Árbók Hins íslenzka fornleifafélags - 01.01.1929, Blaðsíða 34

Bréfaviðskifti
Jóns Sigurðssonar forseta og Sigurðar Guðmundssonar málara
1861-1874.
1.
Reykjavík 28. September 1861.
Heiðraði vin!
Eptir tilmælum yðar í bréfi til herra Bjarnar Gunnlögssonar tók
eg mér ferð á hendur austur á Þíngvöll, sem ég varð að gera til að
mynda steininn, því eg átti enga mynd af honum; ennfremur var eg
þar í 6 daga með herra Birni, honum til aðstoðar, sem varla mun hafa
veitt af, því hann er nú orðinn bæði sljófur og sjóndaufur, sem von
er, og varla orðinn til þess konar hluta fær, og því miður skortir
hann alveg alla sögulega og vísindalega þekkíngu á staðnum, sem
er þó mest áríðandi, ef ekki á að sleppa því hálfa. Annars er ekkert
áhlaupaverk að mynda Þíngvöll, og mikið spursmál, hvernig maður
á að gera það. Það er auðvitað, að Þíngvöllur verður ekki fullkom-
lega sýndur, nema með 2 eða 3 kortum: 1. Yfir Þíngvöll og alla
Þíngvallasveit austur á Laugarvatnsvöllu og Beitivöllu, suður fyrir
vatn og vestur fyrir Bláskógaheiði, og norður á Skjaldbreið, til að
sýna Hofmannafiöt og vellina efri og alla forna og nýja vegu, sem
liggja að Þíngvelli, því þetta allt heyrir beinlínis til Þíngvelli og vant-
ar á stóra kortið. 2. Þar næst þyrfti að vera annað kort yfir sjálfan
Þíngvöll, er sýndi allar seinni alda búðir; en þriðja kortið yfir sögu-
öldina.
Nú er spursmál um, hvað yfirgripsmikið það á að vera; því mið-
ur gleymduð þér að ákvarða það. Eg hefði viljað, að það hefði verið
suður á vatn og nokkuð norður fyrir foss, því það gerir staðinn enn
skiljanlegri og fegurri, en til þess þyrfti raunar talsvert Iengri tíma
og meiri rannsókn, sem er örðugt fyrir gamalmenni.
Þar næst er spursmál, hvað á maður að sýna af mannvirkjum
eða búðum? Á maður einungis að sýna þær sem eru greinilegastar
og menn vita fyrir víst að eru búðir? Þetta vilja sumir, en aptur á