Árbók Hins íslenzka fornleifafélags - 01.01.1912, Blaðsíða 29

29
Vigfússon; nær það frá miðjum júní til miðs nóvembers það ár.
Þessi eyða i skýrslurnar kom sér enn ver af því að nær því allir
gripir safnsins, og þeir voru um 4000, — voru alls ekki með við-
festum tölumerkjum. Á gripi þá, er prentuðu skýrslurnar náðu yfir,
virtist hafa verið sett tölumerki, en flest svo lauslega, að þau höfðu
tínst eða orðið ólæsileg; á þá gripi, er komið höfðu frá þvi árið
1876, höfðu aldrei nein tölumerki verið sett. Flestir gripirnir voru
því allsendis ómerktir og yfir J/4 þeirra vantaði skýrslu. Það er
bersýnilegt, hversu stórbagalegt þetta var, og Pálmi Pálsson sá að
svo búið mátti ekki lengur standa, það var bráðnauðsynlegt að koma
góðri reglu á safnið. Fyrst og fremst varð að merkja hvern hlut
með hans rétta tölumerki, en það var miklum erfiðleikum bundið
að komast fyrir í hverri röð gripirnir höfðu til safnsins komið. Um
leið og gripirnir voru merktir og skráðir í skýrslu þurfti helzt að
gjöra lýsingu af þeim og geta ýmislegs þeim viðvíkjandi. Loks
þurfti að raða öllu safninu á ný og skipa því að mestu leyti öðru-
VÍ8Í niður en áður hafði verið gjört vegna hinnar miklu viðbótar
síðan því var raðað í þessum húsakynnum þess 1881. Pálmi bað
því landsstjórnina í áðurgreindu bréfi um að áætla 800 kr. á ári
næsta fjárhagstímabil (1894—5) til þess að koma betra skipulagi á
safnið, umfram þær 400 kr., sem áætlaðar voru árlega fyrir um-
sjónina. Stjórnin (laudshöfðingi) tók vel undir þessa málaleitun og
áætlaði í fjárlagafrumvarpi sínu hina umbeðnu upphæð1), en alþingi
1893 veitti 600 kr á ári næsta fjárhagstímabil til þessa. Fóru nú
bréf milli landshöfðingja og forstöðumanns safnsins um þessa fjár-
veitingu og starf það er hún var ætluð fyrir; tókst forstöðumaður-
inn starfið á hendur, og í bréfi til landsh. 22. okt. 1894 telur hann
hinum erfiðasta og viðsjálasta hluta skrásetningarinnar lokið, en í
ársbyrjun 1896 kveðst hann (í bréfi til landsh. 24. jan.) hafa lokið
skrásetningunni og tölusett gripina; skýrir hann og um leið frá
hversu hann hagaði verkinu svo að sem mest trygging væri fyrir
því að skráin yrði rétt. Hann hafði nú framkvæmt það starf, er
hanu samkvæmt fjárlögunum skyldi leysa af hendi fyrir hinar áætl-
uðu 1200 kr., en í rauninni var því starfi ekki lokið, er hann hafði
viljað að framkvæmt yrði, nefnilega gjöra skýrslu með lýsingum
gripanna fyrir árin 1876 til 1881, framhald hinnar prentuðu skýrslu
til þess tíma er Sigurður Vigfússon tók við og gerði skýrslur og
lýsingar sínar. Það starf ætlaði Pálmi Pálsson sér að inna af hendi
smám saman síðar meir, eða sínum eftirmanni, en það starf er þó
óunnið enn. Þau ár er Pálmi veitti safninu forstöðu gjörði hann
9 Sj4 Alþ.tið. 1893 C., bls. 14 og 33-34.