41 anna. — Annar lærleggur karlmannsins er heill að lengd, 48,3 cm., og má af þeirri lengd ætla, að maðurinn hafi verið um 173 cm. að hæð. Höfuðkúpa hans er 17,5 að lengd og 14 að breidd. Tennur eru allmjög slitnar og má af þeim gizka á, að maður þessi hafi orðið sextugur að aldri. — Hin beinin, sem ætla má af kjálkunum einkum,. að séu kvenmannsbein, eru mjög eydd af fúa og raunar að eins örfá og óheilleg brot, helzt úr höfuðkúpunni. Tennur eru fáar í kjálkabrot- unum og mjög örslitnar. Sjá má e. fr., að sumar tannanna hafa verið farnar úr kjálkunum löngu áður en konan dó, en hún virðist hafa orðið fjör-gömul, sennilega náð níræðisaldri. Þar sem hestur hafði verið dysjaður með konunni, má helzt ætla, að þessi bein séu frá fornöld. Sennilegast verður þá jafnframt, að karlmannsbeinin séu það einnig. Vafalaust hefir verið jarðvegur yfir þeim beinum líka, leiði, en eyðzt, blásið burt, melurinn komið fram við uppblástur. í fornöld hefir þarna að Iíkindum verið skógur. 3. Dysjar hjá Tyrðilmýri á Snæfjallaströnd. Sumarið 1932, 16. Júní, fann Jón bóndi Sigurðsson á Tyrðilmýri beinagrind af manni, er hann var að slétta kringum hús sitt á bakka Mýrarár, — nýbýli, er hann nefndi Árbakka. Símaði hann mér 20. s. m. um fundinn. Lagði ég fyrir hann að þekja hann aptur og senda mér skýrslu. Gerði hann það 3. n. m. Kvaðst hann hafa komið ofan-á beinagrindina í hóli, sem hann hefði ætlað að stinga. »Maðurinn hefir sjáanlega verið lagður þarna, því ofan-á líkið hafa verið lagðar stórar hellur, sem ekki fást þarna nærri, en orðið að sækja langt að. — Beinin benda á, að líkið hafi verið lagt sem næst frá norðvestri til suðausturs«, segir Jón í skýrslu sinni. Gripir höfðu engir fundizt. Þótti mér ekki að svo komnu nægileg ástæða til að leggja í langa ferð og mikinn kostnað við rannsókn á þessu einu. Leið svo og beið, unz Jóhann kennari Hjaltason kom síðastliðið vor, 1935, að Tyrðil- mýri til að skrifa þar upp örnefni o. fl.; athugaði hann þá fundar- staðinn og gat um fundinn í örnefnalýsingu sinni á líkan hátt og Jón hafði gjört í skýrslunni, og mæltist síðan til þess í bréfi til mín 10. Maí, fyrir hönd Jóns, að staðurinn yrði rannsakaður. Fól ég þá Jóhanni að aðgæta hann nánar, og taka upp beinin, ef hann yrði einskis annars var á staðnum en þeirra, og senda mér síðan skýrslu um. Svaraði hann aptur 12. dag Ágústmánaðar og hét að framkvæma verkið á næsta hausti. Efndi hann það dyggilega 16. Október og sendi mér hin fundnu bein og greinilega skýrslu um för sína og rannsókn, ásamt bréfi, dagsettu 21. s. m., og öðru, dags. 24. s. m., þar sem.
Beinir tenglar