Árbók Hins íslenzka fornleifafélags - 01.01.1912, Blaðsíða 25

25
úr úr silfri, úr ætt Thorlaciusa (nr. 3016), forn hökull, mjög merkur
og patínudúkur frá Hitárdal (nr. 3039—40); útskorinn stóll, íslenzkur,
með nafni síra Olafs Þorleifssonar á Söndum (d. 1696, nr. 3058),
silfurskeiðar 2 (spænir, nr. 3076—77), olíumálverk af Ara í ögri
Magnússyni og Kristínu konu hans, dóttur Guðbrandar biskups Þor-
lákssonar (nr. 3108), myndir af Guðbrandi biskupi, tvær, Þorláki
biskupi Skúlasyni (saumuð af Halldóru dóttur Guðbrandar biskups),
Gísla biskupi Þorlákssyni og konum hans, tvær, myndir af þeim
biskupunum Steini Jónssyni, Halldóri Brynjólfssyni, Gísla Magnússyni,
Árna Þórarinssyni (teiknuð af Sæmundi presti Hólm), og Sigurði Stef-
ánssyni, Jóni lækni Bergmann, syni Steins biskups, og Kristjáni kon-
ungi fimta; allar úr Hólakirkju (nr. 3109—3121)1), fornt silfurrekið
ístað úr bronzi (nr. 3169), og margir aðrir góðir gripir.
1889. Isafjarðarkirkja: Maríulíkneski og tvær málaðar myndir
(altaristöfiur ? nr. 3210—21).
Stefán sýslumaður Thorarensen á Akureyri: Matskeið, hnífur og
gaffall, saman í hylki, alt úr silfri með víravirki á sköftum, hefir
fyrrum tilheyrt Stefáni amtmanni Þórarinssyni (nr. 3236).
Frú Sigurbjörg Ólafsdóttir í Flatey: Forn reksleggja, fundin í
í svokallaðri smiðjutóft Gests Oddleifssonar (nr. 3300).
Frú Jófrlður Sigurðardóttir í Flatey: Reiði síra Magnúsar Snæ-
björnssonar í Flatey, með árt. 1643, með miklu verki (nr. 3307).
Frú Jósefína Ihorarenseni Stykkishólmi: Kristallsbikarar Bjarna
landlæknis Pálssonar og Rannveigar Skúladóttur fógeta (nr. 3317—
18), o. fl.
Kirkjan í Vatnsfirði: Olafs líkneski helga, Maríu líkneski tvö
og Krists líkneski (»ecce homo«, nr. 3327—30).
Bjarni Davíðsson bóndi í Hlíðarhaga: Hárgreiða og hárkambur
úr beini, forn (nr. 3331—32).
Staðarkirkja í Grunnavík: Maríu líkneski (nr. 3340) og róðu-
kross (nr. 3241).
Eggert Laxdal kaupmaður á Akureyri: Gamlar vindskeiðar út-
skornar (nr. 3344).
Keyptir voru m. a.: Silfurskeiðar (nr. 3214, 3321, 3354), silfur-
belti steypt (nr. 3316, 3336); hökull forn með merkilegum útsaumi,
frá Vatnsfjarðarkirkju (nr. 3326), forn öxi og fornt spjót jarðfundin
(3334—35); hálsfesti úr silfri með nisti (nr 3337), gamall útskorinn
stóll íslenzkur (nr. 3342), gamall útskorinn skápur (nr. 3350).
1890. Baldvin Jónsson á Svalbarði: Gamall og merkur lár,
útskorinn (nr. 3387).
‘) Sjá Árb. 1888-92, bls. 98-103, 1910 bls. 62.
4