er nær því
stóðu, höfðu haft hlífð, bæði af því og kindunum er fram-
ar voru; hafði snjórinn orðið lausari við barðið, enda
bráðnað af líkamshita fjárins og það því haft nóg loft að
lifa af. Stöku kind, sem ekki hafði orðið nógu fljót í
skjól, eða hvarfað frá því aftur, hafði veðrið slegið niður
•og bráðdrepið með þeim hætti. Þrátt fyrir missinn, setti
Þórður litlu færra fé á vetur, en næsta haust á undan,
•enda var engu slátrað til heimilis, öðru en því er fórst
af völdum náttúrunnar. Og þó féð værri fátt, var ásetn-
ingurinn slæmur, því fáar höfðu hendurnar verið við að
afla heyjanna um sumarið.
Seint í októbermánuði gerði mikla hláku af suðvestri,
svo að öríst varð, niðri í bygðinni. Og þaðan frá og
fram undir nóvembermánaðarlok var veðrátta stöðugt
vestræn og mjög óstilt og stormasöm; ýmist hvassar suð-
vestanhlákur, eða snarpir, en úrfellislitlir, norðvestan-