Fréttir - 11.07.1918, Blaðsíða 4

4
FRETTIR
Hvað er í tréttum?
„VilIemoes“
er enn í Ameríku. Hefur ekki
enn fengið steinolíuna, sem hann
átti að flytja. Kvað standa á leyfi
olíufélagsins sjálfs um að láta olí-
una af hendi, og því miður litlar
líkur til, að það fáist i bráð. —
Komið hefur til mála, að skipið
verði sent hingað með venjulegan
kaupmanna-varning, ef ekki greið-
ist úr með olíuna.
„Sterling“
var væntanlegur til Ísaíjarðar
kl. 11 í dag.
„Borg“
fór frá Akureyri í gærmorgun.
Kemur við á Reykjarfirði og Dýra-
firði.
Stefnnskrá
Alþýðusambands Islands í sam-
bandsmálinu, er birt er í »Dags-
brún« 9. þ. m., hafði verið sam-
þykt með 11 atkv. af 15 er á fundi
voru, og að birta hana hafði verið
samþykt með 8 atkv. gegn 7 atkv.
Bókbindarafélagið
samþykti á fundi í gærkvöldi,
að segja sig úr Alþýðusambandi
íslands, út af samþykt þess í sam-
bandsmálinu, er birt er i »Dags-
brún« 9. þ. m.
Kappleiknrinn
milli Fálkamanna og Víkings í
gærkvöldi fór svo, að Víkingur
vann með einu marki á móti engu.
Voru Fálkamenn auðsjáanlega ekki
nógu samæfðir sem ekki var held-
ur von, en innan um voru þó menn,
sem auðsjáanlega höfðu talsverða
leikni. Víkingar voru snarari í
snúningum og gerðu snarpari á-
hlaup, en voru ekki nógu duglegir
er nálgaðist markið. — Að leikn-
um loknum settust báðir flokkar
að drykkju á Skjaldbreið.
Blómið blóðrauða
hin heimsfræga verðlaunasaga
Joh. Linnankosky, er nú kemur út
á 10. tungumálum, hefst nú aftur
í »Fréttum«, og kemur við og við,
— framh. úr 1. árg. blaðsins.
Veðrið.
Sama hæga norðanáttin með
bjartviðri. Loftkuldi all-mikill fyrir
norðan land og austan.
Skallagrímur
fer í dag til Englands og mun
hafa póst meðferðis.
íslendingur
fór norður í fyrradag. Með hon-
um tóku sér far frú Herdís Matt-
híasdóttir og frú Sigríður Einars-
dóttir frá Hofi.
»Tjarnargatið«
Svo kallaði einhver á dögunum
bil það, sem veganefndin stöðugt
lætur standa ófylt eða óbrúað á
veginum yfir tjörnina. Sjást þess
enn engin merki að hafist verði
handa áð gera þessa leið færa og
er einlægt kent um skorti á brú-
arefni. Stungið hefur verið upp á
að fylla bilið og hlaða eina eða
tvær mjóar rennur fyrir vatns-
renslið. Mundi það duga fyrst um
sinn, þangað til tilbærilegt þykir
að gera brú þarna, sem vart mun
verða fyrstu árin.
Oullfaxi.
Vélbát með þessu nafni höfðu
þeir Jón Laxdal kaupm. og H.
Debell framkv.stj. látið smíða í
Korsor á Sjálandi. Var hann nú
á leið hingað og búinn að vera
sem svarar tveim vikum á ferð-
inni frá Kaupmannahöfn, er kaf-
bátur hitti hann nálægt Færeyjum
og sökti honum. Á bátnum vita
menn ekki að verið hafi aðrir en
skipstjórinn Sölvi Víglundarson,
Jón Collin og einhver þriðji maður,
og björguðust þeir á báti til lands
í Færeyjum eftir 18 tíma hrakn-
inga. Eftir því lengdar- og breidd-
arstigi að dæma, er þeir voru á,
er þeir kveðast hafa hitt kafbátinn,
þá hafa þeir verið utan bannsvæðis
þess, er Þjóðverjar hafa sjálfir á-
kveðið.
Ný bók
hefur ritstj. Frétta verið send:
Hræður, I. eftir Sig. Heiðdal, út-
gef. félagið »HIynur«, Rvík 1918.
Aðalumboðsmaður Arinbjörn Svein-
bjarnarson. Bókin er 265 bls. í
8vo. í þessu nýja skáldsagnasafni
höf. er ein saga: Jón á Vatnsenda.
Bókin er heft í prýðilega snotra
litprentaða kápu með efnistáknmynd
framan á. — Höf. er mjög góð-
kunnur orðinn fyrir »Stiklur« sín-
ar, svo vænta má góðs af þessari
bók. Mun nánar verða frá henni
sagt síðar í blaði voru.
Sjóðböð
iðka nú ýmsir suður við Skerja-
fjörð, og segja að sjávarhitinn sé
orðinn nægur. Sundskálinn kvað
samt ekki vera svo þrifalegur að
hægt sé að nota hann, og munu
því flestir kjósa að klæða sig úr
og í undir berum himni.
Vatnslaust
var sumstaðar í bænum í gær,
að minsta kosti í Skólavörðu-
hverfinu og Óðinsgötu. Af hverju
það stafar er ekki uppvíst orðið.
Ef lokað er fyrir vatnið án fyrir-
vara, þá er slíkt óafsakanlegt
skeytingaleysi, en ef það skyldi
vera fyrir vatnsskort, að vatnið
ekki nær til hinna hærra liggjandi
staða, þá mun það að líkindum
stafa af of-eyðslu af vatni við
fiskþvott og verður að hafa ein-
hvern hemil á slíku. Þar sem ætla
má, að vatnseyðsla sé yfir hóf fram,
ætti að setja vatnsmæla og haga
gjaldinu eftir eyðslunni. —Hvernig
er það með vatnsgeyminn, sem
bygður var með ærnum kostnaði?
Reynist hann ekki alveg gagnslaus?
Eru ekki sömu vatnsvandræðin
eftir sem áður?
Aðalfundur íslandsbanka
var haldinn 1. júlí. Formaður
fulltrúaráðsins Jón Magnússon for-
sætisráðherra setti fundinn. Fund-
arstjóri var kosinn Eggert Briem
yfirdómari.
Atkvæðamiðar höfðu verið gefnir
út fyrir 6205 atkvæðum.
Þetta var gert:
1. Forsætisráðherra skýrði fyrir
hönd fulltrúaráðsins frá starfsemi
bankans síðastliðið ár og las upp
skýrslu fulltrúaráðsinshéraðlútandi.
2. Lagður fram reikningur árið
1917. Tillögur um skiftingu arðs-
ins, eins og þær eru prentaðar í
reikningnum samþyktar í einu hljóði.
3. Bankastjórn gefin kvittun fyrir
reikningsskilum með öllum greidd-
um atkvæðum.
4. P. O. A. Andersen Statsgjælds-
direktör, sem ganga átti úr fulltrúa-
ráðinu, var endurkosinn með öll-
um greiddum atkvæðum.
5. Háyfirdómari Kristján Jóns-
son endurkosinn sem endurskoð-
unarmaður af hluthafa hálfu.
6. Rætt var um seðlaútgáfurétt
bankans. Kom öllum saman um
að hann væri allsendis ófullnægj-
andi til að fullnægja viðskiftaþörf-
inni, og að úr þessu yrði að bæta.
Skoraði fundurinn á bankastjórn-
ina að gera nauðsynlegar ráðstaf-
anir til aukningar á seðlaútgáfu-
réttinum eftir því sem viðskifta-
þörfin krefur. — Bankastjórn
jafnframt gefið samningaumboð í
þessu efni.
7. Rætt var um aukning á hluta-
fé bankans, samkvæmt áðurgefinni
heimild í þvi efni.
Stórt
íbúðarhús
laust til ibúðar, til sölu með að-
gengilegum kjörum. A. v. á.
Prentsmiðjan Gutenberg.
Uppboð.
Um 100 pokar kartöflur, dálítið skemdar, verða
seldar næstk. föstudag kl. 1 eftir hádegi fyrir neðan
vörugeymsluhús »Kol og salt« á uppfyllingunni. — Fyrir
þá, sem geta tekið kartöflurnar heim til sín og strax
aðskilið þær, eru þær án efa mikils virði.
Ólafur Benjamínsson.
Es. Gullfoss.
Duglegur og vanur bryti (Restauratör),
sem getur tekið að sér matsöluna um borð
í GULLFOSSI fyrir eigin reikning. öskast.
Hf. Ejm$kipafélag Í$lartd5.
Kambar og greiður
fást hjá
Clausensbræðrum.
<JCe i ta r Rarlaugar og Rölé 6öé
fást ásamt massage, sunnudaga ekki siður en virka
daga, á Hótel Island. Simi 394. Viðtalstími kl. 12-6.
cffiassacjQlœRnir Suémunóur cPáÍursson.