Árbók Hins íslenzka fornleifafélags

						146                                                                       ÁRBÓK  FORNLEIFAFÉLAGSINS

Eins og undanfarin ár hafði Hjörleifur Sigurðsson listmálari á

hendi leiðsögn um safnið fyrir gagnfræðaskólanemendur úr Reykja-

vík og nágrenni, og skoðuðu 1266 nemendur safnið undir leiðsögu

hans. Ýmsir handavinnukennarar, bæði hannyrðakennarar og teikni-

kennarar, hafa í auknum mæli komið í safnið hin síðari ár með nem-

endur sína til að sækja fyrirmyndir þangað, og er þetta nú að heita

má orðinn fastur liður í fyrirgreiðslu safnsins, þótt þáð sjái að vísu

ekki sjálft um leiðbeiningar á þessu sviði.

Sé gert ráð fyrir, að um 3000 manns skoði safnið utan venjulegs

sýningartíma, sem mun ekki ofmælt, mun láta nærri, að heildargesta-

talan verði um 48.000.

Sjálft hafði safnið eina sérsýningu á árinu, og bar hún nafnið

Grænland hið forna, og var það hin mikla og vinsæla sýning danska

Þjóðminjasafnsins, Erik den R0des Gr^nland, sem það hafði þegar á

síðastliðnu ári lofað að lána hingað til lands, eins og um getur í síð-

ustu ársskýrslu. Var hún fyrst sýnd hér utan Danmerkur, en búizt

var við, að hún yrði síðan lánuð til fleiri landa, og héðan var hún

send til Noregs. Sýningin var haldin í Bogasalnum og enn fremur

öllum innsta hluta anddyrisins, og var þiljað fyrir framan hann og

svo allt umhverfis til þess að fá veggrými. Á sýningunni voru margs

konar hlutir, sem fundizt hafa í norrænu byggðunum á Grænlandi,

svo og stórar ljósmyndir og skýringarmyndir, og allt til samans var

þetta mjög vel fallið til þess að varpa ljósi yfir daglegt líf og háttu

manna á Grænlandi á miðöldum og endalok byggðarinnar þar. Sýn-

ingin var opnuð 10. febrúar og stóð til 3. marz. Við opnun sýningar-

innar voru forseti Islands, ráðherrar og sendiherrar og f jöldi annarra

boðsgesta. Þjóðminjavör'ður flutti ávarp, en menntamálaráðherra opn-

aði sýninguna. Safnið bauð Knud J. Krogh arkitekt að vera við opnun

sýningarinnar, og hjálpaði hann allmikið til við að leggja síðustu

hönd á hana. Einnig flutti hann ávarp við opnunina, en hinn 12.

febr. flutti hann opinbert erindi um Grænlandsrannsóknir. Erindið

var flutt í Háskólanum, en á vegum Þjóðminjasafnsins.

Grænlandssýningin er myndarlegasta sérsýning, sem safnið hefur

haldið fram að þessu. Hún vakti mikla athygli og gestafjöldi var

óvenjulega mikill. Sérstakar þakkir ber áð færa Þjóðminjasafninu í

Kaupmannahöfn fyrir þá miklu velvild að lána þessa sýningu hingað,

og eiga yfirvöld þess safns og margir starfsmenn þar óskiptan hlut

að máli.

Safnið veitti sem oft áður ýmiss konar fyrirgreiðslu með lán á

hlutum á sýningar innan lands og utan. Allmargt gripa var lánað á